ກອງປະຊຸມໄດ້ຮັບຮອງ “ສັນຍາວ່າດ້ວຍອະນາຄົດ” ຊຶ່ງເປັນຜົນງານຂອງກອງປະຊຸມສຸດຍອດຄັ້ງນີ້ພ້ອມດ້ວຍເອກະສານຕິດຄັດ ເພື່ອພັດທະນາຂອບລັດທິຫຼາຍຝ່າຍຕື່ມອີກໃຫ້ສອດຄ່ອງກັບການພັດທະນາໃນອະນາຄົດ, ສຸມຄວາມພະຍາຍາມສ້າງໂລກທີ່ມີຄວາມໝັ້ນຄົງ, ສັນຕິພາບ, ຍຸຕິທໍາ, ສະເໝີພາບ, ກວມລວມ, ຍືນຍົງ ແລະ ຈະເລີນຮຸ່ງເຮືອງ.
“ສັນຍາວ່າດ້ວຍອະນາຄົດ” ແລະ ເອກະສານຕິດຄັດ 2 ສະບັບຄື: “ສັນຍາວ່າດ້ວຍດີຈີຕອນໂລກ” ແລະ “ຖະແຫຼງການວ່າດ້ວຍລູກຫຼານຄົນຮຸ່ນຫຼັງ” ແມ່ນມີເນື້ອໃນກ່ຽວພັນເຖິງ 5 ຂົງເຂດ ຄື: ການພັດທະນາແບບຍືນຍົງ ແລະ ການລະດົມທຶນເພື່ອພັດທະນາ, ສັນຕິພາບ ແລະ ຄວາມໝັ້ນຄົງສາກົນ, ເຕັກນິກວິທະຍາສາດ ການປະດິດສ້າງ ແລະ ການຮ່ວມມືດ້ານດີຈີຕອນ, ຊາວໜຸ່ມ ແລະ ລູກຫຼານຄົນຮຸ່ນຫຼັງ ກໍຄືການປະຕິຮູບການບໍລິຫານໂລກ, ໂດຍໄດ້ບັນຍາຍຫຼັກໝັ້ນຮ່ວມຂອງປະຊາຄົມໂລກທັງໄດ້ຊີ້ທິດເຍືອງທາງຢ່າງຈະແຈ້ງໃຫ້ແກ່ການປັບປຸງ ແລະ ພັດທະນາການບໍລິຫານໂລກໃຫ້ດີຂຶ້ນ.
ຄໍາເຫັນ