ແລະ ສະຫາຍ ພອຍຄຳ ຮຸ່ງບຸນຍວງ ເລຂາພັກແຂວງ ເຈົ້າແຂວງໄຊສົມບູນ, ມີແຂກຖືກເຊີນຈາກສູນກາງ ແລະ ແຂວງເຂົ້າຮ່ວມ.
ໃນກອງປະຊຸມ ໄດ້ຜ່ານຮ່າງບົດລາຍງານການເມືອງ ທັງ 2 ພາກ, ຮ່າງແຜນພັດທະນາຂອງສະຫະພັນນັກຮົບເກົ່າແຂວງ ໄລຍະ 5 ປີ (2025-2030), ຮ່າງບົດສຳຫຼວດການນໍາພາລວມ. ຕະຫຼອດໄລຍະ 5 ປີ ຜ່ານມາສະຫະນັກຮົບເກົ່າແຕ່ລະຂັ້ນ ໄດ້ເອົາໃຈໃສ່ວຽກງານສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານລັດຖະກອນເປັນກົກ ດ້ວຍການປຸກລະດົມສະມາຊິກນັກຮົບເກົ່າ, ເສີ່ມຂະຫຍາຍທາດແທ້ມູນເຊື້ອປະຕິວັດ, ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເຂົ້າຮ່ວມຄົ້ນຄວ້າເຊື່ອມຊຶມແນວທາງ, ແຜນນະໂຍບາຍ, ມະຕິກອງປະຊຸມໃຫຍ່ຂອງພັກ, ກົດໝາຍ, ຄຳສັ່ງຂອງພັກ, ລັດຖະທຳມະນູນ, ແຜນພັດທະນາເສດຖະກິດ-ສັງຄົມແຫ່ງຊາດ, ມະຕິກອງປະຊຸມໃຫຍ່ຜູ້ແທນສະຫະພັນນັກຮົບເກົ່າ ທົ່ວປະເທດ ຄັ້ງທີ lV ແລະ ມູນເຊື້ອຂອງຊາດ, ຂອງພັກ, ວັນປະຫວັດສາດສໍາຄັນຕ່າງໆ ໂດຍສະເພາະ ໄດ້ໂຄສະນາ-ປະຊາສຳພັນ ຜ່ານສື່ຂ່າວມວນຊົນ ໃນແຕ່ລະໄລຍະ ອອກອາກາດທາງສະຖານີ-ວິທະຍຸ, ໂທລະພາບ, ໜັງສືພິມ-ວາລະສານ ແລະ ສື່ອອນລາຍ. ສໍາເລັດການຈັດຕັ້ງປະຕິບັດນະໂຍບາຍ ໂຄງການປຸກສ້າງເຮືອນທີ່ຢູ່ອາໃສ ໃຫ້ຄອບຄົວນັກຮົບເກົ່າຜູ້ທຸກຍາກໄດ້ 1 ຫຼັງ, ມອບໃຫ້ຄອບຄົວ ສະຫາຍ ພັຕ ຝາເຢຍຢ່າງ ຢູ່ບ້ານນໍ້າຄ້ຽນເມືອງຮົ່ມ ແລະ ດ້ານອື່ນໆ ກໍມີຜົນສໍາເລັດ.
ໃນໂອກາດນີ້, ຜູ້ແທນສົມບູນ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະບໍລິຫານງານສະຫະພັນນັກຮົບເກົ່າ ແຂວງໄຊສົມບູນ ຊຸດໃໝ່ ຊຶ່ງມີຜູ້ສະໝັກທັງໝົດ 10 ສະຫາຍ, ຍິງ 1 ສະຫາຍ, ເລືອກເອົາ 8 ສະຫາຍ, ຍິງ 1 ສະຫາຍ. ກອງປະຊຸມຄັ້ງປະຖົມມະລຶກ ໄດ້ເປັນເອກະສັນເລືອກເອົາ ສະຫາຍ ພັທ ສົມພອນ ເຮືອງມະນີວັນ ເປັນປະທານ, ສະຫາຍ ພັທ ຄໍາມະນີ ທິບພະວົງ ເປັນຮອງປະທານ ທັງເປັນປະທານກວດກາ, ສະຫາຍ ພັທ ນາງ ນວນຈັນ ວັນລາວົງ ເປັນຮອງປະທານ ແລະ ສະຫາຍ ພັຕ ເຊັ່ງເຮີ່ ແລວເຊີ ເປັນຮອງປະທານກວດກາ. ພ້ອມນີ້ ຍັງໄດ້ເລືອກເອົາຜູ້ແທນສົມບູນ ຈຳນວນ 8 ສະຫາຍ ຍິງ 1 ສະຫາຍ ແລະ ສໍາຮອງ 1 ສະຫາຍ ໄປຮ່ວມກອງປະຊຸມໃຫຍ່ຜູ້ແທນຄະນະບໍລິຫານງານສະຫະພັນນັກຮົບເກົ່າແຫ່ງຊາດລາວ.
(ພາບ-ຂ່າວ: ນາງ ຟອງ)
ຄໍາເຫັນ