ແຂວງຫຼວງນ້ຳທາ ເປີດງານເທດສະການດົນຕີນ້ຳທາ (ນ້ຳທາມິວສິກ ຄໍນິວໍ) ຂຶ້ນເມື່ອບໍ່ດົນມານີ້ ຢູ່ທີ່ບ້ານນໍ້າດີ ເມືອງຫຼວງນໍ້າທາ ໃຫ້ກຽດເຂົ້າຮ່ວມຂອງທ່ານ ຄຳຟອງ ອິນມະນີ ປະທານສະພປະຊາຊົນແຂວງ, ທ່ານ ບົວເງິນ ຊາພູວົງ ອາດິດຮອງລັດຖະມົນຕີກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ, ມີຫົວໜ້າບໍລິສັດນ້ຳດີ ພັດທະນາຈຳກັດຜູ້ດຽວ ພ້ອມດ້ວຍນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າຮ່ວມຊົມ.
ທ່ານ ສີສຸພັນ ທໍາປັນຍາ ຫົວຫນ້າພະແນກ ຖວທ ແຂວງໄດ້ກ່າວວ່າ: ສຳລັບປີ 2024 ເປັນປີທ່ອງທ່ຽວລາວ ພ້ອມດຽວກັນນັ້ນ ບໍລິສັດນໍ້າດີພັດທະນາຈຳກັດຜູ້ດຽວ ກໍໄດ້ສໍາເລັດຂັ້ນພື້ນຖານ ການກໍ່ສ້າງແຫຼ່ງທ່ອງທ່ຽວນໍ້າດີ ເພື່ອສ້າງຄວາມຫຼາກຫຼາຍຂອງກິດຈະກໍາການທ່ອງທ່ຽວ, ເຮັດເປັນເທດສະການປະຈຳປີຢູ່ແຂວງຫຼວງນໍ້າທາ ທັງເປັນການດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາທ່ອງທ່ຽວແຂວງຫຼວງນໍ້າທາ ນັບມື້ນັບຫຼາຍຂຶ້ນ. ທາງບໍລິສັດນໍ້າດີພັດທະນາຈໍາກັດຜູ້ດຽວ ຈິ່ງໄດ້ນໍາສະເໜີແນວຄວາມຄິດນີ້ ຕໍ່ເທີງ ຈັດປີທ່ອງທ່ຽວ 2024 ຂັ້ນແຂວງ ເພື່ອຈັດງານເທດສະການດົນຕີ ແລະ ກິລາ Namtha Music Carnival ນີ້ຂຶ້ນ ທັງເປັນກິດຈະກຳສົ່ງເສີມປີທ່ອງທ່ຽວລາວ ທີ່ແຂວງຫຼວງນໍ້າທາ ພ້ອມທັງເປັນການສົ່ງເສີມ, ພັດທະນາ ແລະ ສ້າງມູນຄ່າເພີ່ມຕໍ່ການທ່ອງທ່ຽວ.ສ້າງບັນຍາກາດໃຫ້ສາມາດກະຕຸ້ນເສດຖະກິດພາຍໃນ, ລາຍຮັບໃຫ້ແກ່ຜູ້ບໍລິການ, ສ້າງວຽກເຮັດງານທຳໃຫ້ປະຊາຊົນແຂວງຫຼວງນ້ຳທາ ໃຫ້ດີຂຶ້ນກວ່າເກົ່າ. ການຈັດປີທ່ອງທ່ຽວລາວ 2024 ທີ່ແຂວງຫຼວງນໍ້າທາ ມີທັງໝົດ 15 ກິດຈະກໍາໃຫຍ່. ໃນນີ້ ກິດຈະກຳລະດັບຊາດມີ 1 ກິດຈະກຳ; ລະດັບແຂວງ 5 ກິດຈະກຳ ແລະ ລະດັບເມືອງ 9 ກິດຈະກໍາ. ໃນທ້າຍເດືອນທັນວາ 2023 ຜ່ານມາ ແຂວງຫຼວງນໍ້າໄດ້ຈັດພິທີເປີດປີທ່ອງທ່ຽວຂຶ້ນຢ່າງເປັນທາງການແລ້ວ. ໃນເດືອນມັງກອນ ແລະ ກຸມພານີ້ ຫຼາຍເມືອງກໍໄດ້ຈັດກິດຈະກໍາສົ່ງເສີມປີທ່ອງທ່ຽວ 2024 ໄປແລ້ວ ເປັນຕົ້ນແມ່ນ, ເມືອງສິງ, ເມືອງນາແລ, ເມືອງລອງ ແລະ ເມືອງວຽງພູຄາ; ສ່ວນກິດຈະກຳລະດັບຊາດແມ່ນຈະຈັດຢູ່ເມືອງສິງ ຮ່ວມກັບງານບຸນນະມັດສະການພະທາດຫຼວງຈຽງຕຶງ ໃນເດືອນພະຈິກ 2024. ພ້ອມນີ້, ຫຼາຍບ້ານຢູ່ບັນດາເມືອງ ພາຍໃນແຂວງກໍໄດ້ຈັດກິດຈະກຳງານບຸນປະເພນີຂອງປະຊາຊົນບັນດາເຜົ່າ ທີ່ຈະຈັດຂຶ້ນຕາມປະຕິທິນຂອງຕົນ ຕະຫຼອດ 2024 ນີ້.
(ຂ່າວ: ມຸນຕີ)
ທ່ານ ສີສຸພັນ ທໍາປັນຍາ ຫົວຫນ້າພະແນກ ຖວທ ແຂວງໄດ້ກ່າວວ່າ: ສຳລັບປີ 2024 ເປັນປີທ່ອງທ່ຽວລາວ ພ້ອມດຽວກັນນັ້ນ ບໍລິສັດນໍ້າດີພັດທະນາຈຳກັດຜູ້ດຽວ ກໍໄດ້ສໍາເລັດຂັ້ນພື້ນຖານ ການກໍ່ສ້າງແຫຼ່ງທ່ອງທ່ຽວນໍ້າດີ ເພື່ອສ້າງຄວາມຫຼາກຫຼາຍຂອງກິດຈະກໍາການທ່ອງທ່ຽວ, ເຮັດເປັນເທດສະການປະຈຳປີຢູ່ແຂວງຫຼວງນໍ້າທາ ທັງເປັນການດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາທ່ອງທ່ຽວແຂວງຫຼວງນໍ້າທາ ນັບມື້ນັບຫຼາຍຂຶ້ນ. ທາງບໍລິສັດນໍ້າດີພັດທະນາຈໍາກັດຜູ້ດຽວ ຈິ່ງໄດ້ນໍາສະເໜີແນວຄວາມຄິດນີ້ ຕໍ່ເທີງ ຈັດປີທ່ອງທ່ຽວ 2024 ຂັ້ນແຂວງ ເພື່ອຈັດງານເທດສະການດົນຕີ ແລະ ກິລາ Namtha Music Carnival ນີ້ຂຶ້ນ ທັງເປັນກິດຈະກຳສົ່ງເສີມປີທ່ອງທ່ຽວລາວ ທີ່ແຂວງຫຼວງນໍ້າທາ ພ້ອມທັງເປັນການສົ່ງເສີມ, ພັດທະນາ ແລະ ສ້າງມູນຄ່າເພີ່ມຕໍ່ການທ່ອງທ່ຽວ.ສ້າງບັນຍາກາດໃຫ້ສາມາດກະຕຸ້ນເສດຖະກິດພາຍໃນ, ລາຍຮັບໃຫ້ແກ່ຜູ້ບໍລິການ, ສ້າງວຽກເຮັດງານທຳໃຫ້ປະຊາຊົນແຂວງຫຼວງນ້ຳທາ ໃຫ້ດີຂຶ້ນກວ່າເກົ່າ. ການຈັດປີທ່ອງທ່ຽວລາວ 2024 ທີ່ແຂວງຫຼວງນໍ້າທາ ມີທັງໝົດ 15 ກິດຈະກໍາໃຫຍ່. ໃນນີ້ ກິດຈະກຳລະດັບຊາດມີ 1 ກິດຈະກຳ; ລະດັບແຂວງ 5 ກິດຈະກຳ ແລະ ລະດັບເມືອງ 9 ກິດຈະກໍາ. ໃນທ້າຍເດືອນທັນວາ 2023 ຜ່ານມາ ແຂວງຫຼວງນໍ້າໄດ້ຈັດພິທີເປີດປີທ່ອງທ່ຽວຂຶ້ນຢ່າງເປັນທາງການແລ້ວ. ໃນເດືອນມັງກອນ ແລະ ກຸມພານີ້ ຫຼາຍເມືອງກໍໄດ້ຈັດກິດຈະກໍາສົ່ງເສີມປີທ່ອງທ່ຽວ 2024 ໄປແລ້ວ ເປັນຕົ້ນແມ່ນ, ເມືອງສິງ, ເມືອງນາແລ, ເມືອງລອງ ແລະ ເມືອງວຽງພູຄາ; ສ່ວນກິດຈະກຳລະດັບຊາດແມ່ນຈະຈັດຢູ່ເມືອງສິງ ຮ່ວມກັບງານບຸນນະມັດສະການພະທາດຫຼວງຈຽງຕຶງ ໃນເດືອນພະຈິກ 2024. ພ້ອມນີ້, ຫຼາຍບ້ານຢູ່ບັນດາເມືອງ ພາຍໃນແຂວງກໍໄດ້ຈັດກິດຈະກຳງານບຸນປະເພນີຂອງປະຊາຊົນບັນດາເຜົ່າ ທີ່ຈະຈັດຂຶ້ນຕາມປະຕິທິນຂອງຕົນ ຕະຫຼອດ 2024 ນີ້.
(ຂ່າວ: ມຸນຕີ)
ຄໍາເຫັນ