ກຸ່ມບໍລິສັດຕ້າຖັງຈີນ ສົ່ງຄວາມອົບອຸ່ນສູ່ນັກຮຽນຊົນນະບົດບ້ານຫ້ວຍເງີຍ

ການຊ່ວຍເຫຼືອບ້ານທຸກຍາກດ້ວຍຄວາມຈິງໃຈບ້ານຫ້ວຍເງີຍ ເປັນບ້ານທີ່ປະສົບຄວາມຫຍຸ້ງຍາກໃນດ້ານເສດຖະກິດ, ໂຮງຮຽນຍັງຂາດເຂີນສິ່ງອຳນວຍຄວາມສະດວກພື້ນຖານ ແລະ ເງື່ອນໄຂການຮຽນຍັງຫຍຸ້ງຍາກ. ກຸ່ມບໍລິສັດຕ້າຖັງຈີນ ໄດ້ໃຫ້ການຊ່ວຍເຫຼືອແບບຕົງຈຸດຕາມຄວາມຕ້ອງການ ໂດຍການເຄື່ອນໄຫວດັ່ງກ່າວໄດ້ມອບເຄື່ອງນຸ່ງຫົ່ມ, ເກີບກິລາ, ກະເປົ໋ານັກຮຽນ, ປຶ້ມ ແລະ ອຸປະກອນການຮຽນຕ່າງໆໃຫ້ແກ່ນ້ອງໆນັກຮຽນ ພ້ອມທັງໃຫ້ກຳລັງໃຈແກ່ນ້ອງໆເພື່ອໃຫ້ເຂົາເຈົ້າຕັ້ງໃຈຮ່ຳຮຽນ, ສ້າງຄວາມເພິ່ງພາຕົນເອງ ແລະ ນຳໃຊ້ຄວາມຮູ້ເພື່ອປ່ຽນແປງໜ້າຕາຂອງບ້ານເກີດ ແລະ ກຳນົດອານາຄົດຂອງຕົນເອງໃຫ້ດີຂຶ້ນ.

ໂອກາດດັ່ງກ່າວ, ທ່ານຢູບົວ ໄດ້ສອບຖາມນາຍບ້ານກ່ຽວກັບສະພາບເສດຖະກິດຂອງບ້ານຫ້ວຍເງີຍ ແລະ ຊີວິດຄວາມເປັນຢູ່ຂອງຊາວບ້ານ, ນອກຈາກນັ້ນຍັງໄດ້ພົບປະກັບອາຈານຂອງໂຮງຮຽນດັ່ງກ່າວເພື່ອສອບຖາມສະພາບການດຳເນີນງານຂອງໂຮງຮຽນ ແລະ ສະພາບການຮຽນຂອງນັກຮຽນ. ທ່ານຮອງອຳນາວຍການກຸ່ມບໍລິສັດຕ້າຖັງຈີນຍັງໄດ້ແນະນຳວິໄສທັດການພັດທະນາຂອງກຸ່ມບໍລິສັດຕ້າຖັງຈີນ ທີ່ໃຫ້ຄວາມສຳຄັນທັງທາງດ້ານການພັດທະນາ ແລະ ຄວາມຮັບຜິດຊອບຕໍ່ສັງຄົມໄປພ້ອມກັນ.

ທ່ານຢູບົວ ໄດ້ກ່າວວ່າ: ໃນຂະນະທີ່ກຸ່ມບໍລິສັດຕ້າຖັງຈີນ ມຸ່ງມັ່ນສົ່ງເສີມການພັດທະນາແບບຍືນຍົງ ແລະ ເປັນມິດກັບສິ່ງແວດລ້ອມຂອງ ສປປ ລາວ, ບໍລິສັດຍັງຈະສືບຕໍ່ມີສ່ວນຮ່ວມໃນກິດຈະກຳສາທາລະນະປະໂຫຍດຢູ່ທ້ອງຖິ່ນ ໂດຍຜ່ານການປັບປຸງເງື່ອນໄຂດ້ານການສຶກສາ, ການຈັດຝຶກອົບຮົມອາຊີບຕ່າງໆ ແລະ ມາດຕະການອື່ນໆ, ເພື່ອຮ່ວມກັບປະຊາຊົນລາວສ້າງເສັ້ນທາງສູ່ການພັດທະນາຮ່ວມກັນ ແລະ ຄວາມຮັ່ງມີຮ່ວມກັນ, ດ້ວຍການປະຕິບັດຕົວຈິງເພື່ອຮັບໃຊ້ການສ້າງຊຸມຊົນ,ຕາມແນວທາງຄູ່ຮ່ວມຊະຕາກຳຈີນ-ລາວ.

ນອກຈາກນັ້ນ, ທ່ານຢູບົວ ຍັງໄດ້ຕັ້ງຂໍ້ກຳນົດໃຫ້ບໍລິສັດຂອງກຸ່ມຕ້າຖັງຈີນ ທີ່ປະຕິບັດວຽກງານຢູ່ ສປປ ລາວ ຈົ່ງຊ່ວຍເຫຼືອແກ້ໄຂບັນຫາຄວາມຫຍຸ້ງຍາກຕ່າງໆທີ່ຊາວບ້ານຫ້ວຍເງີຍ ແລະ ໂຮງຮຽນປະຖົມບ້ານຫ້ວຍເງີຍກຳລັງປະສົບຢູ່ຢ່າງທັນການ ແລະ ຕໍ່ເນື່ອງ.

ການລົງຢ້ຽມຢາມໂຮງຮຽນຄັ້ງນີ້ສະແດງໃຫ້ເຫັນເຖິງຄວາມຈິງໃຈຂອງກຸ່ມບໍລິສັດຕ້າຖັງຈີນໃນການມີສ່ວນຮ່ວມພັດທະນາສັງຄົມ ແລະ ຄວາມຮັບຜິດຊອບຕໍ່ຊຸມຊົນທ້ອງຖິ່ນ, ໂດຍສະເພາະການດູແລເດັກນ້ອຍທີ່ເປັນອະນາຄົດຂອງຊາດ, ເຊິ່ງເປັນການປະກອບສ່ວນສ້າງສາຍພົວພັນມິດຕະພາບຈີນ-ລາວໃຫ້ເຂັ້ມແຂງຍິ່ງໆຂຶ້ນ.