ແລະ ພາວເວີຊາຍນາ ໄດ້ຈັດງານແຂ່ງຂັນກິລາບານເຕະ ຟຸດຊໍ ມິດຕະພາບ ລະຫວ່າງພາກລັດ ແລະ ຜູ້ພັດທະນາໂຄງການພະລັງງານລົມ ມອນຊູນວິນ 600 ເມກາວັດ (MW) ຊິງຂັນ ປະທານບໍລິສັດພະລັງງານລົມມອນຊູນວິນ ແລະ ພາວເວີຊາຍນາ, ໂດຍການເຂົ້າຮ່ວມຂອງ ທ່ານ ບຸນຫຼາຍ ບຸດທິ ຮອງເລຂາພັກແຂງ ຜູ້ປະຈໍການເຈົ້າແຂວງເຊກອງ, ມີທ່ານ ຊາວວະລິດ ຂັນໄຊຍະພູມ ຜູ້ອໍານວຍການບໍລິສັດມອນຊູນວິນ ພາວເວີ ຈໍາກັດ, ມີທ່ານ ຊຸນຊາງຈຽງ ຜູ້ບໍລິຫານ ບໍລິສັດ ພາວເວີຊາຍນາ ຈໍາກັດ ພ້ອມດ້ວຍຕາງໜ້າບໍລິສັດຜູ້ພັດທະນາໂຄງການ ພະລັງງານລົມມອນຊູນວິນ ແລະ ນັກກິລາຈາກພາກລັດ ເຂົ້າຮ່ວມ.
ທ່ານ ລຳພັນ ແກ້ວມະຫາໄຊ ຮອງຫົວໜ້າພະແນກພະລັງງານ ແລະ ບໍ່ແຮ່ ແຂວງ ໃຫ້ຮູ້ວ່າ: ການແຂ່ງຂັນກິລາໃນຄັ້ງນີ້, ປະກອບມີທີມນັກກິລາຈາກພາກລັດ 8 ທີມ ທີ່ມາຈາກພະແນກພະລັງງານແລະ ບໍ່ແຮ່ ແຂວງເຊກອງ, ອັດຕະປື, ຫ້ອງວ່າການແຂວງເຊກອງ, ເມືອງດາກຈຶງ, ພະແນກກະສິກຳ ແລະ ປ່າໄມ້ ແຂວງເຊກອງ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ພະແນກໂຍທາທິການ ແລະ ຂົນສົ່ງແຂວງ ພ້ອມດ້ວຍ ທີມນັກກິລາຈາກບໍລິສັດຜູ້ພັດທະນາໂຄງການພະລັງງານລົມມອນຊູນວິນ 8 ທີມ ລວມເປັນ 16 ທີມເຂົ້າຮ່ວມແຂ່ງຂັນ ໂດຍລາງວັນທີ 1 ມີເງີນລາງວັນ ຈໍານວນ 15 ລ້ານກີບ ພ້ອມຂັນ 1 ໜ່ວຍ.
(ຂ່າວ:ພຸດທະສອນ)
ຄໍາເຫັນ