ມາຮອດປັດຈຸບັນຊາວນາໃນທົ່ວແຂວງໄດ້ປູກເຂົ້າສຳເລັດແລ້ວ ( ນາລວມ ) ໃນເນື້ອທີ່ 91,471 ເຮັກຕາ ຫຼື ເທົ່າກັບ 97.20% ຂອງເນື້ອທີ່ແຜນການທັງໝົດ. ໃນນັ້ນນາຫວ່ານປະຕິບັດໄດ້ 29,599 ເຮັກຕາ ເທົ່າກັບ 31% ຂອງເນື້ອທີ່ແຜນການທົ່ວແຂວງ, ນາດໍາປະຕິບັດໄດ້ 61,873 ເຮັກຕາ ເທົ່າກັບ 65.75% ຂອງເນື້ອທີ່ແຜນການທົ່ວແຂວງ. ໃນນັ້ນ,ເນື້ອທີ່ແຜນການປູກເຂົ້າເພື່ອເປັນສະບຽງອາຫານປະຕິບັດໄດ້ 52,852 ເຮັກຕາ ເທົ່າກັບ 97.30%; ເນື້ອທີ່ແຜນການປູກເຂົ້າເພື່ອເປັນສິນຄ້າປະຕິບັດໄດ້ 38,620 ເຮັກຕາ ເທົ່າກັບ 97.08%.
ສໍາລັບເມືອງທີ່ມີເນື້ອທີ່ແຜນປູກເຂົ້ານາປີຫຼາຍແມ່ນປະກອບມີເມືອງໜອງບົກ, ທ່າແຂກ, ມະຫາໄຊ, ໄຊບົວທອງ, ຫີນບູນ,ຍົມມະລາດ ແລະ ເມືອງເຊບັ້ງໄຟຕາມລໍາດັບເຊິ່ງການປູກເຂົ້າຂອງຊາວນາໃນແຕ່ລະເຂດຂອງແຂວງຄໍາມ່ວນສ່ວນຫຼາຍແມ່ນສຸມໃສ່ນາຫວ່ານເນື່ອງຈາກວ່າມີຂໍ້ດີຫຼາຍຢ່າງເປັນຕົ້ນແມ່ນປະຢັດແຮງງານ,ປະຢັດຕົ້ນທຶນການຜະລິດ,ປະຢັດເວລາ ແລະ ມີຄວາມທົນທານຕໍ່ສະພາບແລ້ງ-ຖ້ວມ ເພາະຕົ້ນເຂົ້າໄດ້ເຕີບໃຫຍ່ເຂັ້ມແຂງ.
ສໍາລັບການປູກເຂົ້າເນີນສູງສໍາເລັດໃນເນື້ອທີ່ 302 ເຮັກຕາ, 2 ມີເມືອງຄື: ເມືອງບົວລະພາ 130 ເຮັກຕາ, ເມືອງນາກາຍ 172 ເຮັກຕາ.
ຂ່າວ-ພາບ : ແດງສະຫວັດ ແສນພານິດ
ຄໍາເຫັນ