ຫຼ້ຽວກົ່ງກົນຈັກໜັກຍອດນິຍົມອັນດັບໜຶ່ງຂອງຈີນ

ບໍລິສັດຫຼ້ຽວກົ່ງ(LiuGong) ເປັນບໍລິສັດທີ່ຜະລິດກົນຈັກໜັກເປັນບໍລິສັດທີ່ໄດ້ມາດຕະຖານແລະເປັນທີ່ນິຍົມອັນດັບໜຶ່ງໃນ ສປ ຈີນ (LiuGong Group)ເປັນບໍລິສັດຜະລິດລົດດຸດ ແລະ ຊະນິດອື່ນໆອີກ, ໂຮງງານຕັ້ງຢູ່ເມືອງຫຼຽວໂຈ ໂດຍການລົງທຶນທັງໝົດຫຼາຍກວ່າ 10 ພັນລ້ານຢວນ ໂຮງງານດັ່ງກ່າວມີພື້ນທີ່ຫຼາຍກວ່າ 300 ເຮັກຕາ,

ເລີ່ມຕົ້ນຜະລິດກົນຈັກແມ່ນປີ 1981 ແລະ ໄດ້ສ້າງໂຮງງານໃຫຍ່ຂຶ້ນໃນເດືອນທັນວາ 2022, ສາມາດຜະລິດໄດ້ 20,000ເຄື່ອງ/ປີເຊິ່ງເປັນເຄື່ອງຂຸດໄຮໂດຣລິກ ທີ່ມີຂະໜາດກາງ ແລະ ໃຫຍ່ ໂດຍການຂັບເຂື່ອນດ້ວຍນ້ຳມັນ ແລະ ໄຟຟ້າ ເຊິ່ງໄດ້ຮັບການຍອມຮັບວ່າເປັນ “ເປັນໂຮງງານສາທິດການຜະລິດອັດສະລິຍະ” ແຫ່ງຊາດ ໂຮງງານດັ່ງກ່າວໃຊ້ລະບົບ APS,MES ແລະ WMS ເພື່ອການຈັດການດ້ວຍລະບົບດີຈີຕ້ອນແບບຄົບວົງຈອນ, ການປະກອບລົດດັ່ງກ່າວແມ່ນໃຊ້ຫຸ່ນຍົນ70% ເຂົ້າໃນການຜະລິດໂດຍສະເລ່ຍໄດ້ຫຼາຍກວ່າ 100ຄັນ/ມື້, ນອກຈາກການຜະລິດລົດດຸດທີ່ມີຄົນຂັບແລ້ວ ທາງບໍລິສັດຍັງຜະລິດລົດທີ່ບໍ່ມີຄົນຂັບອີກເປັນແຫ່ງທຳອິດຂອງຂອງຈີນທີ່ຜະລິດກົນຈັກໜັກໂດຍການນຳໃຊ້ການຂັບເຄື່ອນດ້ວຍລະບົບAI ການເຮັດວຽກໃຊ້ລະບົບລີໂມດໃນການສັ່ງງານຕ່າງໆ, ຫຼ່ຽວກົ່ງມີສູນຈຳໜ່າຍຜ່ານຕົວແທນຫຼາຍ 100 ປະເທດໃນທົ່ວໂລກ ເຊິ່ງມີບໍລິສັດລູກໃນຫຼາຍປະເທດເຊັ່ນ; ອັຟຟຣິກາໃຕ້, ອອສເຕຣເລຍ, ບຣາຊິວ, ດູໃບ, ເອີລົບ, ອິນເດຍ, ລັດເຊຍ, ສິງກະໂປ, ອິນໂດເນເຊຍ, ສະຫະລັດອະເມລິກາ ແລະ ອຸເບກິສະຖານເປັນຕົ້ນ.

ບໍລິສັດດັ່ງກ່າວໄດ້ເອົາໃຈໃສ່ຮັກສາດ້ານສິ່ງແວດລ້ອມຫັນໄປສູ່ໂລກແຫ່ງສີຂຽວ ໂດຍສະເພາະຄະບວນການຜະລິດລົດໃນປະຈຸບັນແມ່ນຈະຜະລິດແບບໃຊ້ລະບົບໄຟຟ້າໃນການຂັບເຄື່ອນ ເພື່ອລົດຄາບອນ,ລົດພາວະໂລກຮ້ອນ ຫັນໄປສູ່ເຕັກໂນໂລຊີທີ່ທັກສະໄໝຫຼຸດທັງຕົ້ນທຶນການຜະລິດ ແລະ ຫຼຸດຕົ້ນທຶນຂອງຜູ້ນຳໃຊ້ອີກດ້ວຍ.