ແຂວງໄຊຍະບູລີ ໄດ້ກໍານົດແຜນພັດະນາເສດຖະກິດ-ສັງຄົມ ຄັ້ງທີ VIII

ເມຶອງແກ່ນທ້າວ ກໍານົດແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII

ເມຶອງແກ່ນທ້າວ ກໍານົດແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII
ໂດຍ: ວັນໄຊ ຕະວິນຍານ ເມືອງແກ່ນທ້າວ ແຂວງໄຊຍະບູລີ ໄດ້ກໍານົດແຜນພັດະນາເສດຖະກິດ-ສັງຄົມ ຄັ້ງທີ VIII (2025-2029) ໂດຍແນໃສ່ສ້າງບາດລ້ຽວໃໝ່ໃນການພັດທະນາຕາມທິດເສດຖະກິດ-ສັງຄົມ, ພູມປັນຍາສີຂຽວ ແລະ ຍືນຍົງ, ຜະລິດອຸດສາຫະກຳເປັນເສົາຄໍ້າ ແລະ ໂຄງລ່າງພື້ນຖານເສດຖະກິດທີ່ເຂັ້ມແຂງ.

 

ສໍາລັບການຫັນເປັນອຸດສາຫະກໍາ ແລະ ທັນສະໄໝ, ເສດຖະກິດຕະຫຼາດຕາມທິດສັງຄົມນິຍົມຈະສຸມໃສ່ຈັດຕັ້ງປະຕິບັດຢ່າງເປັນລະບົບຫຼາຍຂຶ້ນ; ສັງຄົມມີຄວາມສະຫງົບສຸກ, ຍຸຕິທຳ, ມີປະຊາທິປະໄຕ ແລະ ສີວິໄລ; ປະຊາຊົນມີຄວາມສາມັກຄີເປັນປຶກແຜ່ນ; ຫຼຸດຜ່ອນຄວາມແຕກໂຕນກັນທາງດ້ານການພັດທະນາລະຫວ່າງຕົວເມືອງ ແລະ ຊົນນະບົດ, ຊັ້ນຄົນຕ່າງໆໃນສັງຄົມຫຍັບໃກ້ເຂົ້າກັນ; ເຮັດໃຫ້ຄຸນນະພາບຊີວິດການເປັນຢູ່ຂອງປະຊາຊົນໄດ້ຮັບການຍົກລະດັບສູງຂຶ້ນ; ຊັບພະຍາກອນມະນຸດໄດ້ຮັບການພັດທະນາມີຄຸນນະພາບດີຂຶ້ນ; ປະຊາຊົນສາມາດເຂົ້າເຖິງການບໍລິການທີ່ມີຄຸນນະພາບຢ່າງທົ່ວເຖິງ;ພົນລະເມືອງມີການຮັບປະກັນດ້ວຍການຄຸ້ມຄອງຂອງລັດຕາມກົດໝາຍທີ່ສັກສິດ, ການປົກຄອງຕາມທິດ 3 ສ້າງມີຄວາມເຂັ້ມແຂງ; ສິ່ງແວດລ້ອມທຳມະຊາດໄດ້ຮັບການປົກປັກຮັກສາ ແລະ ນໍາໃຊ້ຢ່າງມີປະສິດທິພາບ, ມີເຫດຜົນ ແລະ ຍືນຍົງ; ລະບົບການເມືອງປະຊາທິປະໄຕໄດ້ຮັບການປັບປຸງຕາມທິດ ໜັກແໜ້ນ ແລະ ເຂັ້ມແຂງ; ເສດຖະກິດ-ສັງຄົມສາມາດເຊື່ອມໂຍງ ແລະ ເຊື່ອມຈອດກັບຕ່າງເມືອງ, ຕ່າງແຂວງ ແລະ ຕ່າງປະເທດຢ່າງກວ້າງຂວາງ.

ທ່ານ ຄໍາປຸ່ນ ນວນສະບັບ ວ່າການເລຂາພັກເມືອງ ວ່າການເຈົ້າເມືອງແກ່ນທ້າວ ກ່າວຕໍ່ນັກຂ່າວໜັງສືພິມປະຊາຊົນວ່າ: ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII (2025-2029) ແມ່ນເປັນແຜນຈະຕ້ອງໄດ້ສູ້ຊົນສືບຕໍ່ຜັນຂະຫຍາຍ ໄລຍະທ້າຍຂອງວິໄສທັດຮອດປີ 2029 ຊຶ່ງໃນ 5 ປີ ຕໍ່ ໜ້າຕ້ອງໄດ້ສືບຕໍ່ບຸກທະລຸຢ່າງແຂງແຮງໃນການພັດທະນາເສດຖະກິດ-ສັງຄົມ. ສຸມໃສ່ປຸກລະດົມ, ຊຸກຍູ້ກຳລັງແຮງຂອງທຸກພາກສ່ວນເສດຖະກິດ ເພື່ອຂຸດຄົ້ນທ່າແຮງບົ່ມຊ້ອນຂອງເມືອງ ມາຮັບໃຊ້ການພັດທະນາເມືອງ; ແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ; ບັນລຸເປົ້າໝາຍການເຕີບໂຕສີຂຽວ ແລະ ການພັດທະນາແບບຍືນຍົງ (SDGs) ໃນປີ 2029. ສືບຕໍ່ສ້າງເມືອງແກ່ນທ້າວໃຫ້ເປັນເມືອງບໍລິການດ້ານການຄ້າ-ການທ່ອງທ່ຽວ, ອຸດສາຫະກຳປຸງແຕ່ງຜະລິດຕະພັນກະສິກຳ, ລ້ຽງສັດແບບເປັນຟາມໄດ້ມາດຕະຖານຕາມທິດສີຂຽວ ແລະ ຍືນຍົງ. ການສ້າງເສດຖະກິດເອກະລາດເປັນເຈົ້າຕົນເອງໃນໄລຍະໃໝ່: ບຸກທະລຸດ້ານຈິນຕະນາການ, ສ້າງຄວາມຮັບຮູ້ ແລະ ຄວາມເຂົ້າໃຈຂອງທຸກພາກສ່ວນໃນສັງຄົມຕໍ່ການສ້າງຄວາມເປັນເຈົ້າຕົນເອງໃນການພັດທະນາຢ່າງເລິກເຊິ່ງ ເພື່ອຂຸດຄົ້ນ ແລະ ນໍາໃຊ້ທ່າແຮງບົ່ມຊ້ອນຂອງເມືອງໃນສິ່ງທີ່ເຮົາສາມາດເຮັດໄດ້; ວາງແຜນໃນການຂຸດຄົ້ນ, ຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດທີ່ມີຢ່າງມີປະສິດທິຜົນ ໃຫ້ອອກມາເປັນທຶນຮອນດ້ວຍຄວາມຮັບຜິດຊອບ ແລະ ມີປະສິດທິຜົນ, ສ້າງໃຫ້ປະຊົນເປັນເຈົ້າຫຼາຍຂຶ້ນ ໃນການພັດທະນາເສດຖະກິດ; ສ້າງມູນຄ່າເພີ່ມຂຶ້ນໃໝ່ຢ່າງບໍ່ຢຸດຢັ້ງ. ພ້ອມກັນນີ້, ກໍຕ້ອງຮູ້ຜະລິດ ແລະ ຊອກຕະຫຼາດເພື່ອສ້າງລາຍຮັບໃຫ້ສົມຄູ່ກັບທ່າແຮງທີ່ມີ.

ຍູ້ແຮງໃຫ້ເຮັດໃຫ້ເສດຖະກິດຂອງເມືອງຂະຫຍາຍຕົວຢ່າງຕໍ່ເນື່ອງໂດຍສະເລ່ຍບໍ່ໃຫ້ຫຼຸດ 7.7% ຕໍ່ປີ, ລວມຍອດມູນຄ່າຜົນຜະລິດຂອງເມືອງໃຫ້ບັນລຸ 2,054.78 ຕື້ກີບ, ສະເລ່ຍໃສ່ຫົວຄົນໜຶ່ງໄດ້ 44.94 ລ້ານກີບຕໍ່ຄົນຕໍ່ປີ ເທົ່າກັບ 2,247 ໂດລາຕໍ່ຄົນຕໍ່ປີ. ໃນນີ້: ຂະແໜງກະສິກໍາ-ປ່າໄມ້ ມີມູນຄ່າການຜະລິດເພີ່ມຂຶ້ນສະເລ່ຍ 3% ຕໍ່ປີ, ກວມເອົາ 27.03%, ຂະແໜງອຸດສາຫະກໍາ-ຫັດຖະກໍາໃຫ້ເພີ່ມຂຶ້ນໃນອັດຕາສະເລ່ຍ 12.4% ຕໍ່ປີ, ກວມເອົາ 31.21%, ຂະແໜງການບໍລິການ ເພີ່ມຂຶ້ນສະເລ່ຍ 9.4% ຕໍ່ປີ; ກວມເອົາ 42.76%.

ທ່ານ ຄໍາປຸ່ນ ນວນສະບັບ ກ່າວຕື່ມວ່າ: ເພື່ອໃຫ້ບັນລຸຕາມຄາດໝາຍດັ່ງກ່າວ ເມືອງຈະຕ້ອງສຸມໃສ່ ສູ້ຊົນຜະລິດເຂົ້າໃຫ້ໄດ້ຫຼາຍກວ່າ 33,210 ໂຕນ, ປູກພືດສະບຽງອາຫານໃນແຕ່ລະປີບໍ່ໃຫ້ຫຼຸດ 14,387.7ໂຕນ, ປູກພືດເປັນສິນຄ້າບໍ່ໃຫ້ລຸດ 562,345 ໂຕນ, ປູກໄມ້ໃຫ້ໝາກບໍ່ໃຫ້ຫຼຸດ 2,850 ໂຕນ;ຫັນການລ້ຽງສັດແບບທຳມະຊາດໄປສູ່ການລ້ຽງແບບເປັນກຸ່ມ, ເປັນຟາມ ເຮັດໃຫ້ຝູງສັດເພີ່ມຂຶ້ນສະເລ່ຍ 9.12% ຕໍ່ປີ; ສະໜອງຜົນຜະລິດຊີ້ນ, ປາ, ໄຂ່ ໃຫ້ໄດ້ 28,668.50 ໂຕນ; ສົ່ງອອກສັດປະເພດງົວ-ຄວາຍ ແລະ ໝູໃຫ້ໄດ້ 47,317 ໂຕຂຶ້ນໄປ; ເອົາໃຈໃສ່ປັບປຸງຫົວງານ, ຄອງເໝືອງ, ປ່ຽນຄອງເໝືອງດິນເປັນຄອງເໝືອງເບຕົງທີ່ຖາວອນສຳລັບບ່ອນທີ່ມີເງື່ອນໄຂ, ຫັນເອົາຈັກສູບນ້ຳໃຫ້ເປັນທັນສະໄໝໂດຍການນຳໃຊ້ພະລັງງານໄຟຟ້າໃຫ້ມີປະສິດຕິຜົນສູງ, ສືບຕໍ່ສ້າງອ່າງເກັບນໍ້າຊົນລະປະທານ. (ໃນນີ້: ຖືເອົາການສ້າງຝາຍນໍ້າລົ້ນ ຫ້ວຍນໍ້າພະນອນ 01, ຫ້ວຍນໍ້າພະນອນ 02 (ບ້ານປົ່ງແດງ) ຝາຍນໍ້າລົ້ມ ຫ້ວຍຄຸງແຮດ (ບ້ານລາດຂາມປ້ອມ) ແລະ ຊົນລະປະທານນໍ້າຊາງ (ບ້ານຫ້ວຍເລິກ) ເປັນບຸລິມະສິດ ໃນການສົ່ງເສີມ ແລະ ລົງທຶນ; ສະໜອງນ້ຳໃຫ້ແກ່ການຜະລິດສະບຽງອາຫານ ແລະ ປູກພືດເປັນສິນຄ້າ ໃນລະດູຝົນໃຫ້ໄດ້ 2,596.41 ເຮັກຕາ/ປີ ແລະ ລະດູແລ້ງ 55.00 ເຮັກຕາ/ປີ, ສູ້ຊົນເຮັດໃຫ້ມູນຄ່າການຜະລິດອຸດສາຫະກໍາປຸງແຕ່ງ ແລະ ຫັດຖະກໍາໃຫ້ຂະຫຍາຍຕົວສະເລ່ຍ 12% ຕໍ່ປີ, ມູນຄ່າການສົ່ງອອກສິນຄ້າໃຫ້ຂະຫຍາຍຕົວສະເລ່ຍ 7% ຕໍ່ປີ, ຄຸ້ມຄອງການນຳເຂົ້າສິນຄ້າຂະຫຍາຍຕົວສະເລ່ຍບໍ່ເກີນ 10% ຕໍ່ປີ, ສູ້ຊົນເຮັດໃຫ້ມູນຄ່າຈໍລະຈອນສິນຄ້າໃຫ້ຂະຫຍາຍຕົວສະເລ່ຍບໍ່ຫຼຸດ 10% ຕໍ່ປີ, ປະລິມານການຂົນສົ່ງຜູ້ໂດຍສານຂະຫຍາຍຕົວ 5% ຕໍ່ປີ, ປະລິມານການຂົນສົ່ງສິນຄ້າຂະຫຍາຍຕົວໃຫ້ບໍ່ຫລຸດ 10% ຕໍ່ປີ; ດຶງດູດນັກທ່ອງທ່ຽວເຂົ້າມາເມືອງແກ່ນທ້າວໃຫ້ໄດ້ 1,000 ຄົນ, ໄລຍະການພັກເຊົານັກທ່ອງທ່ຽວສະເລ່ຍ 3 ວັນຕໍ່ຄົນ, ສຳຫຼວດ, ຈັດສັນກໍານົດຂອບເຂດໃຫ້ໄດ້ຂຶ້ນບັນຊີຮອງຮັບເປັນແຫຼ່ງທ່ອງທ່ຽວຂັ້ນທ້ອງຖິ່ນຈຳນວນ 3 ແຫ່ງ, ສູ້ຊົນຈັດເກັບລາຍຮັບເຂົ້າງົບປະມານ ໃຫ້ໄດ້ 33,571.03 ລ້ານກີບ (ໂຕເລກຄາດຄະເນ 5 ປີ); ດ້ານລາຍຈ່າຍ ສູ້ຊົນບໍ່ໃຫ້ເກີນ 136,544.92 ລ້ານກີບ.

ຄໍາເຫັນ

ຂ່າວເສດຖະກິດ

ຄອບຄົວ ທ່ານ ຄຳພັດ ພອນປະເສີດ ລ້ຽງປາສ້າງລາຍຮັບປີລະ 300 ລ້ານກ່ວາກີບ

ຄອບຄົວ ທ່ານ ຄຳພັດ ພອນປະເສີດ ລ້ຽງປາສ້າງລາຍຮັບປີລະ 300 ລ້ານກ່ວາກີບ

ໂດຍ: ແສງອາທິດ ໃນການພັດທະນາເສດຖະກິດ-ສັງຄົມຂອງປະເທດ, ການສ້າງເສດຖະກິດຄອບຄົວໃຫ້ເຂັ້ມແຂງຖືເປັນປັດໄຈສຳຄັນໃນການພັດທະນາຊີວິດການເປັນຢູ່ໃຫ້ດີຂຶ້ນ ແລະ ພົ້ນທຸກ. ດັ່ງຄອບຄົວຂອງທ່ານ ຄຳພັດ ພອນປະເສີດ ຊາວກະສິກອນຜູ້ມີວິໄສທັດ ແລະ ຄວາມດຸໝັ່ນ, ອາໄສຢູ່ບ້ານດອນງີ້ວ ເມືອງງາ ແຂວງອຸດົມໄຊ, ຊຶ່ເປັນຜູ້ທີ່ໄດ້ຫັນປ່ຽນຈາກການເຮັດກະສິກຳແບບດັ້ງເດີມ ມາສູ່ການລ້ຽງປາແບບເປັນສິນຄ້າ ຈົນສາມາດສ້າງລາຍຮັບໃຫ້ຄອບຄົວໄດ້ຢ່າງມະຫາສານ.
ສໍາເລັດກອງປະຊຸມໃຫຍ່ ຄັ້ງທີ III ຂອງຄະນະພັກຮາກຖານ ທນບ

ສໍາເລັດກອງປະຊຸມໃຫຍ່ ຄັ້ງທີ III ຂອງຄະນະພັກຮາກຖານ ທນບ

ກອງປະຊຸມໃຫຍ່ສະມາຊິກພັກ ຄັ້ງທີ III ຂອງຄະນະພັກຮາກຖານທະ​ນາ​ຄານ​ນະ​ໂຍ​ບາຍ (ທນບ) ໄດ້ສໍາເລັດລົງ ດ້ວຍໝາກຜົນອັນຈົບງາມໃນວັນທີ 6 ມິຖຸນາຜ່ານມາ ທີ່ສະໂມສອນສະຖາບັນການທະນາ ຄານ ນະ​ຄອ​ນຫຼວງວຽງ​ຈັນ ພາຍໃຕ້ການເປັນປະທານ ຂອງສະຫາຍ ສຸພັກ ຖິ່ນໄຊພອນ ເລຂາຄະນະພັກ ຮາກຖານ-ຜູ້​ອຳ​ນວຍ​ການ ທນບ ໂດຍການໃຫ້ກຽດເຂົ້າຮ່ວມຂອງສະ​ຫາຍ ນາງ ວັດທະນາ ດາລາລອຍ ຮັກສາການເລ​ຂາ​ຄະ​ນະ​ພັກ-ຮັກສາການຜູ້​ວ່າ​ການ​ທະນາຄານ ແຫ່ງ ສປປ ລາວ (ທຫລ), ມີບັນດາຜູ້ຕາງ ໜ້າຄະນະພັກຮາກຖານ, ໜ່ວຍພັກ ທີ່ຂຶ້ນກັບອົງຄະນະພັກ ທຫລ; ຄະນະພັກຮາກ​ຖານ, ຄະນະໜ່ວຍພັກ; ຜູ້ແທນສົມບູນ ແລະ 3 ອົງການຈັດຕັ້ງມະຫາຊົນ ທນບ ເຂົ້າຮ່ວມ.
ງານວາງສະແດງອຸປະກອນກໍ່ສ້າງສາກົນ ຊາງຊາ ຄັ້ງທີ IV ປິດລົງດ້ວຍຜົນສຳເລັດຢ່າງຈົບງາມ

ງານວາງສະແດງອຸປະກອນກໍ່ສ້າງສາກົນ ຊາງຊາ ຄັ້ງທີ IV ປິດລົງດ້ວຍຜົນສຳເລັດຢ່າງຈົບງາມ

ງານວາງສະແດງອຸປະກອນກໍ່ສ້າງສາກົນ ຊາງຊາ (CICEE) ຄັ້ງທີ IV ໄດ້ປິດລົງໃນວັນທີ 18 ພຶດສະພາ ຜ່ານມາ ທີ່ ເມືອງຊາງຊາ ແຂວງຫູໜານ ທາງພາກກາງຂອງ ສປ ຈີນ. ຜູ້ຈັດງານລະບຸວ່າ: ງານວາງສະແດງດັ່ງກ່າວໄດ້ປະສົບຜົນສໍາເລັດໃນການຮ່ວມມືຢ່າງມີປະສິດທິພາບ.
ເສດຖະກິດລາວເລີ່ມດີ-ເງິນເຟີ້ຫຼຸດລົງ8.3%

ເສດຖະກິດລາວເລີ່ມດີ-ເງິນເຟີ້ຫຼຸດລົງ8.3%

ວານນີ້; ເຂົ້າພົວພັນວຽກຢູ່ທະນາຄານແຫ່ງ ສປປ ລາວ (ທຫລ) ໄດ້ພົບກັບ ທ່ານ ພານຸສັກແກ່ນວົງພະຈັນກຳມະການພັກ-ຫົວໜ້າຫ້ອງການ ທຫລ ກໍ່ເລີຍສົນທະນາບັນຫາເສດຖະກິດ-ເງິນຕາ ໂດຍທ່ານຊີ້ວ່າ: ອັດຕາເງິນເຟີ້ເດືອນພຶດສະພາ 2025 ຫຼຸດລົງມາທີ່8.3%, ໃນຂະນະທີ່ ເດືອນເມສາຢູ່ລະດັບ11.1% ແລະເດືອນມີນາອັດຕາເງິນເຟີ້11.2%;
ສະພາບການສະໜອງຄວາມຕ້ອງການ ຊີ້ນ, ໄຂ່, ປາ ໃນປີຜ່ານມາ

ສະພາບການສະໜອງຄວາມຕ້ອງການ ຊີ້ນ, ໄຂ່, ປາ ໃນປີຜ່ານມາ

ໂດຍ: ສ.ບຸດປະຊາ ຄວາມຕ້ອງການ ຊີ້ນ, ໄຂ່, ປາ ໃນປີ 2024 ຢູ່ ຜ່ານມາ, ທົ່ວປະເທດ ແມ່ນມີຄວາມຕ້ອງການຊີ້ນ, ໄຂ່ ແລະ ປາທັງໝົດ 531,000 ໂຕນ ແລະ ຄວາມສາມາດໃນການສະໜອງ ມີ 786,000 ໂຕນ; ໃນນີ້, ຈາກການລ້ຽງເປັນຟາມ 282,000 ກວ່າໂຕນ (ເທົ່າກັບ 36%), ຈາກການລ້ຽງແບບຄອບຄົວ 503,000 ກວ່າໂຕນ (ກວມເອົາ 64%). ໂດຍລວມເຫັນວ່າພຽງພໍກັບຄວາມຕ້ອງການບໍລິໂພກ ເເລະ ຍັງເກີນຄວາມຕ້ອງການ 258.000 ກວ່າໂຕນ. ສໍາລັບໄຂ່ ແມ່ນຍັງບໍ່ພຽງພໍ 2.500 ກວ່າໂຕນ ຫຼື ເທົ່າກັບ (5%) ທີ່ຍັງບໍ່ພຽງພໍກັບຄວາມຕ້ອງການ.
ອັດຕາເງິນເຟີ້ເດືອນເມສາ 2025 ສືບຕໍ່ຫຼຸດລົງມາຢູ່ ທີ່ລະດັບ 11.1%

ອັດຕາເງິນເຟີ້ເດືອນເມສາ 2025 ສືບຕໍ່ຫຼຸດລົງມາຢູ່ ທີ່ລະດັບ 11.1%

ສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ ໄດ້ເຜີຍແຜ່ບົດລາຍງານສະພາບອັດຕາເງິນເຟີ້ ປະຈໍາເດືອນເມສາ 2025 ເມື່ອຕົ້ນເດືອນພຶດສະພານີ້ ໄດ້ໃຫ້ຮູ້ວ່າ: ອັດຕາເງິນເຟີ້ ເດືອນເມສາ 2025 ຢູ່ໃນລະດັບ 11.1% (ເດືອນມີນາ 2025 ຢູ່ໃນລະດັບ 11.2%). ໃນນັ້ນ, ໝວດສິນຄ້າທີ່ມີອັດຕາເງິນເຟີ້ເພີ່ມຂຶ້ນຫຼາຍກວ່າໝູ່ແມ່ນໝວດທີ່ພັກອາໄສ,
ທ່ານວິວັດ ພົມມະຈັນ ຕົວແບບໃນການສ້າງເສດຖະກິດຄອບຄົວ

ທ່ານວິວັດ ພົມມະຈັນ ຕົວແບບໃນການສ້າງເສດຖະກິດຄອບຄົວ

ໂດຍ: ແສງຈັນ ການສ້າງເສດຖະກິດຄອບຄົວ ໃຫ້ກາຍເປັນສິນຄ້າຢ່າງຍືນຍົງແລະ ເປັນມິດຕໍ່ສິ່ງແວດລ້ອມ ແມ່ນໜຶ່ງວຽກງານທີ່ພັກ, ລັດໃຫ້ຄວາມເອົາໃຈໃສ່ ທັງເປັນການຮັບປະກັນການຜະລິດໃຫ້ພຽງພໍ ກັບຄວາມຕ້ອງການຂອງສັງຄົມ.
ພຽງ 3 ເດືອນ ເສດຖະກິດແຂວງອັດຕະປື ຂະຫຍາຍຕົວ 2.81%

ພຽງ 3 ເດືອນ ເສດຖະກິດແຂວງອັດຕະປື ຂະຫຍາຍຕົວ 2.81%

ໃນໄລຍະ 3 ເດືອນຕົ້ນປີ 2025 ເສດຖະກິດຂອງແຂວງອັດຕະປື ມີການຂະຫຍາຍຕົວຢູ່ໃນລະດັບ 2.81% ຄິດເປັນມູນຄ່າຕາມລາຄາໃນປີ 1,922 ຕື້ກີບ ເທົ່າກັບ 24,5% ຂອງແຜນການ ທີ່ມະຕິສະພາຮັບຮອງ, ລວມຍອດຜະລິດຕະພັນພາຍໃນ ສະເລ່ຍຕໍ່ຫົວຄົນບັນລຸ 21.9 ລ້ານກີບ.
ລາວ-ຈີນ ຫາລືສົ່ງເສີມການສຶກສາ ແລະ ເສດຖະກິດ-ການຄ້າ

ລາວ-ຈີນ ຫາລືສົ່ງເສີມການສຶກສາ ແລະ ເສດຖະກິດ-ການຄ້າ

ອົງການປົກຄອງນະຄອນຫຼວງວຽງຈັນ ສປປ ລາວ ຮ່ວມກັບ ອົງການປົກຄອງແຂວງ ເສສວນ ສປ ຈີນ ຈັດກອງປະຊຸມເພື່ອປຶກສາຫາລື ສົ່ງເສີມ ແລະ ແລກປ່ຽນການສຶກສາ, ເສດຖະກິດ-ການຄ້າ ຢູ່ນະຄອນຫຼວງວຽງຈັນ ໂດຍມີ ທ່ານ ສີລິລາດທົງສິນ ທອງເພັງ ຮອງເຈົ້າຄອງນະຄອນຫຼວງວຽງຈັນ, ທ່ານ ນາງ ຊື ສຽວຫຼິນ ເຈົ້າແຂວງເສສວນ, ມີຜູ້ຕາງໜ້າຈາກກະຊວງທີ່ກ່ຽວຂ້ອງຂອງ ສປປ ລາວ, ພ້ອມດ້ວຍ ຄະນະກໍາມະການຮ່ວມມື ລາວ-ຈີນ ແຂວງເສສວນ, ນະຄອນຫຼວງວຽງຈັນ ແລະ ຜູ້ປະກອບການ, ນັກທຸລະກິດລາວ-ຈີນ ເຂົ້າຮ່ວມ.
ເສດຖະກິດ ເມືອງຫີນເຫີບຂະຫຍາຍຕົວ 6.78% ຕໍ່ປີ.

ເສດຖະກິດ ເມືອງຫີນເຫີບຂະຫຍາຍຕົວ 6.78% ຕໍ່ປີ.

ສະຫາຍ ໂອລົດ ສີສູນທອນ ຮອງເລຂາພັກ ຮອງເຈົ້າເມືອງຫີນເຫີບ ແຂວງວຽງຈັນໄດ້ຜ່ານບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IV (2020-2024) ແລະ ທິດທາງແຜນການ 5 ປີ ຄັ້ງທີ V (2025-2029)
ເພີ່ມເຕີມ