ແຂວງຢຸນນານ ມີຫ້ອງອາຫານສໍາລັບນົກຂຽນຄໍດໍາ

ແຂວງຢຸນນານ ມີຫ້ອງອາຫານສໍາລັບນົກຂຽນຄໍດໍາ
ຢູ່ສະຖານີປົກປ້ອງເຫີງເຫີ (Henghe) ຂອງເຂດສະຫງວນທໍາມະຊາດ ລະດັບແຂວງ ທີ່ປົກປ້ອງນົກຂຽນຄໍດໍາ ຊຸນຕ້ຽນ (Xundian) ແຂວງຢຸນນານ, ທ່ານ ສືຊາວກົວ (Shi Shaoguo) ຫົວໜ້າໜ່ວຍລາດຕະເວນກໍາລັງກວດເບິ່ງກ້ອງວົນຈອນປິດ ທີ່ຕິດຕາມຮ່ອງຮອຍຂອງນົກຂຽນຄໍດໍາ ຢູ່ໃນຄອມພິວເຕີ, ທ່ານໄດ້ຕັ້ງໃຈຕິດຕາມຮອຍຕີນຂອງນົກຂຽນຄໍດໍາຢ່າງລະອຽດ. “1,2,3... ມີນົກຂຽນຄໍດໍາ 46 ໂຕ ກໍາລັງພັກຜ່ອນ ແລະ ຊອກຫາອາຫານ ຢູ່ຕາມທົ່ງນາ”.
“ໃນຊຸມປີ 1990, ເມືອງຊຸນຕ້ຽນ ໄດ້ມີ ນົກຂຽນຄໍດໍາ ຫຼາຍຮ້ອຍໂຕ. ໃນຕອນນັ້ນ, ພໍ່ຂ້ອຍ ຍັງເປັນພະນັກງານເຝົ້າຮັກສາປ່າໄມ້, ໃນທົ່ວເມືອງຊຸນຕ້ຽນ ກໍມີພຽງແຕ່ລາວຄົນດຽວ ທີ່ຮັບຜິດຊອບວຽກງານປົກປ້ອງນົກຂຽນຄໍດໍາ.” ຕໍ່ມາ ປີ 2017, ທ່ານ ສືຊາວກົວ ໄດ້ສືບທອດພາລະໜ້າທີ່ຂອງພໍ່, ມາເຮັດວຽກຢູ່ສະຖານີປົກປ້ອງ. ປັດຈຸບັນນີ້ ມີພະນັກງານລາດຕະເວນ ທັງໝົດ 10 ທ່ານ ໄດ້ເຂົ້າຮ່ວມຖັນແຖວປົກປ້ອງນົກຂຽນຄໍດຳ.
“ໄປ! ໄປລາດຕະເວນ!” ຕັ້ງແຕ່ເຊົ້າ, ທ່ານ ສືຊາວກົວ ກໍໄດ້ຈັບອຸປະກອນອອກໄປ ລາດຕະເວນຢູ່ໃນປ່າແລ້ວ. ເສັ້ນທາງທີ່ໄປລາດຕະເວນໃນເດືອນກຸມພາ ແມ່ນມີລົມທັງແຮງທັງໜາວ. ທຸກມື້ພະນັກງານລາດຕະເວນຕ້ອງໄດ້ໄປລາດຕະເວນ 2-3 ເທື່ອ, ປະຈໍາການຕະຫຼອດ 24 ຊົ່ວໂມງ, ວັນທ້າຍສັບປະດາ ແລະ ມື້ບຸນຕ່າງໆກໍຄືກັນ. ນອກຈາກການລາດຕະເວນແລ້ວ, ພະນັກງານຍັງຕ້ອງກຽມໝາກສາລີໄວ້ໃຫ້ນົກຂຽນຄໍດໍາອີກ.
ທ່ານ ຫວັງໂຍເຕີ (WangYoude) ພະນັກງານລາດຕະເວນ ກ່າວວ່າ: “ໝາກສາລີ ແມ່ນພວກເຮົາປູກເອງ, ນອກນັ້ນຍັງມີ “ຫ້ອງອາຫານສຳລັບນົກຂຽນຄໍດໍາ” ແຫ່ງໜຶ່ງ!” “ຫ້ອງອາຫານນົກຂຽນຄໍດໍາ” ທີ່ພວກເຂົາເວົ້ານັ້ນ ກໍແມ່ນສູນທົດລອງທີ່ສ້າງຕັ້ງຂຶ້ນໃນປີ 2017, ສູນທົດລອງດັ່ງກ່າວ ມີເນື້ອທີ່ປະມານ 3 ເຮັກຕາ ຊຶ່ງໄດ້ປູກມັນຝຣັ່ງ, ເຂົ້າຊາຣາແຊງ ແລະ ຜັກກາດຫົວ.
ທ່ານ ມ່າຊິງປິງ (Ma Qingbing) ຮອງຫົວໜ້າຫ້ອງການປົກປ້ອງນົກຂຽນຄໍດໍາເມືອງຊຸນຕ້ຽນ ກ່າວວ່າ: “‘ຫ້ອງອາຫານສຳລັບນົກຂຽນຄໍດໍາ’ ດ້ານໜຶ່ງຈະສາມາດຫຼີກລ່ຽງ ບໍ່ໃຫ້ນົກຂຽນຄໍດໍາ ມາທໍາລາຍພືດພັນທັນຍະຫານຂອງປະຊາຊົນ, ອີກດ້ານໜຶ່ງກໍສາມາດຮັບປະກັນໃຫ້ນົກຂຽນຄໍດໍາມີອາຫານຫຼາຍຢ່າງ, ພ້ອມທັງຫຼີກລ່ຽງ ບໍ່ໃຫ້ນົກຂຽນຄໍດໍາຂາດອາຫານການກິນໃນລະດູໜາວ.”
ຕາມຂ່າວໃຫ້ຮູ້ວ່າ: ດິນທາມພູພຽງແຂວງຢຸນນານ ເປັນທີ່ຢູ່ພັກເຊົາໃນລະດູໜາວທີ່ສໍາຄັນສຳລັບນົກຂຽນຄໍດໍາ. ຕາມການຕິດຕາມສໍາຫຼວດໃຫ້ຮູ້ວ່າ: ໃນຊຸມປີຜ່ານມາ, ຈໍານວນນົກຂຽນຄໍດໍາ ທີ່ມາພັກເຊົາຢູ່ແຂວງຢຸນນານໃນລະດູໜາວ ໄດ້ເພີ່ມຂຶ້ນທຸກປີ, ປັດຈຸບັນ ໄດ້ມີຫຼາຍກວ່າ 3.000 ໂຕແລ້ວ.
ແຫຼ່ງຂ່າວ: ໜັງສືພິມລາຍວັນ Guangming

ຄໍາເຫັນ

ຂ່າວຕ່າງປະເທດ

ຢູວີ້ໄຊ ຊຸກຍູ້ການຮ່ວມມືກັບຄູ່ຮ່ວມງານອາຊຽນ

ຢູວີ້ໄຊ ຊຸກຍູ້ການຮ່ວມມືກັບຄູ່ຮ່ວມງານອາຊຽນ

ທ່ານ ຫຼີເສເວີນ ຮອງຜູ້ອຳນວຍການໃຫຍ່ກຸ່ມບໍລິສັດ ຢູວີ້ໄຊ ໄດ້ລາຍງານກ່ຽວກັບສະຖານະການຮ່ວມມືພັດທະນາລະຫວ່າງ ຢູວີ້ໄຊ ກັບອາຊຽນວ່າ: ຢູວີ້ໄຊ ໄດ້ສືບຕໍ່ຂຸດຄົ້ນຕະຫຼາດທ້ອງຖິ່ນຢ່າງເລິກເຊິ່ງ ແລະ ເພີ່ມທະວີການຮ່ວມມືກັບຄູ່ຮ່ວມງານອາຊຽນໃນດ້ານຜະລິດຕະພັນ, ເຕັກໂນໂລຊີ, ການຜະລິດ ແລະ ການບໍລິການ ແລະ ປັດຈຸບັນ, ຜະລິດຕະພັນຂອງ ຢູວີ້ໄຊ ໄດ້ກວມເຖິງຫຼາຍກວ່າ 180 ປະເທດ ແລະ ພາກພື້ນທົ່ວໂລກ. ຮອດທ້າຍເດືອນກັນຍາ 2026, ຈຳນວນເຄື່ອງຈັກ ຢູວີ້ໄຊ ທີ່ມີຢູ່ຕ່າງປະເທດມີຫຼາຍກວ່າ 950,000 ໜ່ວຍ, ໃຫ້ບໍລິການຢ່າງກວ້າງຂວາງໃນຂົງເຂດການຂົນສົ່ງ, ເຄື່ອງຈັກກໍ່ສ້າງ, ເຄື່ອງມືກະສິກຳ, ເຮືອ ແລະ ການຜະລິດໄຟຟ້າ ເປັນຕົ້ນ.
ສິງກະໂປ ເປີດໂຄງການລະດົມທຶນ 500 ລ້ານໂດລາ

ສິງກະໂປ ເປີດໂຄງການລະດົມທຶນ 500 ລ້ານໂດລາ

ສຳນັກຂ່າວສານຊິນຮວາລາຍງານໃນວັນທີ 11 ພະຈິກ ຜ່ານມາວ່າ: ຖະແຫຼງການຮ່ວມຈາກສຳນັກງານເລຂາທິການແຫ່ງຊາດກ່ຽວກັບການປ່ຽນແປງສະພາບອາກາດຂອງສິງກະໂປ, ອົງການເງິນຕາສິງກະໂປ ຫຼື ທະນາຄານກາງ ແລະ ອົງການວິສາຫະກິດສິງກະໂປ (Enterprise Singapore) ໃນວັນທີ 10 ພະຈິກ ຜ່ານມາ ໄດ້ລະບຸການດຳເນີນໂຄງການລະດົມການລົງທຶນເພື່ອເສີມສ້າງຄວາມເຂັ້ມແຂງໃຫ້ແກ່ລະບົບກະສິກຳ - ອາຫານ ຂອງພາກພື້ນອາຊີຕາເວັນອອກສ່ຽງໃຕ້ ໃນການຮັບມືກັບການປ່ຽນແປງສະພາບອາກາດ.
ຍອດ​​ໜີ້​ສິນ​ບັດ​ສິນ​ເຊື່ອ​ຂອງອາ​ເມ​ຣິ​ກາ ​ເພີ່ມ​ຂຶ້ນເປັນ​ສະ​ຖິ​ຕິ​ໃໝ່​

ຍອດ​​ໜີ້​ສິນ​ບັດ​ສິນ​ເຊື່ອ​ຂອງອາ​ເມ​ຣິ​ກາ ​ເພີ່ມ​ຂຶ້ນເປັນ​ສະ​ຖິ​ຕິ​ໃໝ່​

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 11 ພະຈິກ ຜ່ານມາວ່າ: ອີງ​ຕາມ​ບົດ​ລາຍ​ງານ​ໜີ້​ສິນ​ຄົວ​ເຮືອນສະ​ບັບຫຼ້າ​ສຸດ​ທີ່​ FED ​ນິວຢອກ ສະຫະລັດ ອາ​ເມ​ຣິ​ກາ​ ເປີດ​ເຜີຍ​ໃນວັນ​ທີ 10 ພະ​ຈິກ​ ຜ່ານມາ ສະ​ແດງ​ໃຫ້​ເຫັນ​ວ່າ: ໄຕ​ມາດ​ທີ 3 ​ຂອງປີ​ນີ້, ຍອດໜີ້​ສິນ​ບັດ​ສິນ​ເຊື່ອ​ຂອງ​ ສະຫະລັດ ອາ​ເມ​ຣິ​ກາ ​ເພີ່ມ​ຂຶ້ນ 22 ຕື້​ໂດ​ລາ, ​ເຮັດ​ໃຫ້​ຍອດ​ລວມ​ໜີ້​ດັ່ງ​ກ່າວ​ຢູ່​ທີ່ 1,290 ໂດ​ລາ ຊຶ່ງ​ເປັນ​ສະ​ຖິ​ຕິ​ໃໝ່, ເພີ່ມ​ຂຶ້ນ 4.2% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ກາຍ​ນີ້.
ກຳປູເຈຍ ຢືນຢັນຄຳໝັ້ນສັນຍາຂອງຕົນໃນການຕໍ່ສູ້ກັບການຄ້າມະນຸດ

ກຳປູເຈຍ ຢືນຢັນຄຳໝັ້ນສັນຍາຂອງຕົນໃນການຕໍ່ສູ້ກັບການຄ້າມະນຸດ

ສຳນັກຂ່າວສານຊິນຮວາລາຍງານໃນວັນທີ 10 ພະຈິກ ຜ່ານມາວ່າ: ຄະນະກຳມະການແຫ່ງຊາດຕ້ານການຄ້າມະນຸດຂອງກຳປູເຈຍ (NCCT) ໄດ້ຢືນຢັນຄຳໝັ້ນສັນຍາຂອງກຳປູເຈຍໃນການກຳຈັດການຄ້າມະນຸດທຸກຮູບແບບໂດຍຜ່ານການບັງຄັບໃຊ້ກົດໝາຍຢ່າງເຂັ້ມງວດ ເພື່ອຕ້ານການຄ້າມະນຸດ ແລະ ການຂູດຮີດທາງເພດ.
ມູນ​ຄ່າການ​ຄ້າ​ຕ່າງ​ປະ​ເທດ​ຂອງ​ຈີ​ນ​ໃນ​ 10 ເດືອນ ​ເພີ່ມ​ຂຶ້ນ 20%

ມູນ​ຄ່າການ​ຄ້າ​ຕ່າງ​ປະ​ເທດ​ຂອງ​ຈີ​ນ​ໃນ​ 10 ເດືອນ ​ເພີ່ມ​ຂຶ້ນ 20%

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ອີງ​ຕາມໂຕ​ເລກ​ສະ​ຖິ​ຕິ​ຫຼ້າ​ສຸດ​ທີ່​ອົງ​ການ​ພາ​ສີ​ແຫ່ງ​ຊາດ​ຈີນ​ເປີດເຜີຍ​ໃນ​ວັນ​ທີ 11 ພະ​ຈິກ​ ຜ່ານມາ ​ສະ​ແດງ​ໃຫ້​ເຫັນ​ວ່າ: 10 ເດືອນ​ຂອງ​ປີ​ນີ້, ຍອດ​ມູນ​ຄ່າ​ການ​ຄ້າ​​ສິນ​ຄ້າຂາ​ເຂົ້າ-ຂາ​ອອກ​ຂອງ​ຈີນ​ເພີ່ມ​ຂຶ້ນ 20% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ກາຍ, ສືບ​ຕໍ່​​ຮັກ​ສາ​ທ່າ​ອຽງ​ເພີ່ມ​ຂຶ້ນ​ທີ່​ເຂັ້ມ​ແຂງ.
ຫວຽດນາມ ຢູ່ອັນດັບທີ 37 ຂອງໂລກ ກ່ຽວກັບກຳລັງຄວາມສາມາດແກ່ງແຍ້ງດ້ານດີຈີຕອນ

ຫວຽດນາມ ຢູ່ອັນດັບທີ 37 ຂອງໂລກ ກ່ຽວກັບກຳລັງຄວາມສາມາດແກ່ງແຍ້ງດ້ານດີຈີຕອນ

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 11 ພະຈິກ ຜ່ານມາ ຢູ່ນະຄອນຫຼວງຮ່າໂນ້ຍ, ກະຊວງວິທະຍາສາດ ແລະ ​ເຕັກ​ໂນ​ໂລ​ຊີ ຫວຽດ​ນາມ ໄດ້ຈັດພິທີປະກາດ​ຜົນການຈັດອັນດັບກຳ​ລັງ​ຄວາມ​ສາ​ມາດ​ແກ່ງ​ແຍ້ງດ້ານດີຈີຕອນ ແລະ ປັນຍາປະດິດໂລກ ປີ 2026 (WDAIR 2026) ຊຶ່ງຫວຽດນາມຖືກຈັດອັນດັບທີ 37, ການຈັດອັນດັບດັ່ງກ່າວດຳເນີນໂດຍສະຖາບັນພັດທະນາການຄຸ້ມຄອງສາ​ກົນ (IMD) ປະເທດສະວິດ.
ການ​ຂາດ​ດຸນ​ງົບ​ປະ​ມານ​ຂອງ​ລັດ​ຖະ​ບານອາ​ເມ​ຣິ​ກາ​ ບັນ​ລຸ 2,000 ຕື້​ໂດ​ລາ

ການ​ຂາດ​ດຸນ​ງົບ​ປະ​ມານ​ຂອງ​ລັດ​ຖະ​ບານອາ​ເມ​ຣິ​ກາ​ ບັນ​ລຸ 2,000 ຕື້​ໂດ​ລາ

ວິທະຍຸ, ໂທລະພາບສູນກາງຈີນ ລາຍງານວ່າ: ໃນວັນ​ທີ 9 ພະ​ຈິກຜ່ານມາ, ກະ​ຊວງ​ການ​ເງິນ ​ສະຫະລັດ ອາ​ເມ​ຣິ​ກາ​ ໄດ້​ເປີດ​ເຜີຍ​​ວ່າ: ໃນ​ປີ​ງົບ​ປະ​ມານ 2026 ທີ່ສິ້ນ​ສຸດ​ລົງ​ໃນ​ວັນ​ທີ 30 ກັນ​ຍາ​ ຜ່ານມາ, ​ລວມຍອດ​ມູນ​ຄ່າ​ການ​ຂາດ​ດຸນ​ງົບ​ປະ​ມານ​ຂອງ​ລັດ​ຖະ​ບານ ສະຫະລັດ ​ອາ​ເມ​ຣິ​ກາ​ຢູ່​ທີີ່ 2,000 ຕື້​ໂດ​ລາ, ເພີ່ມ​ຂຶ້ນ 217 ຕື້​ໂດ​ລາ ​ເມື່ອ​ທຽບ​ໃສ່​ປີກາຍ​ ຫຼື 12% ເມື່ອ​ທຽບ​ໃສ່​ປີ​ງົບ​ປະ​ມານ 2025.
ມຽນມາ ຂະຫຍາຍເວລານຳລາຍຮັບຈາກການສົ່ງອອກກັບປະເທດ

ມຽນມາ ຂະຫຍາຍເວລານຳລາຍຮັບຈາກການສົ່ງອອກກັບປະເທດ

ສຳນັກຂ່າວສານຊິນຮວາລາຍງານໃນວັນທີ 10 ພະຈິກ ຜ່ານມາວ່າ: ສື່ມວນຊົນມຽນມາລາຍງານວ່າ, ທະນາຄານກາງຂອງມຽນມາໄດ້ຂະຫຍາຍໄລຍະເວລາອະນຸຍາດໃຫ້ຜູ້ສົ່ງອອກສາມາດຮັກສາລາຍໄດ້ຈາກການສົ່ງອອກ, ໃນສ່ວນທີ່ຜູ້ສົ່ງອອກສາມາດນຳໄປໃຊ້ໄດ້ຕາມການພິຈາລະນາ, ຈາກເດີມ 30 ມື້ ເປັນ 45 ມື້.
ຍອດຂາຍໃນຂະແໜງການຜະລິດຂອງມາເລເຊຍ ເພີ່ມຂຶ້ນ 10.7%

ຍອດຂາຍໃນຂະແໜງການຜະລິດຂອງມາເລເຊຍ ເພີ່ມຂຶ້ນ 10.7%

ຂ່າວຕ່າງປະເທດລາຍງານວ່າ: ສຳນັກງານສະຖິຕິແຫ່ງຊາດມາເລເຊຍໄດ້ເປີດເຜີຍໃນວັນທີ 10 ຕຸລາ ຜ່ານມາວ່າ, ຍອດຂາຍໃນຂະແໜງການຜະລິດຂອງມາເລເຊຍໃນໄຕມາດທີສາມຂອງປີ 2026 ໄດ້ເພີ່ມຂຶ້ນ 10.7% ເມື່ອທຽບກັບປີກ່ອນ ເປັນ 553.5 ຕື້ຣິງກິດ (ປະມານ 136.62 ຕື້ໂດລາ) ຊຶ່ງເລັ່ງຂຶ້ນຈາກການຂະຫຍາຍຕົວ 9.3% ໃນໄຕມາດທີ 2 ຂອງປີ 2026.
ການສົ່ງອອກຂອງເຢຍລະມັນໃນເດືອນກັນຍາ ເພີ່ມຂຶ້ນ 2%

ການສົ່ງອອກຂອງເຢຍລະມັນໃນເດືອນກັນຍາ ເພີ່ມຂຶ້ນ 2%

ຂ່າວຕ່າງປະເທດລາຍງານວ່າ: ສຳນັກງານສະຖິຕິແຫ່ງຊາດເຢຍລະມັນລາຍງານໃນວັນທີ 9 ພະຈິກ ຜ່ານມາວ່າ,ການສົ່ງອອກຂອງເຢຍລະມັນເພີ່ມຂຶ້ນ 2% ໃນເດືອນກັນຍາ ເມື່ອທຽບກັບເດືອນກ່ອນໜ້ານີ້, ສ່ວນໃຫຍ່ແມ່ນຍ້ອນຄວາມຕ້ອງການຈາກບັນດາປະເທດສະມາຊິກສະຫະພາບເອີຣົບ (EU).
ເພີ່ມເຕີມ