ໂດຍມີທ່ານກາວກິມຮຸນ ເລຂາທິການໃຫຍ່ອາຊຽນ, ທ່ານນາງໂຫວຢ້ຽນສີ ເອກອັກຄະລັດຖະທູດຈີນປະຈຳອາຊຽນ, ທູຕານຸທູດຂອງບັນດາປະເທດປະຈຳອາຊຽນ ແລະຜູ້ຕາງໜ້າວົງການຕ່າງໆຫຼາຍກວ່າ 150 ທ່ານເຂົ້າຮ່ວມ.
ຂ່າວລະບຸວ່າ: ໃນໂອກາດປະກອບຄຳເຫັນ, ທ່ານນາງໂຫວຢ້ຽນສີ ໄດ້ເນັ້ນໜັກວ່າມາດຕະການປະຕິຮູບສຳຄັນຕ່າງໆຂອງຈີນໄດ້ສະໜອງໂອກາດໃໝ່ໃຫ້ແກ່ການຮ່ວມມືລະຫວ່າງຈີນກັບອາຊຽນ ແລະການພັດທະນາຮ່ວມກັນຂອງພາກພື້ນ, ຫວັງວ່າສອງຝ່າຍຈະຊຸກຍູ້ການເຊື່ອມໂຍງເຊື່ອມຈອດກັນທີ່ມີລະດັບສູງ, ມີລັກສະນະກວມລວມ ແລະເຊື່ອມສານຈິດໃຈຕື່ມອີກ, ເພື່ອປະກອບສ່ວນເຂົ້າໃນການຍົກລະດັບສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນກັບອາຊຽນໃຫ້ສູງຂຶ້ນ.
ບັນດາແຂກທີ່ເຂົ້າຮ່ວມກອງປະຊຸມໄດ້ຕີລາຄາຢ່າງຕັ້ງໜ້າຕໍ່ຜົນງານດ້ານການຮ່ວມມືໃນເຂດເຊື່ອມໂຍງເຊື່ອມຈອດກັນລະຫວ່າງຈີນກັບອາຊຽນ, ຄອງຄອຍຈີນ ແລະອາຊຽນຈະສືບຕໍ່ເພີ່ມທະວີການຮ່ວມມື, ຮ່ວມກັນຊຸກຍູ້ການພັດທະນາ ແລະ ຄວາມຈະເລີນຮຸ່ງເຮືອງຂອງພາກພື້ນ.
ກອງປະຊຸມເວທີປຶກສາຫາລືຄັ້ງນີ້ໄດ້ມີຫົວຂໍ້ວ່າ: “ເຊື່ອມໂຍງເຊື່ອມຈອດກັນ: ຂົວຕໍ່ ແລະສາຍຜູກພັນ ຊຶ່ງໄດ້ຮ່ວມກັນຈັດຂຶ້ນໂດຍຄະນະທູດຈີນປະຈຳອາຊຽນ ແລະ ຄະນະທູດມາເລເຊຍຖາວອນປະຈຳອາຊຽນ.
ຄໍາເຫັນ