ຂ່າວລະບຸວ່າ: ຄວາມບໍ່ແນ່ນອນທີ່ເພີ່ມຂຶ້ນກ່ຽວກັບວິກິດການ ອູແກຣນ ສົ່ງຜົນເຮັດໃຫ້ຄວາມຕ້ອງການຄໍາ ຟື້ນຕົວອີກດ້ວຍ.
ລາຄາຄຳ ເພີ່ມຂຶ້ນ 1,8% ມາຢູ່ທີ່ 2,608.19 ໂດລາ/ອອນ ໃນເວລາ 01:44 ໂມງ (ຕາມເວລາຫວຽດນາມ), ອອກຈາກລະດັບຕໍ່າສຸດໃນຮອບ 2 ເດືອນໃນວັນທີ 14 ພະຈິກ ຜ່ານມາ. ລາຄາຄໍາໃນອະນາຄົດຂອງ ອາເມຣິກາ ຍັງເພີ່ມຂຶ້ນ 1,7% ເປັນ 2,614.60 ໂດລາ/ອອນ.
ເງິນໂດລາອ່ອນຄ່າລົງ 0,4% ໃນວັນທີ 18 ພະຈິກ ຜ່ານມາ ຫຼັງຈາກເພີ່ມຂຶ້ນ 1,6% ໃນອາທິດທີ່ຜ່ານມາ. ເງິນໂດລາທີ່ອ່ອນຄ່າລົງເຮັດໃຫ້ລາຄາຄໍາຖືກລົງສໍາລັບຜູ້ນຳໃຊ້ບັນດາສະກຸນເງິນອື່ນ.
ທ່ານ ດານຽວ ປາວິໂລນິສ ຜູ້ຊ່ຽວຊານດ້ານການຕະຫຼາດອາວຸໂສ ບໍລິສັດ RJO Futures ກ່າວວ່າ: ຄວາມເຄັ່ງຕຶງທີ່ເພີ່ມຂຶ້ນໃນ ອູແກຣນ ກໍາລັງຊຸກຍູ້ຄວາມຕ້ອງການຄໍາ. ທ່ານຍັງກ່າວວ່າ: ບໍ່ວ່າທະນາຄານກາງອາເມຣິກາ ຈະຕັດອັດຕາດອກເບ້ຍຫຼືບໍ່, ທາງດ້ານເຕັກນິກລາຄາຄໍາສາມາດກັບຄືນສູ່ເກືອບ 2,700 ໂດລາຕໍ່ອອນ.
ຄໍາເຫັນ