ຄອບຄົວການນໍາ ຢ້ຽມຊົມຫໍມູນເຊື້ອແນວລາວສ້າງຊາດ

14:31 02/09/2026

ເພື່ອເປັນການສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 76 ປີ (13 ສິງຫາ 1950 - 13 ສິງຫາ 2026) ໃນວັນທີ 31 ສິງຫາ ຜ່ານມາ ທີ່ຫໍມູນເຊື້ອແນວລາວສ້າງຊາດ ຄອບຄົວການນໍາໄດ້ເຄື່ອນໄຫວຢ້ຽມຊົມຫໍມູນເຊື້ອແນວລາວສ້າງຊາດ ນຳໂດຍທ່ານ ນາງ ວຽງເງິນ ໄຂຄຳພິທູນ ພ້ອມດ້ວຍຄະນະ ໃຫ້ການຕ້ອນ ຮັບຂອງທ່ານ ນາງ ແພງພັນ ບຸບຜາພອນ ຄະນະປະຈໍາ ຫົວໜ້າກົມໂຄສະນາສູນກາງແນວລາວສ້າງຊາດ.

ຄອບຄວການນາ ຢຽມຊມຫມນເຊອແນວລາວສາງຊາດ - image 1

ໂອກາດເຄື່ອນໄຫວຄັ້ງນີ້, ຄະນະໄດ້ວາງກະຕ່າດອກໄມ້ຢູ່ຕໍ່ໜ້າຮູບປັ້ນຫຼໍ່ຂອງທ່ານປະທານ ສຸພານຸວົງ ເພື່ອຈາລຶກຄຸນງາມຄວາມດີຂອງເພິ່ນ, ພ້ອມທັງຢ້ຽມຊົມວັດຖຸພັນທີ່ສະແດງເຖິງປະຫວັດຄວາມເປັນມາ ມູນເຊື້ອອັນສະຫງ່າລາສີ ແລະ ຜົນງານທີ່ພົ້ນເດັ່ນຂອງແນວລາວອິດສະຫຼະ ກໍຄື ແນວລາວຮັກຊາດໃນເມື່ອກ່ອນ ແລະ ແນວລາວສ້າງຊາດໃນປັດຈຸບັນ. ການຢ້ຽມຊົມຄັ້ງນີ້,

ຄອບຄວການນາ ຢຽມຊມຫມນເຊອແນວລາວສາງຊາດ - image 2

ເພື່ອເຮັດໃຫ້ບັນດາຄອບຄົວການນໍາເຊື່ອມຊຶມ ເຂົ້າໃຈແຈ້ງເຖິງມູນ ເຊື້ອປະຫວັດຄວາມເປັນມາ ການກຳເນີດ ເຕີບໃຫຍ່ຂະຫຍາຍຕົວຂອງແນວລາວອິດສະຫຼະ ແນວລາວຮັກຊາດ ແລະ ແນວລາວສ້າງຊາດ ຕະຫຼອດ 76 ປີຜ່ານມາ ຕິດພັນກັບພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ. ໃນໂອກາດດັ່ງກ່າວ, ຄະນະໄດ້ເຂົ້າຮ່ວມກິດຈະກຳ ຖາມ-ຕອບ ເພື່ອແລກປ່ຽນຄວາມຮັບຮູ້ຕື່ມອີກ.

ຄອບຄວການນາ ຢຽມຊມຫມນເຊອແນວລາວສາງຊາດ - image 3

ຂ່າວ-ພາບ: ສນຊ

ຄໍາເຫັນ

ຂ່າວວັດທະນະທຳ-ສັງຄົມ

ເລຂາພັກແຂວງ ສາລະວັນຕ້ອນຮັບ ຮອງປະທານກໍາມາທິການວັດທະນະທໍາ-ສັງຄົມ ແລະ ຊົນເຜົ່າ ສພຊ

02/09/2026 14:38

ທ່ານ ນາງ ວິລະວອນ ພັນທະວົງ ຮອງປະທານກຳມາທິການວັດທະນະທຳ-ສັງຄົມ ແລະ ຊົນເຜົ່າ ພ້ອມດ້ວຍຄະນະ ໄດ້ເຂົ້າພົບປະກັບທ່ານ ດາວວົງ ພອນແກ້ວ ກໍາມະການສູນກາງພັກເລຂາພັກແຂວງປະທານສະພາປະຊາຊົນແຂວງສາລະວັນ, ໃນວັນທີ 1 ກັນຍາຜ່ານມາ, ທີ່ ຫ້ອງວ່າການແຂວງ, ເພື່ອແຈ້ງຈຸດປະສົງໃນການລົງເຄື່ອນໄຫວວຽກງານຢູ່ແຂວງສາລະວັນ ໃນຄັ້ງນີ້, ແມ່ນເພື່ອຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໂດຍສະເພາະບັນດາຄາດໝາຍໃນຂົງເຂດວັດທະນະທຳ-ສັງຄົມ ແລະ ຊົນເຜົ່າ ປະຈຳປີ 2026 ເພື່ອເກັບກຳຂໍ້ມູນລາຍງານຕໍ່ກອງປະຊຸມຄະນະປະຈຳສະພາແຫ່ງຊາດ ແລະ ກອງປະຊຸມສະໄໝສາມັນເທື່ອທີ 2 ຂອງ ສພຊ ຊຸດທີ X ທີ່ຈະມາເຖີງນີ້.

ກອງພົນທີ 2 ເປີດຂະບວນການແຂ່ງຂັນກິລາ

02/09/2026 14:35

ໃນວັນທີ 1 ກັນຍາ ຜ່ານມາ, ກອງພົນທີ 2 ໄດ້ຈັດພິທີເປີດຂະບວນການແຂ່ງຂັນກິລາການທະຫານ ແລະ ກິລາມວນຊົນ ເພື່ອຂໍ່ານັບຮັບຕ້ອນວັນສ້າງຕັ້ງກອງພົນທີ 2 ຄົບຮອບ 45 ປີ ໂດຍການເປັນປະທານຂອງສະຫາຍ ພົນຈັດຕະວາ ຄຳຜິວ ມະນີວົງ ຫົວໜ້າການເມືອງກອງພົນທີ 2, ມີຄະນະພັກ-ຄະນະບັນຊາກອງພົນ, ຄະນະຫ້ອງ, ພະແນກການ, ອະນຸກໍາມະການແຂ່ງຂັນ, ແຂກຖືກເຊີນ ແລະ ນັກກິລາເຂົ້າຮ່ວມ.

ພົນເອກ ຄໍາລຽງ ອຸທະໄກສອນ ເຄື່ອນໄຫວເຮັດວຽກຢູ່ແຂວງອຸດົມໄຊ

02/09/2026 13:14

ໃນວັນທີ 1 ກັນຍາຜ່ານມາ, ທ່ານ ພົນເອກ ຄໍາລຽງ ອຸທະໄກສອນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ປະທານຄະນະກຳມະການຄຸ້ມຄອງໄພພິບັດຂັ້ນສູນກາງ, ທ່ານ ໂພໄຊ ໄຊຍະສອນ ກຳມະການສູນກາງພັກ, ລັດຖະມົນຕີກະຊວງແຮງງານ ແລະ ສະຫວັດ ດີການສັງຄົມ ພ້ອມດ້ວຍຫົວໜ້າກົມ-ຮອງກົມ ໄດ້ເຄື່ອນໄຫວເຮັດວຽກຢູ່ແຂວງອຸດົມໄຊ ຮ່ວມກັບຄະນະປະຈຳ, ຄະນະພັກແຂວງ, ຫົວໜ້າພະແນກ-ອົງການ, ຄະນະກຳມະການຄຸ້ມຄອງໄພພິບັດຂັ້ນແຂວງ-ເມືອງພາຍໃນແຂວງອຸດົມໄຊ.

ກອງພັນໃຫຍ່ 619 ເຜີຍແຜ່ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XII ຂອງພັກ

02/09/2026 12:50

ກອງພັນໃຫຍ່ 619 ໄດ້ຈັດກອງປະຊຸມເຜີຍແຜ່, ເຊື່ອມຊຶມມະຕິກອງປະຊຸມໃຫຍ່ ຄັ້ງທີ XII ຂອງພັກປະຊາຊົນປະຕິວັດລາວ ຂຶ້ນໃນວັນທີ 1 ກັນຍາຜ່ານມາ, ໂດຍການເປັນປະທານຂອງສະຫາຍ ພັນເອກ ລອນທອງ ສິງລືໄຊ ຫົວໜ້າການເມືອງ ກອງພັນໃຫຍ່ 619, ມີຄະນະພັກ-ຄະນະບັນຊາ, ພະແນກການ, ກອງພັນ, ກອງຮ້ອຍ ແລະ ສະມາຊິກພັກ ເຂົ້າຮ່ວມ.

ປະກາດແຕ່ງຕັ້ງຄະນະບໍລິຫານງານຊາວໜຸ່ມກອງພັນ 416

02/09/2026 12:49

ໃນວັນທີ 2 ກັນຍານີ້, ທີ່ຫ້ອງປະຊຸມກອງພັນ 416 ກອງພັນໃຫຍ່ 302 ກອງພົນທີ 3 ໄດ້ປະກາດການແຕ່ງຕັ້ງຄະນະບໍລິຫານງານຊາວໜຸ່ມ ກອງພັນ 416 ໂດຍການເປັນປະທານຂອງສະຫາຍ ພັນໂທ ຄໍາພັນ ໄຊຍະວົງສີ ກໍາມະການຄະນະພັກ, ຮອງຫົວໜ້າພະແນກການເມືອງ ກອງພັນໃຫຍ່ 302 ຜູ້ຊີ້ນໍາຂົງເຂດວຽກງານມະຫາ ຊົນ, ມີສະຫາຍ ພັນໂທ ວຽງໄຊ ດາພັນ ຫົວໜ້າການເມືອງ ກອງພັນ 416, ມີຄະນະພັກ-ຄະນະບັນຊາ, ຕາງໜ້າຂະແໜງຊາວໜຸ່ມ, ຄະນະບໍລິຫານງານ ແລະ ຄະນະໜ່ວຍຊາວໜຸ່ມເຂົ້າຮ່ວມ.

ຈັນທະບູລີ ຈັດສັນຄວາມເປັນລະບຽບຮຽບຮ້ອຍຕາມແຄມທາງ

02/09/2026 12:25

ໃນວັນທີ 31 ສິງຫາຜ່ານມາ, ຄະນະກຳມະການຈັດສັນຄວາມບໍ່ເປັນລະບຽບຮຽບຮ້ອຍເມືອງຈັນທະບູລີ ນະຄອນຫຼວງວຽງຈັນ (ນວ) ນໍາໂດຍທ່ານ ເກດສຸດາກອນ ວັດທະນາໄຊ ຮອງປະທານຄະນະກໍາມະການປົກຄອງເມືອງຈັນທະບູລີ ໄດ້ເຄື່ອນໄຫວຈັດສັນຄວາມເປັນລະບຽບຮຽບຮ້ອຍຕາມແຄມທາງ ໂດຍໄດ້ຢຶດສິນຄ້າທີ່ວາງຂາຍຊະຊາຍ ແລະ ກວມເອົາທາງຄົນຍ່າງ ໃນນັ້ນມີເສັ້ນທາງໂພນຕ້ອງເຂດບໍລິເວນຕໍ່ໜ້າໂຮງໝໍເດັກ, ໂຮງໝໍມິດຕະພາບເຊັ່ນ: ລົດຂາຍໝາກໄມ້, ລໍ້ຂາຍເສື້ອຜ້າ ແລະ ອື່ນໆ ເນື່ອງຈາກກໍ່ໃຫ້ເກີດຄວາມແອອັດ ສ່ຽງຕໍ່ການເກີດອຸບັດເຫດ ແລະ ເຮັດໃຫ້ຕົວເມືອງຂາດຄວາມເປັນລະບຽບຮຽບຮ້ອຍ.

ເຊັນສັນຍາການຮ່ວມມືພັດທະນາເຕັກນິກສະຫຼາຍໜິ້ວນອກຮ່າງກາຍ

02/09/2026 10:45

ພິທີເຊັນສັນຍາການຮ່ວມມືພັດທະນາເຕັກນິກສະຫຼາຍໜິ້ວນອກຮ່າງກາຍ ລະຫວ່າງ ໂຮງໝໍສູນກາງ 103 ກອງທັບ ແລະ ບໍລິສັດ ຕ້າຮົ້ວ ການຄ້າສາກົນ ຈໍາກັດຜູ້ດຽວ ໄດ້ຈັດຂຶ້ນໃນວັນທີ 1 ກັນຍາ 2026 ນີ້, ໂດຍການເປັນປະທານ ຂອງສະຫາຍ ພົນຈັດຕະວາ ຄຳແພງ ພູມມາແກ້ວ ຫົວໜ້າກົມເສນາຮັກ ກົມໃຫຍ່ພະລາທິການການກອງທັບ, ມີ ສະຫາຍ ພົນຈັດຕະວາ ສະແຫວງໄຊ ດາລາສາດ ຫົວໜ້າການທະຫານ ໂຮງໝໍສູນກາງ 103 ກອງທັບ, ທ່ານ ສິດປະສົງ ລູ່ພາໄຊ ປະທານ ບໍລິສັດ ຕ້າຮົ້ວ ການຄ້າສາກົນ ຈໍາກັດຜູ້ດຽວ, ມີຄະນະພັກ-ຄະນະອໍານວຍການ ແລະ ວິຊາການ ທັງສອງຝ່າຍເຂົ້າຮ່ວມ.

ກອງບັນຊາການທະຫານແຂວງຫຼວງພະບາງ ມອບເຮືອ ແລະ ອຸປະກອນ ໃຫ້ກອງບັນຊາການທະຫານແຂວງອຸດົມໄຊ

02/09/2026 10:43

ວັນທີ 1 ກັນຍາ 2026 ນີ້, ຢູ່ທີ່ສູນບັນຊາການ ກອງບັນຊາການທະຫານແຂວງອຸດົມໄຊ ໄດ້ຈັດພິທີ ມອບ-ຮັບ ເຮືອ ແລະ ອຸປະກອນ ລະຫວ່າງ ກອງບັນຊາການທະຫານແຂວງຫຼວງພະບາງ ກັບ ກອງບັນຊາການທະຫານແຂວງອຸດົມໄຊ ໂດຍການເປັນປະທານ ຂອງສະຫາຍ ພັນໂທ ບຸນທຳ ໄຊຍະຫຼວງ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງອຸດົມໄຊ, ມີສະຫາຍ ພັນໂທ ທອງສຸກ ທຳມະວົງ ຫົວໜ້າພະແນກສູ້ຮົບ ກອງບັນຊາການທະຫານແຂວງຫຼວງພະບາງ, ມີຄະນະຮັບຜິດຊອບ ແລະ ພະແນກການທີ່ກ່ຽວຂ້ອງເຂົ້າຮ່ວມ.

EDL-T “ແສງແຫ່ງຈໍາປາ”ຊ່ວຍເຫຼືອຜູ້ປະສົບໄພນໍ້າຖ້ວມໃນແຂວງ ຄຳມ່ວນ

02/09/2026 10:39

ວັນທີ 27 ສິງຫາຜ່ານມານີ້ ທີ່ຫ້ອງໂຖງຫ້ອງວ່າການແຂວງ, ບໍລິສັດ EDL-T ໄດ້ນຳສິ່ງຂອງອຸປະໂພກ-ບໍລິໂພກແລະເຂົ້າສານລວມມູນຄ່າ 150 ລ້ານກີບມາຊ່ວຍເຫຼືອຜູ້ປະສົບໄພຂອງແຂວງຄຳມ່ວນ,ເພື່ອນຳໄປຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມຢູ່ບັນດາເມືອງຂອງແຂວງຄຳມ່ວນ,ພາຍໃຕ້ໂຄງການ“ແສງແຫ່ງຈໍາປາ”ຂອງEDL-T .

ຄົ້ນຄວ້າຮ່າງຄໍາສັ່ງ ວ່າດ້ວຍການເພີ່ມທະວີວຽກງານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມ

02/09/2026 10:38

ກະຊວງປ້ອງກັນຄວາມສະຫງົບ (ປກສ) ຈັດກອງປະຊຸມຄະນະຮັບຜິດຊອບຄົ້ນຄວ້າຮ່າງຄໍາສັ່ງ ວ່າດ້ວຍການເພີ່ມທະວີວຽກງານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມ ຂຶ້ນໃນວັນທີ 2 ກັນຍານີ້, ເປັນປະທານໂດຍສະຫາຍ ພົຕ ກອງສະຫວັດ ບຸນລ້ຽງ ກຳມະການສຳຮອງສູນກາງພັກ ຮອງລັດຖະມົນຕີ ຫົວໜ້າກົມໃຫຍ່ຕໍາຫຼວດ ກະຊວງ ປກສ, ມີບັນດາຄະນະຮັບຜິດຊອບຊີ້ນໍາລວມ, ອະນຸກໍາມະການ ກອງເລຂາເນື້ອໃນການຄົ້ນຄວ້າປັບປຸງຄໍາສັ່ງ ວ່າດ້ວຍການເພີ່ມທະວີວຽກງານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມເຂົ້າຮ່ວມ.

ເພີ່ມເຕີມ