 |
ກອງປະຊຸມຄັ້ງນີ້, ໄດ້ປຶກສາຫາລືກັນຫຼາຍບັນຫາ ເພື່ອຜັນຂະຫຍາຍເນື້ອໃນຈິດໃຈມະຕິກອງປະຊຸມໃຫຍ່ຜູ້ແທນນັກຮົບເກົ່າທົ່ວປະເທດ ຄັ້ງທີ V ຊຶ່ງບັນດາສະຫາຍໄດ້ພ້ອມກັນກໍານົດແຜນດໍາເນີນງານຂອງຄະນະບໍລິ ຫານງານ ສນຫລ ສະໄໝທີ V ເພື່ອຈັດຕັ້ງຜັນຂະຫຍາຍຜົນສໍາເລັດກອງປະຊຸມໃຫຍ່ດັ່ງກ່າວໃຫ້ເປັນຮູບປະທໍາ, ໃຫ້ບັນລຸໝາກຜົນຕາມຄາດໝາຍທີ່ກໍານົດໄວ້ ແລະ ອີກບັນຫາໜຶ່ງພວກເຮົາໄດ້ພ້ອມກັນຖອດຖອນບົດຮຽນການນໍາພາ-ຊີ້ນໍາ ຂອງຄະນະບໍລິຫານງານ ສນຫລ ແນໃສ່ປັບປຸງແບບແຜນວິທີເຮັດວຽກ, ແບບແຜນວິທີນໍາພາໃຫ້ສອດຄ່ອງກັບສະພາບການຕົວຈິງ ແລະ ມີປະສິດທິຜົນດີກວ່າເກົ່າ.
ນອກຈາກນີ້, ກອງປະຊຸມໄດ້ພ້ອມກັນເປີດຂະບວນການຂໍ້ແຂ່ງຂັນ 6 ຮັກສາຂອງ ສນຫລ; ຮຽກຮ້ອງມາຍັງຄະນະບໍລິຫານງານ ສນຫລ ແລະ ບັນດາສະຫາຍຜູ້ແທນ ຈົ່ງຍົກສູງຄວາມຮັບຜິດຊອບໃນການຄົ້ນຄວ້າ ຄວາມຄິດຄວາມເຫັນ, ບົນພື້ນຖານສະພາບຄວາມເປັນຈິງຂອງໜ້າທີ່ວຽກງານ ເພື່ອຮັບປະກັນການຜັນຂະຫຍາຍ, ຈັດຕັ້ງປະຕິບັດໃຫ້ໄດ້ຮັບຜົນສໍາເລັດ, ຍົກສູງຄວາມຮັບຜິດຊອບ, ເສີມຂະຫຍາຍສິດປະຊາທິປະໄຕຂອງຕົນຢ່າງເຕັມສ່ວນ, ສຸມທຸກສະຕິປັນຍາເຂົ້າໃນການຄົ້ນຄວ້າປະກອບຄຳຄິດຄຳເຫັນ, ຖອດຖອນບົດຮຽນ ແລະ ຕົກລົງບັນຫາຕ່າງໆ ບົນພື້ນຖານຫຼັກການລວມສູນປະຊາທິປະໄຕຢ່າງກວ້າງຂວາງ ແລະ ເຮັດໃຫ້ກອງປະຊຸມຄັ້ງນີ້ບັນລຸຜົນສຳເລັດຕາມຄາດໝາຍທີ່ວາງໄວ້.
ໂອກາດນີ້, ທ່ານ ພົນໂທ ແສງນວນ ໄຊຍະລາດ ໄດ້ໃຫ້ກຽດໂອ້ລົມ ແລະ ເນັ້ນໜັກໃຫ້ພະນັກງານຫຼັກ ແຫຼ່ງເອົາໃຈໃສ່ປະຕິບັດບັນດາວຽກງານຈຸດສຸມຂອງ ສນຫລ ໃນຕໍ່ໜ້າ ພ້ອມທັງຮຽກຮ້ອງໃຫ້ທົ່ວສະຫະພັນນັກຮົບເກົ່າເພີ່ມທະວີການກໍ່ສ້າງປັບປຸງພັກໃຫ້ປອດໃສ ເຂັ້ມແຂງ ໜັກແໜ້ນ, ເອົາໃຈໃສ່ປັບປຸງກົງຈັກການຈັດຕັ້ງໃຫ້ເຂັ້ມແຂງ, ພັດທະນາບຸກຄະລາກອນ, ສ້າງ ແລະ ບຳລຸງພະນັກງານໃຫ້ໄດ້ມາດຕະຖານ ສາມາດຄົ້ນຄວ້າຫັນແນວທາງນະໂຍບາຍຂອງພັກ ເປັນແຜນການ-ແຜນງານການເຄື່ອນໄຫວປະຕິບັດພາລະບົດບາດຂອງ ສນຫລ ໃຫ້ກ້າວເຂົ້າສູ່ລວງເລິກ ແລະ ມີປະສິດທິພາບ, ປະສິດທິຜົນສູງ, ຕັ້ງໜ້າເຕົ້າໂຮມຄວາມສາມັກຄີໃຫ້ເປັນປຶກແຜ່ນປົກປ້ອງສິດຜົນປະໂຫຍດອັນຊອບທຳຂອງນັກຮົບປະຕິວັດ, ປົກປັກຮັກສາ ແລະ ເສີມຂະຫຍາຍທາດແທ້ມູນ ເຊື້ອອັນດີງາມຂອງການປະຕິວັດ, ເປັນແບບຢ່າງອັນດີງາມ ສຶກສາອົບຮົມຄົນຮຸ່ນໃໝ່, ພະນັກງານນັກຮົບຮຸ່ນສືບທອດ ປະກອບສ່ວນປົກປັກຮັກສາ ແລະ ພັດທະນາປະເທດຊາດ ຊຶ່ງສະແດງອອກມີກົນໄກ, ມາດຖານ ແລະ ມີພຶດຕິກຳຕົວຈິງ, ອອກແຮງສ້າງຂະບວນການຂໍ້ແຂ່ງຂັນ 6 ຮັກສາ ຕິດພັນກັບຂໍ້ແຂ່ງຂັນຮັກຊາດ ແລະ ພັດທະ ນາ; ສູ້ຊົນທຸກຄວາມອາດສາມາດ ສ້າງເສດຖະກິດເອກະລາດເປັນເຈົ້າຕົນເອງ ໃນຂົງເຂດສະຫະພັນນັກຮົບເກົ່າລາວໃຫ້ເປັນຂະບວນຟົດຟື້ນ.
ຂ່າວ: ພູວັນ
ຄໍາເຫັນ