ສະຫາຍ ພັນໂທ ກະຕ່າຍ ວິລະສອນ ຮອງຫົວໜ້າພະແນກພະນັກງານ ຫ້ອງການເມືອງ ກອງພົນທີ 2 ໄດ້ຂຶ້ນຜ່ານຄຳສັ່ງຍົກຍ້າຍ ຂອງກອງພົນທະຫານຮາບທີ 2 ໂດຍອີງຕາມ ກົດໝາຍນາຍທະຫານກອງທັບປະຊາຊົນລາວ ສະບັບເລກທີ 43/ສພຊ ລົງວັນທີ 14 ມິຖຸນາ 2018 ໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ. ກອງພົນທະຫານຮາບທີ 2 ຕົກລົງ ຍົກຍ້າຍສະຫາຍ ພັນໂທ ບຸນຈັນ ມະນີສອນ ຫົວໜ້າພະແນກເສນາທິການ ກອງພັນໃຫຍ່ 202 ໄປຮັບໜ້າທີ່ໃໝ່ຢູ່ ສູນຝຶກອົບຮົມ ແລະ ຜ່ານຂໍ້ຕົກລົງ ຂອງກະຊວງປ້ອງກັນປະເທດ ສະບັບເລກທີ 1779/ກປທ ວ່າດ້ວຍການແຕ່ງຕັ້ງຄະນະບັນຊາກອງພັນໃຫຍ່ 202 ທີ່ຂຶ້ນກັບກອງພົນທະຫານຮາບທີ 2 ອີງຕາມກົດໝາຍນາຍທະຫານກອງທັບປະຊາຊົນລາວ ສະບັບເລກທີ 43/ສພຊ ລົງວັນທີ 14 ມິຖຸນາ 2018 ໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ, ອີງຕາມ ທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນຳພາ-ບັນຊາ ໃນກຳລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ, ກະຊວງປ້ອງກັນເທດ ຕົກລົງແຕ່ງຕັ້ງ ສະຫາຍ ພັນໂທ ສົມສະຄິດ ຄຳຊົມພູ ເປັນຫົວໜ້າການທະຫານ ກອງພັນໃຫຍ່ 202, ສະຫາຍ ພັນໂທ ສຸທີ ສີສະອາດ ເປັນຮອງຫົວໜ້າການທະຫານ ກອງພັນໃຫຍ່, ທັງເປັນຫົວໜ້າພະແນກເສນາທິການ ກອງພັນໃຫຍ່ 202.ຈາກນັ້ນ, ສະຫາຍ ພັນຕີ ພອນປະເສີດ ຈິນທະວົງ ຊ່ວຍວຽກພະແນກຈັດຕັ້ງພັກ ຫ້ອງການເມືອງກອງພົນທີ 2 ກໍໄດ້ຂຶ້ນຜ່ານມະຕິຕົກລົງ ຂອງຄະນະພັກກອງພົນທະຫານຮາບທີ 2 ວ່າດ້ວຍການບົ່ງຕົວແຕ່ງຕັ້ງ ຮອງເລຂາ, ກຳມະການຄະນະພັກ ກອງພັນໃຫຍ່ 202 ໂດຍປະຕິບັດຕາມກົດລະບຽບຂອງພັກປະຊາຊົນປະຕິວັດລາວ ສະໄໝ່ທີ XI ໝວດທີ II ມາດຕາ 13 ວ່າດ້ວຍການບົ່ງຕົວ ແຕ່ງຕັ້ງ, ຍົກຍ້າຍ ແລະ ການສີ້ນສຸດເປັນກຳມະການຄະນະພັກ, ຄະນະພັກກອງພົນທະຫານຮາບທີ 2 ຈຶ່ງໄດ້ຕົກລົງບົ່ງຕົວແຕ່ງຕັ້ງ ສະຫາຍ ພັນໂທ ສົມສະຄິດ ຄຳຊົມພູ ເປັນຮອງເລຂາຄະນະພັກ, ສະຫາຍ ພັນໂທ ສຸທີ ສີສະອາດ ເປັນກຳມະການຄະນະພັກ.
(ພາບ-ຂ່າວ: ຄຳຊາຍ ກວ່າງຄຸນສີ)
ຄໍາເຫັນ