 |
ໃນພິທີ, ທ່ານ ພັອ ທັດສະພອນ ວົງພະຈັນ ຮອງຫົວໜ້າກົມ 512 ໄດ້ຜ່ານບົດສະຫຼຸບໃນ 1 ປີຜ່ານ ມາວ່າ: ຄະນະພັກ-ຄະນະບັນຊາແຕ່ລະຂັ້ນ ໄດ້ຖືເອົາການສຶກສາອົບຮົມທາງດ້ານການເມືອງ-ແນວຄິດໃຫ້ ນາຍ ແລະ ພົນຕຳຫຼວດ ຢູ່ພາຍໃນກົມເປັນກົກ ດ້ວຍຫຼາຍຮູບຫຼາຍສີ, ຫຼາຍວິທີການ ແລະ ສອດຫ້ອຍເຂົ້າໃນທຸກຂົງເຂດວຽກງານ ເພື່ອເປັນບ່ອນອີງໃນການຝຶກຝົນຫຼໍ່ຫຼອມຕົນເອງ, ຜ່ານການຈັດຕັ້ງວຽກງານຕົວຈິງໄດ້ສ້າງການຫັນປ່ຽນດ້ານທັດສະນະແນວຄິດ ແລະ ການກະທຳໃໝ່ທີ່ດີ ພ້ອມທັງຍົກສູງສະຕິຕໍ່ການຈັດຕັ້ງ ແລະ ການ ເຄື່ອນໄຫວປະຕິບັດໜ້າທີ່ວຽກງານຂອງນາຍ ແລະ ພົນຕຳຫຼວດ ພາຍໃນກົມໃຫ້ມີປະສິດທິພາບ ປະສິດທິຜົນນັບມື້ດີຂຶ້ນ ຕິດພັນກັບວຽກງານວິຊາສະເພາະ ໂດຍສະເພາະດ້ານວຽກງານຄົ້ນຄວ້າວິທະຍາສາດ ໄດ້ຈັດກອງປະຊຸມສະພາວິທະຍາສາດ ປກສ ປະຈຳປີ 2025-2026 ຊຶ່ງມີຫົວຂໍ້ດັ່ງນີ້: ຕ້ານ, ສະກັດກັ້ນ, ການແຊກຊຶມຂອງບັນດາອິດທິກຳລັງປໍລະປັກ ແລະ ຄົນບໍ່ຫວັງດີ ເຂົ້າໃນອົງການຈັດຕັ້ງຂອງພັກ-ລັດ; ປ້ອງກັນ, ສະກັດກັ້ນ ແລະ ແກ້ໄຂການລັກລົດຢູ່ໃນສັງຄົມ ຕິດພັນກັບການມອບໝາຍຄວາມຮັບຜິດຊອບໃຫ້ແຕ່ລະຄະນະທີ່ກ່ຽວຂ້ອງ ໃນການຄົ້ນຄວ້າຂຽນຕາມການຕົກລົງຂອງລັດຖະມົນຕີກະຊວງ ປກສ. ໃນນີ້, ສົມທົບກັບພາກສ່ວນກ່ຽວຂ້ອງຄົ້ນຄວ້າເນື້ອໃນຝຶກອົບຮົມ ໃຫ້ເປົ້າໝາຍທີ່ຈະລົງສະໝັກເປັນກຳມະການສູນກາງພັກ ສະໄໝທີ Xll ຫົວຂໍ້: ຄວາມຮັບຮູ້ກ່ຽວກັບວຽກງານ ປກສ ແລະ ພັກນຳພາກຳລັງ ປກສ ເດັດຂາດ, ໂດຍກົງ ແລະ ຮອບດ້ານ ໃນເງື່ອນໄຂໃໝ່ ທັງໄດ້ເຂົ້າຕິດຕາມການຂຶ້ນຫ້ອງ ຂອງການນຳກະຊວງ, ຄົ້ນຄວ້າ, ຮັບຮອງຜົນການແປ, ກວດແກ້ ແລະ ຮຽບຮຽງເອກະສານຈາກພາສາຕ່າງປະເທດ ມາເປັນພາສາລາວ ສົກປີ 2024-2025 ໄດ້ຈຳນວນ 12 ບົດ ລວມທັງໝົດ 2,520 ໜ້າ. ຈັດກອງປະຊຸມສະພາວິທະຍາສາດ ປກສ ເພື່ອຮັບຮອງວຽກງານສຳຄັນຕ່າງໆ ຈຳນວນ 14 ຄັ້ງ, ພ້ອມທັງປະສານສົມທົບກັບ 3 ວິທະຍາຄານ ຂອງກຳລັງ ປກສ ເພື່ອຮັບເອົາບົດໂຄງການຈົບຊັ້ນ ແລະ ວິທະຍານິພົນໃນລະບົບຕ່າງໆ ຈຳນວນ 896 ຫົວ ມອບໃຫ້ຫໍສະໝຸດຄຸ້ມຄອງຕາມລະບຽບການ ແລະ ຄົ້ນຄວ້າປັບປຸງແຜນການເຄື່ອນໄຫວຂອງສະພາວິທະຍາສາດ ປກສ ປີ 2025- 2026 ຕິດພັນກັບການປັບປຸງກົງຈັກການຈັດຕັ້ງ ຂອງສະພາວິທະຍາສາດ ປກສ ເພື່ອນຳສະເໜີຂັ້ນເທິງພິຈາ ລະນາອະນຸມັດ. ຄຽງຄູ່ກັນນີ້, ດ້ານວຽກງານຫໍພິພິທະພັນ ປກສ ໄດ້ສົມທົບກັບພາກສ່ວນກ່ຽວຂ້ອງຈັດຕັ້ງປະຕິ ບັດບັນດາກິດຈະກຳບູລະນະ ແລະ ປັບປຸງຫໍພິພິທະພັນ ປກສ ປີ 2023-2026 ເພື່ອສະເຫຼີມສະຫຼອງວັນສ້າງ ຕັ້ງກຳລັງ ປກສ ຄົບຮອບ 65 ປີ ເປັນຕົ້ນການສ້າງກະດານວາງສະແດງເຄື່ອນທີ່ສຳເລັດ, ການສ້າງປຣາໂນວາງສະແດງຊັ້ນ 2, ການກໍ່ສ້າງໂຮງເຮືອນວັດຖຸພັນກາງແຈ້ງ ແລະ ປັບປຸງບົດອະທິບາຍນຳທ່ຽວຂອງຫໍພິພິທະພັນ ປກສ ແລະ ຮັບແຂກເຂົ້າທ່ຽວຊົມຫໍພິພິທະພັນ ປກສ ເນື່ອງໃນວັນສຳຄັນຕ່າງໆ ຈຳນວນ 15 ຄະນະ 1,033 ຄົນ, ແຂກຕ່າງປະເທດຈຳນວນ 251 ຄົນ; ພ້ອມທັງຄົ້ນຄວ້າຄຳແນະນຳກ່ຽວກັບການສ້າງຫ້ອງວາງ ສະແດງຢູ່ກອງບັນຊາການ ປກສ ແຂວງ ແລະ ປຶ້ມຄູ່ມືກ່ຽວກັບວຽກງານພິພິທະພັນ ເພື່ອກະກຽມລົງຊຸກຍູ້ວຽກງານຢູ່ທ້ອງຖິ່ນສຳເລັດ.
ຂ່າວ: ນົກແກ້ວ
ຄໍາເຫັນ