ຮອງລັດຖະມົນຕີກະຊວງກະສິກຳແລະປ່າໄມ້ຫົວໜ້າຄະນະຮັບຜິດຊອບສ້າງກົດໝາຍ ວ່າດ້ວຍການປູກຝັງ ໂດຍມີຜູ້ຕາງໜ້າຈາກກຳມາທິການກົດໝາຍ, ກຳມາທິການເສດຖະກິດເຕັກໂນໂລຊິແລະ ສິ່ງແວດລ້ອມ ຂອງສະພາແຫ່ງຊາດ,ກົມນິຕິກຳຫ້ອງວ່າການສຳນັກງານນາຍົກລັດຖະມົນຕີ, ກົມກົດໝາຍກະຊວງຍຸຕິທຳ, ພ້ອມດ້ວຍຄະນະຮັບຜິດຊອບສ້າງກົດໝາຍ ວ່າດ້ວຍການປູກຝັງ ເຂົ້າຮ່ວມຢ່າງພ້ອມພຽງ.
ຈຸດປະສົງສ້າງກົດໝາຍວ່າດ້ວຍການປູກຝັງສະບັບນີ້ ແມ່ນຈະກຳນົດເອົາຫຼັກການ, ລະບຽບການແລະມາດຕະການກ່ຽວກັບການຄຸ້ມຄອງ, ຕິດຕາມ, ກວດກາວຽກງານປູກຝັງເພື່ອເຮັດໃຫ້ວຽກງານດັ່ງກ່າວ ໄດ້ຮັບການຈັດຕັ້ງປະຕິບັດຢ່າງມີປະສິດທີພາບແລະປະສິດທິຜົນແນໃສ່ນຳໃຊ້, ປົກປັກຮັກສາແລະພັດທະນາທີ່ດິນກະສິກຳ, ຮັບປະກັນການປູກຝັງໃຫ້ມີຄວາມໝັ້ນຄົງທາງດ້ານສະບຽງອາຫານ, ໂພຊະນາການແລະຜະລິດເປັນສິນຄ້າຕິດພັນກັບການຫັນເປັນອຸດສາຫະກຳທີ່ທັນສະໄໝ ຕາມທິດສີຂຽວ, ສະອາດແລະຍືນຍົງ, ປັບປຸງຊີວິດການເປັນຢູ່ຂອງປະຊາຊົນລາວບັນດາເຜົ່າໃຫ້ດີຂຶ້ນສາມາດເຊື່ອມໂຍງກັບພາກພື້ນແລະ ສາກົນ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ.
ວຽກງານປູກຝັງ ແມ່ນຂະບວນການປູກພືດ ທີ່ນຳໃຊ້ປັດໄຈການຜະລິດ ເປັນຕົ້ນແມ່ນທີ່ດິນ, ນ້ຳ, ຝຸ່ນ, ແນວພັນ, ແຮງງານ, ເຄື່ອງມື, ກົນຈັກເພື່ອເຮັດໃຫ້ຜົນຜະລິດໄດ້ທັງປະລິມານແລະຄຸນນະພາບສາມາດສະໜອງສະບຽງອາຫານຢ່າງພຽງພໍໃຫ້ແກ່ສັງຄົມແລະວັດຖຸດິບໃຫ້ແກ່ໂຮງງານອຸດສາຫະກຳປຸງແຕ່ງເປັນສິນຄ້າຮັບໃຊ້ພາຍໃນແລະສົ່ງອອກ.
ເພື່ອເຮັດກົດໝາຍວ່າດ້ວຍການປູກຝັງມີເນື້ອໃນຄົບຖ້ວນແລະສົມບູນ, ຮັດກຸມບັນດາຜູ້ແທນກອງປະຊຸມໄດ້ຄົ້ນຄວາ, ປຶກສາຫາລືຢ່າງກົງໄປກົງມາເພື່ອເຮັດໃຫ້ກົດໝາຍສະບັບດັ່ງກ່າວ ຜ່ານການຮັບຮອງຈາກສະພາແຫ່ງຊາດ, ນຳມາເຜີຍແຜ່ແລະນຳໃຊ້ກົດໝາຍສະບັບນີ້ ຢ່າງມີປະສິດທິພາບແລະໄດ້ຮັບປະສິດທິຜົນເປັນຢ່າງດີ.
(ຂ່າວສານກະສິກໍາ,ປ່າໄມ້ແລະພັດທະນາຊົນນະບົດ)
ຄໍາເຫັນ