ເມື່ອບໍ່ດົນຜ່ານມາ, ກອງບັນຊາການທະຫານແຂວງບໍ່ແກ້ວ ໄດ້ມອບເງິນອຸດໜູນເທື່ອດຽວໃຫ້ພະນັກງານທີ່ ກອງບັນຊາການດັ່ງກ່າວ ໂດຍການເປັນປະທານຂອງ ສະຫາຍ ພັນເອກ ຄຳສອນ ໄຊຍະວົງ ຄະນະປະຈຳພັກກອງບັນຊາການ ຫົວໜ້າຫ້ອງການເມືອງກອງບັນຊາການທະຫານແຂວງບໍ່ແກ້ວ, ມີພະແນກການທີ່ກ່ຽວຂ້ອງ ຕະຫຼອດຮອດ ພະນັກງານທີ່ໄດ້ຮັບອຸດໜູນເທື່ອດຽວເຂົ້າຮ່ວມ.
ສະຫາຍ ພັນໂທ ມານິດ ຈັນສີ ຮອງຫົວໜ້າພະແນກພະນັກງານຫ້ອງການເມືອງ ກອງບັນຊາການທະຫານແຂວງບໍ່ແກ້ວ ໄດ້ຂຶ້ນຜ່ານຂໍ້ຕົກລົງ ວ່າດ້ວຍການອະນຸມັດໃຫ້ນາຍທະຫານອອກການຮັບເງິນອຸດໝູນເທື່ອດຽວ. ໂດຍອີງຕາມ ກົດໝາຍນາຍທະຫານກອງທັບ ປະຊາຊົນລາວ (ສະບັບປັງປຸງ) ແລະ ອີງຕາມກົດໝາຍວ່າດ້ວຍປະກັນສັງຄົມ (ສະບັບປັບປຸງ), ກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ຕົກລົງມອບເງິນອຸດໜູນເທື່ອດຽວ ໃຫ້ພະນັກງານຈຳນວນທັງໝົດ 11ສະຫາຍ, ລວມເປັນເງິນຈຳນວນທັງໝົດ 722 ລ້ານກ່ວາກີບ.
ໂອກາດດັ່ງກ່າວ, ສະຫາຍ ພັນເອກ ຄຳສອນ ໄຊຍະວົງ ຍັງໄດ້ມີຄຳເຫັນໂອ້ລົມຕໍ່ພະນັກງານ ທີ່ໄດ້ຮັບເງິນອຸດໜູນ ຊຶ່ງໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ຜົນສຳເລັດທີ່ບັນດາສະຫາຍຍາດໄດ້ໃນໄລຍະຜ່ານມາກໍຄື: ການປະກອບສ່ວນຢ່າງຕັ້ງໜ້າເຂົ້າໃນໜ້າທີ່ວຽກງານຂະບວນການດ້ານຕ່າງໆ ທີ່ການຈັດຕັ້ງຂັ້ນເທິງມອບໝາຍໃຫ້ໃນພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດກໍຄື: ປະກອບສ່ວນເຂົ້າໃນການປັບປຸງກໍ່ສ້າງກົມກອງ ທີ່ຕົນສັງກັດດ້ວຍຄວາມຮັບຜິດຊອບສູງ ຈາກນັ້ນພາຍຫຼັງທີ່ໄດ້ກັບຄືນທ້ອງຖິ່ນຂອງຕົນແລ້ວ ກໍ່ຕ້ອງສືບຕໍ່ມູນເຊື້ອຄວາມເປັນແບບຢ່າງໃຫ້ລູກຫຼານປະກອບສ່ວນນຳອຳນາດການປົກຄອງທ້ອງຖິ່ນ ແລະ ສະຫາຍຍັງໄດ້ສະແດງຄວາມເປັນຫວ່ງເປັນໃຍ ພ້ອມທັງກ່າວວ່າພາຍຫຼັງໄດ້ຮັບເງິນຈຳນວນດັ່ງກ່າວແລ້ວ ຈົ່ງນຳໃຊ້ເງິນເຂົ້າໃນວຽກງານທີ່ຈຳເປັນ ເພື່ອເປັນການປັບປຸງແກ້ໄຂຊີວິດການເປັນຢູ່ຂອງຄອບຄົວໃຫ້ເກີດປະໂຫຍດສູງ. ໂດຍ: ວໍລະສິດ ພິດສະຫາຍ. ເບີໂທ: 020 9444 9236.
ສະຫາຍ ພັນໂທ ມານິດ ຈັນສີ ຮອງຫົວໜ້າພະແນກພະນັກງານຫ້ອງການເມືອງ ກອງບັນຊາການທະຫານແຂວງບໍ່ແກ້ວ ໄດ້ຂຶ້ນຜ່ານຂໍ້ຕົກລົງ ວ່າດ້ວຍການອະນຸມັດໃຫ້ນາຍທະຫານອອກການຮັບເງິນອຸດໝູນເທື່ອດຽວ. ໂດຍອີງຕາມ ກົດໝາຍນາຍທະຫານກອງທັບ ປະຊາຊົນລາວ (ສະບັບປັງປຸງ) ແລະ ອີງຕາມກົດໝາຍວ່າດ້ວຍປະກັນສັງຄົມ (ສະບັບປັບປຸງ), ກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ຕົກລົງມອບເງິນອຸດໜູນເທື່ອດຽວ ໃຫ້ພະນັກງານຈຳນວນທັງໝົດ 11ສະຫາຍ, ລວມເປັນເງິນຈຳນວນທັງໝົດ 722 ລ້ານກ່ວາກີບ.
ໂອກາດດັ່ງກ່າວ, ສະຫາຍ ພັນເອກ ຄຳສອນ ໄຊຍະວົງ ຍັງໄດ້ມີຄຳເຫັນໂອ້ລົມຕໍ່ພະນັກງານ ທີ່ໄດ້ຮັບເງິນອຸດໜູນ ຊຶ່ງໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ຜົນສຳເລັດທີ່ບັນດາສະຫາຍຍາດໄດ້ໃນໄລຍະຜ່ານມາກໍຄື: ການປະກອບສ່ວນຢ່າງຕັ້ງໜ້າເຂົ້າໃນໜ້າທີ່ວຽກງານຂະບວນການດ້ານຕ່າງໆ ທີ່ການຈັດຕັ້ງຂັ້ນເທິງມອບໝາຍໃຫ້ໃນພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດກໍຄື: ປະກອບສ່ວນເຂົ້າໃນການປັບປຸງກໍ່ສ້າງກົມກອງ ທີ່ຕົນສັງກັດດ້ວຍຄວາມຮັບຜິດຊອບສູງ ຈາກນັ້ນພາຍຫຼັງທີ່ໄດ້ກັບຄືນທ້ອງຖິ່ນຂອງຕົນແລ້ວ ກໍ່ຕ້ອງສືບຕໍ່ມູນເຊື້ອຄວາມເປັນແບບຢ່າງໃຫ້ລູກຫຼານປະກອບສ່ວນນຳອຳນາດການປົກຄອງທ້ອງຖິ່ນ ແລະ ສະຫາຍຍັງໄດ້ສະແດງຄວາມເປັນຫວ່ງເປັນໃຍ ພ້ອມທັງກ່າວວ່າພາຍຫຼັງໄດ້ຮັບເງິນຈຳນວນດັ່ງກ່າວແລ້ວ ຈົ່ງນຳໃຊ້ເງິນເຂົ້າໃນວຽກງານທີ່ຈຳເປັນ ເພື່ອເປັນການປັບປຸງແກ້ໄຂຊີວິດການເປັນຢູ່ຂອງຄອບຄົວໃຫ້ເກີດປະໂຫຍດສູງ. ໂດຍ: ວໍລະສິດ ພິດສະຫາຍ. ເບີໂທ: 020 9444 9236.
ຄໍາເຫັນ