ກະຊວງພບປະກາດການຈັດຕັ້ງຂັ້ນພະນັກງານນຳພາ-ຄຸ້ມຄອງ

ເລຂາຄະນະພັກລັດຖະມົນຕີກະຊວງພະລັງງານແລະບໍ່ແຮ່ແລະພາກສ່ວນທີ່ກ່ຽວຂ້ອງເຂົ້າຮ່ວມ.

ໃນພິທີ, ທ່ານນາງວິໄລພິລາວົງຮອງຫົວໜ້າກົມຄຸ້ມຄອງພະນັກງານຄະນະຈັດຕັ້ງສູນກາງພັກໄດ້ຜ່ານດຳລັດຂອງນາຍົກລັດຖະມົນຕີວ່າດ້ວຍການແຕ່ງຕັ້ງພະນັກງານນໍາພາ-ຄຸ້ມຄອງຂັ້ນຫົວໜ້າກົມແລະຫົວໜ້າສະຖາບັນຈຳນວນ 4 ທ່ານຄື: ທ່ານນາງແສງເດືອນວົງອິນວ່າການຫົວໜ້າກົມຈັດຕັ້ງແລະພະນັກງານຂຶ້ນເປັນຫົວໜ້າກົມຈັດຕັ້ງແລະພະນັກງານ,ທ່ານບຸນຍົງສີດາວົງຮັກສາການຫົວໜ້າກົມຄຸ້ມຄອງບໍ່ແຮ່ຂຶ້ນເປັນຫົວໜ້າກົມຄຸ້ມຄອງບໍ່ແຮ່,ທ່ານນາງສັນຕິສຸກພິມພະຈັນຮັກສາການຫົວໜ້າກົມນະໂຍບາຍແລະແຜນພະລັງງານຂຶ້ນເປັນຫົວໜ້າກົມນະໂຍບາຍແລະແຜນພະລັງງານ, ທ່ານອານຸສັກພົງສະຫວັດວ່າການຫົວໜ້າສະຖາບັນຄົ້ນຄວ້າພະລັງງານແລະບໍ່ແຮ່ຂຶ້ນເປັນຫົວໜ້າສະຖາບັນຄົ້ນຄວ້າພະລັງງານແລະບໍ່ແຮ່.

ໃນຕອນທ້າຍຂອງພິທີ,ທ່ານໂພໄຊໄຊຍະສອນໄດ້ມີຄຳເຫັນໂອ້ລົມວ່າ: ການປັບປຸງກົງຈັກການຈັດຕັ້ງແລະການສັບຊ້ອນ,ຈັດວາງບຸກຄະລາກອນແມ່ນວຽກງານທີ່ສໍາຄັນຂອງແນວທາງການຈັດຕັ້ງຂອງພັກເຮົາຊຶ່ງເນື້ອແທ້ກໍແມ່ນການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ການຜັນຂະຫຍາຍມະຕິກອງປະຊຸມວຽກງານຈັດຕັ້ງທົ່ວປະເທດມາເປັນອັນລະອຽດ, ເປັນຕົ້ນແມ່ນການຈັດຕັ້ງປະຕິບັດຕາມຄຳສັ່ງເລກທີ 190 ຂອງຄະນະເລຂາທິການສູນກາງພັກແລະຄໍາແນະນຳເລກທີ 01 ຂອງລັດຖະບານວ່າດ້ວຍການປັບປຸງການຈັດຕັ້ງຂອງບັນດາກະຊວງ-ອົງການແລະທ້ອງຖິ່ນຕາມທິດ “ກະທັດຮັດ, ໂປ່ງໃສແລະສອດຄ່ອງກັບສະພາຕົວຈິງ”.

(ຂ່າວ-ພາບ: ສຳນານ,ຂໍ້ມູນຈາກກະຊວງພບ)