ສະຖາບັນແຫ່ງໃໝ່ນີ້, ໃຊ້ຊື່ຊົ່ວຄາວວ່າ: ກຸ່ມມະຫາວິທະຍາໄລລອນດອນ ແລະ ຕາເວັນອອກສຽງໃຕ້ (London and South East University Group), ມີກໍານົດທີ່ຈະເປີດປີການສຶກສາ 2026/27. ໃນຂະນະທີ່ມະຫາວິທະຍາໄລແຕ່ລະແຫ່ງຈະຮັກສາຊື່ເກົ່າ, ມີວິທະຍາເຂດ ແລະ ສະຖານທີ່ມອບປະລິນຍາຂອງຕົນເອງ, ແຕ່ທັງສອງຈະຖືກນໍາມາຮ່ວມກັນພາຍໃຕ້ຄະນະກຳມະການບໍລິການ, ຄະນະກໍາມະການວິຊາການ ແລະ ທີມບໍລິຫານຊຸດດຽວ ຊຶ່ງມີຮອງອະທິການບໍດີເປັນຜູ້ນຳຄົນດຽວ.
ທ່ານ ເຈນ ແຮຣິງຕັນ ຮອງອະທິການບໍດີມະຫາວິທະຍາໄລ Greenwich ແລະ ຜູ້ນໍາຂອງກຸ່ມມະຫາວິທະຍາໄລໃໝ່ ກ່າວວ່າ: ພວກເຮົາມີວິໄສທັດໃນການສົ່ງມອບການສຶກສາທີ່ບໍ່ມີຂອບເຂດຈາກເມືອງໄປຫາຊາຍຝັ່ງ, ພ້ອມທັງສ້າງຄວາມເຂັ້ມແຂງໃຫ້ຊຸມຊົນ, ຍົກລະດັບທັກສະຂອງປະຊາຊົນທ້ອງຖິ່ນ ແລະ ຮ່ວມມືກັບຂະແໜງທຸລະກິດ ເພື່ອແກ້ໄຂສິ່ງທ້າທາຍໃນປັດຈຸບັນ ແລະ ອະນາຄົດ."
ທ່ານ ຈໍຈີນາ ແຣນສະລີ ເດີ ມູຣາ ຮັກສາການຮອງອະທິການບໍດີມະຫາວິທະຍາໄລ Kent ກ່າວວ່າ: ການລວມຕົວຄັ້ງນີ້ຈະໃຊ້ປະໂຫຍດຈາກຄວາມເຂັ້ມແຂງຂອງມະຫາວິທະຍາໄລທັງສອງແຫ່ງ ເພື່ອຮັບປະກັນວ່າພວກເຂົາສາມາດສ້າງຄວາມຍືນຍົງ, ສ້າງອິດທິພົນທາງບວກ ແລະ ສ້າງຄວາມແຕກຕ່າງທີ່ຫຼາຍກວ່າໃຫ້ແກ່ຊຸມຊົນ.
ສະຖາບັນທີ່ລວມກິດຈະການແລ້ວ ຈະເປັນໜຶ່ງໃນຜູ້ໃຫ້ບໍລິການດ້ານການສຶກສາລະດັບອຸດົມສຶກສາທີ່ໃຫຍ່ທີ່ສຸດໃນປະເທດອັງກິດ, ໂດຍມີນັກສຶກສາປະມານ 28,000 ຄົນ ແລະ ຈະເນັ້ນໃສ່ຄວາມເຂັ້ມ ແຂງດ້ານການຄົ້ນຄວ້າຮ່ວມກັນໃນສາຂາສຸຂະພາບ, ຄວາມຍືນຍົງ, ອາຫານ ແລະ ອຸດສາຫະກໍາສ້າງ ສັນ. ຂະນະທີ່ກະຊວງສຶກສາທິການ ແລະ ຫ້ອງການນັກສຶກສາ ໄດ້ໃຫ້ສັນຍາສະໜັບສະໜູນການເຄື່ອນ ໄຫວດັ່ງກ່າວ, ໂດຍລະບຸວ່າ: ການຮ່ວມມືດັ່ງກ່າວສະທ້ອນໃຫ້ເຫັນເຖິງຄວາມຮຽກຮ້ອງຕ້ອງການຂອງຂະ ແໜງການເພື່ອຄວາມໝັ້ນຄົງໃນໄລຍະຍາວ.
ຄໍາເຫັນ