ຄວາມຮູ້ສຶກ ຂອງທ່ານ ສົມຫວັງ ພິມມະວົງ ຕໍ່ການຈາກໄປຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ

ຄວາມຮູ້ສຶກ ຂອງທ່ານ ສົມຫວັງ ພິມມະວົງ ຕໍ່ການຈາກໄປຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ

ຄວາມຮູ້ສຶກ ຂອງທ່ານ ສົມຫວັງ ພິມມະວົງ ຕໍ່ການຈາກໄປຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ
ຕໍ່ການຈາກໄປຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດແຫ່ງ ສປປ ລາວ ໃນວັນທີ 8 ສິງຫາ ຜ່ານມາ, ທ່ານ ສົມຫວັງ ພິມມະວົງ ຫົວໜ້າກົມປ່າໄມ້ ກະຊວງກະສິກຳ ແລະ ສິ່ງແວດລ້ອມ ໄດ້ສະແດງຄວາມຮູ້ສຶກວ່າ: ການຈາກໄປຂອງເພິ່ນ ຖືເປັນການສູນເສຍອັນໃຫຍ່ຫຼວງຕໍ່ພັກ, ລັດ, ສະພາແຫ່ງຊາດ, ປະຊາຊົນລາວທັງຊາດ ກໍຄືຄອບຄົວ ແລະ ຍາດຕິພີ່ນ້ອງຂອງເພິ່ນ.

 

 

ເມື່ອຫວນຄືນເຖິງພາລະກິດ ແລະ ຜົນງານຕະຫຼອດຊີວິດການເຄື່ອນໄຫວວຽກງານຂອງເພິ່ນ, ພວກເຮົາຍິ່ງສຳນຶກເຖິງຄຸນູປະການອັນໃຫຍ່ຫຼວງທີ່ເພິ່ນໄດ້ອຸທິດໃຫ້ແກ່ພາລະກິດຂອງພັກ, ລັດ, ປະເທດຊາດ ແລະ ປະຊາຊົນ. ບໍ່ວ່າໃນໜ້າທີ່ໃດທີ່ເພິ່ນໄດ້ຮັບມອບໝາຍ, ເພິ່ນໄດ້ສະແດງອອກເຖິງຄວາມໜັກແໜ້ນທາງການເມືອງ, ຄວາມຮັບຜິດຊອບ, ຄວາມເສຍສະຫຼະ ແລະ ຈິດໃຈຮັບໃຊ້ປະເທດຊາດ-ຮັບໃຊ້ປະຊາຊົນຢ່າງສຸດຄວາມສາມາດ.

ສຳລັບຂ້າພະເຈົ້າ ໃນຖານະຜູ້ປະຕິບັດໜ້າທີ່ໃນຂະແໜງປ່າໄມ້, ສິ່ງໜຶ່ງທີ່ຍັງຄົງຈົດຈຳ ແລະ ມີຄວາມໝາຍຢ່າງຍິ່ງ ແມ່ນຄວາມຫ່ວງໃຍຂອງເພິ່ນ ຕໍ່ການຄຸ້ມຄອງ, ນຳໃຊ້ ແລະ ອະນຸລັກຊັບພະຍາກອນທຳມະຊາດຂອງຊາດ. ເພິ່ນເຄີຍໃຫ້ຂໍ້ສັງເກດຕໍ່ສະພາບການນຳໃຊ້ພື້ນທີ່ປ່າໄມ້ສຳລັບກິດຈະການພັດທະນາ ລວມທັງການສຳຫຼວດ ແລະ ຂຸດຄົ້ນແຮ່ທາດ, ໂດຍເນັ້ນໃຫ້ລັດຖະບານ ແລະ ບັນດາຂະແໜງການທີ່ກ່ຽວຂ້ອງ ພິຈາລະນາຢ່າງຮອບຄອບ, ຮັດກຸມ ແລະ ຖືເອົາຜົນປະໂຫຍດລວມຂອງຊາດເປັນສຳຄັນ.

ໂດຍສະເພາະ, ເພິ່ນເຄີຍໃຫ້ຄຳເຫັນໃນແນວທາງທີ່ສຳຄັນວ່າ ການອະນຸຍາດສຳຫຼວດ ແລະ ຂຸດຄົ້ນແຮ່ທາດ ຄວນມີການກັ່ນຕອງໃຫ້ຮັດກຸມຫຼາຍຂຶ້ນ, ໂດຍສະເພາະໃນພື້ນທີ່ປ່າໄມ້, ເພື່ອຫຼີກລ່ຽງການນຳໃຊ້ຊັບພະຍາກອນເກີນຄວາມຈຳເປັນ ຫຼື ສ້າງຜົນກະທົບທີ່ຍາກຈະຟື້ນຟູໃນພາຍຫຼັງ. ເພິ່ນຍັງເຄີຍເນັ້ນເຖິງຫຼັກຄິດທີ່ວ່າ ຊັບພະຍາກອນຂອງຊາດຄວນຖືກນຳໃຊ້ຢ່າງປະຢັດ, ມີແຜນການ ແລະ ຕ້ອງຄຳນຶງເຖິງຄົນຮຸ່ນຫຼັງ — “ປະໄວ້ໃຫ້ລູກຫຼານ”.

ສຳລັບຂ້າພະເຈົ້າ, ຄຳເຫັນດັ່ງກ່າວມີຄວາມໝາຍສຳຄັນຫຼາຍ ເພາະສະທ້ອນໃຫ້ເຫັນເຖິງວິໄສທັດການພັດທະນາທີ່ເບິ່ງກວ້າງ ແລະ ເບິ່ງໄກ; ບໍ່ພຽງແຕ່ຄຳນຶງເຖິງຄວາມຈຳເປັນຂອງການພັດທະນາໃນປັດຈຸບັນ, ແຕ່ຍັງຄຳນຶງເຖິງສິດ, ໂອກາດ ແລະ ຜົນປະໂຫຍດຂອງຄົນຮຸ່ນຕໍ່ໄປ. ນີ້ແມ່ນຫຼັກຄິດທີ່ສອດຄ່ອງກັບທິດທາງການພັດທະນາສີຂຽວ, ການຄຸ້ມຄອງຊັບພະຍາກອນຢ່າງຍືນຍົງ ແລະ ການຮັກສາຄວາມສົມດຸນລະຫວ່າງການພັດທະນາເສດຖະກິດ ກັບການປົກປັກຮັກສາທຳມະຊາດ.

ສຳລັບຂະແໜງປ່າໄມ້, ພວກເຮົາຖືວ່າ ປ່າໄມ້ແມ່ນ “ຄຳຂຽວ” ອັນລ້ຳຄ່າຂອງຊາດ, ເປັນທັງຖານຊັບພະຍາກອນ, ຖານຊີວິດຂອງປະຊາຊົນ, ແຫຼ່ງຕົ້ນນ້ຳ, ຖິ່ນອາໄສຂອງສັດປ່າ, ຄັງຊີວະນາໆພັນ ແລະ ເປັນທຶນທາງທຳມະຊາດອັນສຳຄັນສຳລັບການພັດທະນາປະເທດໃນໄລຍະຍາວ. ດັ່ງນັ້ນ, ການພິຈາລະນານຳໃຊ້ພື້ນທີ່ປ່າໄມ້ສຳລັບການພັດທະນາໃດໜຶ່ງ ຄວນດຳເນີນໄປບົນພື້ນຖານຂອງກົດໝາຍ, ຫຼັກວິຊາການ, ການປະເມີນຜົນກະທົບຢ່າງຮອບດ້ານ ແລະ ການຊັ່ງຊາລະຫວ່າງຜົນປະໂຫຍດໃນປັດຈຸບັນ ກັບຜົນປະໂຫຍດຍາວນານຂອງຊາດ.

ຄຳວ່າ “ປະໄວ້ໃຫ້ລູກຫຼານ” ຂອງເພິ່ນ ຈຶ່ງເປັນຄຳສັ້ນໆ ແຕ່ມີຄວາມໝາຍເລິກເຊິ່ງ. ຄຳເວົ້ານີ້ ເຕືອນໃຫ້ພວກເຮົາຄິດເຖິງຄວາມຮັບຜິດຊອບຂອງຄົນຮຸ່ນປັດຈຸບັນ ຕໍ່ຄົນຮຸ່ນອະນາຄົດ; ຄິດເຖິງການນຳໃຊ້ຊັບພະຍາກອນໃຫ້ເກີດຄຸນຄ່າສູງສຸດ ແຕ່ບໍ່ໃຫ້ສູນເສຍຖານຊັບພະຍາກອນທີ່ຈຳເປັນຕໍ່ອະນາຄົດຂອງຊາດ. ນີ້ແມ່ນບົດຮຽນທີ່ມີຄຸນຄ່າ ແລະ ຄວນສືບຕໍ່ນຳມາເປັນຂໍ້ຄິດໃນການວາງນະໂຍບາຍ ແລະ ການບໍລິຫານຊັບພະຍາກອນຂອງປະເທດ.

ຕໍ່ການສູນເສຍອັນໃຫຍ່ຫຼວງໃນຄັ້ງນີ້, ໃນນາມພະນັກງານຂະແໜງປ່າໄມ້ ແລະ ໃນນາມສ່ວນຕົວ, ຂ້າພະເຈົ້າຈະຖືເອົາຄຳສອນ, ຄຳເຕືອນ ແລະ ແນວຄິດອັນມີຄຸນຄ່າຂອງເພິ່ນ ເປັນແຮງຈູງໃຈໃນການສືບຕໍ່ປະຕິບັດໜ້າທີ່ການເມືອງ ແລະ ວິຊາສະເພາະຂອງຕົນ ໃຫ້ສຳເລັດຕາມເປົ້າໝາຍທີ່ພັກ ແລະ ລັດວາງໄວ້. ໂດຍສະເພາະ, ຈະຕັ້ງໜ້າສືບຕໍ່ປົກປັກຮັກສາ, ຟື້ນຟູ ແລະ ນຳໃຊ້ຊັບພະຍາກອນປ່າໄມ້ໃຫ້ຍືນຍົງ; ສົ່ງເສີມການອະນຸລັກສັດປ່າ ແລະ ຊີວະນາໆພັນ; ພ້ອມທັງປະສານສົມທົບກັບບັນດາຂະແໜງການ ໃນການພິຈາລະນາໂຄງການພັດທະນາຕ່າງໆ ໃຫ້ຮັດກຸມ, ຖືກຕ້ອງຕາມກົດ ໝາຍ, ສອດຄ່ອງກັບຫຼັກວິຊາການ ແລະ ຄຳນຶງເຖິງຜົນປະໂຫຍດລວມຂອງປະເທດຊາດ.

ຂ້າພະເຈົ້າເຊື່ອໝັ້ນວ່າ ການສືບຕໍ່ປົກປັກຮັກສາ “ຄຳຂຽວ” ຂອງຊາດ ໃຫ້ຄົງຢູ່, ຄຽງຄູ່ກັບການນຳໃຊ້ຢ່າງສົມເຫດສົມຜົນ, ປະຢັດ ແລະ ຍືນຍົງ ແມ່ນອີກໜຶ່ງວິທີທີ່ຂະແໜງປ່າໄມ້ສາມາດສືບສານແນວຄິດອັນມີຄຸນຄ່າຂອງເພິ່ນ ແລະ ປະກອບສ່ວນສ້າງປະເທດລາວໃຫ້ມີການພັດທະນາສີຂຽວ, ຍືນຍົງ, ຈະເລີນຮຸ່ງເຮືອງ ແລະ ຄົງໄວ້ເຊິ່ງຊັບສົມບັດອັນລ້ຳຄ່າຂອງຊາດສຳລັບລູກຫຼານລາວໃນອະນາຄົດ.

ໃນໂອກາດອັນເສົ້າສະຫຼົດນີ້, ຂ້າພະເຈົ້າຂໍສະແດງຄວາມອາໄລອາວອນຢ່າງສຸດຊຶ້ງ ແລະ ຂໍສົ່ງຄວາມເຫັນໃຈຢ່າງຈິງໃຈໄປຍັງຄອບຄົວ ແລະ ຍາດຕິພີ່ນ້ອງຂອງເພິ່ນ. ຜົນງານ, ຄຸນງາມຄວາມດີ, ຈິດໃຈອຸທິດຕົນ ແລະ ແນວຄິດທີ່ຄຳນຶງເຖິງຜົນປະໂຫຍດຂອງຊາດ ແລະ ຄົນຮຸ່ນຫຼັງ ຂອງ ທ່ານ ໄຊສົມພອນ ພົມວິຫານ ຈະຍັງຄົງເປັນແບບຢ່າງ, ເປັນຄຳເຕືອນໃຈ ແລະ ເປັນມໍລະດົກທາງແນວຄິດອັນຊົງຄຸນຄ່າສຳລັບພວກເຮົາ ແລະ ຄົນຮຸ່ນຕໍ່ໄປຕະຫຼອດໄປ.

ຄໍາເຫັນ

ຂ່າວວັດທະນະທຳ-ສັງຄົມ

ພະນັກງານຫຼັກແຫຼ່ງ ອົງການໄອຍະການປະຊາຊົນ ຍົກລະດັບວຽກງານໂຄສະນາ - ປາຖະກະຖາ

ພະນັກງານຫຼັກແຫຼ່ງ ອົງການໄອຍະການປະຊາຊົນ ຍົກລະດັບວຽກງານໂຄສະນາ - ປາຖະກະຖາ

ພິທີເປີດຝຶກອົບຮົມຄວາມຮູ້ພື້ນຖານວຽກງານໂຄສະນາ-ປາຖະກະຖາໃຫ້ແກ່ພະນັກງານຫຼັກແຫຼ່ງຂອງອົງການໄອຍະການປະຊາຊົນສູງສຸດ, ອົງການໄອຍະການທະຫານຂັ້ນສູງ, ອົງການໄອຍະການປະຊາຊົນພາກກາງ ແລະ ນະຄອນຫຼວງວຽງຈັນ ໄດ້ຈັດຂຶ້ນໃນວັນທີ 16 ພະຈິກນີ້ ທີ່ອົງການໄອຍະການປະຊາຊົນພາກກາງ, ໂດຍການປະທານຂອງ ທ່ານ ນາງ ລີວົງ ລາວລີ ກໍາມະການສູນກາງພັກ ເລຂາຄະນະບໍລິຫານງານພັກ ຫົວໜ້າອົງການໄອຍະການປະຊາຊົນສູງສຸດ; ມີທ່ານ ບົວໄລ ພານຸວົງ ຫົວໜ້າກົມໂຄສະນາ ຄະນະໂຄສະນາອົບຮົມສູນກາງພັກ (ຄອສພ), ມີຄະນະພັກ, ຄະນະນໍາ, ພະນັກງານຫຼັກ ແຫຼ່ງຂັ້ນກົມ, ຫ້ອງການ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ອົງການໄອຍະການປະຊາ ຊົນສູງສຸດ, ອົງການໄອຍະການທະຫານຂັ້ນສູງ, ອົງການໄອຍະການປະຊາຊົນພາກກາງ ແລະ ອົງການໄອຍະການປະຊາຊົນນະຄອນຫຼວງ ເຂົ້າຮ່ວມ 40 ​ສະຫາຍ.
ອັດຕະປື ສະຫຼຸບແຜນກຳນົດພະນັກງານນຳພາ-ຄຸ້ມຄອງ 5 ປີ ພ້ອມກຳນົດທິດທາງຕໍ່​ໜ້າ

ອັດຕະປື ສະຫຼຸບແຜນກຳນົດພະນັກງານນຳພາ-ຄຸ້ມຄອງ 5 ປີ ພ້ອມກຳນົດທິດທາງຕໍ່​ໜ້າ

ຄະນະຈັດຕັ້ງ ແຂວງອັດຕະປື ໄດ້ຈັດກອງປະຊຸມສະຫຼຸບຕີລາຄາຜົນການຈັດຕັ້ງປະຕິບັດແຜນກຳນົດພະນັກງານນຳພາ-ຄຸ້ມຄອງ ໄລຍະ 5 ປີ (2021-2025), ພ້ອມທັງວາງທິດທາງການສ້າງແຜນກຳນົດພະນັກງານໄລຍະ 5 ປີ (2026-2030), ໃນ​ວັນ​ທີ 16 ພະ​ຈິກ​ນີ້, ໂດຍເປັນກຽດເຂົ້າ ຮ່ວມຂອງ ທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ, ມີຄະນະນຳຄະນະຈັດຕັ້ງແຂວງ, ຫົວໜ້າ-ຮອງຫົວໜ້າຂະແໜງການ ແລະ ພະນັກງານ-ລັດຖະກອນເຂົ້າຮ່ວມ.
ເມືອງສາລະວັນ ເປີດຂະ​ບວນການຜະລິດລະດູແລ້ງ ສົກປີ 2026 - 2027

ເມືອງສາລະວັນ ເປີດຂະ​ບວນການຜະລິດລະດູແລ້ງ ສົກປີ 2026 - 2027

ຫ້ອງການກະສິກໍາ ແລະ ສິ່ງແວດລ້ອມ ເມືອງສາລະວັນ ແຂວງ​ສາ​ລະ​ວັນຮ່ວມກັບຕາແສງບຶງໄຊ ຈັດພິທີເປີດຂະ​ບວນການຜະລິດລະດູແລ້ງ ສົກປີ 2026 – 2027, ໃນວັນທີ 13ພະຈິກຜ່ານ​ມາ, ທີ່ໂຄງການຊົນລະປະທານຝາຍນໍ້າລົ້ນ ບ້ານໜອງໜໍ້ ຕາແສງບຶງໄຊ,ໂດຍມີ ທ່ານ ສະໄໝ ໂພທິສານ ເລຂາຄະນະບໍລິຫານງານພັກເມືອງ, ທ່ານ ບຸນສາ ຄ່ຽມມະນີຂັນໄຊ ປະທານຄະນະກຳມະການປົກຄອງເມືອງສາລະວັນ, ມີ​ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.
ສະຫວັນນະເຂດ ສະຫຼຸບວຽກງານກໍ່ສ້າງຮາກຖານການເມືອງ-ພັດທະນາຊົນນະບົດ

ສະຫວັນນະເຂດ ສະຫຼຸບວຽກງານກໍ່ສ້າງຮາກຖານການເມືອງ-ພັດທະນາຊົນນະບົດ

ແຂວງສະຫວັນນະເຂດ ຈັດກອງປະຊຸມສະຫຼຸບວຽກງານ ກໍ່ສ້າງຮາກຖານການເມືອງ, ພັດທະນາຊົນນະບົດ-ແກ້ໄຂຄວາມທຸກຍາກ ແລະ ວຽກງານສາມສ້າງ ໄລຍະ 5 ປີ (2022-2026) ແລະ ວາງທິດທາງແຜນການໃນ 5 ປີຕໍ່ໜ້າ ໃນວັນທີ 13 ພະຈິກ 2026 ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ ເລຂາພັກແຂວງ ປະທານສະພາປະຊາຊົນແຂວງສະຫວັນນະເຂດ,ມີພະແນກການ-ກົມກອງອ້ອມຂ້າງແຂວງ, ບັນດາເມືອງ-ນະຄອນ ແລະ ພາກສ່ວນກ່ຽວຂ້ອງເຂົ້າຮ່ວມ.
ຄະນະກວດກາພັກ ແຂວງສາລະວັນ ສ້າງແຜນກຳນົດພະນັກງານນຳພາ-ຄຸ້ມຄອງ

ຄະນະກວດກາພັກ ແຂວງສາລະວັນ ສ້າງແຜນກຳນົດພະນັກງານນຳພາ-ຄຸ້ມຄອງ

ຄະນະກວດກາພັກອົງການກວດກາລັດ ແຂວງສາລະວັນ ດຳເນີນກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງ,ໃນວັນທີ 12ພະຈິກຜ່ານ​ມາ,ທີ່ຫ້ອງປະຊຸມຂອງຕົນໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ນາງ ບຸນທະວີ ດວງລາສີ ຮອງເລຂາພັກແຂວງ, ຜູ້ຊີ້ນຳວຽກງານການເມືອງ-ແນວຄິດ, ວຽກພັກ-ພະນັກງານ, ມີ ທ່ານ ສົມສັກ ທົງຄໍາຫານ ຄະນະປະຈຳພັກແຂວງ, ປະທານຄະນະກວດກາພັກອົງການກວດກາລັດແຂວງ, ຫົວໜ້າອົງການຕ້ານການສໍ້ລາດບັງຫຼວງແຂວງ;ມີພາກສ່ວນທີ່ກ່ຽວຂ້ອງ ເຂົ້າຮ່ວມ.
ເມືອງໝື່ນ ທໍາລາຍສິນຄ້າໝົດອາຍຸ-ເຊື່ອມຄຸນນະພາບ

ເມືອງໝື່ນ ທໍາລາຍສິນຄ້າໝົດອາຍຸ-ເຊື່ອມຄຸນນະພາບ

ຫ້ອງການອຸດສະຫະກໍາ ແລະ ການຄ້າ ເມືອງໝື່ນ ແຂວງວຽງຈັນ ໄດ້ຈັດພິທີທໍາລາຍສິນຄ້າເຊື່ອມຄຸນນະພາບ, ໝົດອາຍຸ ແລະ ນໍາເຂົ້າບໍ່ຖືກຕ້ອງ ໃນ​ວັນ​ທີ 13 ພະ​ຈິກ​ນີ້ ໂດຍເປັນກຽດເຂົ້າຮ່ວມຂອງທ່ານ ສຸພິດ ອິນທະໂພທອງ ຮອງປະທານຄະນະກໍາມະການປົກຄອງເມືອງ, ມີຄະນະສະເພາະກິດຕ້ານສະກັດກັ້ນການຄ້າຂາຍເຖື່ອນ-ຄ້າຂາຍນອກລະບົບຂັ້ນເມືອງ ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມ.
ເມືອງໂຂງ ສະຫຼອງ ວັນຊົນລະປະທານ ພ້ອມເປີດຂະບວນການຜະລິດລະດູແລ້ງ

ເມືອງໂຂງ ສະຫຼອງ ວັນຊົນລະປະທານ ພ້ອມເປີດຂະບວນການຜະລິດລະດູແລ້ງ

ເມືອງໂຂງ ແຂວງຈຳປາສັກ ໄດ້ຈັດພິທີສະເຫຼີມສະຫຼອງ ວັນຊົນລະປະທານແຫ່ງຊາດ (ວັນທີ 3 ພະຈິກ 2026) ແລະ ວັນສັກຢາປ້ອງກັນພະຍາດສັດແຫ່ງຊາດ (ວັນທີ 11 ພະຈິກ 2026), ພ້ອມ​ທັງ​ເປີດ​ຂະ​ບວນ​ການ​ຜະ​ລິດ​ລະ​ດູ​ແລ້ງສົກ​ປີ 2026-2027, ໃນ​ວັນ​ທີ 13 ພະ​ຈິກ​ນີ້ທີ່ ບ້ານ​ຫ້ວຍຕາ​ແສງດອນ​ໂຂງ, ໂດຍ​ມີທ່ານ ສາທິດ ປັດສາພັນ ກຳມະການພັກແຂວງ ເລຂາຄະນະບໍລິຫານງານພັກເມືອງ, ທ່ານ ຈັນທະນົງສິນ ຈັນທະພິມ ຮອງເລຂາພັກເມືອງ ປະທານຄະນະກຳມະການປົກຄອງເມືອງ, ມີພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.
ໄຊ​ສົມ​ບູນສຳເລັດກອງປະຊຸມວຽກງານກວດກາ ທົ່ວແຂວງ

ໄຊ​ສົມ​ບູນສຳເລັດກອງປະຊຸມວຽກງານກວດກາ ທົ່ວແຂວງ

ກອງປະຊຸມ ສະຫຼຸບຕີລາຄາວຽກງານກວດກາ ທົ່ວແຂວງໄຊສົມບູນ 5 ປີ (2021-2025) ແລະວາງທິດທາງແຜນການ 5 ປີ (2026-2030) ໄດ້ປິດ​ລົງໃນວັນທີ 12 ພະຈິກຜ່ານ​ມາ, ທີ່ສະໂມສອນຂອງແຂວງ ໂດຍການເປັນທານຂອງ ສະຫາຍ ວັນໄຊ ພອງສະຫວັນກຳມະການກົມການເມືອງສູນກາງພັກປະທານຄະນະກວດກາສູນກາງພັກປະທານອົງການກວດກາແຫ່ງລັດຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີສະຫາຍ ພອຍຄໍາ ຮຸ່ງບຸນຍວງກຳມະການສູນກາງພັກເລຂາພັກແຂວງປະທານສະພາປະຊາຊົນແຂວງ, ມີພາກ​ສ່ວນ​ກ່ຽວ​ຂ້ອງເຂົ້າຮ່ວມ.
ຕີລາຄາການຈັດຕັ້ງປະຕິບັດ ແຜນກຳນົດພະນັກງານນຳພາ-ຄຸ້ມຄອງ

ຕີລາຄາການຈັດຕັ້ງປະຕິບັດ ແຜນກຳນົດພະນັກງານນຳພາ-ຄຸ້ມຄອງ

ໃນລະຫວ່າງວັນທີ 12-13 ພະຈິກນີ້, ພະແນກວັດທະນະທຳ ແລະ ການທ່ອງທ່ຽວ (ວທ) ແຂວງອັດ ຕະປື ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດ ແຜນກຳນົດພະນັກງານນຳພາ-ຄຸ້ມຄອງໄລຍະປີ 2021-2025 ແລະ ສ້າງແຜນກຳນົດພະນັກງານຊຸດໃໝ່ ໄລຍະປີ 2026-2030 ຂຶ້ນທີ່ຫ້ອງປະຊຸມຂອງພະແນກ, ເປັນກຽດເຂົ້າຮ່ວມຂອງທ່ານ ຄອນສະຫງ່າ ພິມມະສອນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ, ມີທ່ານ ບຸນປອນ ອ່ອນໄຊວຽງ ເລຂາຄະນະພັກຮາກຖານ ຫົວໜ້າພະແນກ ວທ ແຂວງ, ມີທ່ານ ສົມຫວັງ ນາມສີນາ ກຳມະການພັກແຂວງ ຮອງປະທານກວດກາພັກ-ອົງການກວດກາລັດແຂວງ ພ້ອມດ້ວຍຄະນະພະແນກ, ຄະນະຮັບຜິດຊອບວຽກງານຈັດຕັ້ງຂັ້ນແຂວງ, ຫົວໜ້າ-ຮອງຫົວໜ້າຂະແໜງການ ແລະ ພະນັກງານ-ລັດຖະກອນ ເຂົ້າຮ່ວມ.
ອົງການໄອຍະການປະຊາຊົນ ຍົກສູງຄຸນນະພາບການດໍາເນີນຄະດີຕາມຂະບວນຍຸຕິທຳ

ອົງການໄອຍະການປະຊາຊົນ ຍົກສູງຄຸນນະພາບການດໍາເນີນຄະດີຕາມຂະບວນຍຸຕິທຳ

ວັນທີ 11 ພະຈິກຜ່ານມາ, ທີ່ ອົງການໄອຍະການປະຊາຊົນແຂວງຄຳມ່ວນ ໄດ້ຈັດພິທີເປີດຊຸດຝຶກອົບຮົມສ້າງຄວາມເຂັ້ມແຂງ ວຽກງານການດໍາເນີນຄະດີຕາມຂະບວນຍຸຕິທໍາ ໃຫ້ພະນັກງານອົງການໄອຍະການປະຊາຊົນ, ອົງການສືບສວນ-ສອບສວນ ແລະ ພາກສ່ວນທີ່ກ່ຽວຂ້ອງພາຍໃນແຂວງຄໍາມ່ວນ, ບໍລິຄໍາໄຊ ແລະ ແຂວງສະຫວັນນະເຂດ ໂດຍໃຫ້ກຽດເຂົ້າຮ່ວມຂອງທ່ານ ນາງ ພອນທິບ ສາວະລີ ຮອງຫົວໜ້າອົງການໄອຍະການປະຊາຊົນສູງສຸດ, ມີຫົວໜ້າອົງການໄອຍະການປະຊາຊົນແຂວງຄໍາມ່ວນ, ຄະນະຮັບຜິດຊອບຊຸດຝຶກອົບຮົມ, ວິທະຍາກອນ ທີ່ມາຈາກອົງການໄອຍະການປະຊາຊົນສູງສຸດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ເພີ່ມເຕີມ