ຫົວໜ້າຫ້ອງການບໍລິຫານສູນກາງ ອພສ, ພະອາຈານ ສົມສັກ ທິບພະສອນ ປະທານ ອພສ ເມືອງຕົ້ນເຜິ້ງ, ທ່ານ ສອນປະເສີດ ດາລາວົງ ຫົວໜ້າຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ ກະຊວງແຜນການ ແລະ ການລົງທຶນ, ທ່ານ ບຸນທັນ ບຸນທິໄຊ ປະທານອົງການແນວລາວສ້າງຊາດເມືອງຕົ້ນເຜິ້ງ, ມີພາກສ່ວນກ່ຽວຂ້ອງຈາກ ສູນກາງແນວລາວສ້າງຊາດ, ກະຊວງ ຖວທ, ກະຊວງພາຍໃນ, ກະຊວງແຜນການ ແລະ ການລົງທຶນ, ແຂວງບໍ່ແກ້ວ ແລະ ອ້ອມຂ້າງເມືອງເຂົ້າຮ່ວມ.
ໂຄງການກໍ່ສ້າງພະພຸດທະຮູບໃຫຍ່ ສຸວັນນະໂຄມຄໍາ ແມ່ນໜຶ່ງໃນບັນດາກິດຈະການທີ່ຈະພັດທະນາວຽກງານວັດທະນະທໍາ-ສັງຄົມ ແລະ ວຽກງານພຸດທະສາດສະໜາ, ເປັນການປົກປັກຮັກສາວັດທະນາທະທໍາ, ສິລະປະ, ຮີດຄອງປະເພນີອັນດີງາມຂອງບັນພະບູລຸດລາວ ໂດຍສະເພາະແມ່ນໄລຍະຄວາມຈະເລີນຂອງເມືອງເກົ່າສຸວັນນະໂຄມຄໍາ ທີ່ໄດ້ສ້າງໄວ້ ແລະ ສືບທອດໃຫ້ລູກຫຼານຫຼາຍເຊັ່ນຄົນ.
ການກໍ່ສ້າງພະພຸດທະຮູບໃຫຍ່ ສຸວັນນະໂຄມຄໍາ ເປັນພະເຈົ້າຊົງນັ່ງທີ່ໃຫຍ່ທີ່ສຸດຂອງລາວ, ສູງ 88 ແມັດ (ນັບແຕ່ແທ່ນຮອດຈອມເກດ), ໜ້າຕັກປະມານ 45 ແມັດ, ຊຶ່ງຈະສ້າງດ້ວຍໂລຫະຊະນິດພິເສດ, ຖືກອອກແບບກໍ່ສ້າງຮູບຊົງເດີມ ຂອງອົງພະເຈົ້າໃຫຍ່ເມືອງເກົ່າສຸວັນນະໂຄມຄໍາອົງປັດຈຸບັນ ທີ່ຕັ້ງຢູ່ເຂດບ້ານດອນທາດ ເມືອງຕົ້ນເຜິ້ງ ແຂວງບໍ່ແກ້ວ ເນື່ອງຈາກເປັນອົງທີ່ຍັງຮັກສາຄວາມເປັນເອກະລັກທາງພຸດທະສິນ ຫຼື ທາງສີນລະປະ-ວັດທະນະທຳຂອງລາວລ້ານຊ້າງ ຕິດພັນກັບປະຫວັດສາດເມືອງເກົ່າສຸວັນນະໂຄມຄຳ ທີ່ມີຊື່ສຽງ ພິເສດແມ່ນພໍ່ແມ່ປະຊາຊົນໃນທົ່ວປະເທດ ແລະ ສາກົນ ໃຫ້ຄວາມເຊື່ອຖືສັດທາຢ່າງແຮງກ້າ.
ເມືອງເກົ່າສຸວັນນະໂຄມຄຳ ແມ່ນເປັນເມືອງທີ່ເກົ່າແກ່ ແລະ ມີປະຫວັດສາດທີ່ຍາວນານກວ່າໜຶ່ງພັນປີ, ອີງຕາມຫຼັກຖານຢັ້ງຢືນທາງປະຫວັດສາດໄດ້ໃຫ້ຮູ້ວ່າ: ບັນດາພຣະພຸດທະຮູບ ແລະ ອົງພະທາດຕ່າງໆທີ່ຢູ່ໃນຂົງເຂດດັ່ງກ່າວ ຖືກສ້າງຂຶ້ນໃນສະຕະວັດທີ V ແລະ ໄດ້ຮັບການບູລະນະມາຫຼາຍຄັ້ງ, ບັນດາຊິ້ນສ່ວນສະລັກຫັກພັງທັງຫຼາຍທີ່ເຫັນໃນປັດຈຸບັນ ລວມມີປະມານ 40 ຈຸດ ຢູ່ກະແຈກກະຈາຍໄປໃນບໍລິເວນໃກ້ຄຽງ ຖືກສ້າງຂຶ້ນໃນສະ ໄໝອານາຈັກລາວລ້ານຊ້າງ ໄລຍະສະຕະວັດ ທີ XIV ຫາ XVI.
ກອງປະຊຸມ ຜູ້ເຂົ້າຮ່ວມແມ່ນໄດ້ພ້ອມກັນຄົ້ນຄວ້າປະກອບຄໍາຄິດເຫັນຮູບຊົງການອອກແບບ ແລະ ທິດທາງແຜນໃນການບໍາລຸງຮັກສາ, ການຄຸ້ມຄອງບໍລິຫານໂຄງການໃນອະນາຄົດຈາກພາກສ່ວນຕ່າງໆ ແລະ ໂດຍລວມທຸກພາກສ່ວນ ແລະ ປະຊາຊົນແມ່ນເຫັນດີເປັນເອກະພາບ ແລະ ໃຫ້ການສະໜັບສະໜູນໂຄງການດັ່ງກ່າວ.
(ຂ່າວ:ເມືອງຕົ້ນເຜິ້ງ)
ຄໍາເຫັນ