 |
ໃນກອງປະຊຸມ ພະອາຈານໃຫຍ່ ອ່ອນແກ້ວ ກິຕຕີພັທໂທ ໄດ້ມີຄຳເຫັນກ່າວເປີດ ໂດຍຮຽກຮ້ອງໃຫ້ຜູ້ເຂົ້າຮ່ວມ ພ້ອມກັນປະກອບຄຳເຫັນຕໍ່ບົດສະຫຼຸບ ໂດຍສະເພາະແຜນການສືບຕໍ່ປຸກລະດົມທຶນ ເພື່ອເຮັດໃຫ້ການກໍ່ສ້າງສຳເລັດຕາມແຜນການ. ຈາກນັ້ນ ໄດ້ມີການຜ່ານບົດບັນທຶກກອງປະຊຸມຄັ້ງຜ່ານມາ ແລະຜ່ານບົດລາຍງານການກໍ່ສ້າງ ຊຶ່ງກຳລັງດຳເນີນຢູ່ໃນໄລຍະທີ 5, ປະກອບມີ 5 ໜ້າວຽກຫຼັກຄື: ວຽກຄອນກຣີດ, ວຽກກໍ່-ໂບກ, ວຽກຫຼັງຄາ-ເພດານ, ວຽກວົງກົບປະຕູ-ປ່ອງຢ້ຽມ ແລະວຽກໄຟຟ້າ, ຜ່ານການປະຕິບັດບັນດາ
ໜ້າວຽກ ໄດ້ມີການດັດແກ້ບາງດ້ານເຊັ່ນ: ວຽກອາຄານ ໄດ້ດັດແກ້ໂຄງສ້າງຫຼັງຄາ ເພີ່ມຫຼັງຄາລະບຽງທາງຂ້າງທັງສອງດ້ານ, ເພີ່ມມຸກທາງໜ້າ ແລະຫຼັງ, ປ່ຽນຂັ້ນໄດຂຶ້ນດ້ານໜ້າ ໄປຂຶ້ນດ້ານຫຼັງ, ດັດແກ້ຝາພະໜັງຈາກຝາໜາ 10 cm ເປັນ 20 cm ແລະດັດແກ້ວົງກົບປະຕູປ່ອງຢ້ຽມຈາກໜ້າ 10 cm ເປັນ 20 cm, ວຽກດອກດວງ ໄດ້ເພີ່ມຍອດຊໍ່ຟ້າ, ເພີ່ມວັນແລ່ນໃສ່ຄຸ່ຍຫຼັງຄາ, ເພີ່ມດອກດວງສີໜ້າພ້ອມຕິດແກ້ວທັງສີ່ດ້ານ, ໂດຍລວມການກໍ່ສ້າງໄດ້ດໍາເນີນຕາມແຜນວຽກທີ່ກໍານົດໄວ້ ແລະເປັນປົກກະຕິ-ຕໍ່ເນື່ອງ ຫຼາຍໜ້າວຽກໄດ້ສໍາເລັດຕາມກໍານົດເວລາທີ່ວາງໄວ້, ສາມາດປະເມີນ ຜົນສໍາເລັດລວມທັງໝົດຂອງໂຄງການ ນັບແຕ່ລົງມືກໍ່ສ້າງມາຮອດປັດຈຸບັນບັນລຸ 68% ຂອງໜ້າວຽກທັງໝົດ.
ສຳລັບທິດທາງແຜນການທີ່ຈະສູ້ຊົນສືບຕໍ່ລະດົມທຶນ ໂດຍວາງແຜນຈັດກິດຈະກຳ ເຮັດບຸນຜ້າປ່າສາມັກຄີມິດຕະພາບ ລາວ-ໄທ ໃນໄລຍະ ວັນທີ 19-20 ທັນວາ 2026 ນີ້ ຊຶ່ງຈະມີຕົວແທນພະສົງ 4 ຈັງຫວັດຈາກປະເທດໄທຄື: ອຸດອນ, ສີສະເກດ, ມະຫາສາລະຄາມ ແລະສະກົນນະຄອນ ໂດຍການປະສານສົມທົບ ກັບບັນດາພຸດທະສາສະນິກາຊົນຈາກລາວ ແລະໄທຮ່ວມເປັນເຈົ້າພາບ, ເພື່ອລະດົມທຶນສຸມໃສ່ໜ້າວຽກໃນໄລຍະ 6 ແລະໄລຍະ 7 ທີ່ໄດ້ກຳນົດໄວ້, ຄາດຄະເນວ່າ ຈະດໍາເນີນການກໍ່ສ້າງໃຫ້ສຳເລັດໃນທ້າຍປີ 2027. ໂອກາດນີ້ ໄດ້ມີການຜ່ານແຜນການຈັດບຸນຜ້າປ່າສາມັກຄີມິດຕະພາບ ລາວ-ໄທ ເພື່ອໃຫ້ຜູ້ເຂົ້າຮ່ວມໄດ້ປະກອບຄຳເຫັນ ເຮັດໃຫ້ບັນດາວຽກງານທີ່ຈະຈັດຕັ້ງປະຕິບັດໃນຕໍ່
ໜ້າ ປະສົບຜົນສຳເລັດຕາມຄາດໝາຍ, ຕອນທ້າຍ ຄະນະກຳມະການປົກຄອງແຂວງຫຼວງພະບາງ ໄດ້ມອບທຶນສົມທົບການກໍ່ສ້າງຫໍທຳມະສະພາ ຈຳນວນ 200 ລ້ານກີບ ຕາງໜ້າກ່າວມອບໂດຍ ທ່ານ ສົມພອນ ສີອຸດົມພັນ ປະທານແນວລາວສ້າງຊາດແຂວງ ແລະຮັບໂດຍ ພະອາຈານໃຫຍ່ ອ່ອນແກ້ວ ກິຕຕີພັທໂທ ປະທານ ອພສ ແຂວງ.ຂ່າວ-ພາບ: ອາພຸດເດດ ບຸບຜາ
ຄໍາເຫັນ