ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 3 ເມສາ ຜ່ານມາ ເກີດເຫດແຜ່ນດິນໄຫວຢູ່ ໄຕ້ຫວັນ (ຈີນ) ໃນເວລາ 7 ໂມງ 58 ນາທີ ໃນຕອນເຊົ້າຂອງວັນທີ 3 ເມສາ ຕາມເວລາທ້ອງຖິ່ນ. ເຫດແຜ່ນດິນໄຫວດັ່ງກ່າວໄດ້ເຮັດໃຫ້ໄຟຟ້າຂາດຢູ່ຫຼາຍບ່ອນ ແລະ ມີຜູ້ເສຍຊີວິດ, ຮັບບາດເຈັບ ແລະ ຕິດຄ້າງຢູ່ໃນຊາກອາຄານ.
ຂ່າວລະບຸວ່າ: ຕາມໂຕເລກສະຖິຕິຫຼ້າສຸດຂອງອົງການດັບເພີງໃນເກາະ, ໄລ່ຮອດຕອນບ່າຍຂອງວັນທີ 3 ເມສາ, ມີຈຳນວນຜູ້ເສຍຊີວິດ 10 ຄົນ, ຫຼາຍກວ່າ 934 ຄົນໄດ້ຮັບບາດເຈັບ ແລະ ຫຼາຍກວ່າ 56 ຄົນຍັງຕິດຄ້າງຢູ່ໃນຊາກອາຄານ. ບັນດາກໍລະນີເສຍຊີວິດ ແລະ ຕິດຄ້າງລ້ວນແຕ່ຢູ່ເມືອງຫົວຫຼຽນ, ສະຖານທີ່ໃຈກາງຂອງເຫດແຜ່ນດິນໄຫວ. ທ່ານ ເຄືອທ໋າຍວັນ ອະດີດຜູ້ອຳນວຍການສູນພະຍາກອນແຜ່ນດິນໄຫວຂຶ້ນກັບອົງການອຸຕຸນິຍົມໄຕ້ຫວັນ ໃຫ້ຮູ້ວ່າ: ເຫດແຜ່ນດິນໄຫວມີຄວາມແຮງ 7,2 ຣິດເຕີ ມີກຳລັງແຮງເທົ່າກັບລູກສອນໄຟປະລະມານູປະມານ 32 ໜ່ວຍ ແລະ ຍັງອາດຈະເກີດສະພາບສັ່ນສະເທືອນທີ່ມີຄວາມແຮງ 6,5 – 7 ຣິດເຕີ ໃນເວລາ 3-4 ວັນຈະມາເຖິງ.
ຄໍາເຫັນ