ໃນໄລຍະບຸນນະມັດສະການ ພະທາດຫຼວງວຽງຈັນ ທີ່ຈະຈັດຂຶ້ນໃນວັນທີ 23-27 ພະຈິກ ນີ້, ລັດວິສາຫະກິດລົດເມນະຄອນຫຼວງວຽງຈັນ (ນວ) ແລະ ບໍລິສັດ ລາວສະມາດໂມບິລິຕິ ຈຳກັດ (ລົດກ໋ອກໆສີສົ້ມ) ຈະເອົາລົດມາຮັບ-ສົ່ງບໍລິການມວນຊົນໃນໄລຍະບຸນນະມັດສະການພະທາດຫຼວງໂດຍບໍ່ເສຍຄ່າໂດຍສານ ຊຶ່ງຈະເລີ່ມໃຫ້ບໍລິການໃນເວລາ 17:00-22:30 ໂມງ. ໃນນັ້ນ, ລັດວິສາຫະກິດລົດເມນະຄອນຫຼວງ ຈະນຳໃຊ້ລົດເມ 45 ບ່ອນນັ່ງຈຳນວນ 9 ຄັນ, ລົດ 25 ບ່ອນນັ່ງ 16 ຄັນ ແລະ ບໍລິສັດລາວສະມາດໂມບິລິຕິຈໍາກັດ ຈະນໍາໃຊ້ລົດກ໋ອກໆສີສົ້ມ ຈຳນວນ 50 ຄັນ (ປະເພດ 4-6 ບ່ອນນັ່ງ).
ທ່ານ ສົມສະນິດ ລວດທອງຄຳ ຮອງຂະແໜງຂົນສົ່ງ ພະແນກໂຍທາທິການ ແລະ ຂົນສົ່ງ ນວ ໄດ້ຖະແຫຼງຂ່າວກ່ຽວກັບການບໍລິການລົດສາທາລະນະໂດຍບໍ່ເສຍຄ່າ ໃນບຸນນະມັດສະການພະທາດຫຼວງ ໃນວັນທີ 20 ພະຈິກ 2023 ຜ່ານມາວ່າ: ເພື່ອເປັນການຫຼຸດຜ່ອນການຈະລາຈອນແອອັດໃນໄລຍະບຸນທາດຫຼວງວຽງຈັນ ພະແນກໂຍທາທິການ ແລະ ຂົນສົ່ງ ນວ ຮ່ວມກັບ ລັດວິສາຫະກິດລົດເມ ນວ ແລະ ບໍລິສັດລາວສະມາດໂມບິລິຕິຈຳກັດ ຮ່ວມກັນໃຫ້ບໍລິການລົດສາທາລະນະ ແກ່ມວນຊົນ ໂດຍບໍ່ເສຍຄ່າ,ໂດຍໄດ້ກຳນົດຈຸດບ່ອນໄວ້ລົດ ສຳລັບຜູ້ທີ່ໃຊ້ລົດສ່ວນຕົວເດີນທາງມາບຸນນະມັດສະການພະທາດຫຼວງ ຢູ່ 3 ຈຸດ ຄື: 1.ຜູ້ທີ່ຂັບລົດມາທາງຖະໜົນສຸພານຸວົງ, ຖະໜົນສີທອງ, ຖະໜົນຫ້ວຍຫົງ, ຖະໜົນທ່າເດືອ, ຖະໜົນແຄມຂອງ ສາມາດຈອດລົດຢູ່ລານຈອດລົດຕະຫຼາດເຊົ້າ ຊຶ່ງສາມມາດ ຮອງຮັບບ່ອນຈອດລົດໄດ້ 400 ກວ່າຄັນ; 2.ຜູ້ທີ່ມາທາງຖະໜົນໄກສອນ ພົມວິຫານ, ຖະໜົນວັງຊາຍ ສາມາດຈອດລົດໄດ້ຢູ່ເດີ່ນຈອດລົດຕະຫຼາດທາດຫຼວງເກົ່າ, ຮອງຮັບບ່ອນຈອດລົດໄດ້ 300 ກວ່າຄັນ; 3.ຜູ້ທີ່ເດີນທາງມາທາງຖະໜົນນາຄວາຍ, ດົງຄໍາຊ້າງ, ຖະໜົນກຳແພງເມືອງ ສາມາດຈອດລົດຢູ່ເດີ່ນຕະຫຼາດບຶງທາດຫຼວງ, ຮອງຮັບບ່ອນຈອດລົດໄດ້ 200ກວ່າຄັນ, ໃນ 3 ຈຸດດັ່ງກ່າວ, ຈະມີບໍລິການລົດສາທາລະນະໂດຍບໍ່ເສຍຄ່າ ນຳພາທ່ານມາສົ່ງໃນງານບຸນພະທາດຫຼວງ.
ພ້ອມນັ້ນ, ທາງລັດວິສາຫະກິດລົດເມ ນວ ຍັງໃຫ້ບໍລິການລົດເມບໍ່ເສຍຄ່າ 9 ສາຍທາງ ຄື: ສາຍທາງທ່າເດື່ອ-ຂົວມິດຕະພາບ-ຊຽງຄວນ, ສາຍທາງທ່າງ່ອນ-ທາດຫຼວງ, ສາຍທາງດົງໂດກ-ທາດຫຼວງ, ສາຍທາງໂພນຕ້ອງ-ທາດຫຼວງ, ສາຍທາງ-ດົງຄຳຊ້າງ-ທາດຫຼວງ-ໄອເຕັກ, ສາຍທາງໜອງໄຮ-ໄອເຕັກ-ທາດຫຼວງ, ສາຍທາງດອນປ່າໃໝ່-ໄອເຕັກ-ທາດຫຼວງ, ສາຍທາງບ້ານຫ້ອມ-ທາດຫຼວງ ແລະ ສາຍທາງ ສີໄຄ-ທາດຫຼວງ ໂດຍຈະມາສົ່ງຜູ້ໂດຍສານຢູ່ຈຸດຄ່ຽນຖ່າຍທີ່ກຳນົດໄວ້ ເພື່ອນຳມວນຊົນເຂົ້າມາງານບຸນ.
ເພື່ອເປັນການຫຼຸດຜ່ອນການສັນຈອນທີ່ແອອັດ, ຜູ້ທີ່ມີຈຸດປະສົງເຂົ້າມາທ່ຽວງານບຸນກໍສາມາດໃຊ້ບໍລິການລົດສາທາລະນະໂດຍບໍ່ເສຍຄ່າໄດ້ ຫຼື ຖ້າຕ້ອງການຂັບລົດສ່ວນຕົວມາເອງກໍສາມາດນຳລົດໄປຈອດໄວ້ໃນ 3 ຈຸດທີ່ກຳນົດໃຫ້ ແລ້ວໃຊ້ບໍລິການລົດຂົນສົ່ງສາທາລະນະບໍ່ເສຍຄ່າເຂົ້າມາທ່ຽວຊົມງານບຸນໄດ້.
ຂ່າວ-ພາບ: ໜັງສືພິມວຽງຈັນໃໝ່
ທ່ານ ສົມສະນິດ ລວດທອງຄຳ ຮອງຂະແໜງຂົນສົ່ງ ພະແນກໂຍທາທິການ ແລະ ຂົນສົ່ງ ນວ ໄດ້ຖະແຫຼງຂ່າວກ່ຽວກັບການບໍລິການລົດສາທາລະນະໂດຍບໍ່ເສຍຄ່າ ໃນບຸນນະມັດສະການພະທາດຫຼວງ ໃນວັນທີ 20 ພະຈິກ 2023 ຜ່ານມາວ່າ: ເພື່ອເປັນການຫຼຸດຜ່ອນການຈະລາຈອນແອອັດໃນໄລຍະບຸນທາດຫຼວງວຽງຈັນ ພະແນກໂຍທາທິການ ແລະ ຂົນສົ່ງ ນວ ຮ່ວມກັບ ລັດວິສາຫະກິດລົດເມ ນວ ແລະ ບໍລິສັດລາວສະມາດໂມບິລິຕິຈຳກັດ ຮ່ວມກັນໃຫ້ບໍລິການລົດສາທາລະນະ ແກ່ມວນຊົນ ໂດຍບໍ່ເສຍຄ່າ,ໂດຍໄດ້ກຳນົດຈຸດບ່ອນໄວ້ລົດ ສຳລັບຜູ້ທີ່ໃຊ້ລົດສ່ວນຕົວເດີນທາງມາບຸນນະມັດສະການພະທາດຫຼວງ ຢູ່ 3 ຈຸດ ຄື: 1.ຜູ້ທີ່ຂັບລົດມາທາງຖະໜົນສຸພານຸວົງ, ຖະໜົນສີທອງ, ຖະໜົນຫ້ວຍຫົງ, ຖະໜົນທ່າເດືອ, ຖະໜົນແຄມຂອງ ສາມາດຈອດລົດຢູ່ລານຈອດລົດຕະຫຼາດເຊົ້າ ຊຶ່ງສາມມາດ ຮອງຮັບບ່ອນຈອດລົດໄດ້ 400 ກວ່າຄັນ; 2.ຜູ້ທີ່ມາທາງຖະໜົນໄກສອນ ພົມວິຫານ, ຖະໜົນວັງຊາຍ ສາມາດຈອດລົດໄດ້ຢູ່ເດີ່ນຈອດລົດຕະຫຼາດທາດຫຼວງເກົ່າ, ຮອງຮັບບ່ອນຈອດລົດໄດ້ 300 ກວ່າຄັນ; 3.ຜູ້ທີ່ເດີນທາງມາທາງຖະໜົນນາຄວາຍ, ດົງຄໍາຊ້າງ, ຖະໜົນກຳແພງເມືອງ ສາມາດຈອດລົດຢູ່ເດີ່ນຕະຫຼາດບຶງທາດຫຼວງ, ຮອງຮັບບ່ອນຈອດລົດໄດ້ 200ກວ່າຄັນ, ໃນ 3 ຈຸດດັ່ງກ່າວ, ຈະມີບໍລິການລົດສາທາລະນະໂດຍບໍ່ເສຍຄ່າ ນຳພາທ່ານມາສົ່ງໃນງານບຸນພະທາດຫຼວງ.
ພ້ອມນັ້ນ, ທາງລັດວິສາຫະກິດລົດເມ ນວ ຍັງໃຫ້ບໍລິການລົດເມບໍ່ເສຍຄ່າ 9 ສາຍທາງ ຄື: ສາຍທາງທ່າເດື່ອ-ຂົວມິດຕະພາບ-ຊຽງຄວນ, ສາຍທາງທ່າງ່ອນ-ທາດຫຼວງ, ສາຍທາງດົງໂດກ-ທາດຫຼວງ, ສາຍທາງໂພນຕ້ອງ-ທາດຫຼວງ, ສາຍທາງ-ດົງຄຳຊ້າງ-ທາດຫຼວງ-ໄອເຕັກ, ສາຍທາງໜອງໄຮ-ໄອເຕັກ-ທາດຫຼວງ, ສາຍທາງດອນປ່າໃໝ່-ໄອເຕັກ-ທາດຫຼວງ, ສາຍທາງບ້ານຫ້ອມ-ທາດຫຼວງ ແລະ ສາຍທາງ ສີໄຄ-ທາດຫຼວງ ໂດຍຈະມາສົ່ງຜູ້ໂດຍສານຢູ່ຈຸດຄ່ຽນຖ່າຍທີ່ກຳນົດໄວ້ ເພື່ອນຳມວນຊົນເຂົ້າມາງານບຸນ.
ເພື່ອເປັນການຫຼຸດຜ່ອນການສັນຈອນທີ່ແອອັດ, ຜູ້ທີ່ມີຈຸດປະສົງເຂົ້າມາທ່ຽວງານບຸນກໍສາມາດໃຊ້ບໍລິການລົດສາທາລະນະໂດຍບໍ່ເສຍຄ່າໄດ້ ຫຼື ຖ້າຕ້ອງການຂັບລົດສ່ວນຕົວມາເອງກໍສາມາດນຳລົດໄປຈອດໄວ້ໃນ 3 ຈຸດທີ່ກຳນົດໃຫ້ ແລ້ວໃຊ້ບໍລິການລົດຂົນສົ່ງສາທາລະນະບໍ່ເສຍຄ່າເຂົ້າມາທ່ຽວຊົມງານບຸນໄດ້.
ຂ່າວ-ພາບ: ໜັງສືພິມວຽງຈັນໃໝ່
ຄໍາເຫັນ