ມາດຕະການປັບປຸງອົງການຕຸລາການຫວຽດນາມໃນຕໍ່ໜ້າ

ຮຽບຮຽງ:ວັນໄຊ ຕະວິນຍານ
ໃນໄລຍະຕໍ່ໜ້າ,ສະພາບການໂລກ,ພາກພື້ນ ຈະມີຄວາມຮຽກຮ້ອງຕ້ອງການ ແລະ ສິ່ງທ້າທ້າຍໃໝ່.
ການປະຕິວັດອຸດສະຫະກໍາຄັ້ງທີ 4 ຈະເກີດຫຼາຍບັນຫາໃໝ່ ທັງມີບັນຫາທີ່ຕັ້ງໜ້າ ແລະ ບັນຫາທີ່ສັບສົນທີ່ບໍ່ເຄີຍມີມາມາກ່ອນ ທັງສາຍພົວພັນທາງແພ່ງ,ເສດຖະກິດ-ຕະຫຼາດ,ຂໍ້ຂັດແຍ່ງການຄ້າ,ການບໍລິຫານ,ແຮງງານ,ເກີດຂໍ້ຂັດແຍ່ງ,ການລະເມີດກົດໝາຍ ແລະ ຄວາມບໍ່ສະຫງົບ.
 ຕໍ່ໜ້າສະພາບການ ແລະ ຄວາມຮຽກຮ້ອງຕ້ອງການອັນຮີບດ່ວນ ລວມທັງສິ່ງທ້າທາຍໃໝ່.ພັກຄອມມຸຍນິດຫວຽດນາມໄດ້ອອກມະຕີຊີ້ນໍາໃນການປັບປຸງອົງການຕຸລາການຮູບແບບໃໝ່ພາຍໃຕ້ການນໍາພາຂອງພັກ.ຮັບປະກັນຄວາມໝັ້ນຄົງທາງດ້ານການເມືອງ,ທາດແທ້ລັດຄຸ້ມຄອງດ້ວຍກົດໝາຍສັງຄົມນິຍົມຫວຽດນາມ,ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນ.ອໍານາດແຫ່ງລັດແມ່ນເປັນເອກະພາບ.ສ້າງສາຍພົວພັນຢ່າງສະນິດແໜ້ນລະຫວ່າງອົງການຈັດຕັ້ງລັດ,ອົງການຕຸລາການ ແລະ ອົງການບໍລິຫານ.ການປະຕິຮູບອົງການຕຸລາການ ຕ້ອງລິເລີ່ມຈາກມູນເຊື້ອນິຕິກໍາ,ຮີດຄອງປະເພນີອັນດີງາມຂອງຊາດ,ເສີມຂະຫຍາຍຜົນສໍາເລັດໃນໄລຍະຜ່ານມາ,ພ້ອມທັງຮັບເອົາຢ່າງເລືອກເພັ້ນບັນດາບົດຮຽນຂອງຕ່າງປະເທດທີ່ແທດເໜາະກັບສະພາບການຂອງປະເທດ ແລະ ບໍ່ພຽງແຕ່ຄິດສະເພາະໃນສະພາບສັງຄົມໃນປັດຈຸບັນເທົ່ານັ້ນ,ຫາກຍັງຕ້ອງຄິດໄລ່ເຖິງທ່າອ່ຽງໃນອະນາຄົດອີກດ້ວຍ.ຄິດໄລ່ເຖິງຄວາມຮຽກຮ້ອງຕ້ອງການໃນການພັດທະນາເສດຖະກິດ-ສັງຄົມ.ສ້າງສັງ
ຄົມແຫ່ງຄວາມຍຸຕິທໍາ,ປະຊາທິປະໄຕ,ສີວິໄລ.ປ່ຽນແປງໃໝ່ຢ່າງຄົບຊຸດ.
 ໃນຂະບວນວິວັດແຫ່ງການປະຕິຮູບອົງການຕຸລາການ ຕ້ອງເສີມຂະຫຍາຍກໍາລັງແຮງສັງລວມຂອງທົ່ວລະບົບການເມືອງ ແລະ ທົ່ວສັງຄົມ.ບັນດາອົງການຕຸລາການ,ອົງການຊ່ວຍວຽກ ຕ້ອງຢູ່ພາຍໃຕ້ການຕິດຕາມຢ່າງເຂັ້ມງວດຂອງສະພາປະຊາຊົນ ແລະ ແນວໂຮມປະຊາຊົນ.
ສໍາລັບມາດຕະການປະຕິຮູບອົງການຕຸລາການຫວຽດນາມໄດ້ກໍານົດອອກອອກວ່າ:
1.ປັບປຸງກົດໝາຍກ່ຽວກັບອົງການຕຸລາການ,ຮັບປະກັນຄວາມເຄົາລົບ ແລະ ປົກປ້ອງສິດທິມະນຸດ,ສິດຂອງພົນລະເມືອງ,ປັບປຸງກົນໄກປ້ອງກັນ ສະກັດກັ້ນ ແກ້ໄຂທຸກການປະພືດແຊກແຊກຂັດກັບກົດໝາຍ,ໃນການເຄື່ອນໄຫວຂອງອົງການຕຸລາການ ສວຍໃຊ້ກົດໝາຍໄປໃນທາງທີ່ບໍ່ຖືກຕ້ອງ.
2.ອອກຂໍ້ກໍານົດໃນການດໍາເນີນຄະດີຂອງອົງການຕຸລາການ,ຖືການຕັດສິນຄະດີເປັນໃຈກາງ,ການຄົ້ນຄວ້າສໍານວນຄະດີ,ການປະກອບຄໍາເຫັນຕໍ່ຮູບຄະດີ ຕ້ອງມີລັກສະນະກ້າວກະໂດດ ມີປະຊາທິປະໄຕຍຸຕິທໍາ ແລະ ຍົກສູງປະສິດທິຜົນກົນໄກໃຫ້ປະຊາຊົນເຂົ້າຮ່ວມການຕັດສິນຄະດີຢູ່ສານ.
3.ສ້າງກົນໄກສາຍພົວພັນລະຫວ່າງສານຂັ້ນຕ່າງໆ,ຄວາມເປັນເອກະລາດຂອງການຕັດສິນ,ຂອງຜູ້ພິພາກສາ ແລະ ສະພາຜູ້ພິພາກສາ.ກໍານົດສິດຂອບເຂດໜ້າທີ່ໃນການຕັດສິນຄະດີຂັ້ນຕົ້ນ,ຂັ້ນອຸທອນແລະ ຂັ້ນລົບລ້າງ.
4.ປັບປຸງລະບອບ-ລະບຽບການ ຂອງອົງການໄອຍະການໃນການໄຕ່ສວນໃຫ້ຖືກຕ້ອງເໜາະສົມກັບຫຼັກການຜູ້ພິພາກສາ ແລະ ກົດໝາຍເທົ່ານັ້ນ.
5.ປັບປຸງສັບຊ້ອນການຈັດຕັ້ງຂອງອົງການສອບສວນ-ສືບສວນຕາມທິດກະທັດລັດ,ມີປະສິດ
ທິພາບ,ປະສິດທິຜົນ ແລະ  ເປັນມືອາຊີບ.
6.ປ່ຽນແປງໃໝ່ອົງການດໍາເນີນຄໍາປະຕິບັດຄໍາຕັດສິນຂອງສານ,ກົນໄກປະຕິບັດການດໍາເນີນຄະດີອາຍາເອົາໃຈໃສ່ສຶກສາອົບຮົມນັກໂທດ,ການລົງໂທດດັດສ້າງ,ປົກປ້ອງສິດທິມະນຸດ.
7.ປັບປຸ່ງລະບອບ,ລະບຽບກ່ຽວກັບທະນາຍຄວາມ ແລະ ຈັນຍາບັນຂອງອາຊີບທະນາຍຄວາມ.ຮັບປະກັນໃຫ້ທະນາຍຄວາມປະຕິບັດສິດ,ພັນທະ,ໜ້າທີ່ຕາມກົດໝາຍ,ກໍ່ສ້າງຍົກວະດັບພັດທະນາທະນາຍຄວາມໃຫ້ມີຫູັກໝັ້ນການເມືອງຢ່າງໜັກແໜ້ນ ເກັ່ງທັກສະໃນການປະຕິບັດອາຊີບ ແລະ ດ້ານພາສາຕ່າງປະເທດ.
8.ພັດທະນາອົງການທະບຽນສານໃຫ້ໄດ້ມາດຕະຖານຕອບສະໜອງຄວາມຮຽກຮ້ອງຕ້ອງການຂອງສັງຄົມ.
9.ຍົກລະດັບຄຸນນະພາບການເຄື່ອນໄຫວຂອງອົງການຕຸລາການ ດ້ວຍການຫັນໄປສູ່ເຕັກໂນໂລຊີທັນສະໄໝ.
10.ພັດທະນາບຸກຄະລາກອນອົງການຕຸລາການຮັບປະກັນຄຸນນະພາບ,ກໍ່ສ້າງຍົກລະດັບປະລິນຍາຕີກົດໝາຍໃຫ້ໄດ້ມາດຕະຖານ ຮັບປະກັນດ້ານວິຊາສະເພາະ ຕອບສະໜອງກັບຄວາມຮຽກຮ້ອງການໃນສະພາບການໃໝ່ທັງສະເພາະໜ້າ ແລະ ຍາວນານ.