ທ້າຍອາທິດຜ່ານມານີ້, ຢູ່ທີ່ຫ້ອງການຄະນະຊາວໜຸ່ມປະຊາຊົນ ປະຕິວັດລາວ ແຂວງຫຼວງນໍ້າທາ, ໄດ້ຈັດພິທີມອບ-ຮັບໂຄງການຝຶກອົບຮົມ ການສ້າງຄວາມເຂັ້ມແຂງໃຫ້ແກ່ຊາວໜຸ່ມລາວ ຕາມເສັ້ນທາງລົດໄຟ, ໂດຍການເປັນປະທານຂອງທ່ານ ທອງຈັນ ພູມີພັນ ຮອງເລຂາຄະນະບໍລິຫານງານສູນກາງ ຊາວໜຸ່ມປະຊາຊົນປະຕິວັດລາວ, ມີທ່ານ ນາງ ປານີ ຈິດດາລາ ຄະນະບໍລິຫານງານສູນກາງ ຊາວໜຸ່ມປະຊາຊົນ ປະຕິວັດລາວ ເລຂາຄະນະບໍລິຫານງານຊາວໜຸ່ມແຂວງຫຼວງນໍ້າທາ, ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ທັດສະພອນ ເລີດຖາວອນ ຫົວໜ້າພະແນກ ພົວພັນຮ່ວມມືກັບຕ່າງປະເທດ ຫ້ອງການສູນກາງ ຊາວໜຸ່ມປະຊາຊົນ ປະຕິວັດລາວ ໄດ້ລາຍງານຫຍໍ້ປະຫວັດຄວາມເປັນມາ ແລະ ການຈັດຕັ້ງປະຕິບັດວຽກງານຂອງໂຄງການມິດຕະພາບຊາວໜຸ່ມທາງລົດໄຟລາວ-ຈີນ ແມ່ນເພື່ອຊ່ວຍເຫຼືອຊາວໜຸ່ມລາວບັນດາເຜົ່າຢູ່ແຂວງຫຼວງນໍ້າທາ ທີ່ດ້ອຍໂອກາດ, ໃຫ້ມີໂອກາດໃນການຝຶກຝົນຫຼໍ່ຫຼອມຄວາມສາມາດດ້ານວິຊາຊີບທີ່ເໝາະສົມກັບສະພາບຄວາມຮຽກຮ້ອງຕ້ອງການໃນໄລຍະໃໝ່, ພ້ອມທັງໃຫ້ທືນເພື່ອນໍາໄປເລີ່ມຕົ້ນເຮັດທຸລະກິດ ແລະ ທັງເປັນການສົ່ງເສີມວັດທະນະທໍາບັນດາເຜົ່າຂອງສະມາຊິກຊາວໜຸ່ມ.
ພາຍຫຼັງທີ່ໄດ້ສໍາເລັດການຝືກອົບຮົມແລ້ວເຮັດໃຫ້ເຂົາເຈົ້າມີອາຊີບ - ວິຊາຊີບທີ່ໝັ້ນຄົງ - ຍືນຍົງ ແລະ ມີລາຍຮັບສາມາດສ້າງເສດຖະກິດຄອບຄົວໄດ້ຢ່າງຖາວອນ. ສ່ວນຮູບແບບຂອງການຈັດຕັ້ງປະຕິບັດກິດຈະກໍາຂອງໂຄງການແມ່ນໄດ້ເກັບກໍາຂໍ້ມູນກ່ຽວກັບສະພາບ ແລະ ແນວໂນ້ມຂອງຈຸດພິເສດ ລະບົບເສດຖະກິດ - ສັງຄົມຢູ່ໃນ 4 ເມືອງຄື: ເມືອງຫຼວງນໍ້າທາ, ນາແລ, ວຽງພູຄາ ແລະ ເມືອງລອງ. ຜ່ານການເກັບກໍາຂໍ້ມູນກ່ຽວກັບຄວາມຮຽກຮ້ອງຕ້ອງການຂອງການຝຶກອົບຮົມວິຊາຊີບຂອງຊາວໜຸ່ມຜູ້ດ້ອຍໂອກາດຂອງບັນດາເມືອງ ແລະ ແຂວງ ແມ່ນຕ້ອງການຝືກອົບຮົມມີ 6 ສາຂາຄື: ສາຂາສ້ອມແປງ-ໄຟຟ້າ, ຊ່າງໄມ້-ເຝີນີເຈີ, ສອ້ມແປງກົນຈັກທົ່ວໄປ, ບໍລິການໂຮງແຮມ, ປູກຝັງລ້ຽງສັດ ແລະ ສາຂາປຸງແຕ່ງບໍລິການເຄື່ອງດື່ມ.
ໂອກາດນີ້ທ່ານ ທອງຈັນ ພູມີໄຊ ແລະ ທ່ານ ນາງ ປານີ ຈິດດາລາ ກໍໄດ້ເຊັນບົດບັນທືກມອບ -ຮັບໂຄງການມິດຕະພາບຊາວໜຸ່ມທາງລົດໄຟ ລາວ - ຈີນ, ໃນການຝຶກອົບຮົມ ການສ້າງຄວາມເຂັ້ມແຂງໃຫ້ແກ່ຊາວໜຸ່ມລາວ ຕາມເສັ້ນທາງລົດໄຟ.
(ຂ່າວ: ສົມພອນ ຂຸນດາວົງ)
ທ່ານ ທັດສະພອນ ເລີດຖາວອນ ຫົວໜ້າພະແນກ ພົວພັນຮ່ວມມືກັບຕ່າງປະເທດ ຫ້ອງການສູນກາງ ຊາວໜຸ່ມປະຊາຊົນ ປະຕິວັດລາວ ໄດ້ລາຍງານຫຍໍ້ປະຫວັດຄວາມເປັນມາ ແລະ ການຈັດຕັ້ງປະຕິບັດວຽກງານຂອງໂຄງການມິດຕະພາບຊາວໜຸ່ມທາງລົດໄຟລາວ-ຈີນ ແມ່ນເພື່ອຊ່ວຍເຫຼືອຊາວໜຸ່ມລາວບັນດາເຜົ່າຢູ່ແຂວງຫຼວງນໍ້າທາ ທີ່ດ້ອຍໂອກາດ, ໃຫ້ມີໂອກາດໃນການຝຶກຝົນຫຼໍ່ຫຼອມຄວາມສາມາດດ້ານວິຊາຊີບທີ່ເໝາະສົມກັບສະພາບຄວາມຮຽກຮ້ອງຕ້ອງການໃນໄລຍະໃໝ່, ພ້ອມທັງໃຫ້ທືນເພື່ອນໍາໄປເລີ່ມຕົ້ນເຮັດທຸລະກິດ ແລະ ທັງເປັນການສົ່ງເສີມວັດທະນະທໍາບັນດາເຜົ່າຂອງສະມາຊິກຊາວໜຸ່ມ.
ພາຍຫຼັງທີ່ໄດ້ສໍາເລັດການຝືກອົບຮົມແລ້ວເຮັດໃຫ້ເຂົາເຈົ້າມີອາຊີບ - ວິຊາຊີບທີ່ໝັ້ນຄົງ - ຍືນຍົງ ແລະ ມີລາຍຮັບສາມາດສ້າງເສດຖະກິດຄອບຄົວໄດ້ຢ່າງຖາວອນ. ສ່ວນຮູບແບບຂອງການຈັດຕັ້ງປະຕິບັດກິດຈະກໍາຂອງໂຄງການແມ່ນໄດ້ເກັບກໍາຂໍ້ມູນກ່ຽວກັບສະພາບ ແລະ ແນວໂນ້ມຂອງຈຸດພິເສດ ລະບົບເສດຖະກິດ - ສັງຄົມຢູ່ໃນ 4 ເມືອງຄື: ເມືອງຫຼວງນໍ້າທາ, ນາແລ, ວຽງພູຄາ ແລະ ເມືອງລອງ. ຜ່ານການເກັບກໍາຂໍ້ມູນກ່ຽວກັບຄວາມຮຽກຮ້ອງຕ້ອງການຂອງການຝຶກອົບຮົມວິຊາຊີບຂອງຊາວໜຸ່ມຜູ້ດ້ອຍໂອກາດຂອງບັນດາເມືອງ ແລະ ແຂວງ ແມ່ນຕ້ອງການຝືກອົບຮົມມີ 6 ສາຂາຄື: ສາຂາສ້ອມແປງ-ໄຟຟ້າ, ຊ່າງໄມ້-ເຝີນີເຈີ, ສອ້ມແປງກົນຈັກທົ່ວໄປ, ບໍລິການໂຮງແຮມ, ປູກຝັງລ້ຽງສັດ ແລະ ສາຂາປຸງແຕ່ງບໍລິການເຄື່ອງດື່ມ.
ໂອກາດນີ້ທ່ານ ທອງຈັນ ພູມີໄຊ ແລະ ທ່ານ ນາງ ປານີ ຈິດດາລາ ກໍໄດ້ເຊັນບົດບັນທືກມອບ -ຮັບໂຄງການມິດຕະພາບຊາວໜຸ່ມທາງລົດໄຟ ລາວ - ຈີນ, ໃນການຝຶກອົບຮົມ ການສ້າງຄວາມເຂັ້ມແຂງໃຫ້ແກ່ຊາວໜຸ່ມລາວ ຕາມເສັ້ນທາງລົດໄຟ.
(ຂ່າວ: ສົມພອນ ຂຸນດາວົງ)
ຄໍາເຫັນ