ໂດຍໃຫ້ກຽດເຂົ້າຮ່ວມຂອງ ສະຫາຍ ຊົງເລົ່າ ຢົງນູ ຮອງເລຂາພັກນະຄອນຫຼວງວຽງຈັນ, ມີຜູ້ແທນສົມ ບູນ 138 ສະຫາຍ ຍິງ 36 ສະຫາຍ ທີ່ເປັນຕົວແທນໃຫ້ສະມາຊິກພັກ 1,485 ສະຫາຍ ທົ່ວເມືອງ ສີສັດຕະນາກ ແລະ ມີແຂກຖືກເຊີນເຂົ້າຮ່ວມ.
ສະຫາຍ ເດດສົງຄາມ ທຳມະວົງ ໄດ້ກ່າວເປີດກອງປະຊຸມຢ່າງເປັນທາງການ ແລະ ໄດ້ລາຍ ງານການເມືອງຂອງຄະນະບໍລິຫານງານພັກເມືອງສະໄໝທີ VII ຊຶ່ງປະກອບມີ 2 ພາກ ຄື: ພາກທີ I, ຕີລາຄາຜົນການນຳພາປະຕິບັດມະຕິກອງປະຊຸມໃຫຍ່ຄັ້ງທີ VII ຂອງອົງຄະນະພັກເມືອງສີສັດຕະນາກ (2020-2024), ພາກທີ II ທິດທາງລວມ, ຄາດໝາຍສູ້ຊົນ ແລະ ວຽກງານຈຸດສຸມໃນ 5 ປີຕໍ່ໜ້າ (2025-2029),
ໃນໄລຍະ 5 ປີ ຜ່ານມາໄດ້ເອົາໃຈໃສ່ຈັດຕັ້ງເຊື່ອມຊຶມມະຕິກອງປະຊຸມໃຫຍ່ຄັ້ງທີ XI ຂອງສູນກາງພັກ, ມະຕິກອງປະຊຸມໃຫຍ່ອົງຄະນະພັກນະຄອນຫຼວງວຽງຈັນ ຄັ້ງທີ VII ແຜນພັດທະນາ ເສດຖະກິດ-ສັງຄົມ 5 ຄັ້ງທີ IX ຂອງນະຄອນຫຼວງວຽງຈັນ, ເປັນບ່ອນອີງໃນການຈັດຕັ້ງເຊື່ອມຊຶມ ໃຫ້ແກ່ສະມາຊິກພັກ, ພະນັກງານ, ທະຫານ, ຕຳຫຼວດ, ຜູ້ປະກອບການ, ພໍ່ແມ່ປະຊາຊົນ ຢ່າງເປັນປົກະຕິ ແລະ ຕໍ່ເນື່ອງ ເພື່ອສ້າງຄວາມຮັບຮູ້, ຄວາມເຂົ້າໃຈເປັນເອກະພາບ ຢ່າງທົ່ວເຖິງ, ຈັດຕັ້ງປາຖະກະຖາບັນດາມູນເຊື້ອປະຫວັດສາດ, ວັນສໍາຄັນຕ່າງໆຂອງຊາດ, ຂອງພັກ, ຂອງບັນດາ ທ່ານຜູ້ນຳ ແລະ ເຫດການພົ້ນເດັ່ນຕ່າງໆ ຜ່ານການຈັດຕັ້ງປະຕິບັດໄດ້ເຮັດໃຫ້ພະນັກງານ, ສະມາຊິກ ພັກ, ທະຫານ, ຕຳຫຼວດ ແລະ ປະຊາຊົນບັນດາເຜົ່າມີຄວາມຮັບຮູ້, ເຂົ້າໃຈຕໍ່ອຸດົມການຂອງພັກ, ຮັບປະ ກັນໄດ້ສະຖຽນລະພາບທາງດ້ານການເມືອງຢ່າງໜັກແໜ້ນ
.
 |
ໃນນັ້ນໄດ້ນໍາພາພັດທະນາເສດຖະກິດໂດຍຖືເອົາການພັດທະນາເສດຖະກິດ - ສັງຄົມ ຕິດພັນກັບ ວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ເງິນຕາ ເປັນ ສໍາຄັນ ໂດຍສະເພາະສະພາບຈຸດພິເສດ ແລະ ທ່າແຮງຂອງເມືອງ ຕາມກົນໄກເສດຖະກິດຕະຫຼາດທີ່ ມີການຄຸ້ມຄອງຂອງລັດຢ່າງເປັນລະບົບ, ດໍາເນີນການເດີນສໍາຫຼວດ, ກວດກາພື້ນຖານຫົວໜ່ວຍທຸລະກິດ ເພື່ອການຈັດເກັບລາຍຮັບເຂົ້າສູ່ລະບົບທີ່ຫັນເປັນທັນສະໄໝຫຼາຍຂຶ້ນ ຊຶ່ງການຈັດເກັບລາຍຮັບແຕ່ລະປີ ເພີ່ມຂຶ້ນຈົນບັນລຸໄດ້ 345.32 ຕື້ກີບ, ທຽບໃສ່ຄາດໝາຍກອງປະຊຸມ ຄັ້ງທີ VII ວາງອອກ ປະຕິບັດໄດ້ 307.98 ຕື້ກີບ, ລື່ນແຜນການ 37.34 ຕື້ກີບ, ເທົ່າກັບ 112.12%, ດຸນດ່ຽງໃຫ້ນະຄອນຫຼວງວຽງຈັນ 323.80 ຕື້ກີບ, ລື່ນແຜນການ 37.71 ຕື້ ກີບ, ເທົ່າກັບ 113.18%; ນໍາໃຊ້ລະບົບເອເລັກໂຕຣນິກ ທັນສະໄໝເຂົ້າໃນການຄຸ້ມຄອງລາຍຮັບ-ລາຍຈ່າຍ, ຊຳລະຄ່າອາກອນຜ່ານ ລະບົບທະນາຄານ, ຫົວ ໜ່ວຍທຸລະກິດເຂົ້າໃນລະບົບແທັກລິດ (TaxRis), ພີໂອເອັດ (POS) ໄດ້ທັງ ໝົດ 7,870 ຫົວໜ່ວຍ, ເທົ່າກັບ 105.92% ຂອງແຜນການ.
ກອງປະຊຸມຍັງໄດ້ສະຫຼຸບແຜນພັດທະນາເສດຖະກິດ-ສັງຄົມ 5 ປີຜ່ານມາ ແລະ ແຜນການ 5 ປີຕໍ່ໜ້າ (2025-2029), ລາຍງານຫົວຂໍ້: ການຈັດຕັ້ງປະຕິບັດວາລະແຫ່ງຊາດກ່ຽວກັບການແກ້ໄຂບັນ ຫາຢາເສບຕິດ, ຫົວຂໍ້: ການນໍາໃຊ້ເຄື່ອງມືທັນສະໄໝເຂົ້າໃນການຄຸ້ມຄອງ ແລະ ຈັດເກັບລາຍຮັບເຂົ້າ ງົບປະມານແຫ່ງລັດຂອງເມືອງສີສັດຕະນາກ, ຫົວຂໍ້: ການພັດທະນາພື້ນຖານໂຄງລ່າງຕິດພັນກັບການ ແກ້ໄຂສະພາບນໍ້າຖິ້ມຂັງໃນເມືອງສີສັດຕະນາກ, ຫົວຂໍ້: ວິທີການ ແລະ ມາດຕະການໃນການຮັບປະກັນ ເຮັດໃຫ້ການດຳເນີນຄະດີຢູ່ສານຂັ້ນຕົ້ນມີຄວາມໂປ່ງໃສ ແລະ ຫົວຂໍ້: ການແກ້ໄຂປະກົດການຫຍໍ້ທໍ້ຢູ່ໃນ ຂົງເຂດບໍລິການ ທ່ອງທ່ຽວ (ຮ້ານອາຫານ, ຮ້ານກິນດື່ມ ແລະ ຮ້ານບັນເທິງທີ່ມີສຽງເນື່ອງນັນ), ຜ່ານ ບົດສຳຫຼວດການນຳພາລວມ, ຜ່ານເງື່ອນໄຂ, ມາດຖານຜູ້ສະໝັກເລືອກຕັ້ງຄະນະບໍລິຫານງານ ພັກເມືອງ ຊຸດທີ VIII, ຜ່ານມາດຖານເງື່ອນໄຂຜູ້ແທນສົມບູນ ແລະ ສຳຮອງໄປຮ່ວມກອງປະຊຸມໃຫຍ່ຄັ້ງທີ VIII ຂອງອົງຄະນະພັກ ນະຄອນຫຼວງວຽງຈັນ, ດຳເນີນການປ່ອນບັດເລືອກຕັ້ງຄະນະບໍລິຫານງານພັກເມືອງ ຊຸດທີ VIII.
(ຂ່າວ-ພາບ: ສຳນານ)
ຄໍາເຫັນ