 |
ທ່ານ ຄຳໄຫຼ ສີປະເສີດ ກຳມະການສູນກາງພັກ ຮອງປະທານ ສນຊ ກ່າວວ່າ: ແນວລາວສ້າງຊາດແຕ່ລະຂັ້ນໄດ້ເຄື່ອນໄຫວຕາມພາລະບົດບາດ ແລະ ໜ້າທີ່ຢ່າງຕັ້ງໜ້າ ໂດຍສະເພາະ 6 ວຽກຈຸດສຸມ, ສ້າງການຫັນປ່ຽນໃໝ່ໃນຂົງເຂດວຽກງານແນວລາວສ້າງຊາດ ແລະ ແຜນພັດທະນາຂອງຕົນ ປະກອບສ່ວນເຂົ້າໃນການຈັດຕັ້ງຜັນຂະຫຍາຍແຜນວຽກລວມຂອງສູນກາງພັກ, ລັດຖະບານ; ປະຊາຊົນບັນດາເຜົ່າ, ຊັ້ນຄົນ ແລະ ສາສະໜາຕ່າງໆ ມີຄວາມສາມັກຄີເປັນປຶກແຜ່ນ ພ້ອມກັນເຂົ້າຮ່ວມປະຕິບັດນະໂຍບາຍ ແລະ ແຜນວຽກທີ່ພັກ, ລັດຖະບານ ແລະ ອົງການປົກຄອງທ້ອງ ຖິ່ນວາງອອກເປັນຢ່າງດີ, ແນວລາວສ້າງຊາດແຕ່ລະຂັ້ນໄດ້ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ຕິດພັນກັບມະຕິກອງປະຊຸມໃຫຍ່ ຄັ້ງທີ XI ຂອງແນວລາວສ້າງຊາດ, ເຜີຍແຜ່, ເຊື່ອມຊຶມມະຕິຕ່າງໆຂອງສູນກາງພັກ ເປັນຕົ້ນ: ມະຕິຄົບຄະນະຄັ້ງທີ 9 ແລະ 10 ຂອງສູນກາງພັກສະໄໝທີ XI, ບັນດາຄໍາສັ່ງ, ຄໍາແນະນໍາ, ເຜີຍແຜ່ຂໍ້ຕົກລົງ ແລະ ວຽກງານອື່ນໆ, ສຳລັບ 2 ວາລະແຫ່ງຊາດໃນຂົງເຂດແນວລາວສ້າງຊາດ ໄດ້ເອົາໃຈໃສ່ຄຸ້ມຄອງການ ນໍາໃຊ້ງົບປະມານ, ຈັດຕັ້ງປາຖະກະຖາເລົ່າມູນເຊື້ອຂອງພັກ, ຂອງຊາດ; ລົງຊຸກຍູ້ວຽກງານກົງຈັກ-ບຸກຄະລາກອນຕິດພັນກັບການກະກຽມດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດນະຄອນຫຼວງ ແລະ ບັນດາແຂວງ.
ທ່ານ ຄຳໄຫຼ ສີປະເສີດ ກ່າວໃຫ້ຮູ້ຕື່ມວ່າ: ເພື່ອເຮັດໃຫ້ບັນດາແຜນວຽກເຫຼົ່ານັ້ນໄດ້ຮັບການຈັດຕັ້ງປະຕິບັດໃນ 6 ເດືອນທ້າຍປີ ຈະສຸມໃສ່ປະຕິບັດໜ້າວຽກສໍາຄັນດັ່ງນີ້: ແນວລາວສ້າງຊາດທຸກຂັ້ນຕ້ອງຈັດຕັ້ງເຊື່ອມຊຶມ, ເຜີຍແຜ່ມະຕິ XI ຂອງສູນກາງພັກ, ແຜນພັດທະນາຂອງອົງການແນວລາວສ້າງຊາດບັນດາມະຕິ, ແຜນວຽກໃໝ່ໆ ຂອງສູນກາງພັກ, ສະພາແຫ່ງຊາດ ແລະ ລັດຖະບານໃຫ້ພະນັກງານ-ລັດຖະກອນຮັບຮູ້ເຂົ້າໃຈຢ່າງທົ່ວເຖິງ ຫັນອອກມາເປັນແຜນວຽກລະອຽດເຂົ້າສູ່ພາກປະຕິບັດຕົວຈິງ; ແນວລາວສ້າງຊາດແຕ່ລະຂັ້ນ ຕ້ອງເພີ່ມທະວີການນໍາພາຊີ້ນໍາ, ຍົກສູງຄວາມຮັບຜິດຊອບຂອງຕົນໃຫ້ສູງກວ່າເກົ່າ, ປະສານສົມທົບກັບພາກສ່ວນກ່ຽວຂ້ອງທັງສູນກາງ ແລະ ທ້ອງຖິ່ນຢ່າງກົມກຽວ ແລະ ໄປໃນລວງດຽວກັນ; ບັນດາກົມ-ຫ້ອງການ ແລະ ສູນຮັບຜິດຊອບໃນແຕ່ລະໂຄງການໃຫ້ມີການແບ່ງງານ, ແບ່ງຄວາມຮັບຜິດຊອບເພື່ອກຳກັບການຈັດຕັ້ງປະຕິບັດ 5 ແຜນງານ 28 ໂຄງການໃນແຜນພັດທະນາ, 14 ໂຄງການໃໝ່ ແລະ 6 ແຜນວຽກຈຸດສຸມສໍາຄັນໃຫ້ສອດຄ່ອງ ແລະ ແທດເຖິງກວ່າເກົ່າ; ພ້ອມທັງມີການຕິດຕາມ, ກວດກາ ແລະ ປະເມີນເປັນແຕ່ລະໄລຍະ; ຍູ້ແຮງການປະຕິບັດບັນດາໂຄງການຂອງກໍາມະການ, ຄະນະທີ່ປຶກສາ ແລະ ຄູ່ຮ່ວມງານທີ່ໄດ້ດໍາເນີນຢູ່ແຕ່ລະຂັ້ນໃຫ້ມີຄວາມຄືບໜ້າ ແລະ ມີຜົນສໍາເລັດເປັນກ້າວໆ. ແນໃສ່ເພີ່ມທະວີ 4 ເສີມສ້າງຢູ່ພື້ນທີ່ດັ່ງກ່າວ, ມີຄວາມເປັນປຶກແຜ່ນຍິ່ງຂຶ້ນ. ສືບຕໍ່ປຸກລະດົມໂຄງການຮັກບ້ານເກີດ, ໂຄງການຜະລິດ ແລະ ຊື້ສິນຄ້າຂອງລາວ ແລະ ອື່ນໆ ເພື່ອສະໜັບສະໜູນມະຕິ 04 ຂອງກົມການເມືອງສູນກາງພັກ ແລະ ສ້າງການຫັນປ່ຽນໃນວຽກງານແນວໂຮມຢ່າງແຂງແຮງ; ມີການຄົ້ນຄວ້າແກ້ໄຂຂອດທີ່ຍັງຫຍຸ້ງຍາກໃຫ້ທັນສະພາບການ ທັງມີການສະຫຼຸບ-ລາຍງານຂັ້ນເທິງເປັນປົກກະຕິໃນແຕ່ລະໄລຍະ.
ຂ່າວ-ພາບ: ບຸນອູ້ມ
ຄໍາເຫັນ