ອົງການໄອຍະການປະຊາຊົນສູງສຸດ (ອອປສ) ຮ່ວມກັບ ອົງການອະນຸລັກສັດປ່າ ປະຈໍາ ສປປ ລາວ ໄດ້ຈັດກອງປະຊຸມວຽກງານຕ້ານ ແລະ ສະກັດກັ້ນ ອາຊະຍາກຳສັດປ່າ ຂຶ້ນໃນລະຫວ່າງ ວັນທີ 5-7 ທັນວາ ນີ້ ຢູ່ ໂຮງແຮມສິນສະໄໝ ແຂວງສາລະວັນ ໂດຍການເປັນປະທານຂອງ ທ່ານ ນາງ ພອນເພັດ ອຸ່ນແກ້ວ ຮອງຫົວໜ້າ ອອປສ, ທ່ານ ນາງ ມະໂນລີ ສີສະຫວັນ ຮອງຫົວໜ້າອົງການອະນຸລັກສັດປ່າ ປະຈຳ ລາວ (WCS), ມີບັນດາເຈົ້າເມືອງ, ຮອງເຈົ້າເມືອງ 8 ຕົວເມືອງຂອງແຂວງສາລະວັນເຂົ້າຮ່ວມ.
ທ່ານ ນາງ ມະໂນລີ ສີສະຫວັນ ກ່າວວ່າ:ກອງປະຊຸມຄັ້ງນີ້ຈັດຂຶ້ນເພື່ອເປັນການຈັດຕັ້ງຜັນຂະຫຍາຍກົດໝາຍ ແລະ ບັນດານິຕິກໍາລຸ່ມກົດໝາຍ ເຂົ້າໃນການເຄື່ອນໄຫວດໍາເນີນຄະດີອາຊະຍາກໍາສັດປ່າໃນ ສປປ ລາວ ໃຫ້ໄດ້ຮັບການຈັດຕັ້ງປະຕິບັດຕົວຈິງຢ່າງມີປະສິດທິພາບສູງ ເຮັດໃຫ້ບັນ ດາທ່ານ ທີ່ເຂົ້າຮ່ວມກອງປະຊຸມ ມີຄວາມຮັບຮູ້, ມີຄວາມເຂົ້າໃຈຢ່າງເລິກເຊິ່ງ ກ່ຽວກັບອາຊະຍາກໍາສັດປ່າທີ່ເກີດຂຶ້ນໃນລະດັບພາກພື້ນ ແລະ ສາກົນ ທັງເປັນການຍົກລະດັບຂີດຄວາມສາມາດຂອງພະນັກງານວິຊາການ ເພື່ອເປັນບ່ອນອີງໃຫ້ແກ່ເຈົ້າໜ້າທີ່ ທີ່ກ່ຽວຂ້ອງໃນການຈັດຕັ້ງປະຕິບັດວຽກງານການດໍາເນີນຄະດີອາຊະຍາກໍາສັດປ່າ ໃນ ສປປ ລາວ ໃຫ້ມີຄວາມເປັນເອກະພາບ, ມີປະສິດທິພາບ ແລະ ມີປະສິດທິຜົນ. ໃນນັ້ນກອງປະຊຸມຍັງໄດ້ຮັບຟັງການບັນຍາຍບັນດາຫົວຂໍ້ທີ່ສຳຄັນຄື: 1) ຄວາມຮູ້ພື້ນຖານກ່ຽວກັບອາຊະຍາກຳສັດປ່າໃນລະດັບສາກົນ, ບັນດາສົນທິສັນຍາພາກພື້ນ ແລະ ສາກົນ ພ້ອມທັງບັນດາກົດໝາຍ ແລະ ນິຕິກຳທີ່ກ່ຽວຂ້ອງທັງພາຍໃນ ແລະ ຕ່າງປະເທດ; 2) ການດໍາເນີນຄະດີອາຊະຍາກຳສັດປ່າ ຂອງເຈົ້າໜ້າທີ່ຕຳຫຼວດ, ເຈົ້າໜ້າທີ່ພາສີ ແລະ ເຈົ້າໜ້າທີ່ປ່າໄມ້ກ່ຽວກັບການດຳເນີນຄະດີອາຊະຍາກຳສັດປ່າ ໃນໄລຍະຜ່ານມາ; 3) ການຕິດຕາມກວດກາການດໍາເນີນຄະດີອາຊະຍາກຳສັດປ່າ ຂອງອົງການໄອຍະການປະຊາຊົນ; ພິເສດ ອປສ ແລະ ອົງການອະນຸລັກສັດປ່າ ປະຈໍາ ລາວ ເຫັນໄດ້ຄວາມສໍາຄັນ ຂອງການສ້າງເອກະສານທາງການ ແລະ ວຽກງານພິທີການ ບໍ່ວ່າຈະເປັນການຮ່າງເອກະສານພາຍໃນຫ້ອງການຕົນເອງ ຫຼື ສົ່ງໄປຫາຂະແໜງການອື່ນທີ່ກ່ຽວຂ້ອງ ລວມທັງການຕ້ອນຮັບແຂກ, ການກະກຽມກອງປະຊຸມ ແລະ ອື່ນໆ ຈຶ່ງໄດ້ນໍາເອົາບາງບົດຮຽນ ກ່ຽວກັບການສ້າງເອກະສານທາງການ ແລະ ວຽກງານພິທີການ.
ໃນໂອກາດນີ້, ທ່ານ ນາງ ພອນເພັດ ອຸ່ນແກ້ວ ໄດ້ສະແດງຄວາມຍ້ອງຍໍຊົມເຊີຍ ຕໍ່ອົງການອະນຸລັກສັດປ່າ ປະຈໍາ ລາວ ທີ່ໄດ້ໃຫ້ການສະໜັບສະໜູນ, ພ້ອມໃຫ້ຜູ້ເຂົ້າຮ່ວມພ້ອມກັນຄົ້ນຄວ້າ, ປຶກສາຫາລື, ສົນທະນາແລກປ່ຽນບົດຮຽນ ລະຫວ່າງ ວິທະຍາກອນ ແລະ ຜູ້ເຂົ້າຮ່ວມດ້ວຍກັນ ເພື່ອຍາດແຍ່ງໃຫ້ໄດ້ຄວາມຮູ້ ແລະ ບົດຮຽນຫຼາຍທີ່ສຸດ ໂດຍສະເພາະວຽກງານຕ້ານ ແລະ ສະກັດກັ້ນ ອາຊະຍາກຳສັດປ່າ ເພື່ອນໍາເອົາຄວາມຮູ້ ແລະ ປະສົບປະການດັ່ງກ່າວໄປຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງ.
(ຂ່າວ-ພາບ: ແສງພະຈັນ)
ທ່ານ ນາງ ມະໂນລີ ສີສະຫວັນ ກ່າວວ່າ:ກອງປະຊຸມຄັ້ງນີ້ຈັດຂຶ້ນເພື່ອເປັນການຈັດຕັ້ງຜັນຂະຫຍາຍກົດໝາຍ ແລະ ບັນດານິຕິກໍາລຸ່ມກົດໝາຍ ເຂົ້າໃນການເຄື່ອນໄຫວດໍາເນີນຄະດີອາຊະຍາກໍາສັດປ່າໃນ ສປປ ລາວ ໃຫ້ໄດ້ຮັບການຈັດຕັ້ງປະຕິບັດຕົວຈິງຢ່າງມີປະສິດທິພາບສູງ ເຮັດໃຫ້ບັນ ດາທ່ານ ທີ່ເຂົ້າຮ່ວມກອງປະຊຸມ ມີຄວາມຮັບຮູ້, ມີຄວາມເຂົ້າໃຈຢ່າງເລິກເຊິ່ງ ກ່ຽວກັບອາຊະຍາກໍາສັດປ່າທີ່ເກີດຂຶ້ນໃນລະດັບພາກພື້ນ ແລະ ສາກົນ ທັງເປັນການຍົກລະດັບຂີດຄວາມສາມາດຂອງພະນັກງານວິຊາການ ເພື່ອເປັນບ່ອນອີງໃຫ້ແກ່ເຈົ້າໜ້າທີ່ ທີ່ກ່ຽວຂ້ອງໃນການຈັດຕັ້ງປະຕິບັດວຽກງານການດໍາເນີນຄະດີອາຊະຍາກໍາສັດປ່າ ໃນ ສປປ ລາວ ໃຫ້ມີຄວາມເປັນເອກະພາບ, ມີປະສິດທິພາບ ແລະ ມີປະສິດທິຜົນ. ໃນນັ້ນກອງປະຊຸມຍັງໄດ້ຮັບຟັງການບັນຍາຍບັນດາຫົວຂໍ້ທີ່ສຳຄັນຄື: 1) ຄວາມຮູ້ພື້ນຖານກ່ຽວກັບອາຊະຍາກຳສັດປ່າໃນລະດັບສາກົນ, ບັນດາສົນທິສັນຍາພາກພື້ນ ແລະ ສາກົນ ພ້ອມທັງບັນດາກົດໝາຍ ແລະ ນິຕິກຳທີ່ກ່ຽວຂ້ອງທັງພາຍໃນ ແລະ ຕ່າງປະເທດ; 2) ການດໍາເນີນຄະດີອາຊະຍາກຳສັດປ່າ ຂອງເຈົ້າໜ້າທີ່ຕຳຫຼວດ, ເຈົ້າໜ້າທີ່ພາສີ ແລະ ເຈົ້າໜ້າທີ່ປ່າໄມ້ກ່ຽວກັບການດຳເນີນຄະດີອາຊະຍາກຳສັດປ່າ ໃນໄລຍະຜ່ານມາ; 3) ການຕິດຕາມກວດກາການດໍາເນີນຄະດີອາຊະຍາກຳສັດປ່າ ຂອງອົງການໄອຍະການປະຊາຊົນ; ພິເສດ ອປສ ແລະ ອົງການອະນຸລັກສັດປ່າ ປະຈໍາ ລາວ ເຫັນໄດ້ຄວາມສໍາຄັນ ຂອງການສ້າງເອກະສານທາງການ ແລະ ວຽກງານພິທີການ ບໍ່ວ່າຈະເປັນການຮ່າງເອກະສານພາຍໃນຫ້ອງການຕົນເອງ ຫຼື ສົ່ງໄປຫາຂະແໜງການອື່ນທີ່ກ່ຽວຂ້ອງ ລວມທັງການຕ້ອນຮັບແຂກ, ການກະກຽມກອງປະຊຸມ ແລະ ອື່ນໆ ຈຶ່ງໄດ້ນໍາເອົາບາງບົດຮຽນ ກ່ຽວກັບການສ້າງເອກະສານທາງການ ແລະ ວຽກງານພິທີການ.
ໃນໂອກາດນີ້, ທ່ານ ນາງ ພອນເພັດ ອຸ່ນແກ້ວ ໄດ້ສະແດງຄວາມຍ້ອງຍໍຊົມເຊີຍ ຕໍ່ອົງການອະນຸລັກສັດປ່າ ປະຈໍາ ລາວ ທີ່ໄດ້ໃຫ້ການສະໜັບສະໜູນ, ພ້ອມໃຫ້ຜູ້ເຂົ້າຮ່ວມພ້ອມກັນຄົ້ນຄວ້າ, ປຶກສາຫາລື, ສົນທະນາແລກປ່ຽນບົດຮຽນ ລະຫວ່າງ ວິທະຍາກອນ ແລະ ຜູ້ເຂົ້າຮ່ວມດ້ວຍກັນ ເພື່ອຍາດແຍ່ງໃຫ້ໄດ້ຄວາມຮູ້ ແລະ ບົດຮຽນຫຼາຍທີ່ສຸດ ໂດຍສະເພາະວຽກງານຕ້ານ ແລະ ສະກັດກັ້ນ ອາຊະຍາກຳສັດປ່າ ເພື່ອນໍາເອົາຄວາມຮູ້ ແລະ ປະສົບປະການດັ່ງກ່າວໄປຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງ.
(ຂ່າວ-ພາບ: ແສງພະຈັນ)
ຄໍາເຫັນ