 |
ກຸ່ມບໍລິສັດ ລາວ ໂທລະຄົມ ເປັນເຄືອຂ່າຍທຳອິດ ໃນ ສປປ ລາວ ທີ່ນຳເອົາລິຂະສິດການຖ່າຍທອດສົດບານເຕະ Bundesligaເຕັມຮູບແບບ ພ້ອມກັບການເປີດໂຕ ຂອງ LTC Play ໃນຮູບເເບບໃໝ່ຢ່າງເປັນທາງການ ຢັ້ງຢືນເຖິງວິໄສທັດໃນການນຳເອົາກິລາບານເຕະລະດັບສາກົນ ແລະ ປະສົບການຄວາມບັນເທິງຮູບແບບໃໝ່ມາສູ່ຜູ້ຊົມຊາວລາວ, ການຮ່ວມມືກັບ Bundesliga ເປັນອີກໜຶ່ງບາດກ້າວສຳຄັນຂອງ ກຸ່ມບໍລິສັດ Lao Telecom ໃນການຂະຫຍາຍສູ່ຕະຫຼາດ Digital Content ແລະ Entertainment ໂດຍການເນັ້ນຫນັກການນຳເອົາກິລາບານເຕະລະດັບສາກົນມາໃຫ້ແຟນບານຊາວລາວໄດ້ສຳຜັດຢ່າງໃກ້ຊິດ ຜ່ານເຕັກໂນໂລຊີ ແລະ ແພລດຟອມດິຈິຕອນ.
ພ້ອມກັນນີ້, ພາຍໃນງານຍັງໄດ້ມີການເປີດໂຕ LTC Play ຮູບໂສມໃໝ່ ແພລັດຟອມຄວາມບັນເທີງດີຈີຕອນທີ່ຖືກຍົກລະດັບໃຫ້ຕອບໂຈດກັບພຶດຕິກຳການຮັບຊົມກິລາບານເຕະຂອງຄົນລາວໃນຍຸກ Digital Lifestyle ໄດ້ຫຼາຍຍິ່ງຂຶ້ນ.
 |
ການຮ່ວມມືຄັ້ງນີ້ ຈຶ່ງບໍ່ໄດ້ຈຳກັດພຽງແຕ່ການນຳເອົາປະສົບການດ້ານກິລາມາສູ່ຜູ້ເບິ່ງບານເຕະ ແຕ່ຍັງສະທ້ອນເຖິງວິໄສທັດຂອງ ກຸ່ມບໍລິສັດ Lao Telecom ໃນການພັດທະນາ Digital Ecosystem ໃຫ້ຄົບວົງຈອນ ພ້ອມສ້າງປະສົບການໃໝ່ໆໃຫ້ຜູ້ໃຊ້ງານ ດ້ວຍການນຳເອົາຊື່ສຽງຈາກໜຶ່ງໃນຫຼີກບານເຕະຊັ້ນນຳຂອງເອີຣົບ ມາປະສານກັບ ແພລັດຟອມດີຈີຕອນຂອງ Lao Telecom, ຄວາມຮ່ວມມືນີ້ຈະເປັນອີກໜຶ່ງກ້າວສຳຄັນໃນການຍົກລະດັບ Digital Entertainment ໃນປະເທດລາວ.
(ຂ່າວ: ລາວໂທລະຄົມ)
ຄໍາເຫັນ