ລິບປິນ ຍັງເປັນປະເທດທີ່ປະສົບໄພທຳມະຊາດຫຼາຍທີ່ສຸດໃນໂລກ

ຂ່າວສານຫວຽດນາມລາຍງານວ່າ: ອີງຕາມດັດຊະນີຄວາມສ່ຽງໂລກປີ 2023, ຟີລິບປິນ ເປັນປະເທດທີ່ປະສົບໄພທຳມະຊາດຫຼາຍທີ່ສຸດໃນໂລກ, ຖັດມາແມ່ນ ອິນໂດເນເຊຍ ແລະ ອິນເດຍ.
ຂ່າວລະບຸວ່າ: ບົດລາຍງານສະແດງໃຫ້ເຫັນວ່າ, ຟີລິບປິນ ຕິດໃນບັນຊີລາຍຊື່ອັນດັບ 10 ປະເທດ ທີ່ມີຄວາມສ່ຽງໄພທຳມະຊາດຫຼາຍທີ່ສຸດ, ດ້ວຍ 46,86/100 ຄະແນນ, ຖັດມາແມ່ນ ອິນໂດເນເຊຍ (43,5) ແລະ ອິນເດຍ (41,52). ຟີລິບປິນ ຕັ້ງຢູ່ໃນວົງແຫວນໄຟ ແລະ ພາຍຸປາຊີຟິກ, ຟີລິບປິນ ແມ່ນໜຶ່ງໃນບັນດາປະເທດທີ່ມີຄວາມສ່ຽງສູງທີ່ສຸດຂອງໄພພິບັດທໍາມະຊາດໃນທົ່ວໂລກ ແລະ ເປັນປະເທດທີ່ມີພູເຂົາໄຟຫຼາຍທີ່ສຸດໃນໂລກ. ໂດຍສະເລ່ຍແລ້ວ, ຟີລິບປິນ ຕ້ອງປະເຊີນກັບພາຍຸ 20 ຄັ້ງໃນແຕ່ລະປີ ຊຶ່ງຫຼາຍຄັ້ງແມ່ນພາຍຸທີ່ມີກຳລັງແຮງ ແລະ ຮ້າຍແຮງ ຕໍ່ຊີວິດຊັບສິນຂອງປະຊາຊົນ.
ອີງຕາມດັດຊະນີຄວາມສ່ຽງໂລກປີ 2022, ຟີລິບປິນຍັງຢູ່ອັນດັບໜຶ່ງໃນບັນດາປະເທດທີ່ປະສົບໄພທຳມະຊາດຫຼາຍທີ່ສຸດໃນໂລກ.