 |
ມາຮອດປັດຈຸບັນສາມາດປູກເຂົ້າ (ນາລວມ) ໄດ້ 50,828 ເຮັກຕາ ຫຼື ເທົ່າກັບ 54.01% ຂອງເນື້ອທີ່ແຜນການທັງໝົດ. ໃນນັ້ນນາຫວ່ານປະຕິບັດໄດ້ 28,249 ເຮັກຕາ ເທົ່າກັບ 30%, ນາດໍາປະຕິບັດໄດ້ 22,579 ເຮັກຕາ ເທົ່າກັບ 23.99% . ສໍາລັບການປູກເຂົ້າເປັນສະບຽງອາຫານປະຕິບັດໄດ້ 29,982 ເຮັກຕາ ເທົ່າກັບ 55.20% ຂອງເນື້ອທີ່ແຜນການ, ການປູກເຂົ້າເປັນສິນຄ້າປະຕິບັດໄດ້ 20,846 ເຮັກຕາ ເທົ່າກັບ 52.40% ຂອງເນື້ອທີ່ແຜນການ, ເມືອງທີ່ມີເນື້ອທີ່ແຜນການປູກເຂົ້ານາປີຫຼາຍກວ່າໝູ່ແມ່ນເມືອງໜອງບົກ, ເມືອງທ່າແຂກ, ເມືອງມະຫາໄຊ ແລະ ເມືອງໄຊບົວທອງຕາມລໍາດັບ.
 |
ການປູກເຂົ້າຂອງຊາວນາໃນແຕ່ລະເຂດໃນແຂວງຄໍາມ່ວນນັ້ນສ່ວນຫຼາຍແມ່ນສຸ່ມໃສ່ນາຫວ່ານເນື່ອງຈາກວ່າມີຂໍ້ດີຫຼາຍຢ່າງເປັນຕົ້ນແມ່ນປະຢັດແຮງງານ,ປະຢັດຕົ້ນທຶນການຜະລິດ ແລະ ປະຢັດເວລາ. ສໍາລັບການປູກເຂົ້າເນີນສູງສໍາເລັດໃນເນື້ອທີ່ 302 ເຮັກຕາ, ມີ 02 ເມືອງຄື: ເມືອງບົວລະພາ 130 ເຮັກຕາ, ເມືອງນາກາຍ 172 ເຮັກຕາ.
ຂ່າວ-ພາບ: ແດງສະຫວັດ ແສນພານິດ
ຄໍາເຫັນ