ລາຄານ້ໍາມັນເພີ່ມຂຶ້ນຍ້ອນຄວາມເຄັ່ງຕຶງໃນຕາເວັນອອກກາງຍັງສືບຕໍ່ເພີ່ມຄວາມສ່ຽງຕໍ່ການສະໜອງ.

ລາຄານ້ຳມັນຟື້ນຕົວຄືນລາຄາຄຳຫຼຸດລົງ ແລະຮຸ້ນສືບຕໍ່ເພີ່ມຂຶ້ນ ຢູ່ ຕະຫຼາດອາຊີ

12:25 08/08/2024

ຂ່າວສານຫວຽດນາມລາຍງານວ່າ: ໃນລະຫວ່າງຮອບການຊື້-ຂາຍ ໃນວັນທີ 7 ສິງຫາ ຜ່ານມາ ຢູ່ ອາຊີ, ລາຄານ້ໍາມັນເພີ່ມຂຶ້ນຍ້ອນຄວາມເຄັ່ງຕຶງໃນຕາເວັນອອກກາງຍັງສືບຕໍ່ເພີ່ມຄວາມສ່ຽງຕໍ່ການສະໜອງ.

ໃນຂະນະດຽວກັນ, ລາຄາຄໍາໃກ້ຈະຄົງທີ່ ແລະ ຕະຫຼາດຫຼັກຊັບຍັງສືບຕໍ່ຟື້ນຕົວຫຼັງຈາກການເໜັງຕີງໃນຕົ້ນອາທິດ.

ຂ່າວລະບຸວ່າ: ຢູ່ອາຊີລາຄານໍ້າມັນໄດ້ຟື້ນຕົວໃນວັນທີ 7 ສິງຫາ ຜ່ານມາ, ຍ້ອນຄວາມເຄັ່ງຕຶງໃນຕາເວັນອອກກາງເພີ່ມຂຶ້ນ, ແຕ່ການເພີ່ມຂຶ້ນໄດ້ຖືກຈໍາກັດຍ້ອນຄວາມຕ້ອງການທີ່ອ່ອນແອ. ລາຄານໍ້າມັນເບຣນ (Brent) ເພີ່ມຂຶ້ນ 17 ເຊັນ ຫຼື 0,16% ເປັນ 76,6 ໂດລາ/ບາເຣນ ເວລາ 1:15 ໂມງ (ຕາມເວລາຫວຽດນາມ). ລາຄານ້ຳມັນ WTI ຂອງ ອາເມຣິກາ ເພີ່ມຂຶ້ນ 17 ເຊັນ ຫຼື 0,23%, ເປັນ 73,37 ໂດລາ/ບາເຣນ.

ລາຄາຄໍາເພີ່ມຂຶ້ນເລັກນ້ອຍໃນຮອບການຊື້-ຂາຍນີ້, ຍ້ອນວ່າບັນດານັກລົງທຶນພວມລໍຖ້າສັນຍານເພີ່ມເຕີມເພື່ອປະເມີນອັດຕາດອກເບ້ຍຂອງທະນາຄານກາງເອເມຣິກາ (Fed) ໃນເດືອນກັນຍາ 2024. ລາຄາຄໍາ ເພີ່ມຂຶ້ນ 0,24%, ເປັນ 2.395 ໂດລາ/ອອນ ໃນເວລາ 1:38 ໂມງ (ຕາມເວລາຫວຽດນາມ). ລາຄາຄໍາລ່ວງໜ້າຂອງ ອາເມຣິກາ ໄດ້ເພີ່ມຂຶ້ນ 0,14%, ເປັນ 2.435,1 ໂດລາ/ອອນ. ດັດຊະນີສະກຸນເງິນໂດລາ ເພີ່ມຂຶ້ນ 0,3%, ເຮັດໃຫ້ລາຄາຄໍາຖືກກວ່າສໍາລັບຜູ້ຖືສະກຸນເງິນອື່ນ, ໃນຂະນະທີ່ຜົນຕອບແທນພັນທະບັດລັດຖະບານ ອາເມຣິກາ ຍັງເພີ່ມຂຶ້ນ.

ຕະຫຼາດຫຼັກຊັບສືບຕໍ່ມີທ່າອ່ຽງເພີ່ມຂຶ້ນ, ເນື່ອງຈາກຂ້ອນຂ້າງກັບມາມີສະຖຽນລະພາບຫຼັງຈາກການເໜັງຕີງໃນຕົ້ນອາທິດ. ປິດຮອບການຊື້-ຂາຍ, ດັດຊະນີ Nikkei 225 ຂອງຍີ່ປຸ່ນ ເພີ່ມຂຶ້ນ 1,2%, ເປັນ 35.089,62 ຈຸດ. ດັດຊະນີ Shanghai Composite ຂອງຊຽງໄຮ (ຈີນ) ເພີ່ມຂຶ້ນ 0,1%, ເປັນ 2.869,83 ຈຸດ. ດັດຊະນີ Hang Seng ຂອງ ຮອງກົງ (ຈີນ) ເພີ່ມຂຶ້ນ 1,2%, ເປັນ 16.849,74 ຈຸດ. ຕະຫຼາດຂອງເຊອູນ (ສ ເກົາຫຼີ), ສິງກະໂປ, ມຸມໄບ (ອິນເດຍ), ບາງກອກ (ໄທ), ແວລລິງຕັນ (ອາເມຣິກາ), ໄທເປ (ຈີນ), ມານີລາ (ຢີລິບປິນ) ແລະ ຈາກາຕາ (ອິນໂດເນເຊຍ) ທັງໝົດແມ່ນເພີ່ມຂຶ້ນ.

ຄໍາເຫັນ

ຂ່າວຕ່າງປະເທດ

ຍອດຂາຍຍ່ອຍຂອງສິງກະໂປຊ້າລົງໃນເດືອນສິງຫາ

07/10/2026 10:30

ຂ່າວຕ່າງປະເທດລາຍງານວ່າ: ສຳນັກງານສະຖິຕິແຫ່ງຊາດສິງກະໂປ ເປີດເຜີຍໃນວັນທີ 5 ຕຸລາ ຜ່ານມາວ່າ, ຍອດຂາຍຍ່ອຍຂອງສິງກະໂປເພີ່ມຂຶ້ນ 0.7% ໃນເດືອນສິງຫາ ເມື່ອທຽບກັບປີກ່ອນ, ຊ້າລົງຈາກການເຕີບໂຕ 1.3% ໃນເດືອນກໍລະກົດ.

AMRO ປັບການຄາດຄະເນການເຕີບໂຕ GDP ສ ເກົາຫຼີ ຂຶ້ນເປັນ 3.3%

07/10/2026 10:29

ຂ່າວຕ່າງປະເທດລາຍງານໃນວັນທີ 6 ຕຸລາ ຜ່ານມາວ່າ: ຫ້ອງການຄົ້ນຄວ້າເສດຖະກິດມະຫາພາກອາຊຽນ+3 (AMRO) ໄດ້ປັບການຄາດຄະເນການເຕີບໂຕທາງເສດຖະກິດຂອງ ສ ເກົາຫຼີ ໃນປີ 2026 ຂຶ້ນເປັນ 3.3% ຈາກ 3.1% ແລະ ການຄາດຄະເນປີ 2027 ເປັນ 2.7% ຈາກ 2.2%, ພ້ອມທັງເຕືອນວ່າ ຄວາມຕ້ອງການ AI ທີ່ຊ້າລົງ ແລະ ວິກິດການຕາເວັນອອກກາງອາດຈະສ້າງຄວາມກົດດັນຕໍ່ການສົ່ງອອກ ແລະ ການລົງທຶນໃນພາກພື້ນ.

ນັກວິທະຍາສາດ 3 ທ່ານ ໄດ້ຮັບລາງວັນໂນແບລ ສາຂາການແພດ ປະຈຳປີ 2026

07/10/2026 10:28

ສຳນັກຂ່າວສານຊິນຮວາລາຍງານໃນວັນທີ 6 ຕຸລາ ຜ່ານມາວ່າ: ຄະນະກຳມະການໂນເບວຂອງສະຖາບັນຄາໂຣລິນສະກາ ປະເທດຊູແອດ ໄດ້ປະກາດວ່າ, ນັກວິທະຍາສາດ 3 ທ່ານຄື: ຄາລ ໄດເຊີຣອດ, ປີເຕີ ເຮເກມານ ແລະ ຈອດ ເນເກລ ໄດ້ຮັບລາງວັນໂນເບວສາຂາສະລີລະວິທະຍາ ຫຼື ການແພດ ຈາກຜົນງານການຄົ້ນພົບຊ່ອງໄອອອນທີ່ຄວບຄຸມດ້ວຍແສງ ແລະ ເຕັກໂນໂລຊີ optogenetics ຊຶ່ງເປັນເຕັກນິກທີ່ສະແດງໃຫ້ເຫັນວ່າຈຸລັງປະສາດມີບົດບາດໃນການສ້າງຄວາມຊົງຈຳ, ຄວາມຮູ້ສຶກ ແລະ ພຶດຕິກຳໃນສະໝອງຂອງສິ່ງທີ່ມີຊີວິດແນວໃດ.

UNESCO ຄາດຄະເນ ໂລກອາດຕ້ອງການຄູສອນ 50 ລ້ານຄົນພາຍໃນປີ 2030

07/10/2026 10:27

ສຳນັກຂ່າວສານຊິນຮວາລາຍງານໃນວັນທີ 6 ຕຸລາ ຜ່ານມາວ່າ: ຖະແຫຼງການຮ່ວມຈາກອົງການ UNESCO, ອົງການແຮງງານສາກົນ, ກອງທຶນເດັກແຫ່ງສະຫະປະຊາຊາດ ແລະ ສະຫະພັນການສຶກສາສາກົນ ທີ່ອອກໃນວັນທີ 5 ຕຸລາ ຜ່ານມາ ຊຶ່ງກົງກັບວັນຄູໂລກ ລະບຸວ່າ: ໂລກອາດຈະຕ້ອງການຄູເພີ່ມອີກ 50 ລ້ານຄົນພາຍໃນປີ 2030. ໃນນັ້ນ, 44 ລ້ານຄົນ ແມ່ນຕ້ອງການເພື່ອສະໜັບສະໜູນການສຶກສາຂັ້ນປະຖົມ ແລະ ມັດທະຍົມຕອນປາຍ ແລະ ອີກ 6 ລ້ານຄົນສຳລັບການສຶກສາໃນໄວເດັກ.

6 ເດືອນຕົ້ນປີ ປະລິມານການຄ້າຂາຍຂອງຕະຫຼາດເງິນຕາຕ່າງປະເທດຈີນ ເພີ່ມຂຶ້ນຢ່າງໝັ້ນທ່ຽງ

07/10/2026 10:25

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 6 ຕຸລາ ຜ່ານມາວ່າ: ຫວ່າງບໍ່ດົນມານີ້, ອົງການຄຸ້ມຄອງເງິນຕາຕ່າງປະເທດແຫ່ງຊາດຈີນ ໄດ້ປະກາດ “ບົດລາຍງານລາຍຮັບ ແລະ ລາຍຈ່າຍສາກົນຈີນໃນ 6 ເດືອນຕົ້ນປີ 2026” ໂດຍສະແດງໃຫ້ເຫັນວ່າ:

ເສດຖະກິດຫວຽດນາມ ສືບຕໍ່ເຕີບໂຕແຮງທີ່ສຸດຢູ່ພາກພື້ນອາຊີຕາເວັນອອກ - ປາຊີຟິກ

07/10/2026 10:24

ວິທະຍຸກະຈາຍສຽງຫວຽດນາມລາຍງານວ່າ: ຕາມບົດລາຍງານກ່ຽວກັບເສດຖະກິດພາກພື້ນອາຊີຕາເວັນອອກ - ປາຊີຟິກ (EAP) ຂອງທະນາຄານໂລກ (WB) ທີ່ປະກາດໃນວັນທີ 6 ຕຸລາ ຜ່ານມາ ລະບຸວ່າ, ຫວຽດນາມ ສືບຕໍ່ໄດ້ຮັບການຄາດຄະເນວ່າແມ່ນພື້ນຖານເສດຖະກິດເຕີບໂຕແຮງທີ່ສຸດຢູ່ພາກພື້ນ EAP, ຍ້ອນການບຸກທະລຸຂອງການເຄື່ອນໄຫວຜະລິດ ແລະ ການສົ່ງອອກສິນຄ້າປະເພດເຕັກໂນໂລຊີສູງ ພ້ອມກັບບັນດາຜະລິດຕະພັນທີ່ກ່ຽວຂ້ອງເຖິງປັນຍາປະດິດ, ກໍຄືນະໂຍບາຍປີການເງິນເປີດກວ້າງ.

ອູແກຣນ ໄດ້ຮັບເງິນສະໜັບສະໜູນຈາກ EU 2.9 ຕື້ເອີໂຣ

06/10/2026 12:19

ສຳນັກຂ່າວສານຊິນຮວາລາຍງານໃນວັນທີ 4 ຕຸລາ ຜ່ານມາວ່າ: ກະຊວງການເງິນຂອງອູແກຣນເປີດເຜີຍວ່າ, ອູແກຣນໄດ້ຮັບເງິນສະໜັບສະໜູນ ຈາກສະຫະພາບເອີຣົບ (EU) ຈຳນວນ 2.9 ຕື້ເອີໂຣ ເພື່ອສ້າງສະຖຽນລະພາບທາງເສດຖະກິດ, ສະໜັບສະໜູນລາຍຈ່າຍງົບປະມານທີ່ສຳຄັນ, ການຟື້ນຟູ ແລະ ສ້າງຄວາມທັນສະໄໝ, ລວມທັງການດຳເນີນການປະຕິຮູບ ເພື່ອມຸ່ງໄປສູ່ການເປັນສະມາຊິກຂອງ EU.

ຝຣັ່ງ ປະສົບກັບເດືອນກັນຍາ ທີ່ຮ້ອນທີ່ສຸດເປັນອັນດັບ 2

06/10/2026 12:18

ສຳນັກຂ່າວສານຊິນຮວາລາຍງານໃນວັນທີ 4 ຕຸລາ ຜ່ານມາວ່າ: ສຳນັກງານອຸຕຸນິຍົມວິທະຍາແຫ່ງຊາດຝຣັ່ງລາຍງານວ່າ, ເດືອນກັນຍາ 2026 ເປັນເດືອນກັນຍາທີ່ຮ້ອນທີ່ສຸດອັນດັບ 2 ໃນປະເທດຝຣັ່ງ ນັບຕັ້ງແຕ່ມີການບັນທຶກໃນປີ 1900. ໂດຍອຸນຫະພູມສະເລ່ຍໃນເດືອນກັນຍາສູງກວ່າລະດັບສະເລ່ຍປະມານ 3.1 ອົງສາ ໃນໄລຍະປີ 1991-2020 ແລະ ເປັນອັນດັບສອງຮອງຈາກເດືອນກັນຍາ 2023 ທີ່ມີອຸນຫະພູມສະເລ່ຍສູງກວ່າລະດັບສະເລ່ຍ 3.6 ອົງສາ.

ຍີ່ປຸ່ນ ຢູ່ອັນດັບທີ 12 ໃນດັດຊະນີນະວັດຕະກໍາໂລກ

06/10/2026 12:17

ຂ່າວຕ່າງປະເທດລາຍງານໃນວັນທີ 5 ຕຸລາ ຜ່ານມາວ່າ: ຍີ່ປຸ່ນຍັງຄົງຢູ່ອັນດັບທີ 12 ໃນດັດຊະນີນະວັດຕະກໍາຂອງອົງການຊັບສິນທາງປັນຍາໂລກ (WIPO) ໃນປີນີ້, ຕາມຫຼັງ ສ ເກົາຫຼີ, ສິງກະໂປ ແລະ ຈີນ ໃນບັນດາເຂດເສດຖະກິດຫຼັກຂອງພາກພື້ນ.

ຫຼາຍປະເທດ OPEC+ ເຫັນດີຮັກສາປະລິມານນ້ຳມັນ

06/10/2026 12:16

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ຕຸລາ ຜ່ານມາ, ອົງການບັນດາປະເທດສົ່ງອອກນ້ຳມັນ ແລະ ປະເທດຄູ່ຮ່ວມມື (OPEC+) ໄດ້ແຈ້ງວ່າ 7 ປະເທດສະມາຊິກ (ລວມມີ: ຊາອຸດິດ ອາຣັບບີ, ອີຣັກ, ກູເວດ, ອານເຊຣີ, ກາຊັກສະຖານ, ໂອມານ ແລະ ຣັດເຊຍ) ໄດ້ຕົກລົງຮັກສາລະດັບປະລິມານນ້ຳມັນສູງສຸດປັດຈຸບັນໃນເດືອນ ພະຈິກ. ສິ່ງດັ່ງກ່າວໝາຍຄວາມວ່າ 7 ປະເທດ ຈະຮັກສາຍອດປະລິມານນ້ຳມັນຢູ່ລະດັບສູງສຸດ ຂຶ້ນເປັນ 31.01 ລ້ານຖັງ/ວັນ.

ເພີ່ມເຕີມ