ໄດ້ນໍາເອົາກະຕາດອກໄມ້ໄປວາງຢູ່ທີ່ຕໍ່ໜ້າອະນຸສາວະລີປະທານ ໄກສອນ ພົມວິຫານ ນໍາພາໂດຍທ່ານ ຕັນ ວັນປະເສີດ ກໍາມະການປະຈໍາພັກເມືອງ ຮອງເຈົ້າເມືອງ ຜູ້ຊີ້ນໍາຂົງເຂດວັດທະນະທໍາ-ສັງຄົມ ເພື່ອລະນຶກເຖິ່ງຄຸນງາມຄວາມດີໃນການນໍາພາ, ການປະຕິວັດທີ່ສະຫຼາດສ່ອງໃສ ທັງເປັນຜູ້ນໍາທີ່ເເສນເຂົ້າລົບຮັກຂອງປວງຊົນລາວທັງຊາດ. ໃນວັນດຽວກັນນີ້ ຢູ່ທີສະໂມສອນຂອງເມືອງ ໄດ້ຈັດພິທີປະຖະກະຖາມູນເຊື່ອວັນດັ່ງກ່າວ, ໂດຍໃຫ້ກຽດເຂົ້າຮ່ວມຂອງທ່ານ ຕັນ ວັນປະເສີດ, ມີກໍາມະການປະຈໍາພັກເມືອງ, ກໍາມະການພັກເມືອງ, ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນພິທີສະເຫຼີມສະຫຼອງຄັ້ງນີ້, ຜູ້ເຂົ້າຮ່ວມໄດຮັບຊົມການສະແດງສິລະປະວັນນະຄະດີຈາກບັນດາໝ່ວດໂຮງຮຽນ. ຈາກນັ້ນ, ທ່ານ ຮອງເຈົ້າເມືອງ ໄດ້ຫວນຄືນປະຫັວດມູນຄວາມເປັນມາຂອງວັນຄູແຫ່ງຊາດຄົບຮອບ 30 ປີ ຊຶ່ງໄດ້ຍົກໃຫ້ເຫັນເຖິງປະຫວັດຄວາມເປັນມາຂອງນາຍຄູຄໍາທີ່ເປັນຄູຄົນທໍາອິດຂອງຄົນລາວພາຍຫຼັງສໍາເລັດການເຝິກອົບຮົມມາເຖິງວັນທີ 7 ຕຸລາ 1907 ທ້າວ ຄໍາ ໄດ້ເລີ່ມເປັນຄູສອນມື້ທໍາອິດ ຍ້ອນພວກລ່າເມືອງຂຶ້ນແບບເກົ່າເຫັນອິດທິພົນຂອງພະສົງ ໃນວຽກງານສືກສາຈຶ່ງໄດ້ຫັນນະໂຍບາຍເພື່ອຜັນຂະຫຍາຍໂຮງຮຽນ ໃຫ້ກ້ວາງອອກກ່ວາເກົ່າ ຊຶ່ງປະກອບມີພະສົງ 50 ກ່ວາອົງໄດ້ເຂົ້າຮຽນ ແລະ ທ້າວ ຄໍາ ກໍໄດ້ເປັນຄູສອນຢູ່ໂຮງຮຽນແຫ່ງດັ່ງກ່າວ ຍ້ອນມີຈິດໃຈຮັກຊາດຂອງນາຍຄູຄໍາ, ໃນເວລາສິດສອນຢູ່ໂຮງຮຽນສ້າງຄູສົງນາຍຄູຄໍາໄດ້ເອົາໃຈໃສ່ສຶກສາໃຫ້ພະສົງທີ່ຈະເປັນຄູ,.ຍ້ອນເຫັນໄດ້ຄຸນງາມຄວາມດີດັ່ງກ່າວ ລັດຖະບານຈຶ່ງໄດ້ກໍານົດເອົາວັນທີ 7 ຕຸລາເປັນວັນຄູແຫ່ງຊາດຂອງທຸກໆປີ.
(ຂ່າວ: ອຸດົມສຸກ ວັນສະໝອນ)
ຄໍາເຫັນ