ອົງການໄອຍະການປະຊາຊົນສູງສຸດ (ອອປສ) ໄດ້ຈັດກອງປະຊຸມວິທະຍາສາດ ກ່ຽວກັບການຂຽນມາດຕາກົດໝາຍໃນເອກະສານທາງລັດຖະການ ຂຶ້ນໃນວັນທີ 30 ພະຈິກ ນີ້ ທີ່ ອອປສ ໂດຍພາຍໃຕ້ການເປັນປະທານຂອງທ່ານ ຄຳເພັດ ສົມວໍລະຈິດ ຮອງຫົວໜ້າ ອອປສ ໂດຍມີພະນັກງານ ອອປສ, ກະຊວງ ແລະ ມີຂະແໜງການອ້ອມຂ້າງສູນກາງ ເຂົ້າຮ່ວມ.
ໃນກອງປະຊຸມໄດ້ຮັບຟັງການລາຍງານຜົນຂອງການຄົ້ນຄວ້າການຂຽນມາດຕາກົດໝາຍຂອງ ອອປສ ແລະ ໄດ້ປະກອບຄຳເຫັນຢ່າງກົງໄປກົງມາ ແລະ ເຫັນໄດ້ວ່າ ສປປ ລາວ ຍາມໃດ ກໍຖືສໍາຄັນການປົກຄອງດ້ວຍກົດໝາຍ ເອກະພາບ ແລະ ສັກສິດ.ຍ້ອນເຫັນໄດ້ຄວາມສຳຄັນຄືແນວນັ້ນ, ພັກເຮົາ ຈຶ່ງອອກມະຕິວ່າດ້ວຍຍົກສູງປະສິດທິພາບການຄຸ້ມຄອງລັດ, ຄຸ້ມຄອງສັງຄົມ ດ້ວຍກົດໝາຍ ສະບັບເລກທີ 037/ຄບສພ, ລົງວັນທີ 18 ມິຖຸນາ 2018 ແລະ ມະຕິຂອງກົມການເມືອງສູນກາງພັກວ່າດ້ວຍການຍົກສູງຄຸນນະພາບການດໍາເນີນຄະດີ ຕາມຂະບວນຍຸຕິທຳ ເລກທີ 112 /ກມສພ ລົງວັນທີ 2/6/2020, ຄົ້ນຄວ້າຫົວຂໍ້ລະດັບຊາດ ຫົວຂໍ້: ການສ້າງລັດທີ່ປົກຄອງດ້ວຍກົດໝາຍ ຢູ່ ສປປ ລາວ, ຮັບຮອງກົດໝາຍຮ້ອຍກວ່າສະບັບ ຊຶ່ງໄດ້ເປັນພື້ນຖານສໍາຄັນ ໃຫ້ແກ່ການສ້າງລັດທີ່ປົກຄອງດ້ວຍກົດໝາຍ ຢູ່ ສປປ ລາວ ໃນຕໍ່ໜ້າ ແລະ ຍາວນານ ຊຶ່ງທ່ານປະທານໄກສອນພົມວິຫານ ຜູ້ນໍາທີ່ແສນເຄົາລົບຮັກໄດ້ໃຫ້ທັດສະນະວ່າ:ລັດປົກຄອງດ້ວຍກົດໝາຍແມ່ນລັດທີ່ຖືກົດໝາຍສູງກວ່າສິ່ງໃດໆແລະສະຕິເຄົາລົບກົດໝາຍຂອງພົນລະເມືອງ ໄດ້ກາຍເປັນຄວາມຊິນເຄີຍໃນຊີວິດປະຈຳວັນແລ້ວ.ທ່ານຍັງໄດ້ໃຫ້ທັດສະນະຕື່ມວ່າ:ການສ້າງລັດປົກຄອງດ້ວຍກົດໝາຍເປັນຈຸດໝາຍທີ່ຕ້ອງຜ່ານຂະບວນວິວັດອັນຍາວນານ ໂດຍຂຶ້ນກັບລະດັບການຂະຫຍາຍຕົວທາງດ້ານເສດຖະກິດ-ສັງຄົມຂອງປະເທດ,ຂຶ້ນກັບລະດັບຄວາມຮູ້,ຄວາມຕື່ນຕົວທາງດ້ານການເມືອງຂອງປະຊາຊົນພົນລະເມືອງແລະເງື່ອນໄຂອື່ນໆອີກຫຼາຍຢ່າງ.
ລັດປົກຄອງດ້ວຍກົດໝາຍ ປະຊາຊົນສາມາດເຄື່ອນໄຫວດໍາລົງຊີວິດໄດ້ຢ່າງເສລີໃນສິ່ງທີ່ກົດໝາຍບໍ່ຫ້າມ ສ່ວນອົງການຈັດຕັ້ງລັດຈະເຄື່ອນໄຫວໄດ້ ກໍຕໍ່ເມື່ອກົດໝາຍອະນຸຍາດເທົ່ານັ້ນ.ຢາກເຮັດໄດ້ແນວນັ້ນ ກ່ອນອື່ນໝົດ ຈະຕ້ອງສ້າງກົດໝາຍ ແລະ ລະບຽບການ ເພື່ອກຳນົດຂອບເຂດສິດ ແລະ ພັນທະຂອງບັນດາເຈົ້າກຳໃນສາຍພົວພັນສັງຄົມ ຢ່າງຈະແຈ້ງ ແລະ ຊັດເຈນດີ ພ້ອມທັງ ສ້າງສະຕິເຄົາລົບ ແລະ ປະຕິບັດກົດໝາຍຂອງປະຊາຊົນ ຢ່າງເລິກເຊິ່ງ ຈຶ່ງສາມາດປະຕິບັດ ແລະ ນຳໃຊ້ກົດໝາຍເຂົ້າໃນການເຄື່ອນໄຫວ, ດຳລົງຊີວິດຂອງຄົນເຮົາ ຖືກຕ້ອງ. ການນຳໃຊ້ກົດໝາຍ, ການປະຕິບັດກົດໝາຍ ສະແດງອອກໃນການຂຽນມາດຕາກົດໝາຍ. ແຕ່ຜ່ານການເຄື່ອນໄຫວຕົວຈິງ ເຫັນວ່າບັນຫານີ້ຍັງບໍ່ທັນມີຄວາມເປັນເອກະພາບ. ສະນັ້ນ, ການຈັດກອງປະຊຸມວິທະຍາສາດໃນຄັ້ງນີ້ ຈຶ່ງມີຄວາມໝາຍຄວາມສຳຄັນຫຼາຍ ເພື່ອເປັນພື້ນຖານໃຫ້ລັດ ໂດຍສະເພາະເພື່ອລາຍງານສະພາແຫ່ງຊາດ ຕົກລົງວ່າຈະຂຽນມາດຕາກົດໝາຍຢູ່ປະເທດເຮົາຄືແນວໃດ ຈຶ່ງເປັນການຖືກຕ້ອງ, ປະກອບສ່ວນໃຫ້ກົດໝາຍໄດ້ຮັບການເຄົາລົບ ແລະ ປະຕິບັດກົດໝາຍຖືກຕ້ອງ ແລະ ເປັນເອກະພາບ ໃນຂອບເຂດທົ່ວປະເທດ.
ຂ່າວ-ພາບ: ສິນໃຈ
ໃນກອງປະຊຸມໄດ້ຮັບຟັງການລາຍງານຜົນຂອງການຄົ້ນຄວ້າການຂຽນມາດຕາກົດໝາຍຂອງ ອອປສ ແລະ ໄດ້ປະກອບຄຳເຫັນຢ່າງກົງໄປກົງມາ ແລະ ເຫັນໄດ້ວ່າ ສປປ ລາວ ຍາມໃດ ກໍຖືສໍາຄັນການປົກຄອງດ້ວຍກົດໝາຍ ເອກະພາບ ແລະ ສັກສິດ.ຍ້ອນເຫັນໄດ້ຄວາມສຳຄັນຄືແນວນັ້ນ, ພັກເຮົາ ຈຶ່ງອອກມະຕິວ່າດ້ວຍຍົກສູງປະສິດທິພາບການຄຸ້ມຄອງລັດ, ຄຸ້ມຄອງສັງຄົມ ດ້ວຍກົດໝາຍ ສະບັບເລກທີ 037/ຄບສພ, ລົງວັນທີ 18 ມິຖຸນາ 2018 ແລະ ມະຕິຂອງກົມການເມືອງສູນກາງພັກວ່າດ້ວຍການຍົກສູງຄຸນນະພາບການດໍາເນີນຄະດີ ຕາມຂະບວນຍຸຕິທຳ ເລກທີ 112 /ກມສພ ລົງວັນທີ 2/6/2020, ຄົ້ນຄວ້າຫົວຂໍ້ລະດັບຊາດ ຫົວຂໍ້: ການສ້າງລັດທີ່ປົກຄອງດ້ວຍກົດໝາຍ ຢູ່ ສປປ ລາວ, ຮັບຮອງກົດໝາຍຮ້ອຍກວ່າສະບັບ ຊຶ່ງໄດ້ເປັນພື້ນຖານສໍາຄັນ ໃຫ້ແກ່ການສ້າງລັດທີ່ປົກຄອງດ້ວຍກົດໝາຍ ຢູ່ ສປປ ລາວ ໃນຕໍ່ໜ້າ ແລະ ຍາວນານ ຊຶ່ງທ່ານປະທານໄກສອນພົມວິຫານ ຜູ້ນໍາທີ່ແສນເຄົາລົບຮັກໄດ້ໃຫ້ທັດສະນະວ່າ:ລັດປົກຄອງດ້ວຍກົດໝາຍແມ່ນລັດທີ່ຖືກົດໝາຍສູງກວ່າສິ່ງໃດໆແລະສະຕິເຄົາລົບກົດໝາຍຂອງພົນລະເມືອງ ໄດ້ກາຍເປັນຄວາມຊິນເຄີຍໃນຊີວິດປະຈຳວັນແລ້ວ.ທ່ານຍັງໄດ້ໃຫ້ທັດສະນະຕື່ມວ່າ:ການສ້າງລັດປົກຄອງດ້ວຍກົດໝາຍເປັນຈຸດໝາຍທີ່ຕ້ອງຜ່ານຂະບວນວິວັດອັນຍາວນານ ໂດຍຂຶ້ນກັບລະດັບການຂະຫຍາຍຕົວທາງດ້ານເສດຖະກິດ-ສັງຄົມຂອງປະເທດ,ຂຶ້ນກັບລະດັບຄວາມຮູ້,ຄວາມຕື່ນຕົວທາງດ້ານການເມືອງຂອງປະຊາຊົນພົນລະເມືອງແລະເງື່ອນໄຂອື່ນໆອີກຫຼາຍຢ່າງ.
ລັດປົກຄອງດ້ວຍກົດໝາຍ ປະຊາຊົນສາມາດເຄື່ອນໄຫວດໍາລົງຊີວິດໄດ້ຢ່າງເສລີໃນສິ່ງທີ່ກົດໝາຍບໍ່ຫ້າມ ສ່ວນອົງການຈັດຕັ້ງລັດຈະເຄື່ອນໄຫວໄດ້ ກໍຕໍ່ເມື່ອກົດໝາຍອະນຸຍາດເທົ່ານັ້ນ.ຢາກເຮັດໄດ້ແນວນັ້ນ ກ່ອນອື່ນໝົດ ຈະຕ້ອງສ້າງກົດໝາຍ ແລະ ລະບຽບການ ເພື່ອກຳນົດຂອບເຂດສິດ ແລະ ພັນທະຂອງບັນດາເຈົ້າກຳໃນສາຍພົວພັນສັງຄົມ ຢ່າງຈະແຈ້ງ ແລະ ຊັດເຈນດີ ພ້ອມທັງ ສ້າງສະຕິເຄົາລົບ ແລະ ປະຕິບັດກົດໝາຍຂອງປະຊາຊົນ ຢ່າງເລິກເຊິ່ງ ຈຶ່ງສາມາດປະຕິບັດ ແລະ ນຳໃຊ້ກົດໝາຍເຂົ້າໃນການເຄື່ອນໄຫວ, ດຳລົງຊີວິດຂອງຄົນເຮົາ ຖືກຕ້ອງ. ການນຳໃຊ້ກົດໝາຍ, ການປະຕິບັດກົດໝາຍ ສະແດງອອກໃນການຂຽນມາດຕາກົດໝາຍ. ແຕ່ຜ່ານການເຄື່ອນໄຫວຕົວຈິງ ເຫັນວ່າບັນຫານີ້ຍັງບໍ່ທັນມີຄວາມເປັນເອກະພາບ. ສະນັ້ນ, ການຈັດກອງປະຊຸມວິທະຍາສາດໃນຄັ້ງນີ້ ຈຶ່ງມີຄວາມໝາຍຄວາມສຳຄັນຫຼາຍ ເພື່ອເປັນພື້ນຖານໃຫ້ລັດ ໂດຍສະເພາະເພື່ອລາຍງານສະພາແຫ່ງຊາດ ຕົກລົງວ່າຈະຂຽນມາດຕາກົດໝາຍຢູ່ປະເທດເຮົາຄືແນວໃດ ຈຶ່ງເປັນການຖືກຕ້ອງ, ປະກອບສ່ວນໃຫ້ກົດໝາຍໄດ້ຮັບການເຄົາລົບ ແລະ ປະຕິບັດກົດໝາຍຖືກຕ້ອງ ແລະ ເປັນເອກະພາບ ໃນຂອບເຂດທົ່ວປະເທດ.
ຂ່າວ-ພາບ: ສິນໃຈ
ຄໍາເຫັນ