ຜົນສຳເລັດການຢ້ຽມຢາມລັດຖະກິດ ສສ ຫວຽດນາມ ຂອງສະຫາຍ ທອງລຸນ ສີສຸລິດ

ລາວ-ຫວຽດນາມເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່ ແລະຄວາມສາມັກຄີພິເສດ ຂຶ້ນສູ່ລະດັບໃໝ່

ລາວ-ຫວຽດນາມເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່ ແລະຄວາມສາມັກຄີພິເສດ ຂຶ້ນສູ່ລະດັບໃໝ່
ໃນວັນທີ 16 ກັນຍານນີ້, ທ່ານ ທອງສະຫວັນ ພົມວິຫານຫົວໜ້າຄະນະພົວພັນຕ່າງປະເທດສູນກາງພັກ(ຄຕພ) ໄດ້ໃຫ້ສຳພາດຕໍ່ສື່ມວນຊົນກ່ຽວກັບຜົນສຳເລັດການຢ້ຽມຢາມລັດຖະກິດ ສສ ຫວຽດນາມ ຂອງສະຫາຍ ທອງລຸນ ສີສຸລິດ ເລຂາທິການໃຫຍ່

ປະທານປະເທດວ່າ:ການຢ້ຽມຢາມລັດຖະກິດສສ ຫວຽດນາມ ຂອງສະຫາຍ ທອງລຸນ ສີສຸລິດເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຂອງ ສາທາລະນະລັດ ປະຊາທິປະໄຕ ປະຊາຊົນລາວ ແຕ່ວັນທີ 10 -13ກັນຍາ 2024.ສະຫາຍ ເລຂາທິການໃຫຍ່ ປະທານປະເທດ ທອງລຸນ ສີສຸລິດ ໄດ້ພົບປະສອງຝ່າຍກັບສະຫາຍເລຂາທິການໃຫຍ່ ປະທານປະເທດ ໂຕເລິມ; ພົບປະກັບສະຫາຍ ຟ້າມມິງຈິງ ນາຍົກລັດຖະມົນຕີ; ສະຫາຍ ເຈິນແທັງເໝີ້ນ ປະທານສະພາແຫ່ງຊາດ; ຕ້ອນຮັບການເຂົ້າຢ້ຽມຂໍ່ານັບ ຂອງ ຄະນະກໍາມະການແນວໂຮມປະເທດຊາດຫວຽດນາມ ແລະ ສະມາຄົມມິດຕະພາບຫວຽດນາມ-ລາວ ຂັ້ນສູນກາງ;ພົບປະກັບອະດີດການນຳຂັ້ນສູງ ຂອງ ສສ ຫວຽດນາມ ແລະ ພົບປະກັບອະດີດທະຫານອາສາສະໝັກ, ຊ່ຽວຊານ, ນັກສຶກສາຫວຽດນາມ ຢູ່ ສປປລາວ, ຕົວແທນຄົນໄວໝຸ່ມຫວຽດນາມ ແລະ ນັກສຶກສາລາວທີ່ກຳລັງສຶກສາ ຢູ່ ສສ ຫວຽດນາມແລະ ຍັງໄດ້ຢ້ຽມຢາມບາງພື້ນຖານເສດຖະກິດ ແລະ ວັດທະນະທຳ, ປະຫວັດສາດ ຢູ່ນະຄອນໂຮ່ຈິິມິນ ເປັນການຢືນຢັນເຖິງການສືບຕໍ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມທີ່ໄດ້ຮັບການສ້າງຕັ້ງຂຶ້ນໂດຍປະທານ ໂຮ່ຈິມິນ ຜູ້ຍິ່ງໃຫຍ່ ຮ່ວມກັບປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ເຄົາລົບຮັກ ໃຫ້ນັບມື້ໄດ້ຮັບການເສີມຂະຫຍາຍຂຶ້ນສູ່ລະດັບໃໝ່.
ທ່ານກ່າວຕື່ມວ່າ:ການຢ້ຽມຢາມຄັ້ງນີ້ ມີຄວາມໝາຍສຳຄັນເປັນຢ່າງຍິ່ງ ເພາະຢູ່ໃນບັນຍາກາດທີ່ ສອງພັກ, ສອງລັດ ແລະ ປະຊາຊົນສອງ ຊາວ ລາວ-ຫວຽດນາມ ກຳລັງດຳເນີນມະຕິຂອງກອງປະຊຸມໃຫຍ່ຂອງແຕ່ລະພັກ ໃນໄລຍະທ້າຍສະໄໝ ທີ່ມີຜົນສຳເລັດຫຼາຍດ້ານ ແລະ ມີບັນຍາກາດທີ່ເບີກບານມ່ວນຊື່ນ. ພ້ອມກັນນັ້ນ, ກໍຢູ່ໃນບັນຍາກາດທີ່ ພັກ, ລັດ ຫວຽດນາມ ໄດ້ມີການນຳໃໝ່, ທັງເປັນການຢືນຢັນເຖິງວ່າ: ລາວ ແລະ ຫວຽດນາມ ບໍ່ພຽງແຕ່ແມ່ນສອງປະເທດບ້ານໃກ້ເຮືອນຄຽງເທົ່ານັ້ນ, ແຕ່ແມ່ນສອງປະເທດສະຫາຍອ້າຍນ້ອງທີ່ມີຕົ້ນກຳເນີດມາຈາກພັກກອມມູນິດອິນດູຈີນ, ຢຶດໝັ້ນເອກະລາດແຫ່ງຊາດ ແລະ ລັດທິສັງຄົມນິຍົມ; ສືບຕໍ່ໃຫ້ບຸລິມະສິດການປະຕິບັດນະໂຍບາຍການຕ່າງປະເທດຂອງຕົນ; ຄຽງບ່າຄຽງໄຫຼ່ແລະ ສະໜັບສະໜູນຊຶ່ງກັນ ແລະ ກັນໃນພາລະກິດປ່ຽນແປງໃໝ່, ສ້າງສາພັດທະນາ ແລະ ປົກປັກຮັກສາປະເທດຊາດໃນປັດຈຸບັນ ແລະ ອະນາຄົດ,ສອງພັກ, ສອງລັດ ແລະ ປະຊາຊົນສອງປະເທດ ຕ້ອງມີໜ້າທີ່ຮ່ວມກັນ ໃນການປົກປັກຮັກສາ, ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່ ແລະຄວາມສາມັກຄີພິເສດ ລະຫວ່າງລາວ ແລະ ຫວຽດນາມໃຫ້ນັບມື້ນັບເພີ່ມທະວີຂຶ້ນສູ່ລະດັບໃໝ່, ກ້າວເຂົ້າສູ່ລວງເລິກ, ແທດເໝາະກັບຕົວຈິງ, ມີປະສິດທິຜົນໃນທຸກຂົງເຂດ, ບົນພື້ນຖານເສີມຂະຫຍາຍນໍ້າໃຈເອກະລາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ຮ່ວມມືກັນດ້ວຍຄວາມສະເໝີພາບ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ, ສົມທົບກົມກຽວກັບລັກສະນະພິເສດຂອງການພົວພັນລະຫວ່າງ ລາວ-ຫວຽດນາມຕາມລະບຽບການສາກົນ, ໃຫ້ບຸລິມະສິດ, ສະໜັບສະໜູນ, ຊຸກຍູ້ ແລະ ສ້າງເງື່ອນໄຂສະດວກໃຫ້ກັນ ແລະ ກັນ, ຮ່ວມກັນພັດທະນາເພື່ອຄວາມຈະເລີນຮຸ່ງເຮືອງຂອງທັງສອງປະເທດ, ປະກອບສ່ວນເຂົ້າໃນການສ້າງສັນຕິພາບ,ສະຖຽນລະພາບ,ການຮ່ວມມືເພື່ອການພັດທະນາຢູ່ອາຊີຕາເວັນອອກສ່ຽງໃຕ້ ແລະ ໃນໂລກ.
ທ່ານກ່າວຕື່ມວ່າ:ການພົວພັນທາງດ້ານການເມືອງຂອງສອງປະເທດຖືເປັນພື້ນຖານຫຼັກໃນການກຳນົດແນວທາງການພົວພັນຮ່ວມມືລວມລະຫວ່າງສອງປະເທດ, ສອງຝ່າຍໄດ້ເອົາໃຈໃສ່ການຮ່ວມມືກັນຢ່າງແໜ້ນແຟ້ນໃນບັນດາບັນຫາຍຸດທະສາດ, ແນວທາງ ແລະ ນະໂຍບາຍທີ່ກ່ຽວຂ້ອງເຖິງຄວາມໝັ້ນຄົງ ແລະ ການພັດທະນາຂອງແຕ່ລະປະເທດ; ຮັກສາການຢ້ຽມຢາມ ແລະ ການພົບປະລະຫວ່າງການນຳຂັ້ນສູງຂອງສອງພັກ ແລະ ສອງລັດ ໃນຫຼາຍຮູບຫຼາຍແບບ ທັງໝົດນີ້ເປັນແກ່ນສານໃນການກຳນົດທິດໃຫ້ແກ່ການພົວພັນຮ່ວມມືຂອງສອງປະເທດ. ສຳລັບການຮ່ວມມືດ້ານເສດຖະກິດ ສອງຝ່າຍເຫັນດີພະຍາຍາມຊຸກຍູ້ ແລະ ສ້າງບາດກ້າວບຸກທະລຸໃນການຍົກສູງລະດັບການຮ່ວມມືທາງດ້ານເສດຖະກິດ, ວັດທະນະທຳ, ການສຶກສາວິທະຍາສາດ ແລະ ເຕັກໂນໂລຊີໃຫ້ສົມຄູ່ກັບການພົວພັນທາງດ້ານການເມືອງບົນພື້ນຖານການເສີມຂະຫຍາຍຄວາມສາມາດ ແລະ ທ່າແຮງບົ່ມຊ້ອນຂອງແຕ່ລະປະເທດ; ເພື່ອບັນລຸເປົ້າໝາຍດັ່ງກ່າວ,ສອງຝ່າຍຍັງຈະຕ້ອງໄດ້ຊຸກຍູ້ການຈັດຕັ້ງຜັນຂະຫຍາຍບັນດາຂໍ້ຕົກລົງ ແລະ ສັນຍາຮ່ວມມືລະຫວ່າງສອງລັດຖະບານ ແລະ ບັນດາກະຊວງ, ຂະແໜງການ, ທ້ອງຖິ່ນ ແລະ ວິສາຫະກິດຂອງສອງປະເທດ, ສືບຕໍ່ເຈລະຈາ, ປັບປຸງຫຼືເຊັນບັນດາສັນຍາໃໝ່, ຂໍ້ຕົກລົງເພື່ອໃຫ້ແທດເໝາະກັບສະພາບຕົວຈິງ, ສ້າງລະບົບກົດໝາຍທີ່ສະດວກສະບາຍ ໃຫ້ແກ່ການຮ່ວມມືຂອງສອງປະເທດ, ສອງຝ່າຍຕ້ອງມີບັນດາມາດຕະການຢ່າງລະອຽດ ເພື່ອເພີ່ມທະວີການເຊື່ອມຈອດ ແລະ ຊ່ວຍເຫຼືອລະຫວ່າງສອງ ພື້ນຖານເສດຖະກິດ ລາວ-ຫວຽດນາມ ແລະ ລະຫວ່າງ ສາມພື້ນຖານເສດຖະກິດລາວ-ຫວຽດນາມ-ກໍາປູເຈຍ ໂດຍສະເພາະແມ່ນການເຊື່ອມຈອດທາງດ້ານກົດໝາຍ,ການເງິນ,ພື້ນຖານໂຄງລ່າງຄົມມະນາຄົມ, ພະລັງງານໄຟຟ້າ, ໂທລະຄົມ, ການທ່ອງທ່ຽວ,ຊຸກຍູ້ການລະດົມໃຫ້ບັນດາຄູ່ຮ່ວມມືສາກົນທີ່ເໝາະສົມ ໃຫ້ເຂົ້າມາຮ່ວມມື ແລະ ສະໜັບສະໜູນບັນດາໂຄງການເຊື່ອມຕໍ່ຍຸດທະສາດລະຫວ່າງສອງປະເທດ,ຕ້ອງໄດ້ສຸມໃສ່ການຍົກສູງຄຸນນະພາບ, ປະສິດທິຜົນໃນການຮ່ວມມືລົງທຶນ, ເອົາໃຈໃສ່ຜັນຂະຫຍາຍບັນດາໂຄງການສໍາຄັນເພື່ອຮັບປະກັນຄວາມຄືບໜ້າແລະຄຸນນະພາບ;ເພີ່ມທະວີການແລກປ່ຽນປະສົບການໃນການຄຸ້ມຄອງເສດຖະກິດມະຫາພາກລະຫວ່າງສອງປະເທດ; ມີບັນດານະໂຍບາຍບຸລິມະສິດເພື່ອຊຸກຍູ້ບັນດາວິສາຫະກິດຂອງທັງສອງປະເທດ ໃຫ້ມາລົງທຶນໃນບັນດາຂົງເຂດທີ່ທັງສອງຝ່າຍມີທ່າແຮງແລະເຂັ້ມແຂງທີ່ສຸດ, ໂດຍສະເພາະແມ່ນຂະແໜງພະລັງງານ (ພະລັງງານສະອາດ, ພະລັງງານທົດແທນ), ການຫັນເປັນດີຈີຕອນ, ເຕັກໂນໂລຊີ, ກະສິກຳ, ບໍ່ແຮ່, ການທ່ອງທ່ຽວ ແລະ ຊຸກຍູ້ການປະຕິບັດຮູບແບບເຂດເສດຖະກິດດ່ານຊາຍແດນຕາມແລວທາງເສດຖະກິດຕາເວັນອອກ-ຕາເວັນຕົກ,ຕ້ອງໄດ້ພະຍາຍາມຈັດຕັ້ງປະຕິບັດບັນດາມາດຕະການແກ້ໄຂ ເພື່ອຮັກສາການເພີ່ມຂຶ້ນຂອງມູນຄ່າການຄ້າສອງສົ້ນສະເລ່ຍ10-15%/ປີ; ຍູ້ແຮງບັນດາກິດຈະກຳສົ່ງເສີມທາງດ້ານການຄ້າ, ການສ້າງເຄື່ອງໝາຍການຄ້າ, ຊ່ອງທາງການຈໍາໜ່າຍສິນຄ້າຫວຽດນາມ ແລະ ລາວ ຢູ່ແຕ່ລະປະເທດ ເພື່ອເຮັດໃຫ້ມີການສົ່ງອອກທີ່ຍືນຍົງໃຫ້ແກ່ບັນດາຜະລິດຕະພັນ ແລະ ສິນຄ້າ; ຊຸກຍູ້ການນຳໃຊ້ເງິນຕາທ້ອງຖິ່ນລະຫວ່າງສອງປະເທດໃນການເຄື່ອນໄຫວທຸລະກຳດ້ານການຄ້າ ແລະ ການລົງທຶນ. ຫວຽດນາມ ສ້າງທຸກເງື່ອນໄຂອຳນວຍສະດວກໃຫ້ລາວໃນການ ສົ່ງອອກ ແລະ ນຳເຂົ້າ ສິນຄ້າໂດຍຜ່ານທ່າເຮືອກຳປັ່ນທາງທະເລຂອງຫວຽດນາມ.
(ຂ່າວ-ພາບ:ສຳນານ)

ຄໍາເຫັນ

ຂ່າວການຮ່ວມມື

ສົນທະນາ ການຮ່ວມມື ພັດທະນາ ສື່ມວນຊົນ ລາວ-ຈີນ

ສົນທະນາ ການຮ່ວມມື ພັດທະນາ ສື່ມວນຊົນ ລາວ-ຈີນ

ກອງປະຊຸມສົນທະນາການຮ່ວມມືພັດທະນາສື່ມວນຊົນ ລາວ-ຈີນ, ເນື່ອງໃນໂອກາດ ສະເຫຼີມສະຫຼອງວັນສ້າງຕັ້ງສະຖານີວິທະຍຸ FM 93.0 MHz ຄົບຮອບ 20 ປີ ໄດ້ຈັດຂຶ້ນໃນວັນທີ 19 ພະຈິກນີ້, ທີ່ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມ ຂອງ ທ່ານ ວັນສີ ກົວມົວ ຮອງຫົວໜ້າຄະນະໂຄສະນາອົບຮົມສູນກາງພັກ, ທ່ານ ນາງ ເຂັມມະນີ ພົນເສນາ ປະທານສະມາຄົມມິດຕະພາບລາວ-ຈີນ, ທ່ານ ນາງ ຟາງ ຫົງ ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສປ ຈີນ ປະຈໍາ ສປປ ລາວ, ມີບັນດາຫົວໜ້າບັນນາທິ ການ, ຜູ້ອຳນວຍການສື່ສິ່ງພິມ, ໂທລະພາບ, ວິທະຍຸ ແລະ ສື່ມວນຊົນເຂົ້າຮ່ວມ.
ໜັງສືພິມປະຊາຊົນ ແລກປ່ຽນການຮ່ວມມືກັບຄະນະພັກນະຄອນດາໜັງ

ໜັງສືພິມປະຊາຊົນ ແລກປ່ຽນການຮ່ວມມືກັບຄະນະພັກນະຄອນດາໜັງ

ໃນວັນທີ 18 ພະຈິກນີ້ ທີ່ນະຄອນດາໜັງ ສສ ຫວຽດນາມ, ສະຫາຍ ສີວັນ ຫອມໄຊຍະເດດ ກຳມະການຄະນະພັກ ຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ ພ້ອມດ້ວຍຄະນະໄດ້ເຄື່ອນໄຫວຢ້ຽມຢາມ ແລະ ພົບປະແລກປ່ຽນບົດຮຽນກັບສະຫາຍ ຫງວຽນຄັກຕວ່ານ ກຳມະການສູນກາງພັກຮອງເລຂາຜູ້ປະຈຳການຄະນະພັກນະຄອນດາໜັງ ພ້ອມດ້ວຍຄະນະໄດ້ໃຫ້ກຽດຕ້ອນຮັບຢ່າງອົບອຸ່ນດ້ວຍໄມຕີຈິດມິດຕະພາບ.
ກອງປະຊຸມກ່ຽວກັບການສ້າງຄູ່ຮ່ວມຊາຕາກໍາໃນທຸກສະພາບການຂອງຍຸກໃໝ່ ລາວ-ຈີນ ພາຍໃຕ້ຫົວຂໍ້: “ການຄຸ້ມຄອງພັກເພື່ອສ້າງຊາດໃຫ້ຈະເລີນ ຮ່ວມທາງສູ່ອະນາຄົດອັນສົດໃສ”

ກອງປະຊຸມກ່ຽວກັບການສ້າງຄູ່ຮ່ວມຊາຕາກໍາໃນທຸກສະພາບການຂອງຍຸກໃໝ່ ລາວ-ຈີນ ພາຍໃຕ້ຫົວຂໍ້: “ການຄຸ້ມຄອງພັກເພື່ອສ້າງຊາດໃຫ້ຈະເລີນ ຮ່ວມທາງສູ່ອະນາຄົດອັນສົດໃສ”

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ກອງປະຊຸມສົນທະນາລາວ-ຈີນ ກ່ຽວກັບການສ້າງຄູ່ຮ່ວມຊາຕາກໍາໃນທຸກສະພາບການຂອງຍຸກໃໝ່ ພາຍໃຕ້ຫົວຂໍ້ “ການຄຸ້ມຄອງພັກເພື່ອສ້າງຊາດໃຫ້ຈະເລີນ ຮ່ວມທາງສູ່ອະນາຄົດອັນສົດໃສ” ໄດ້ຈັດຂຶ້ນຢ່າງເປັນທາງການ ທີ່ສະຖານກົງສູນໃຫຍ່ ສປ ຈີນ ປະຈຳຫຼວງພະບາງ, ໂດຍມີການນໍາ ພ້ອມດ້ວຍຜູ້ຕາງໜ້າຈາກ 5 ແຂວງພາກເໜືອຂອງລາວເຂົ້າຮວ່ມແບບເຊິ່ງໜ້າ ແລະ ຜ່ານລະບົບອອນລາຍ.
ກອງປະຊຸມຂະແໜງການແກ້ໄຂບັນຫາລະເບີດບໍ່ທັນແຕກແລະ ກອງປະຊຸມຄະນະຊີ້ນຳໂຄງການ

ກອງປະຊຸມຂະແໜງການແກ້ໄຂບັນຫາລະເບີດບໍ່ທັນແຕກແລະ ກອງປະຊຸມຄະນະຊີ້ນຳໂຄງການ

ໃນວັນທີ 18 ພະຈິກນີ້, ທີ່ໂຮງແຮມສຸພັດຕຣານະຄອນຫຼວງວຽງຈັນ, ກະຊວງການຕ່າງປະເທດໃນນາມ ປະທານຄະນະກໍາມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ (ຄຊກລ) ໄດ້ຈັດກອງປະຊຸມຂະແໜງການແກ້ໄຂບັນຫາລະເບີດບໍ່ທັນແຕກ (The Annual UXO Sector Working Group) ປະຈຳປີ 2026 ຂຶ້ນ ໂດຍພາຍໃຕ້ການເປັນປະທານຂອງ ທ່ານ ນາງ ມຸກດາວັນ ສີສຸລິດ ຫົວໜ້າກົມອົງການຈັດຕັ້ງສາກົນກະຊວງການຕ່າງປະເທດ, ທັງເປັນຫົວໜ້າກອງເລຂາຄະນະກຳມະການຄຸ້ມຄອງແຫ່ງຊາດເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ), ແລະ ການເປັນປະທານຮ່ວມຂອງທ່ານ ດາວ ຊວນ ຫຼາຍ(Dao Xuan Lai), ຮອງຜູ້ຕາງໜ້າອົງການສະຫະປະຊາຊາດ ເພື່ອການພັດທະນາປະຈຳ ສປປ ລາວ(UNDP Lao PDR) ເເລະ ທ່ານ ນາງ ມິກເຊວ ຢັງ ເອົ້າລໍ້ (Michelle Y. Outlaw) ອຸປະທູດ ແລະ ທັງເປັນຮັກສາການປະຈໍາ ສະຖານເອກອັກຄະລັດຖະທູດເເຫ່ງ ສະຫະລັດ ອາເມຣິກາ ປະຈໍາ ສປປ ລາວ, ເເລະ ມີຜູ້ເຂົ້າຮ່ວມຂອງບັນດາເອກອັກຄະລັດຖະທູດ, ທູຕະນຸທູດ, ຜູ້ຕາງໜ້າຈາກອົງການຈັດຕັ້ງສາກົນ, ຄູ່ຮ່ວມພັດທະນາ, ອົງການເຄືອຂ່າຍຂອງ ສປຊ, ຜູ້ອໍານວຍການ ແລະ ຕາງໜ້າຈາກອົງການປະຕິບັດງານແກ້ໄຂບັນຫາ ລບຕ ເພືີ່ອມະນຸດສະທໍາ ແລະ ອົງການປະຕິບັດງານພາກວິສາຫະກິດ, ຂະແໜງການກ່ຽວຂ້ອງອ້ອມຂ້າງສູນກາງ ແລະ ບັນດາຜູ້ເຂົ້າຮ່ວມຕິດຕາມຜ່ານທາງໄກໂດຍສະເພາະຄະນະກໍາມະທິການຂັ້ນແຂວງ, ລວມແຂກເຂົ້າຮ່ວມທັງໝົດຫຼາຍກວ່າ 100 ທ່ານ.
ໜັງສືພິມປະຊາຊົນແລະສະຖາບັນການເມືອງແຫ່ງຊາດໂຮ່ຈິມິນພົບປະສອງຝ່າຍ

ໜັງສືພິມປະຊາຊົນແລະສະຖາບັນການເມືອງແຫ່ງຊາດໂຮ່ຈິມິນພົບປະສອງຝ່າຍ

ໃນວັນທີ 18ພະຈິກນີ້, ທີ່ສະຖາບັນການເມືອງແຫ່ງຊາດໂຮ່ຈິມິນນະຄອນຫຼວງຮ່າໂນ້ຍສສຫວຽດນາມ, ສະຫາຍສີວັນຫອມໄຊຍະເດດກຳມະການຄະນະພັກ ຄະນະໂຄສະນາອົບຮົມສູນກາງພັກຫົວໜ້າບັນນາທິການໃຫຍ່ໜັງສືພິມປະຊາຊົນ ພ້ອມດ້ວຍຄະນະໄດ້ເຄື່ອນໄຫວຢ້ຽມຢາມແລະພົບປະສອງຝ່າຍກັບສະຫາຍເລຫາຍບິ່ງກຳມະການສູນກາງພັກຮອງຫົວໜ້າຜູ້ປະຈຳການສະຖາບັນການເມືອງແຫ່ງຊາດໂຮ່ຈີມິນພ້ອມດ້ວຍຄະນະໄດ້ໃຫ້ກຽດຕ້ອນຮັບຢ່າງອົບອຸ່ນດ້ວຍໄມຕີຈິດມິດຕະພາບ.
ກອງປະຊຸມລັດພາຄີ ສົນທິສັນຍາ ສປຊ ການປ່ຽນແປງດິນຟ້າອາກາດ ຄັ້ງທີ 31 (COP 31) ປີ 2026 ທີ່ ຕວັກກີ

ກອງປະຊຸມລັດພາຄີ ສົນທິສັນຍາ ສປຊ ການປ່ຽນແປງດິນຟ້າອາກາດ ຄັ້ງທີ 31 (COP 31) ປີ 2026 ທີ່ ຕວັກກີ

ທ່ານ ລິນຄໍາ ດວງສະຫວັນ ລັດຖະມົນຕີກະຊວງກະສິກຳ ແລະ ສິ່ງແວດລ້ອມ ໄດ້ນໍາພາຄະນະເຂົ້າຮ່ວມກອງປະຊຸມລັດພາຄີ ສົນທິສັນຍາ ສະຫະປະຊາຊາດ ວ່າດ້ວຍ ການປ່ຽນແປງດິນຟ້າອາກາດ ຫຼື (UNFCCC) ຊຶ່ງໄດ້ຈັດຂຶ້ນໃນລະຫວ່າງ ວັນທີ 9-20 ພະຈິກ ນີ້ ທີ່ເມືອງ ອານຕາເລຍ ປະເທດຕວັກກີ, ໂດຍມີຜູ້ເຂົ້າຮ່ວມຈາກບັນດາປະເທດ ທີ່ເປັນລັດພາຄີຂອງສົນທິສັນຍາດັ່ງກ່າວ ຈຳນວນ 195 ປະເທດ ແລະ ຄູ່ຮ່ວມພັດທະນາ, ອົງການຈັດຕັ້ງສາກົນ ທີ່ບໍ່ສັງກັດລັດຖະບານ, ພາກສ່ວນທຸລະກິດ ແລະ ບັນດາສຳນັກຂ່າວຕ່າງໆຈາກທົ່ວໂລກ ຈຳນວນທັງໝົດ ຫຼາຍກວ່າ 90,000 ຄົນ. ກອງປະຊຸມຄັ້ງນີ້ ຄະນະຜູ້ແທນຈາກ ສປປ ລາວ ເຂົ້າຮ່ວມປະກອບມີຫຼາຍຂະແໜງການທີ່ກ່ຽວຂ້ອງ ເຊັ່ນ: ຂະແໜງກະສິກໍາ ແລະ ສິ່ງແວດລ້ອມ, ຂະແໜງການຕ່າງປະເທດ, ຂະແໜງການເງິນ, ຂະແໜງໂຍທາທິການ ແລະ ຂົນສົ່ງ ແລະ ຂະແໜງແຮງງານ ແລະ ສະຫວັດດີການສັງຄົມ.
ຮອງປະທານ ສພຊ ເຂົ້າຮ່ວມກອງປະຊຸມພົບປະຜູ້ນຳອາຊຽນ ແລະ ຜູ້ນຳ ໄອປາ ທີ່ມະນີລາ ສ ຟິລິບປິນ

ຮອງປະທານ ສພຊ ເຂົ້າຮ່ວມກອງປະຊຸມພົບປະຜູ້ນຳອາຊຽນ ແລະ ຜູ້ນຳ ໄອປາ ທີ່ມະນີລາ ສ ຟິລິບປິນ

ວັນທີ 13-16 ພະຈິກຜ່ານມາ, ທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ(ສພຊ) ແຫ່ງ ສປປ ລາວ ພ້ອມດ້ວຍຄະນະ ໄດ້ສຳເລັດການເຂົ້າຮ່ວມກອງປະຊຸມພົບປະລະຫວ່າງຜູ້ນຳອາຊຽນ ແລະ ຜູ້ນຳສະມັດຊາລັດຖະສະພາລະຫວ່າງຊາດອາຊຽນ ຫຼື ໄອປາ (AIPA) ທີ່ຈັດຂຶ້ນໃນລະຫວ່າງກອງປະຊຸມສຸດຍອດຜູ້ນໍາອາຊຽນ ຄັ້ງທີ 49 ທີ່ນະຄອນຫຼວງມະນີລາ ສາທາລະນະລັດ ຟີລິບປິນ ຊຶ່ງມີບັນດາປະມຸກລັດ, ນາຍົກລັດຖະມົນຕີ, ປະທານ-ຮອງປະທານສະພາແຫ່ງຊາດ, ຄະນະຜູ້ແທນຂອງລັດຖະບານ ແລະ ສະພາແຫ່ງຊາດ ຈາກປະເທດສະມາຊິກອາຊຽນ ພ້ອມດ້ວຍເລຂາທິການໃຫຍ່ອາຊຽນ ແລະ ເລຂາທິ ການໃຫຍ່ໄອປາ ເຂົ້າຮ່ວມ.
ການສ້າງຄູ່ຮ່ວມຊາຕາກຳ ລາວ-ຈີນ ທີ່ເຂັ້ມແຂງໜຽວແໜ້ນ  ເພື່ອທຸກສະພາບການຂອງຍຸກໃໝ່

ການສ້າງຄູ່ຮ່ວມຊາຕາກຳ ລາວ-ຈີນ ທີ່ເຂັ້ມແຂງໜຽວແໜ້ນ ເພື່ອທຸກສະພາບການຂອງຍຸກໃໝ່

ພາຍໃຕ້ການຊີ້ນຳທາງຍຸດທະສາດຂອງປະມຸກລັດສອງປະເທດ, ລາວ ແລະ ຈີນ ໄດ້ເຊັນສັນຍາການຮ່ວມມືຫຼາຍສະບັບທີ່ກວມເອົາຂົງເຂດເສດຖະກິດດີຈີຕອນ ການພັດທະນາແບບສີຂຽວ ອຸດສາຫະກຳບໍ່ແຮ່ສີຂຽວ ແລະ ຂົງເຂດອື່ນໆ ພ້ອມທັງສືບຕໍ່ລົງເລິກການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ ແລະ ມີຄຸນນະພາບສູງ.
Sabaidee JAPAN 2026 ສາມມື້ແຫ່ງການສະຫຼອງ ມິດຕະພາບ ລາວ-ຍີ່ປຸ່ນ

Sabaidee JAPAN 2026 ສາມມື້ແຫ່ງການສະຫຼອງ ມິດຕະພາບ ລາວ-ຍີ່ປຸ່ນ

ສະຖານເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ ຮ່ວມກັບ ສະມາຄົມອະດີດນັກສຶກສາລາວຈາກປະເທດຍີ່ປຸ່ນ (JAOL) ໄດ້ເປັນເຈົ້າພາບຈັດງານ “Sabaidee JAPAN 2026” ໃນລະຫວ່າງວັນທີ 13-15 ພະຈິກ ຜ່ານມາ ທີ່ສວນປະຕູໄຊ. ງານດັ່ງກ່າວໄດ້ຮັບການຮ່ວມມືໃນການຈັດຕັ້ງຈາກ ມູນນິທິຍີ່ປຸ່ນ (Japan Foundation) ຫ້ອງການປະສານງານນະຄອນຫຼວງວຽງຈັນ, ອົງການຮ່ວມມືສາກົນຍີ່ປຸ່ນ JICA ປະຈຳລາວ, ອົງການສົ່ງເສີມການຄ້າຍີ່ປຸ່ນ (JETRO) ປະຈຳນະຄອນຫຼວງວຽງຈັນ, ສະພາອຸດສາຫະກຳ ແລະ ການຄ້າຍີ່ປຸ່ນ ແຫ່ງ ສປປ ລາວ ແລະ ສະຖາບັນລາວ-ຍີ່ປຸ່ນ (LJI).
ຮອງປະທານປະເທດຕ້ອນຮັບການເຂົ້າຢ້ຽມຂໍ່ານັບອໍາລາຂອງທູດຍີ່ປຸ່ນ

ຮອງປະທານປະເທດຕ້ອນຮັບການເຂົ້າຢ້ຽມຂໍ່ານັບອໍາລາຂອງທູດຍີ່ປຸ່ນ

ທ່ານ ນາງວຽງທອງ ສີພັນດອນ ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບອຳລາ ຂອງທ່ານ ໂຄອິຊຶມິ ຊຶໂຕະມຸ (Mr. Koizumi Tsutomu) ເອກອັກຄະຣາຊະທູດວິສາມັນຜູ້ມີອຳນາດເຕັມ ແຫ່ງ ຍີ່ປຸ່ນ ປະຈຳ ສປປ ລາວ ໃນໂອກາດສໍາເລັດການປະຕິບັດໜ້າທີ່ການທູດ ຢູ່ ສປປ ລາວ. ໃນວັນທີ 16 ພະຈິກນີ້ ທີ່ທໍານຽບປະທານປະເທດ.
ເພີ່ມເຕີມ