 |
ສະຫາຍ ພັນໂທ ບຸນຕຽງ ດິດທະວົງ ຫົວໜ້າພະແນກບໍລິຫານ ກອງພັນໃຫຍ່ 584 ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານຮອບດ້ານປະຈໍາ 6 ເດືອນຕົ້ນປີ ແລະ ວາງທິດທາງ 6 ເດືອນທ້າຍປີ 2026 ຊຶ່ງໄດ້ສະຫຼຸບຕີລະຄາຄືນຜົນການຈັດຕັ້ງປະຕິບັດ ແລະ ນຳພາ-ຊີ້ນໍາ ວຽກງານຮອບດ້ານຕະຫຼອດໄລຍະ 6 ເດືອນຜ່ານມາ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ເປັນຕົ້ນ ວຽກງານສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບມີແນວຄິດຫຼັກໝັ້ນ, ອຸ່ນອ່ຽນທຸ່ນທ່ຽງຕໍ່ໜ້າທີ່ວຽກງານ, ເຂົ້າໃຈຕໍ່ແນວທາງການປ່ຽນແປງໃໝ່ຂອງພັກ, ປະຕິບັດຂໍ້ກຳນົດ, ກົດລະບຽບຂອງກອງທັບ, ມີສະຕິຕື່ນຕົວສູງ ຕອບຕ້ານຕໍ່ກົນອຸບາຍຫັນປ່ຽນໂດຍສັນຕິຂອງສັດຕູ, ປັບປຸງກໍ່ສ້າງພັກ-ພະນັກງານຕາມ 5 ຫຼັກການ 3 ທິດນໍາຂອງພັກ. ໄປຄຽງຄູ່ກັບການປັບປຸງກໍ່ສ້າງກົມກອງ ສາມາດຮັບປະກັນລະບອບອັດຕາກິນ ກຸ້ມຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຊຶ່ງໃນໄລຍະ 6 ເດືອນຜ່ານມາ, ກົມກອງສາມາດສ້າງລາຍຮັບຈາກການປູກຝັງ-ລ້ຽງສັດໄດ້ທັງໝົດ 137,000,000 ກີບ. ໃນກອງປະຊຸມຍັງໄດ້ຜັດປ່ຽນກັນຂຶ້ນປະກອບຄຳຄິດເຫັນໃສ່ບົດສະຫຼຸບ ແລະ ທິດທາງແຜນການ 6 ເດືອນຕໍ່ໜ້າຢ່າງກົງໄປກົງມາ.
 |
ໃນພິທີໄດ້ປະກາດການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານຈຳນວນ 60 ສະຫາຍ. ໃນນີ້, ເລື່ອນຊັ້ນ ຮ້ອຍເອກ ຂຶ້ນຊັ້ນພັນຕີ 9 ສະຫາຍ, ເລື່ອນທຽບຊັ້ນ ຮ້ອຍເອກ ຂຶ້ນຊັ້ນພັນຕີ 4 ສະຫາຍ, ເລື່ອນຊັ້ນ ຮ້ອຍໂທ ຂຶ້ນຊັ້ນຮ້ອຍເອກ 8 ສະຫາຍ, ເລື່ອນທຽບຊັ້ນ ຮ້ອຍໂທ ຂຶ້ນທຽບຊັ້ນຮ້ອຍເອກ 6 ສະຫາຍ, ເລື່ອນຊັ້ນ ຮ້ອຍຕີ ຂຶ້ນຊັ້ນຮ້ອຍໂທ 18 ສະຫາຍ, ເລື່ອນທຽບຊັ້ນ ຮ້ອຍຕີ ຂຶ້ນທຽບຊັ້ນຮ້ອຍໂທ 4 ສະຫາຍ, ເລື່ອນຊັ້ນ ວາທີ ຂຶ້ນຊັ້ນ ຮ້ອຍຕີ 8 ສະຫາຍ, ເລື່ອນທຽບຊັ້ນ ວາທີ ຂຶ້ນທຽບຊັ້ນຮ້ອຍຕີ 3 ສະຫາຍ.
 |
ໂດຍ: ຝືວື່
ຄໍາເຫັນ