ຄຳມ່ວນ ປະກາດຜູ້ອຳນວຍການໃໝ່ ລັດວິສາຫະກິດນໍ້າປະປາແຂວງ

11:06 16/09/2026

ພິທີປະກາດການຈັດຕັ້ງ ບໍລິສັດລັດວິສາຫະກິດນໍ້າປະປາແຂວງຄຳມ່ວນ ຈັດຂຶ້ນວັນທີ 15 ກັນຍາ 2026 ທີ່ພະແນກ ຍທຂ ແຂວງຄໍາມ່ວນ ໃຫ້ກຽດເປັນປະທານຂອງ ທ່ານ ສາຍຄຳ ພະໄຊສິດທິເດດ ຫົວໜ້າຄະນະຈັດຕັ້ງແຂວງ, ມີ ທ່ານ ໂພໄຊ ຂັດຕິຍະລາດ ຫົວໜ້າພະແນກ ຍທຂ ແຂວງ ພ້ອມດ້ວຍແຂກຖຶກເຊີນ ແລະ ບັນດາພະນັກງານ-ວິຊາການເຂົ້າຮ່ວມ.

ຄຳມວນ ປະກາດຜອຳນວຍການໃໝ ລດວສາຫະກດນາປະປາແຂວງ - image 1

ໃນພິທີ ໄດ້ຜ່ານບົດສະຫຼຸບຜົນການດຳເນີນງານ 6 ເດືອນຕົ້ນປີ ແລະ ແຜນງານທ້າຍປີ 2026 ຂອງລັດວິສາຫະກິດນໍ້າປະປາແຂວງ. ຈາກນັ້ນ ຕາງໜ້າຄະນະຈັດຕັ້ງແຂວງໄດ້ປະກາດຂໍ້ຕົກລົງເລກທີ 201, 202 ແລະ 203/ຄປຂ ວ່າດ້ວຍການອະນຸມັດໃຫ້ພະນັກງານອອກພັກການຮັບອຸດໜູນບຳນານ ປະກອບມີ ທ່ານ ຂັນເງິນ ແສງອ່ຽມ ອະດີດອຳນວຍການບໍລິສັດລັດວິສາຫະກິດນໍ້າປະປາແຂວງຄໍາມ່ວນ, ທ່ານ ພູທອນ ສຸລິຍົງ ແລະ ທ່ານ ຄຳເຫວີຍ ໄຕຍະວົງ ອະດີດຮອງອຳນວຍການ. ອອກພັກການ-ຮັບອຸດໜູນບໍານານ ແຕ່ວັນທີ 1 ມີຖຸນາ 2026. ພ້ອມນີ້ ໄດ້ປະກາດຂໍ້ຕົກລົງເລກທີ 548 ແລະ 549/ຄປຂ ວ່າດ້ວຍການແຕ່ງຕັ້ງຜູ້ອຳນວຍການ ແລະ ຄະນະອຳນວຍການ ບໍລິສັດລັດວິສາຫະກິດນໍ້າປະປາ ແຂວງຄໍາມ່ວນ ຊຸດໃໝ່ ໂດຍແຕ່ງຕັ້ງ: ທ່ານ ສຸລະພົງ ພາບຸດດີ ຫົວໜ້າພາກສ່ວນການຄ້າລັດວິສາຫະກິດນໍ້າປະປາແຂວງ, ເປັນອຳນວຍການ; ແຕ່ງຕັ້ງ ທ່ານ ເພັດພອນມະນີ ທຳມະວົງ ຮອງຫົວໜ້າຂະແໜງເຄຫາ-ຜັງເມືອງ ແລະ ນໍ້າປະປາ ພະແນກ ຍທຂ ເປັນຮອງອຳນວຍການ; ທ່ານ ນາງ ວິໄລພອນ ສີດາວົງ ຫົວໜ້າພາກສ່ວນການເງິນນໍ້າປະປາ ລັດວິສາຫະກິດນໍ້າປະປາແຂວງ ເປັນຮອງອຳນວຍການ, ທ່ານ ຄຳປະສິດ ສິນເທບພະວົງ ຫົວໜ້າພາກສ່ວນສະຖິຕິ-ແຜນການ ລັດວິສາຫະກິດນໍ້າປະປາແຂວງ ເປັນຮອງອຳນວຍການ.

ທ່ານ ສາຍຄຳ ພະໄຊສິດທິເດດ ໄດ້ໃຫ້ກຽດມອບຂໍ້ຕົກລົງ ແລະ ໂອ້ລົມຊີ້ນຳຄະນະອຳນວຍການຊຸດ

ໃໝ່ ໃຫ້ເອົາໃຈໃສ່ນຳພາພະນັກງານປະຕິບັດແຜນງານຕາມມະຕິກອງປະຊຸມ, ຈັດວາງໜ້າທີ່ຢ່າງຈະແຈ້ງ, ປັບປຸງການຄຸ້ມຄອງຊັບສິນ-ລາຍຈ່າຍ ແລະ ຍົກສູງຄຸນນະພາບວຽກງານວິຊາສະເພາະ. ພ້ອມກັນນີ້ ໃຫ້ຄະນະອຳນວຍການຊຸດໃໝ່ສືບຕໍ່ສານຕໍ່ຜົນງານຂອງຄະນະຊຸດເກົ່າ, ເພີ່ມທະວີສາມັກຄີພາຍໃນ, ນໍາພາການຜະລິດ-ບໍລິການໃຫ້ບັນລຸຄາດໝາຍ ແລະ ສ້າງຜົນສຳເລັດໃນການພັດທະນານໍ້າປະປາແຂວງຄຳມ່ວນ.ຂ່າວ: ມະນີວັນ-ພາບ: ກອງຄໍາ

ຄໍາເຫັນ

ຂ່າວວັດທະນະທຳ-ສັງຄົມ

ໜ່ວຍກຳມະບານ ໜ່ວຍຄະນະໂຄສະນາອົບຮົມ ເມືອງປະທຸມພອນ ປະເມີນ 5 ເປັນເຈົ້າ

16/09/2026 11:38

ວັນທີ 15 ກັນຍາ 2026, ໜ່ວຍກຳມະບານ ໜ່ວຍຄະນະໂຄສະນາອົບຮົມ ເມືອງປະທຸມພອນ ແຂວງ ຈຳປາສັກ ໄດ້ຈັດກອງປະຊຸມປະເມີນການຈັດຕັ້ງ-ປະຕິບັດຂໍ້ແຂ່ງຂັນ “5 ເປັນເຈົ້າ” ປະຈຳປີ 2026 ພ້ອມທັງກຳນົດທິດທາງ, ແຜນການ ແລະ ແນວທາງການດຳເນີນງານໃນປີ 2027 ຂຶ້ນທີ່ຫ້ອງປະຊຸມຂອງຫ້ອງການ.

6 ເດືອນ ຕົ້ນປີອົງການກາແດງແຂວງຫຼວງພະບາງ ສໍາເລັດການສ້າງຄວາມເຂັ້ມແຂງ 10 ກິດຈະກໍາ

16/09/2026 11:27

ວັນທີ່ 15 ກັນຍາ 2026 ນີ້ ທີ່ຫ້ອງປະຊຸມຂອງຫ້ອງການສະຫະພັນແມ່ຍີງແຂວງຫຼວງພະບາງ ໄດ້ຈັດກອງປະຊຸມສະຫຼຸບ 6 ເດືອນຕົ້ນປີຂອງ ການຈັດຕັ້ງປະຕິບັດກິດຈະກໍາ ໂຄງການສ້າງຄວາມເຂັ້ມແຂງໃຫ້ອົງການກາແດງແຂວງ ມີຄວາມພ້ອມການໃຫ້ຄວາມຊ່ວຍເຫຼືອໃນຍາມສຸກເສີນ ແລະສົ່ງເສີມສຸຂະພາບໃນຊຸມຊົນ (REACH) 6 ເດືອນ ຕົ້ນປີ ແລະວາງແຜນການຕໍ່ໜ້າ ພາຍໃຕ້ການສະໜັບສະໜູນທືນຂອງອົງການກາແດງສະວິດສ໌, ໂດຍເປັນປະທາານຂອງ ທ່ານ ນາງ ຈັນທະໜອມ ມະນີທີບ ຮອງປະທານອົງການກາແດງແຫ່ງຊາດລາວ, ມີຜູ້ຕາງໜ້າພາກສ່ວນກ່ຽວຂ້ອງຈາກສູນກາງ, ແຂວງ ແລະເມືອງເປົ້າໝາຍ ເຂົ້າຮ່ວມ.

ປກຊ-ປກສ ເອົາໃຈໃສ່ວຽກງານປ້ອງກັນກອງປະຊຸມ 3RC-CCM ທີ່ ສປປ ລາວ ໄດ້ຮັບກຽດເປັນເຈົ້າພາບ

16/09/2026 10:32

ໃນໂອກາດທີ່ ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (3RC-CCM) ໃນລະຫວ່າງວັນທີ 14-18 ກັນຍານີ້, ທີ່ຫໍປະຊຸມແຫ່ງຊາດນະຄອນຫຼວງວຽງຈັນ, ກໍາລັງເຈົ້າໜ້າທີ່ວິຊາສະເພາະປ້ອງກັນຊາດ ແລະ ປ້ອງກັນຄວາມສະຫງົບ (ປກຊ-ປກສ) ໄດ້ນຳກຳລັງເລົ່າຮົບວິຊາສະເພາະລົງປະຈຳການຢູ່ຈຸດປ້ອງກັນຮອບດ້ານ ໃນການຍົກລະດັບມາດຕະການຮັກສາຄວາມສະຫງົບ, ຄວາມປອດໄພ ແລະ ຄວາມເປັນລະບຽບຮຽບຮ້ອຍຢ່າງເຂັ້ມງວດ.

ອພສ ແຂວງຄໍາມ່ວນເປັນເຈົ້າພາບຈັດຝຶກອົບຮົມການບໍລິຫານຫ້ອງການ

14/09/2026 15:24

ຫ້ອງການບໍລິຫານງານ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ ຮ່ວມກັບ ອົງການພຸດທະສາສະໜາສັມພັນລາວ ( ອພສ ) ແຂວງຄໍາມ່ວນ ໄດ້ຈັດຝຶກອົບຮົມວຽກງານຄຸ້ມຄອງເອກະສານຂຶ້ນລະຫວ່າງວັນທີ 14 – 18 ກັນຍາ 2026 ຢູ່ທີ່ສະໂມສອນ ຫ້ອງວ່າການປົກຄອງເມືອງທ່າແຂກ , ໂດຍການເປັນປະທານ ພະອາຈານ ອະທິປະໄຕ ໄມຕີຈິດ ຮອງປະທານສູນກາງອົງການພຸດທະສາສະໜາສັມພັນລາວ ທັງເປັນຫົວໜ້າຫ້ອງການບໍລິຫານງານ ສູນກາງອົງການພຸດທະສາສະໜາສັມພັນລາວ, ພະອາຈານ ວັນເພັນ ໄຊຍະສອນ ປະທານ ອພສ ແຂວງຄໍາມ່ວນ,ທ່ານ ແກ້ວວິໄລ ໄຊຍະບຸດ ຄະນະປະຈໍາພັກແຂວງ, ປະທານແນວລາວສ້າງຊາດແຂວງ , ທ່ານ ລາຕີ ພິມມະຈັກ ຮອງຫົວໜ້າກົມເອກະສານແຫ່ງຊາດ ຫ້ອງວ່າການສຳນັກງານນາຍົກລັດຖະມົນຕີ, ມີຄະນະ ອພສ ແຂວງບໍລິໄຊ, ແຂວງວຽງຈັນ, ແຂວງໄຊສົມບູນ, ຄະນະບໍລິຫານງານ ອພສ ແຂວງຄໍາມ່ວນ , ຄະນະ ອພສ ເມືອງ 10 ຕົວເມືອງ, ຕາງໜ້າພາກສ່ວນກ່ຽວຂ້ອງ ເຂົ້າຮ່ວມ .

ເຈົ້າໜ້າທີ່ຕໍາຫຼວດຈະລາຈອນ ອໍານວຍຄວາມສະດວກໃຫ້ຜູ້ແທນທີ່ເຂົ້າຮ່ວມກອງປະຊຸມ CCM

14/09/2026 14:42

ເພື່ອເປັນການອໍານວຍຄວາມສະດວກໃນການສັນຈອນໄປ-ມາ ໃຫ້ຜູ້ແທນທີ່ເດີນທາງເຂົ້າຮ່ວມກອງປະຊຸມທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (CCM) ທີ່ ສປປ ລາວໄດ້ຮັບກຽດເປັນເຈົ້າພາບຈັດຂຶ້ນໃນລະຫວ່າງວັນທີ 14-18 ກັນຍານີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ(ນວ) ເຈົ້າໜ້າທີ່ຕຳຫຼວດຈະລາຈອນ ກົມໃຫຍ່ຕໍາຫຼວດ ຮ່ວມກັບເຈົ້າໜ້າທີ່ຕໍາຫຼວດຈະລາຈອນ ນວ ໄດ້ນໍາກຳລັງລົງປະຈຳການຢູ່ຈຸດຕ່າງໆ ເພື່ອອຳນວຍຄວາມສະດວກໃນການສັນຈອນໄປ-ມາ ໂດຍສະເພາະຢູ່ຈຸດດ້ານໜ້າຫໍປະຊຸມແຫ່ງຊາດ.

ຜູ້ອຸທິດຕົນຮັບໃຊ້ສັງຄົມ ໃນວຽກງານເກັບກູ້ລະເບີດບໍ່ທັນແຕກ

14/09/2026 14:18

ວຽກງານເກັບກູ້ລະເບີດບໍ່ທັນແຕກ (UXO) ເປັນວຽກງານໜຶ່ງທີ່ມີບົດບາດຄວາມສຳຄັນ ເຕັມໄປດ້ວຍຄວາມສ່ຽງ ແລະ ຄວາມທ້າທາຍ ແຕ່ທ່ານ ນາງ ເພັງຈັນ ສີປະເສີດ ພະນັກງານແພດສະໜາມປະຈຳໜ່ວຍງານ AC1 ໄດ້ອຸທິດຕົນປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງ ນັບແຕ່ປີ 1999 ເປັນຕົ້ນມາຈົນເຖິງປັດຈຸບັນ ເພື່ອຄວາມປອດໄພຊີວິດການເປັນຂອງຢູ່ປະຊາຊົນພາຍໃນແຂວງຫຼວງພະບາງ.

ລາວ ມີຄວາມມຸ່ງຫວັງອັນແຮງກ້າ ຢາກໃຫ້ປະຊາຄົມໂລກຮ່ວມມືກັນ

14/09/2026 13:43

ທ່ານ ອານຸພາບ ວົງໜໍ່ແກ້ວ ຮອງລັດຖະມົນຕີກະຊວງການຕ່າງປະເທດ ໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ໃນວັນທີ 13 ກັນຍາຜ່ານມາ ທີ່ສະໜາມເກັບກູ້ລະເບີດ ບ້ານພິກໃຫຍ່ ນະຄອນ-ຫຼວງພະບາງ ແຂວງຫຼວງພະບາງ ຊຶ່ງມີຄໍາຖາມວ່າ: ການຈັດກອງປະຊຸມຄັ້ງນີ້, ທາງການລາວຢາກຝາກຄຳຮຽກຮ້ອງຫຍັງສູ່ປະຊາຄົມໂລກ?.

ກະລຶມ ເອົາໃຈໃສ່ ສົ່ງເສີມການຜະລິດ ແລະ ຟື້ນຟູຜົນປະທົບຈາກໄພພິບັດ

14/09/2026 13:18

ໃນໄລຍະຜ່ານມາ, ເມືອງກະລຶມ ໄດ້ສຸມໃສ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໂດຍຖືເອົາການຊຸກຍູ້ສົ່ງເສີມການຜະລິດກະສິກໍາ (ປູກຝັງ-ລ້ຽງສັດ) ຕິດພັນກັບການປັບປຸງ, ຟື້ນຟູ ແລະ ກໍ່ສ້າງພື້ນຖານໂຄງລ່າງ ເປັນຕົ້ນ, ເສັ້ນທາງຄົມມະນາຄົມ, ລະບົບນໍ້າປະປາຊຸມຊົນ ແລະ ລະບົບຊົນລະປະທານ ທີ່ໄດ້ຮັບຜົນກະທົບຈາກໄພພິບັດທາງທໍາມະຊາດ ເພື່ອສ້າງເງື່ອນໄຂອໍານວຍຄວາມສະດວກການດໍາລົງຊີວິດ ຂອງປະຊາຊົນໃຫ້ດີຂຶ້ນ.

ເລຂາພັກແຂວງຄໍາມ່ວນ ໂອ້ລົມ ຄະນະກຳມະການປົກຄອງ 44 ຕາແສງທົ່ວແຂວງ

14/09/2026 13:10

ສະຫາຍ ໄຊຊະນະ ໂຄດພູທອນ ເລຂາພັກແຂວງຄໍາມ່ວນ ໄດ້ມີຄຳເຫັນໂອ້ລົມ ຕໍ່ຄະນະກຳມະການປົກຄອງ44 ຕາແສງທົ່ວແຂວງຄໍາມ່ວນ, ໃນວັນທີ 14 ກັນຍານີ້ ທີ່ ສະໂມສອນຫຼັກ 4 ໂດຍມີສະຫາຍ ສົມສະອາດ ອຸ່ນສີດາ ປະທານຄະນະກຳມະການປົກຄອງແຂວງຄໍາມ່ວນ, ມີການນໍາຂອງແຂວງ, ການນໍາຂອງເມືອງ ແລະ ຄະນະກຳປະການປົກຄອງຕາແສງໃນທົ່ວແຂວງເຂົ້າຮ່ວມ.

ແຂວງວຽງຈັນສະຫຼຸບວຽກງານຈັດຕັ້ງ ແລະ ການປົກຄອງ ໄລຍະ 5 ປີ

14/09/2026 13:05

ກອງປະຊຸມສະຫຼຸບວຽກງານຈັດຕັ້ງ ແລະ ການປົກຄອງ ໄລຍະ 5 ປີ (2021-2025) ແລະ ກຳນົດທິດທາງ 5 ປີ (2026-2030) ທົ່ວແຂວງວຽງຈັນ ໄດ້ຈັດຂຶ້ນໃນວັນທີ 14-15 ກັນຍາ 2026 ໂດຍການເປັນປະທານຂອງ ສະຫາຍ ພູທະນູເພັດ ໄຊສົມບັດ ກຳມະການສູນກາງພັກເລຂາຄະນະບໍລິຫານງານພັກແຂວງປະທານສະພາປະຊາຊົນແຂວງວຽງຈັນ, ມີບັນດາສະຫາຍຄະນະປະຈຳພັກແຂວງ, ກຳມະການພັກແຂວງ, ເລຂາ,ຮອງເລຂາພັກເມືອງແລະພາກສ່ວນກ່ຽວຂ້ອງເຂົ້າຮ່ວມ.

ເພີ່ມເຕີມ