ແລະ ນະຄອນຫຼວງວຽງຈັນ ໄດ້ໄປຢ້ຽມຢາມ ເຂດເສດຖະກິດພິເສດສາມຫຼ່ຽມຄໍາຢູ່ເມືອງຕົ້ນເຜິ້ງ ແຂວງບໍ່ແກ້ວ ໃນຕອນບ່າຍວັນທີ 11 ທັນວານີ້ ໂດຍໄດ້ຮັບການຕ້ອນຮັບຂອງ ທ່ານ ຄຳສະແຫວງ ວິໄລພົງ ຮອງຫົວໜ້າຄະນະຄຸ້ມຄອງເຂດເສດຖະກິດພິເສດແຂວງບໍ່ແກ້ວ ພ້ອມດ້ວຍຄະນະ ຊຶ່ງການມາຢ້ຽມຢາມຄັ້ງນີ້ ກົມສື່ມວນ ກັບ ຄະນະຄຸ້ມຄອງເຂດ ກໍໄດ້ຫາລືແຜນການຮ່ວມມືໃນຕໍ່ໜ້າ.
ໃນການຢ້ຽມຢາມຄັ້ງນີ້, ທ່ານຫົວໜ້າກົມສື່ມວນຊົນ ກະຊວງ ຖວທ ກໍໄດ້ສະແດງຄວາມດີໃຈ ທີ່ໄດ້ຮັບການຕ້ອນຮັບ ແລະ ເປີດໂອກາດໃຫ້ກົມສື່ມວນຊົນ ທີ່ເປັນຜູ້ສ້າງ ແລະ ຄຸ້ມຄອງເພສ ມີເດຍລາວ ໄດ້ມາຢ້ຽມຢາມໃນຄັ້ງນີ້; ພ້ອມນີ້, ກໍໄດ້ແຈ້ງໃຫ້ຊາບກ່ຽວກັບການເຄື່ອນໄຫວວຽກງານໃນໄລຍະຜ່ານມາຂອງເພສ ມີເດຍລາວ ແລະ ສະເໜີຄວາມປະສົງທີ່ຈະຮ່ວມມືກັບຄະນະຄຸ້ມຄອງເຂດ ເພື່ອຮ່ວມກັນໂຄສະນາຕອບຕ້ານຫາງສຽງສັງຄົມຂອງຄົນບໍ່ດີ ທີ່ມີການເຄື່ອນໄຫວໃສ່ຮ້າຍປ້າຍສີ ໂຈມຕີເຂດເສດຖະກິດພິເສດ ສາມຫຼ່ຽມຄໍ່າ ໃນດ້ານຕ່າງໆ ແລະ ວິທີເພີ່ມທະວີການໂຄສະນາໃຫ້ຮູ້ກ່ຽວກັບຜົນປະໂຫຍດຂອງເຂດທີ່ສ້າງໃຫ້ແກ່ປະຊາຊົນລາວບັນດາເຜົ່າ ແລະ ລາຍຮັບໃຫ້ແກ່ປະເທດລາວ ພ້ອມນີ້ກໍຍັງເປັນປະໂຫຍດດ້ານຈິດ ໃນການຜ່ອນຄາຍອາລົມ ໃຫ້ຄົນຕ່າງປະເທດ ທີ່ມາທ່ອງທ່ຽວ ຢູ່ເຂດດັ່ງກ່າວ.
ທ່ານ ຄຳສະແຫວງ ວິໄລພົງ ໄດ້ລາຍງານໃຫ້ຮູ້ວ່າ: ເຂດເສດຖະກິດພິເສດສາມຫຼ່ຽມຄໍາຕັ້ງຢູ່ເມືອງຕົ້ນເຜິ້ງ ແຂວງບໍ່ແກ້ວ, ຈຸດເຂດແດນລະຫວ່າງລາວ-ໄທ-ມຽນມາ, ໄດ້ສ້າງຕັ້ງຂຶ້ນແຕ່ປີ 2007 ຊຶ່ງໃນເບື້ອງຕົ້ນແມ່ນສັນຍາການພັດທະນາເຂດເສດຖະກິດ ແລະ ທ່ອງທ່ຽວຄົບວົງຈອນອາຊຽນສາມຫຼ່ຽມຄໍາ; ຈາກນັ້ນ, ໄດ້ຮັບຍົກລະດັບຂຶ້ນເປັນເຂດເສດຖະກິດພິເສດຕາມດໍາລັດເລກທີ 090/ນຍ, ລົງວັນທີ 4 ກຸມພາ 2010 ຊຶ່ງມີ 13 ກິດຈະການຫຼັກທີ່ຕິດພັນກັບການພັດທະນາພື້ນຖານໂຄງລ່າງ, ເສດຖະກິດ, ການຄ້າ, ການລົງທຶນ, ກະສິກໍາ, ການສຶກສາ, ສາທາລະນະສຸກ, ການທ່ອງທ່ຽວ, ການບໍລິການ-ການບັນເທີງ ແລະ ກິດຈະກໍາອື່ນໆ. ນັບແຕ່ປີ 2009 ເຖິງປັດຈຸບັນຈັດເກັບລາຍຮັບເຂົ້າງົບປະມານໄດ້ທັງໝົດ 605 ຕື້ກີບ, ສະເພາະປີ 2023 ຜ່ານມາປະຕິບັດລາຍຮັບໄດ້ທັງໝົດ 80.3 ຕື້ກີບ ແລະ ດ່ານສາກົນສາມຫຼ່ຽມຄໍາແມ່ນມີສອງພາກສ່ວນຄື: ຄ່າວີຊາກັບດ່ານ 1,442,000 ໂດລາ ແລະ ລາຍຮັບຂົງເຂດພາສີ 30.15 ຕື້ກີບ ຊຶ່ງເປັນລາຍຮັບເຂົ້າສູນກາງໂດຍກົງ. ໃນ 8 ເດືອນຕົ້ນປີ 2024 ລວມລາຍຮັບພາຍໃນເຂດປະຕິບັດໄດ້ 128 ຕື້ກີບ ແລະ ດ່ານສາກົນສາມຫຼ່ຽມຄໍາ 6 ເດືອນຕົ້ນປີປະຕິບັດໄດ້ 1.31 ລ້ານໂດລາ ກັບ 21.82 ຕື້ກີບ.
ໃນໂອກາດດຽວກັນ, ທ່ານ ຄຳສະແຫວງ ວິໄລພົງ ກໍໄດ້ສະແດງຄວາມຍິນດີ ແລະ ມີຄວາມຕ້ອງການໃນການຮ່ວມມືກັບກົມສື່ມວນຊົນ ແລະ ບັນດາສື່ຕ່າງໆ ໂດຍສະເພາະສື່ທາງການຂອງພັກ ແລະ ລັດຖະບານ; ພ້ອມດຽວກັນ, ກໍໄດ້ສະເໜີໃຫ້ກົມສື່ເປັນຂົວຕໍ່ຊ່ວຍສະເໜີການປັບປຸງການຈັດຕັ້ງ ເພື່ອໃຫ້ມີຂະແໜງ ຖວທ ມາປະຈໍາຢູ່ເຂດ, ສະເໜີໃຫ້ຊ່ວຍຝຶກອົບຮົມກໍ່ສ້າງບຸກຄະລາກອນດ້ານຂ່າວສານ, ການຮ່ວມມືສົ່ງຂ່າວ-ອອກຂ່າວທີ່ເປັນທາງການຂອງເຂດ, ຊ່ວຍຊຸກຍູ້ສົ່ງເສີມໜ່ວຍທຸລະກິດກິດດໍາເນີນກິດຈະການການທ່ອງທ່ຽວພາຍໃນເຂດ ແລະ ການຮ່ວມມືກັບຕ່າງແຂວງ, ຕ່າງປະເທດ ແລະ ຂັ້ນສູນກາງ, ທ່າແຮງການທ່ອງທ່ຽວຂອງເຂດ ແລະ ສົ່ງເສີມດ້ານວັດທະນະທໍາ ຮີດຄອງປະເພນີ ທີ່ເປັນເອກະລັກຂອງລາວ ຢູ່ພາຍໃນເຂດໃຫ້ມີຫຼາຍຂຶ້ນ ເປັນຕົ້ນຊຸກຍູ້ວຽກງານຫໍພິພິທະພັນເຂດ, ປະຫັວດສາດເມືອງເກົ່າສຸວັນນະໂຄມຄໍາ, ການສ້າງພະເຈົ້າໃຫຍ່ ແລະ ວັດ, ແບບແຜນວິຖີຊີວິດຊົນະເຜົ່າພາຍໃນແຂວງ.
ກົມສື່ມວນຊົນກະຊວງຖວທ ພ້ອມສະມາຊິກເພສມີເດຍລາວຍັງໄດ້ທ່ຽວຊົມສະຖານທີີ່ຕ່າງໆໃນເຂດເສດຖະກິດພິເສດສາມຫຼ່ຽມຄໍາເປັນຕົ້ນໂຮງແຮມດອກງິ້ວຄໍາ; ດ່ານສາກົນສາມຫຼ່ຽມຄໍາ; ແຫຼ່ງທ່ອງທ່ຽວວັດທະນະທໍາດອນຊາວ ຊຶ່ງມີຫ້ອງວາງສະແດງຕໍ່ຕ້ານຢາເສບຕິດ, ສວນສະນຸກມະຫັດສະຈັນ, ປ່າແຫ່ງຄວາມຫຼອນ; ໄປຢ້ຽມຊົມບໍລິສັດກະສິກຳເຂດເສດຖະກິດສາມຫຼ່ຽມຄໍາ ຊຶ່ງມີຟາມງົວ, ຟາມປູກຜັກເຮືອນຮົມ ແລະ ການປູກພືດຜັກທົ່ວໄປ; ພ້ອມນີ້, ກໍຍັງໄດ້ເຂົ້າກາບໄຫວ້ພະເຈົ້າອົງຫຼວງຢູ່ວັດທອງທິບພັດທະນາຣາມບ້ານໃຫຍ່ຕົ້ນເຜິ້ງ ເມືອງຕົ້ນເຜິ້ງ.
(ຂ່າວ-ພາບ: ສຸກສະຫວັນ)
ຄໍາເຫັນ