ໃນໂອກາດທີ່ທ່ານ ສອນໄຊ ສິດພະໄຊ ລັດຖະມົນຕີ ປະຈຳຫ້ອງວ່າການສຳນັກງານນາຍົກ ພ້ອມດ້ວຍຄະນະ ຢ້ຽມຢາມ ແລະເຮັດວຽກຢູ່ແຂວງອຸດົມໄຊ ໃນວັນທີ 18 ທັນວານີ້ ຊຶ່ງທ່ານກໍໄດ້ເຂົ້າພົບປະ ແລະ ເຮັດວຽກຮ່ວມກັບການນຳແຂວງອຸດົມໄຊ, ນຳໂດຍທ່ານ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ, ມີທ່ານຮອງເຈົ້າແຂວງ, ພ້ອມດ້ວຍຄະນະພະແນກການທີ່ກ່ຽວຂ້ອງເຂົ້າຮ່ວມ, ທີ່ຫ້ອງປະຊຸມຫ້ອງວ່າການແຂວງອຸດົມໄຊ.
ຈຸດປະສົງຂອງການເຂົ້າພົບປະການນຳແຂວງອຸດົມໄຊຄັ້ງນີ້ກໍເພື່ອຮັບຟັງການລາຍງານຄວາມຄືບໜ້າໃນການແກ້ໄຂບັນຫາເຄັ່ງຮ້ອນທາງດ້ານເສດຖະກິດ, ການເງິນ ແລະ ບັນຫາເຄັ່ງຮ້ອນອື່ນໆຂອງແຂວງອຸດົມໄຊ, ໂອກາດດັ່ງກ່າວ ທ່ານ ອ່ອນແກ້ວ ອຸ່ນອາລົມ ຮອງເຈົ້າແຂວງອຸດົມໄຊ ກໍໄດ້ແຈ້ງສະພາບລວມຂອງແຂວງ ແລະ ການຈັດຕັ້ງປະຕິບັດ ວາລະເຄັ່ງຮ້ອນຂອງລັດຖະບານ ຂອງແຂວງອຸດົມໄຊໃຫ້ຄະນະທີມງານໄດ້ຮັບຊາບ ການພັດທະນາເສດຖະກິດ-ສັງຄົມ ແລະການຈັດຕັ້ງປະຕິບັດວາລະເຄັ່ງຮ້ອນຂອງລັດຖະບານຢູ່ແຂວງອຸດົມໄຊ ໂດຍສັງເຂບ ເປັນຕົ້ນແມ່ນຈຸດພິເສດທີ່ຕັ້ງ ແລະ ທ່າແຮງຂອງແຂວງ, ການພັດທະນາເສດຖະກິດ-ສັງຄົມຂອງແຂວງ ໃນຂະແໜງການຕ່າງໆ ໂດຍລວມເສດຖະກິດຂອງແຂວງມີການຂະຫຍາຍຕົວຢ່າງຕໍ່ເນື່ອງ ລວມຍອດຜະລິດຕະພັນພາຍໃນ GDP ຂະຫຍາຍຕົວໃນລະດັບ 3,98%, ລວມມູນຄ່າປັດຈຸບັນ 7 ຕື້ກວ່າກີບ, ການຈັດຕັ້ງປະຕິບັດຄໍາສັ່ງ ເລກທີ 13/ນຍ ວ່າດ້ວຍການເພີ່ມທະວີແກ້ໄຂບັນຫາເຄັ່ງຮ້ອນຂອງເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນ,ລາຄາສິນຄ້າ ແລະ ໜີ້ສິນຕ່າງປະເທດຊຶ່ງແຂວງອຸດົມໄຊແມ່ນໄດ້ສຸມໃສ່ແກ້ໄຂວຽກງານແຕ່ລະດ້ານເຊັ່ນ: ການຄຸ້ມຄອງລາຄາສິນຄ້າ, ການຄຸ້ມຄອງລາຄາເງິນຕາຕ່າງປະເທດ, ການຈັດຕັ້ງປະຕິບັດ ຂໍ້ຕົກລົງ ເລກທີ 93/ນຍ ແລະ ຂໍ້ຕົກລົງ ສະບັບເລກທີ 765/ທຫລ ວ່າດ້ວຍການຈັດຕັ້ງປະຕິບັດສິນເຊື່ອ ເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ. ຊຶ່ງແຂວງອຸດົມໄຊ ໄດ້ສ້າງແຜນດຳເນີນງານ ແລະ ຈັດກອງປະຊຸມຄະນະຮັບຜິດຊອບ,ໄດ້ລົງໂຄສະນາເຜີຍແຜ່ບັນດານະໂຍບາຍດັ່ງກ່າວໃຫ້ບັນດາທະນາຄານທຸລະກິດໄດ້ຮັບຊາບ, ໄດ້ໂຄສະນາເຜີຍແຜ່, ປຸກລະດົມຜູ້ປະກອບການທຸລະກິດໃຫ້ເຂົ້າເຖິງແຫຼ່ງທຶນດັ່ງກ່າວ. ໂອກາດດັ່ງກ່າວ ທ່ານ ສອນໄຊ ສິດພະໄຊ ກໍໄດ້ໂອ້ລົມຕໍ່ການນຳແຂວງອຸດົມໄຊ, ກ່ອນອື່ນທ່ານໄດ້ກ່າວຍ້ອງຍໍຊົມເຊີຍຕໍ່ຜົນງານ ຂອງການນຳແຂວງອຸດົມໄຊ ທີ່ໄດ້ສຸມໃສ່ແກ້ໄຂບັນຫາເຄັ່ງຮ້ອນໃນດ້ານຕ່າງໆຈົນເຮັດໃຫ້ເປັນຮູບປະທຳ, ພ້ອມທັງເນັ້ນໃຫ້ສືບຕໍ່ແກ້ໄຂບັນຫາທີ່ຍັງຄົງຄ້າງໃຫ້ສຳເລັດຕາມແຜນເພື່ອເຮັດໃຫ້ບັນຫາທີ່ເຄັ່ງຮ້ອນໃນປະເທດຂອງເຮົາຜ່ອນຄາຍລົງເທື່ອລະກ້າວ. (ຂ່າວ: ແສງອາທິດ)
ຈຸດປະສົງຂອງການເຂົ້າພົບປະການນຳແຂວງອຸດົມໄຊຄັ້ງນີ້ກໍເພື່ອຮັບຟັງການລາຍງານຄວາມຄືບໜ້າໃນການແກ້ໄຂບັນຫາເຄັ່ງຮ້ອນທາງດ້ານເສດຖະກິດ, ການເງິນ ແລະ ບັນຫາເຄັ່ງຮ້ອນອື່ນໆຂອງແຂວງອຸດົມໄຊ, ໂອກາດດັ່ງກ່າວ ທ່ານ ອ່ອນແກ້ວ ອຸ່ນອາລົມ ຮອງເຈົ້າແຂວງອຸດົມໄຊ ກໍໄດ້ແຈ້ງສະພາບລວມຂອງແຂວງ ແລະ ການຈັດຕັ້ງປະຕິບັດ ວາລະເຄັ່ງຮ້ອນຂອງລັດຖະບານ ຂອງແຂວງອຸດົມໄຊໃຫ້ຄະນະທີມງານໄດ້ຮັບຊາບ ການພັດທະນາເສດຖະກິດ-ສັງຄົມ ແລະການຈັດຕັ້ງປະຕິບັດວາລະເຄັ່ງຮ້ອນຂອງລັດຖະບານຢູ່ແຂວງອຸດົມໄຊ ໂດຍສັງເຂບ ເປັນຕົ້ນແມ່ນຈຸດພິເສດທີ່ຕັ້ງ ແລະ ທ່າແຮງຂອງແຂວງ, ການພັດທະນາເສດຖະກິດ-ສັງຄົມຂອງແຂວງ ໃນຂະແໜງການຕ່າງໆ ໂດຍລວມເສດຖະກິດຂອງແຂວງມີການຂະຫຍາຍຕົວຢ່າງຕໍ່ເນື່ອງ ລວມຍອດຜະລິດຕະພັນພາຍໃນ GDP ຂະຫຍາຍຕົວໃນລະດັບ 3,98%, ລວມມູນຄ່າປັດຈຸບັນ 7 ຕື້ກວ່າກີບ, ການຈັດຕັ້ງປະຕິບັດຄໍາສັ່ງ ເລກທີ 13/ນຍ ວ່າດ້ວຍການເພີ່ມທະວີແກ້ໄຂບັນຫາເຄັ່ງຮ້ອນຂອງເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນ,ລາຄາສິນຄ້າ ແລະ ໜີ້ສິນຕ່າງປະເທດຊຶ່ງແຂວງອຸດົມໄຊແມ່ນໄດ້ສຸມໃສ່ແກ້ໄຂວຽກງານແຕ່ລະດ້ານເຊັ່ນ: ການຄຸ້ມຄອງລາຄາສິນຄ້າ, ການຄຸ້ມຄອງລາຄາເງິນຕາຕ່າງປະເທດ, ການຈັດຕັ້ງປະຕິບັດ ຂໍ້ຕົກລົງ ເລກທີ 93/ນຍ ແລະ ຂໍ້ຕົກລົງ ສະບັບເລກທີ 765/ທຫລ ວ່າດ້ວຍການຈັດຕັ້ງປະຕິບັດສິນເຊື່ອ ເພື່ອກະຕຸ້ນເສດຖະກິດ ແລະ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ. ຊຶ່ງແຂວງອຸດົມໄຊ ໄດ້ສ້າງແຜນດຳເນີນງານ ແລະ ຈັດກອງປະຊຸມຄະນະຮັບຜິດຊອບ,ໄດ້ລົງໂຄສະນາເຜີຍແຜ່ບັນດານະໂຍບາຍດັ່ງກ່າວໃຫ້ບັນດາທະນາຄານທຸລະກິດໄດ້ຮັບຊາບ, ໄດ້ໂຄສະນາເຜີຍແຜ່, ປຸກລະດົມຜູ້ປະກອບການທຸລະກິດໃຫ້ເຂົ້າເຖິງແຫຼ່ງທຶນດັ່ງກ່າວ. ໂອກາດດັ່ງກ່າວ ທ່ານ ສອນໄຊ ສິດພະໄຊ ກໍໄດ້ໂອ້ລົມຕໍ່ການນຳແຂວງອຸດົມໄຊ, ກ່ອນອື່ນທ່ານໄດ້ກ່າວຍ້ອງຍໍຊົມເຊີຍຕໍ່ຜົນງານ ຂອງການນຳແຂວງອຸດົມໄຊ ທີ່ໄດ້ສຸມໃສ່ແກ້ໄຂບັນຫາເຄັ່ງຮ້ອນໃນດ້ານຕ່າງໆຈົນເຮັດໃຫ້ເປັນຮູບປະທຳ, ພ້ອມທັງເນັ້ນໃຫ້ສືບຕໍ່ແກ້ໄຂບັນຫາທີ່ຍັງຄົງຄ້າງໃຫ້ສຳເລັດຕາມແຜນເພື່ອເຮັດໃຫ້ບັນຫາທີ່ເຄັ່ງຮ້ອນໃນປະເທດຂອງເຮົາຜ່ອນຄາຍລົງເທື່ອລະກ້າວ. (ຂ່າວ: ແສງອາທິດ)
ຄໍາເຫັນ