 |
ສະຫາຍ ສຸພິດ ອິນທະໂພທອງ ຄະນະປະຈໍາພັກເມືອງ ຮອງປະທານຄະນະກຳມະການປົກຄອງເມືອງ ໄດ້ກ່າວວ່າ: ໄລຍະຜ່ານມາຄະນະພັກ ໄດ້ເອົາໃຈໃສ່ວຽກງານສຶກສາອົບຮົມການເມືອງນຳພາແນວຄິດ ໃຫ້ສະມາຊິກພັກພະນັກງານ, ເຕົ້າໂຮມຄວາມສາມັກຄີເພື່ອພ້ອມກັນເຮັດສຳເລັດໜ້າທີ່ ໂດຍສະເພາະແມ່ນ ວຽກງານປ້ອງກັນຊາດ-ປ້ອງກັນຄວາມສະຫງົບ, ການພັດທະນາເສດຖະກິດ-ສັງຄົມ, ໄດ້ສຳເລັດການປະກາດສ້າງຕັ້ງ 3 ຕາແສງ ຕາມແນວທາງຂອງພັກ-ລັດວາງອອກ ແລະ ວຽກງານອື່ນໆກໍໄດ້ຮັບການປັບປຸງສຳເລັດເປັນແຕ່ລະບາດກ້າວ, ພ້ອມຍັງໄດ້ສືບຕໍ່ເສີມຂະຫຍາຍດ້ານດີ ແລະ ແກ້ໄຂຂໍ້ຄົງຄ້າງໃຫ້ບັນລຸຜົນສຳເລັດໃນຕໍ່ໜ້າ.
ກອງປະຊຸມຍັງໄດ້ຮັບຟັງການຜ່ານບົດສະຫຼຸບວຽກງານກໍ່ສ້າງພັກ-ພະນັກງານ ແລະ ການປົກຄອງໄລຍະ 5 ປີຜ່ານມາ, ຜ່ານແຜນລົງຕິດຕາມ, ຊຸກຍູ້ການກໍ່ສ້າງພັກປອດໃສ, ເຂັ້ມແຂງ ໜັກແໜ້ນ, ຜ່ານບົດການນໍາພາ-ຊີ້ນໍາວຽກງານແນວລາວສ້າງຊາດ ແລະ ອົງການຈັດຕັ້ງມະຫາຊົນ, ພ້ອມກັນນີ້, ບັນດາຜູ້ແທນກອງປະຊຸມໄດ້ພາກັນຄົ້ນຄ້ວາ, ປຶກສາຫາລື ແລະ ປະກອບຄຳເຫັນ ເພື່ອແລກປ່ຽນຖອດຖອນບົດຮຽນ, ຍົກໃຫ້ເຫັນບັນຫາ, ສະພາບການທີ່ພົ້ນເດັ່ນ ພ້ອມທັງຊອກຫາວິທີການແກ້ໄຂດ້ານອ່ອນ ແລະ ຂໍ້ຄົງຄ້າງໃນຕໍ່ໜ້າ.
ສະຫາຍ ວໍຣະສອນ ສີອັກຄະສອນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ບັນດາຂະແໜງການຂອງເມືອງຍາດມາໄດ້, ພ້ອມທັງຮຽກຮ້ອງມາຍັງບັນດາຄະນະບໍລິຫານງານພັກເມືອງ ແລະ ສະມາຊິກພັກທຸກຂັ້ນຈົ່ງພ້ອມກັນຍົກສູງຄວາມຮັບຜິດຊອບການເມືອງແນວຄິດ, ໃນຖັນແຖວສະມາຊິກພັກພະນັກງານ, ເຕົ້າໂຮມຄວາມສາມັກຄີ ເພື່ອພ້ອມກັນສືບຕໍ່ພັດທະນາ ເມືອງໝື່ນ ໃຫ້ຈະເລີນຮຸ່ງເຮືອງ, ເປັນເຈົ້າການເສີມຂະຫຍາຍຫົວຄິດປະດິດສ້າງ, ສຸມສະຕິປັນຍາເຂົ້າໃນການຄົ້ນຄວ້າ ແລະ ປະກອບຄຳເຫັນຢ່າງສົມເຫດສົມຜົນ, ສ້າງສັນ, ສາມາດນຳໄປຈັດຕັ້ງປະຕິບັດຢູ່ໃນກົມກອງ ຕາມຄວາມຮັບຜິດຊອບຂອງຕົນໃຫ້ເກີດຜົນເປັນຈິງ ແລະ ເຮັດໃຫ້ກອງປະຊຸມຄັ້ງນີ້ ບັນລຸຜົນສໍາເລັດຕາມລະດັບຄາດໝາຍທີ່ວາງໄວ້.
ພາບ-ຂ່າວ ນາງ ວັນນາ
ຄໍາເຫັນ