ການຄຸ້ມຄອງລາຍຈ່າຍ ຕິດພັນກັບການຈັດຕັ້ງປະຕິບັດສອງວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ - ການເງິນ ແລະ ວ່າດ້ວຍການແກ້ໄຂບັນຫາຢາເສບຕິດ, ການຈັດຕັ້ງຜັນຂະຫຍາຍມະຕິຂອງກົມການເມືອງສູນກາງພັກ ເລກທີ 04/ກມສພ, ລົງວັນທີ 11 ເມສາ 2024 ວ່າດ້ວຍການສ້າງເສດຖະກິດ ເອກະລາດ ເປັນເຈົ້າຕົນເອງໃນໄລຍະໃໝ່.
ການລົງເຄື່ອນໄຫວຄັ້ງນີ້, ໄດ້ພົບປະໂອ້ລົມຮ່ວມກັບການນໍາແຂວງຢູ່ຫ້ອງວ່າການແຂວງ. ໂດຍມີທ່ານ ສຸກກະເສີມ ສີຫານຸວົງ ຫົວໜ້າພະແນກການເງິນແຂວງ, ມີການນໍາສະພາປະຊາຊົນແຂວງ, ການນໍາພະແນກການ-ກົມກອງທີ່ກ່ຽວຂ້ອງອ້ອມຂ້າງແຂວງ, ການນໍາຫ້ອງການ ການເງິນ 9 ເມືອງ, 1 ນະຄອນເຂົ້າຮ່ວມ.
ໃນກອງປະຊຸມ, ທ່ານ ສຸກກະເສີມ ສີຫານຸວົງ ໄດ້ລາຍງານການຈັດຕັ້ງປະຕິບັດແຜນງົບປະມານ ໃນໄລຍະ 8 ເດືອນ ປີ 2024 ຜ່ານມາ ໂດຍຍົກໃຫ້ເຫັນສະພາບການຈັດເກັບລາຍຮັບໄປຕາມຈັງຫວະ ແລະ ມີທ່າຕັ້ງໜ້າ ລຸຕາມແຜນການ ແລະ ລື່ນແຜນການ ທີ່ວາງໄວ້, ຮັບປະກັນໄດ້ລາຍຈ່າຍທີ່ເປັນບຸລິມະສິດຂອງລັດຖະບານ ເປັນຕົ້ນເງິນເດືອນ, ເງິນນະໂຍບາຍ, ເງິນອຸດໜູນຕ່າງໆ, ໃນແຕ່ລະເດືອນ, ຈັດສັນເບີກຈ່າຍເງິນບໍລິຫານ, ດັດສົມ ແລະ ສົ່ງເສີມວິຊາການ ເພື່ອໃຫ້ກົງຈັກຂອງລັດໄດ້ເຄື່ອນໄຫວຢ່າງເປັນປົກະຕິ ພ້ອມທັງປະຕິບັດກົນໄກ ເບີກຈ່າຍເງິນບຳເນັດເກີນແຜນປີ 2024 ໃນການຊໍາລະໜີ້ສິນ, ພັດທະນາຊົນນະບົດ ແລະ ເປົ້າໝາຍອື່ນໆ ຕາມແຈ້ງການຂອງຫ້ອງການສໍານັກງານນາຍົກລັດຖະມົຮຕີ ເລກທີ 509/ຫສນຍ ແລະ ຄໍາແນະນໍາຂອງກະຊວງການເງິນ ເລກທີ 1032/ກງ ເພື່ອເຮັດໃຫ້ສະພາບເສດຖະກິດ ເຂົ້າສູ່ສະວະປົກກະຕິໂດຍໄວ. ຈາກນັ້ນ, ບັນດາທ່ານທີ່ເຂົ້າຮ່ວມກອງປະຊຸມ ກໍໄດ້ປະກອບຄໍາເຫັນ ຕົ້ນຕໍແມ່ນການຈັດເກັບລາຍຮັບເຂົ້າງົບປະມານ ຈາກພາສີຕ່າງໆ, ອາກອນ ແລະ ຊັບສິນ ເພື່ອສູ້ຊົນໃຫ້ໄດ້ຕາມແຜນການ.
ທ່ານ ລັດຖະມົນຕີກະຊວງການເງິນ ໄດ້ເນັ້ນໜັກໃຫ້ຄະນະພັກ - ຄະນະນໍາພະແນກການເງິນແຂວງ ແລະ ການນໍາຂະແໜງການ 3 ສາຍຕັ້ງ ເອົາໃຈໃສ່ນໍາພາ - ຊີ້ນໍາການຈັດເກັບລາຍຮັບເຂົ້າງົບປະມານ ໃຫ້ບັນລຸຕາມແຜນການ ແລະ ລື່ນແຜນການ ທີ່ວາງໄວ້, ຮັບປະກັນໄດ້ ລາຍຈ່າຍທີ່ເປັນບຸລິມະສິດຂອງລັດຖະບານ ກໍຄືຂອງແຂວງ ເປັນຕົ້ນເງິນເດືອນ, ເງິນນະໂຍບາຍ, ເງິນອຸດໜູນຕ່າງງ, ໃນແຕ່ລະເດືອນ, ຈັດສັນເບີກຈ່າຍເງິນບໍລິຫານ, ດັດສົມ ແລະ ສົ່ງເສີມວິຊາການ ເພື່ອໃຫ້ກົງຈັກຂອງລັດ ໄດ້ເຄື່ອນໄຫວຢ່າງເປັນປົກະຕິ ເພື່ອເຮັດໃຫ້ສະພາບເສດຖະກິດ ເຂົ້າສູ່ສະວະປົກກະຕິໂດຍໄວ. ນອກນີ້, ຍັງເນັ້ນໜັກໃຫ້ເອົາໃຈໃສ່ຍົກສູງການນໍາພາວຽກງານດ້ານການເມືອງ - ແນວຄິດ, ສ້າງຄວາມເປັນແບບຢ່າງໃນການນໍາພາ - ຊີ້ນໍາ, ລົງໃກ້ສິດຕິດແທດກັບມະຫາຊົນ ແລະ ທ້ອງຖິ່ນຮາກຖານ ຕິດພັນກັບການແກ້ໄຂບັນຫາຕົວຈິງ ເພື່ອສ້າງໃຫ້ພະນັກງານພາຍໃນກົມກອງຂອງຕົນ ໃຫ້ມີຄວາມເຊື່ອໝັ້ນຕໍ່ການນໍາພາ - ຊີ້ນໍາຂອງພັກ; ສືບຕໍ່ເພີ່ມທະວີຄວາມສາມັກຄີ ຕິດພັນກັບຄວາມເປັນເອກະພາບ ພາຍໃນຄະນະພັກ - ຄະນະນໍາ ໃຫ້ເປັນປຶກແຜ່ນແໜ້ນໜາ ໂດຍສະເພາະແມ່ນການກໍານົດທິດທາງໃນການເຄື່ອນໄຫວວຽກງານຕ່າງໆ ແລະ ການຈັດວາງບຸກຄະລາກອນ ກະກຽມໃຫ້ແກ່ກອງປະຊຸມໃຫຍ່ ຂອງພັກຂັ້ນຕົນ ເພື່ອປັບປຸງກົງຈັກການຈັດຕັ້ງ ໃຫ້ມີຄວາມໜັກແໜ້ນເຂັ້ມແຂງ.
(ຂ່າວ-ພາບ: ທູນທອງໃຈ)
ຄໍາເຫັນ