ຕາງໜ້າລົງນາມໂດຍ ທ່ານ ໂຄອິຊູມິ ຊຶໂຕະມຸ ແລະ ທ່ານ ວົງວັນ ສີວິໄລ ຫົວໜ້າຫ້ອງການສຶກສາທິການ ແລະ ກິລາເມືອງນາໝໍ້. ສຳລັບໂຄງການກໍ່ສ້າງໂຮງຮຽນອະນຸບານ ແລະ ປະຖົມສຶກສາ ບ້ານກູລົງ ປະ ກອບມີອາຄານຮຽນ 1 ຫຼັງ, ມີ 6 ຫ້ອງຮຽນ, 1 ຫ້ອງການຄູ ພ້ອມປະກອບເຟີນີເຈີຄົບຊຸດ ມູນຄ່າການຊ່ວຍເຫຼືອທັງໝົດ 138,000 ໂດລາ, ໂດຍມີການນຳແຂວງ, ເມືອງ ເຂົ້າຮ່ວມເປັນສັກຂີພິຍານ.
ຜ່ານມາ, ລັດຖະບານ ແລະ ປະຊາຊົນຍີ່ປຸ່ນ ໄດ້ໃຫ້ການຊ່ວຍເຫຼືອແຂວງອຸດົມໄຊ ໂດຍສະເພາະການກໍ່ສ້າງພື້ນຖານໂຄງລ່າງດ້ານການສຶກສາ ແລະ ສິ່ງອຳນວຍຄວາມສະດວກຕ່າງໆ ຢູ່ເມືອງນາໝໍ້ຢ່າງຕໍ່ເນື່ອງນັບຕັ້ງແຕ່ປີ 2011 ເປັນຕົ້ນມາ ຊຶ່ງລວມມີໂຄງການກໍ່ສ້າງໂຮງຮຽນຫຼາຍແຫ່ງ ປະກອບສ່ວນສຳຄັນເຂົ້າໃນການສ້າງຄວາມເຂັ້ມແຂງທາງດ້ານບຸກຄະລາກອນຄູ-ອາຈານ ເຮັດໃຫ້ມາດຕະຖານການຮຽນ-ການສອນດີຂຶ້ນກວ່າເກົ່າ ແລະ ສົ່ງເສີມການສ້າງສາພັດທະນາຊັບພະຍາກອນມະນຸດຂອງແຂວງ ໃຫ້ມີຄວາມພ້ອມໃນການພັດທະນາປະເທດຊາດໃນບາດກ້າວຕໍ່ໄປ. ຂ່າວ: ແສງອາທິດ
ຄໍາເຫັນ