ພິທີເປີດຊຸດຮຽນທິດສະດີການການເມືອງຂັ້ນກາງ ຮຸ່ນທີII ແຂວງວຽງຈັນ ໄດ້ຈັດຂຶ້ນໃນວັນທີ 4 ມັງກອນ 2024 ຢູ່ທີ່ໂຮງຮຽນທິດສະດີການເມືອງ-ການປົກຄອງແຂວງ, ໃຫ້ກຽດເຂົ້າຮ່ວມຂອງທ່ານ ພູວົງ ອຸ່ນຄຳແສນ ກຳມະການສູນກາງພັກ ຫົວໜ້າສະຖາບັນການເມືອງແລະການປົກຄອງແຫ່ງຊາດ, ທ່ານນາງ ຈັນທະບູນ ໂພສະລາດ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງວຽງຈັນ, ທ່ານ ຫຸມພັນ ເມືອງແສນ ຫົວໜ້າອຳນວຍການໂຮງຮຽນທິດສະດີການເມືອງ-ການປົກຄອງແຂວງວຽງຈັນ, ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ທອງວັນ ຈັນດາລາ ຮອງຫົວໜ້າອໍານວຍການໂຮງຮຽນທິດສະດີການເມືອງແລະການປົກຄອງແຂວງວຽງຈັນ ໄດ້ຂຶ້ນຜ່ານແຜນການຈັດຕັ້ງປະຕິບັດການຮຽນການສອນ ຊຸດຮຽນທິດສະດີການເມືອງຂັ້ນກາງ ຮຸ່ນທີII ວ່າ: ການຮຽນ-ການສອນໃນຊຸດຮຽນນີ້ ໃຊ້ເວລາຮຽນທັງໝົດ 6 ເດືອນ ເທົ່າກັບ 145 ວັນ, ໃນນັ້ນ ເວລາຮຽນຕົວຈິງ 103 ວັນ, ທີ່ເຫຼືອແມ່ນເຄື່ອນໄຫວກິດຈະກຳ, ໄປທັດສະນະສຶກສາ ແລະ ວັນພັກຕ່າງໆ. ລວມມີວິຊາຮຽນທັງໝົດ 13 ວິຊາ, ແບ່ງອອກເປັນ 7 ກຸ່ມວິຊາຮຽນ ແລະ ຂຽນບົດຈົບຊັ້ນ, ລວມທັງໝົດ ເທົ່າກັບ720 ຊົ່ວໂມງ.
ໂອກາດນີ້ທ່ານ ພູວົງ ອຸ່ນຄໍາແສນ ໄດ້ມີຄຳເຫັນໂອ້ລົມ ວ່າ: ການຮຽນທິດສະດີການເມືອງແມ່ນມີຄວາມສຳຄັນທີ່ສຸດສຳລັບພະນັກງານ-ລັດຖະກອນທີ່ຢູ່ໃນຕຳແໜ່ງນຳພາຄຸ້ມຄອງ ກໍຄືພະນັກງານສືບທອດປ່ຽນແທນຢູ່ຂັ້ນທ້ອງຖິ່ນຮາກຖານ ສະນັ້ນມັນຈຶ່ງມີຄວາມຈຳເປັນຢ່າງຍິ່ງທີ່ຈະຕ້ອງໄດ້ຮຽນຮູ້ ເພື່ອປັບປຸງຄວາມໜັກແໜ້ນທາງດ້ານທິດສະດີການເມືອງ ກຳແໜ້ນແນວທາງນະໂຍບາຍ ມະຕິຄຳສັ່ງຂອງພັກ, ຝຶກຝົນຕົນເອງໃນການຮຽນຮູ້ທິດສະດີ ສົມທຽບກັບພຶດຕິກຳຕົວຈິງ, ມີທັດສະນະຫລັກໝັ້ນ ຊົນຊັ້ນກຳມະກອນຢ່າງແທ້ຈິງ.
ທ່ານ ນາງ ຈັນທະບູນ ໂພສະລາດ ໄດ້ຂຶ້ນກ່າວເປີດຊຸດຮຽນທິດສະດີການເມືອງຂັ້ນກາງຮຸ່ນທີII ພ້ອມທັງໄດ້ຮຽກຮ້ອງມາຍັງນັກສຶກສາທຸກທ່ານຈົ່ງເອົາໃຈໃສ່ ສຶກສາຮ່ຳຮຽນຄວາມຮູ້ຈາກຄູອາຈານ ໂດຍສະເພາະ ຄວາມຮູ້ດ້ານທິດສະດີການເມືອງ-ການປົກຄອງ ແນວຄິດໄກສອນພົມວິຫານ ເພື່ອມາໝູນໃຊ້ປະຕິບັດໜ້າທີ່ວຽກງານຂອງຕົນໃຫ້ເກີດຜົນປະໂຫຍດສູງສຸດ.
ຂ່າວ: ຖວທ ແຂວງວຽງຈັນ
ທ່ານ ທອງວັນ ຈັນດາລາ ຮອງຫົວໜ້າອໍານວຍການໂຮງຮຽນທິດສະດີການເມືອງແລະການປົກຄອງແຂວງວຽງຈັນ ໄດ້ຂຶ້ນຜ່ານແຜນການຈັດຕັ້ງປະຕິບັດການຮຽນການສອນ ຊຸດຮຽນທິດສະດີການເມືອງຂັ້ນກາງ ຮຸ່ນທີII ວ່າ: ການຮຽນ-ການສອນໃນຊຸດຮຽນນີ້ ໃຊ້ເວລາຮຽນທັງໝົດ 6 ເດືອນ ເທົ່າກັບ 145 ວັນ, ໃນນັ້ນ ເວລາຮຽນຕົວຈິງ 103 ວັນ, ທີ່ເຫຼືອແມ່ນເຄື່ອນໄຫວກິດຈະກຳ, ໄປທັດສະນະສຶກສາ ແລະ ວັນພັກຕ່າງໆ. ລວມມີວິຊາຮຽນທັງໝົດ 13 ວິຊາ, ແບ່ງອອກເປັນ 7 ກຸ່ມວິຊາຮຽນ ແລະ ຂຽນບົດຈົບຊັ້ນ, ລວມທັງໝົດ ເທົ່າກັບ720 ຊົ່ວໂມງ.
ໂອກາດນີ້ທ່ານ ພູວົງ ອຸ່ນຄໍາແສນ ໄດ້ມີຄຳເຫັນໂອ້ລົມ ວ່າ: ການຮຽນທິດສະດີການເມືອງແມ່ນມີຄວາມສຳຄັນທີ່ສຸດສຳລັບພະນັກງານ-ລັດຖະກອນທີ່ຢູ່ໃນຕຳແໜ່ງນຳພາຄຸ້ມຄອງ ກໍຄືພະນັກງານສືບທອດປ່ຽນແທນຢູ່ຂັ້ນທ້ອງຖິ່ນຮາກຖານ ສະນັ້ນມັນຈຶ່ງມີຄວາມຈຳເປັນຢ່າງຍິ່ງທີ່ຈະຕ້ອງໄດ້ຮຽນຮູ້ ເພື່ອປັບປຸງຄວາມໜັກແໜ້ນທາງດ້ານທິດສະດີການເມືອງ ກຳແໜ້ນແນວທາງນະໂຍບາຍ ມະຕິຄຳສັ່ງຂອງພັກ, ຝຶກຝົນຕົນເອງໃນການຮຽນຮູ້ທິດສະດີ ສົມທຽບກັບພຶດຕິກຳຕົວຈິງ, ມີທັດສະນະຫລັກໝັ້ນ ຊົນຊັ້ນກຳມະກອນຢ່າງແທ້ຈິງ.
ທ່ານ ນາງ ຈັນທະບູນ ໂພສະລາດ ໄດ້ຂຶ້ນກ່າວເປີດຊຸດຮຽນທິດສະດີການເມືອງຂັ້ນກາງຮຸ່ນທີII ພ້ອມທັງໄດ້ຮຽກຮ້ອງມາຍັງນັກສຶກສາທຸກທ່ານຈົ່ງເອົາໃຈໃສ່ ສຶກສາຮ່ຳຮຽນຄວາມຮູ້ຈາກຄູອາຈານ ໂດຍສະເພາະ ຄວາມຮູ້ດ້ານທິດສະດີການເມືອງ-ການປົກຄອງ ແນວຄິດໄກສອນພົມວິຫານ ເພື່ອມາໝູນໃຊ້ປະຕິບັດໜ້າທີ່ວຽກງານຂອງຕົນໃຫ້ເກີດຜົນປະໂຫຍດສູງສຸດ.
ຂ່າວ: ຖວທ ແຂວງວຽງຈັນ
ຄໍາເຫັນ