 |
ໃນໂອກາດດັ່ງກ່າວ ສະຫາຍ ຕັງຫິວຟອງ ໄດ້ສະແດງຄວາມຕ້ອນຮັບຊົມເຊີຍ ແລະ ຕີລາຄາສູງ ຕໍ່ຄະນະຜູ້ແທນຂັ້ນສູງ ຂອງຄະນະໂຄສະນາອົບຮົມສູນກາງພັກ ທີ່ໄດ້ນຳພາບັນດາສື່ມວນຊົນເດີນທາງ ຢ້ຽມຢາມ ແລະ ເຮັດວຽກຢູ່ນະຄອນໂຮ່ຈິມິນຄັ້ງນີ້ ຊຶ່ງເປັນການປະກອບສ່ວນເສີມສ້າງ ແລະ ເພີ່ມທະວີ ສາຍພົວພົວພັນຮ່ວມມືວຽກງານຖະແຫຼງຂ່າວ-ສື່ມວນຊົນລະຫວ່າງຫວຽດນາມ-ລາວ ເວົ້າລວມ ເວົ້າສະເພາະກໍຄື ວຽກງານຖະແຫຼງຂ່າວ-ສື່ມວນນະຄອນໂຮ່ຈິມິນ ແລະ ຖະແຫຼງຂ່າວສື່ມວນຊົນລາວ ທີ່ມີມາແລ້ວນັ້ນ ໃຫ້ນັບມື້ແຕກດອກອອກຜົນຍິ່ງໆຂຶ້ນ, ໃນນັ້ນ ສະຫາຍ ຕັງຫິວຟອງ ຍັງໄດ້ລາຍງານ ການພັດທະນາເສດຖະກິດ-ສັງຄົມ ຂອງແຂວງໂດຍຫຍໍ້ພ້ອມທັງການເຄື່ອນໄຫວ ວຽກງານສື່ມວນຊົນ ຂອງນະຄອນໂຮ່ຈິມິນ ໃຫ້ຄະນະຮັບຊາບ.
ໃນໂອກາດນີ້, ສະຫາຍນາງ ວິລະວອນ ພັນທະວົງ ໄດ້ສະແດງຄວາມຂອບໃຈຕໍ່ການຕ້ອນຮັນອັນອຸ່ນ ແລະ ສະນິດສະໜົມ ແລະ ໄດ້ລາຍງານໃຫ້ສະຫາຍ ຕັງຫິວຟອງ ຮັບຊາບວ່າ: ປັດຈຸບັນຄະນະໂຄສະນາອົບຮົມສູນກາງພັກ ແລະ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ສປປ ລາວ ກໍໄດ້ປັບປຸງກົງຈັກການຈັດຕັ້ງຄືນໃໝ່ໂດຍມອບ-ໂອນວຽກງານຖະແຫຼງຂ່າວ-ສື່ມວນຊົນມາຂຶ້ນກັບຄະນະໂຄສະນາອົບຮົມສູນກາງ ພັກ, ປັດຈຸບັນມາຂຶ້ນກັບ ຄະນະໂຄສະນາອົບຮົມສູນກາງພັກ ປະກອບມີ ກົມສື່ມວນຊົນ, ສໍານັກຂ່າວສານປະເທດລາວ, ໂທລະພາບແຫ່ງຊາດລາວ, ວິທະຍຸກະຈາຍສຽງແຫ່າງຊາດລາວ, ໜັງສືພິມພາສາຕ່າງປະເທດ ແລະ ໜັງສືພິມປະຊາຊົນ.
 |
ເຖິງຢ່າງໃດກໍຕາມ, ວຽກງານສື່ມວນຊົນພວກເຮົາກໍຍັງສືບຕໍ່ປະເຊີນໜ້າກັບບັນຫາສິ່ງທ້າທາຍ ແລະ ພົບກັບຄວາມຫຍຸ້ງຍາກບໍ່ໜ້ອຍ, ໃນສະພາບການທີ່ພາກພື້ນ, ສາກົນມີຄວາມສັບສົນ, ບັນຫາຂໍ້ຂັດ ແຍ່ງ, ຄວາມບໍ່ສະຫງົບທາງດ້ານການເມືອງຢູ່ຫຼາຍປະເທດ, ສະນັ້ນໃນໂອກາດການພົບປະຢ້ຽມຢາມ ແລະ ເຮັດວຽກຄັ້ງນີ້, ເປັນໂອກາດດີ ຊຶ່ງຈະໄດ້ຖອດຖອນບົດຮຽນນໍາເພື່ອນສະຫາຍຫວຽດນາມ ຕື່ມ ແລະ ເຮັດແນວໃດ ເພື່ອເຮັດໃຫ້ວຽກງານການຮ່ວມມືຖະແຫຼງຂ່າວສື່ມວນຊົນ ສອງປະເທດ ໃຫ້ນັບມື້ເຕີບ ໃຫຍ່ເຂັ້ມແຂງ, ໂດຍສະເພາະລະຫວ່າງ ບັນດາອົງການສື່ມວນຊົນສອງປະເທດລາວ-ຫວຽດນາມໃຫ້ໄດ້ ຮັບການພັດທະນາ, ຮ່ວມມື, ແລກປ່ຽນຂໍ້ມູນຂ່າວສານ ໃນທຸກຂົງເຂດວຽກງານ, ໃນນັ້ນ ການຫັນເປັນ ດີຈີຕອນທີ່ທັນສະໄໝ ຍິ່ງມີຄວາມສຳຄັນ.
ຕອນທ້າຍ ສະຫາຍ ຕັງຫິວຟອງ ຍັງໄດ້ອວຍພອນໃຫ້ຄະນະຜູ້ແທນຂັ້ນສູງ ຄອສພ ຈົ່ງປະສົບ ຜົນສຳເລັດໃນການມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສສ ຫວຽດນາມ ໃນຄັ້ງນີ້ ແລະ ອວຍພອນໃຫ້ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ-ລາວ, ລາວ-ຫວຽດນາມ ໃຫ້ໝັ້ນຄົງຂະໜົງແກ່ນຕະຫຼອດໄປ.
ໃນວັນດຽວກັນ, ຄະນະຜູ້ແທນຂັ້ນສູງ ຄອສພ ຍັງໄດ້ໄປຢ້ຽມຢາມ ແລະ ເຮັດວຽກັບໜັງສືພິມ ຕວຍແຈ ຕືີ່ມອີກ.
(ຂ່າວ-ພາບ: ສຳນານ)
ຄໍາເຫັນ