ຊຶ່ງເປັນການດຳເນີນກອງປະຊຸມໃນມື້ທີ 3 ໂດຍກອງປະຊຸມມື້ດັ່ງກ່າວນີ້ ໄດ້ພິຈາລະນາ ແລະ ປະກອບຄໍາເຫັນໃສ່ຮ່າງກົດໝາຍ ວ່າດ້ວຍພະນັກງານ-ລັດຖະຖອນ ສະບັບປັບປຸງ ປີ 2025; ໃນນີ້, ທ່ານ ພົນໂທສຸວອນເລືອງບຸນມີ ກໍມີຄໍາເຫັນເຈາະຈີ້ມ ໃຫ້ສະມາຊິກສະພາແຫ່ງຊາດ (ສສຊ) ມີຄໍາເຫັນຢ່າງມີຈຸດສຸມ ໃນຫຼາຍມາດຕາ ດັ່ງນີ້:
ມາດຕາ6ຂອບເຂດການນໍາໃຊ້ກົດໝາຍ,ວັກທີສອງທີ່ໄດ້ກໍານົດວ່າ“ກົດໝາຍສະບັບນີ້ບໍ່ນໍາໃຊ້ສໍາລັບທະຫານ, ຕໍາຫຼວດ, ພາລະກອນ, ບຸກຄະລາກອນທີ່ບໍ່ແມ່ນພະນັກງານ-ລັດຖະກອນ”;ຕໍ່ກັບການກໍານົດເນື້ອໃນຄືແນວນັ້ນ,ກອງປະຊຸມຜ່ານມາກໍມີການສົນທະນາຫຼາຍສະເໜີໃຫ້ກໍານົດແຈ້ງກ່ຽວກັບທະຫານ, ຕໍາຫຼວດທີ່ຍົກຍ້າຍມາສັງກັດນໍາອົງການປົກຄອງໃນໄລຍະຜ່ານມາເຫັນວ່າບໍ່ສອດຄ່ອງແລະມີຄວາມຫຍຸ້ງຍາກ.ສະນັ້ນ,ສະເໜີບັນດາທ່ານ ສສຊມີຄໍາເຫັນຕື່ມວ່າຄວນກໍານົດຄືແນວໃດເພື່ອໃຫ້ມີຄວາມຈະແຈ້ງ, ຊັດຈັນແລະມີຄວາມສະດວກໃນຈັດຕັ້ງປະຕິບັດ?.
ມາດຕາ 18ເງື່ອນໄຂເຂົ້າເປັນລັດຖະກອນໃໝ່,ຂໍ້2ທີ່ໄດ້ກໍານົດວ່າ“ໃນກໍລະນີຈໍາເປັນ ກໍອາດຮັບເອົາຜູ້ທີ່ມີອາຍຸເກີນ35 ປີແຕ່ບໍ່ໃຫ້ເກີນ40 ປີ ຕາມທີ່ໄດ້ກໍານົດໄວ້ໃນລະບຽບການຕ່າງຫາກ”; ສະເໜີບັນດາທ່ານ ສສຊ ມີຄໍາເຫັນຕື່ມວ່າມີຄວາມຈໍາເປັນຕ້ອງກໍານົດບໍ່ຫຼືຄວນຮັກສາເນື້ອໃນຕາມເກົ່າຫຼືຄວນກໍານົດຄືແນວໃດຕື່ມເພື່ອໃຫ້ມີຄວາມເປັນເອກະພາບກັນໃນການຈັດຕັ້ງປະຕິບັດ?.
ມາດຕາ29 ການລາພັກແລະການພັກທາງລັດຖະການຕໍ່ກັບການກໍານົດເວລາໃນການລາພັກຂອງພະນັກງານ-ລັດຖະກອນໂດຍສະເພາະຂໍ້1ຫາຂໍ້4ແລະຂໍ້ 11ຊຶ່ງໃນກອງປະຊຸມຍົກສູງຄຸນນະພາບທາງດ້ານເນື້ອໃນກໍໄດ້ມີຄໍາເຫັນຫຼາຍແລ້ວແຕ່ສະເໜີບັນດາທ່ານ ສສຊປະກອບຄໍາເຫັນຕື່ມວ່າຄວນກໍານົດເພີ່ມຂຶ້ນຫຼືຫຼຸດລົງຄືແນວໃດຕື່ມເພື່ອໃຫ້ມີຄວາມສອດຄ່ອງແນໃສ່ປົກປ້ອງສິດແລະຜົນປະໂຫຍດຂອງພະນັກງານ-ລັດຖະກອນ?.
ມາດຕາ71ການຮັບອຸດໜູນບໍານານເນື້ອໃນຂໍ້1ທີ່ໄດ້ກໍານົດວ່າ“ສໍາລັບຂະແໜງການທີ່ມີຄວາມຈໍາເປັນອາດຕໍ່ອາຍຸກະສຽນບໍານານໄດ້ແຕ່ບໍ່ໃຫ້ເກີນຫົກສິບຫ້າປີຕາມທີ່ໄດ້ກໍານົດໄວ້ໃນລະບຽບການຕ່າງຫາກ”;ຕໍ່ກັບການກໍານົດຄືແນວນັ້ນ,ບັນດາທ່ານ ສສຊເຫັນວ່າມີຄວາມສອດຄ່ອງ, ຮັດກຸມແລະເໝາະສົມແລ້ວບໍ່ຫຼືຄວນກໍານົດຄືແນວໃດຕື່ມເພື່ອໃຫ້ເນື້ອໃນມີຄວາມຈະແຈ້ງ, ຊັດເຈນ, ສອດຄ່ອງແລະບໍ່ໃຫ້ເປັນຊ່ອງວ່າງໃນການຈັດຕັ້ງປະຕິບັດ?.
ມາດຕາ87ຫາມາດຕາ92ກ່ຽວກັບການກໍານົດສິດແລະໜ້າທີ່ຂອງອົງການຄຸ້ມຄອງພະນັກງານ-ລັດຖະກອນແຕ່ລະຂັ້ນຄືແນວນັ້ນບັນດາທ່ານ ສສຊເຫັນວ່າມີຄວາມຖືກຕ້ອງ, ສອດຄ່ອງແລະເໝາະສົມແລ້ວບໍ່ຫຼືຄວນກໍານົດຄືແນວໃດຕື່ມເພື່ອມີຄວາມສອດຄ່ອງແລະສາມາດຈັດຕັ້ງປະຕິບັດໄດ້ຢ່າງມີປະສິດທິພາບແລະປະສິດທິຜົນ?.
ນອກຈາກເນື້ອໃນທີ່ໄດ້ກ່າວມານີ້, ທ່ານພົນໂທສຸວອນເລືອງບຸນມີ ຍັງເນັ້ນວ່າ:ຫາກຍັງເຫັນວ່າມີມາດຕາ, ເນື້ອໃນໃດທີ່ບໍ່ທັນຄົບຖ້ວນແລະຮັດກຸມນັ້ນກໍສະເໜີແລກປ່ຽນຕື່ມໄດ້.
(ຂ່າວ-ພາບ: ສຸກສະຫວັນ)
ຄໍາເຫັນ