ເມືອງນໍ້າບາກ ຈະສູ້ຊົນ ເຮັດ​ໃຫ້ GDP ​​ບັນ​ລຸ 1.605,17 ຕື້ກີບ

ເມືອງນໍ້າບາກ ຈະສູ້ຊົນ ເຮັດ​ໃຫ້ GDP ​​ບັນ​ລຸ 1.605,17 ຕື້ກີບ
ໃນປີ 2024 ນີ້, ເມືອງຈະສູ້ຊົນເຮັດໃຫ້ລວມຍອດຜະລິດຕະພັນພາຍໃນ (GDP) ໃຫ້ໄດ້ 1.605,17 ຕື້ກີບ ໃນນັ້ນດ້ານກະສິກຳໃຫ້ໄດ້ 842.87 ຕື້ກີບ, ອຸດສາຫະກຳ ແລະ ຫັດຖະກຳໃຫ້ໄດ້ 620.62 ຕື້ກີບ ແລະ ການບໍລິການໃຫ້ໄດ້ 141.68, ສະເລ່ຍລາຍຮັບຕໍ່ຫົວຄົນໃຫ້ໄດ້ 19,059,431 ກີບ/ຄົນ/ປີ, ອັດຕາການຂະຫຍາຍຕົວຂອງປະຊາຊົນໃຫ້ໄດ້ 1,6%.

ທ່ານ ສົມຫວັງ ພອນຄໍາວົງສາ ເຈົ້າເມືອງນໍ້າບາກ ແຂວງຫູວງພະບາງໃຫ້ຮູ້ວ່າ: ເພື່ອໃຫ້ບັນລຸຕາມແຜນການທີ່ວາງໄວ້, ເມືອງໄດ້ກໍານົດວຽກຈຸດສຸມສະພາະໜ້າຄື: ສືບຕໍ່ປະເມີນບົດສະເໜີໂຄງການຂະແໜງການຕ່າງໆ ໃຫ້ໄດ້ 4 ໂຄງການ, ອໍານວຍຄວາມສະດວກໃຫ້ແກ່ບໍລິສັດຕ່າງໆ ແລະ ນັກທຸລະກິດຜູ້ຕ້ອງການ ໃຫ້ຖືກຕ້ອງກ່ອນຈັດຕັ້ງປະຕິບັດ, ຕິດຕາມການລົງທຶນທັງພາຍໃນ ແລະ ຕ່າງປະເທດ, ຄຸ້ມຄອງບັນດາການລົງທຶນຂອງລັດ ແລະ ເອກະຊົນ; ລົງຈຸດກວດກາບ້ານປາກມອງ ເພື່ອຄຸ້ມຄອງ, ຕິດຕາມ, ກວດກາການຂົນສົ່ງສິນຄ້າ, ກວດກາການເກັບຊື້ເຄື່ອງປ່າຂອງດົງ, ຄິດໄລ່ເກັບຄ່າຊັບພະຍາກອນດິນດຳ, ດິນແດງ ແລະ ຫີນແຂງ ຂອງໂຮງງານຊີມັງຫຼວງພະບາງ ປະຈຳປີ 2024, ສົມທົບກັບຂະແໜງການທີ່ກ່ຽວຂ້ອງກວດກາ ແລະ ຊຸກຍູ້ບັນດາຂະແໜງການວິຊາການທີ່ມີລາຍຮັບມາມອບລາຍຮັບເຂົ້າງົບປະມານຕາມແຜນທີ່ວາງໄວ້; ສືບຕໍ່ເກັບລາຍຮັບເຂົ້າງົບປະມານໃຫ້ໄດ້ 10 ຕື້ກວ່າກີບ, ໃນນັ້ນ ສ່ວຍສາອາກອນໃຫ້ໄດ້ 8,36 ຕື້ກວ່າກີບ, ລາຍຮັບຄ່າທຳນຽມທີ່ດິນ 1,6 ຕື້ກວ່າກີບ, ລາຍຮັບຊັບສິນຂອງລັດໃຫ້ໄດ້ 45 ລ້ານກີບ, ສືບຕໍ່ຄຸ້ມຄອງລາຍຈ່າຍໃຫ້ຊັດເຈນ ແລະ ຖືກຕ້ອງຕາມຂໍ້ກໍານົດ, ລະບຽບການເງິນໃຫ້ຢູ່ໃນ 17,31 ຕື້ກວ່າກີບ.

ສໍາລັບການຜະລິດສະບຽງອາຫານ, ເມືອງນ້ຳບາກ ຈະສືບຕໍ່ຕິດຕາມຊຸກຍູ້ຊາວກະສິກອນປັກດຳເຂົ້ານາປີໃນເນື້ອທີ່ 3.335,02 ຮຕ, ສູ້ຊົນຜະລິດເຂົ້າໃຫ້ໄດ້ 23.917 ກວ່າໂຕນ, ຄາດຄະເນພົນລະເມືອງໃຫ້ໄດ້ຮັບເຂົ້າກິນສະເລ່ຍ 283 ກິໂລກຣາມຕໍ່ຄົນຕໍ່ປີ, ຄາດຄະເນວ່າຈະສະໜອງຊີ້ນ, ປາ ແລະ ໄຂ່ໃຫ້ໄດ້ສະເລ່ຍ 65 ກິໂລກຣາມຕໍ່ຄົນຕໍ່ປີ; ສູ້ຊົນປູກພືດລະດູຝົນໃຫ້ໄດ້ 5.015 ຮຕ ຄາດຄະເນຜົນຜະລິດໃຫ້ໄດ້ 34.905 ໂຕນ, ປູກໝາກກ້ຽງໃຫ້ໄດ້ 7 ຮຕ ແລະ ໄມ້ໃຫ້ ໝາກຊະນິດອື່ນໆໃຫ້ໄດ້ 3 ຮຕ; ຊຸກຍູ້ໃຫ້ມີຟາມລ້ຽງໄກ່ພັນຊີ້ນໃຫ້ໄດ້ 1 ຟາມ, ຟາມໄກ່ພັນໄຂ່ໃຫ້ໄດ້ 9 ຟາມ ແລະ ຟາມລ້ຽງເປັດພັນໄຂ່ໃຫ້ມີ 3 ຟາມ, ປ່ອຍປາໃຫ້ໄດ້ 39.417 ໂຕ; ສົ່ງສັດອອກໃຫ້ໄດ້ 1.100 ໂຕ ໃນນັ້ນ ງົວໃຫ້ໄດ້ 267 ໂຕ, ຄວາຍໃຫ້ໄດ້ 180 ໂຕ, ໝູໃຫ້ໄດ້ 600 ໂຕ; ສັກຢາກັນພະຍາດສັດລ້ຽງແຕ່ລະປະເພດໃຫ້ໄດ້ 373.500 ໂຕ, ງົວໃຫ້ໄດ້ 40.682 ໂຕ, ຄວາຍໃຫ້ໄດ້ 800 ໂຕ, ໝູໃຫ້ໄດ້ 8.800 ໂຕ, ແບ້ໃຫ້ໄດ້ 3.218 ໂຕ, ສັດປີກໃຫ້ໄດ້ 320.000 ໂຕ. ຄຽງຄູ່ກັນນີ້, ເມືອງຈະຈັດຕັ້ງກຸ່ມຜູ້ນຳໃຊ້ນໍ້າຊົນລະປະທານໃຫ້ໄດ້ 7 ໂຄງການ, ສືບຕໍ່ລົງສຳຫຼວດ-ອອກແບບຊົນລະປະທານໃຫ້ໄດ້ 2 ໂຄງການ, ສືບຕໍ່ສ້າງບ້ານພົ້ນທຸກໃຫ້ໄດ້ 2 ບ້ານ ແລະ ສ້າງບ້ານພັດທະນາໃຫ້ໄດ້ 11 ບ້ານ, ສ້າງຄອບຄົວພົ້ນທຸກໃຫ້ໄດ້ 251 ຄອບຄົວ ແລະ ຄອບຄົວພັດທະນາໃຫ້ໄດ້ 722 ຄອບຄົວ, ສ້າງບ້ານໃຫຍ່ໃຫ້ກາຍເປັນຕົວເມືອງໃນຊົນນະບົດ 1 ຈຸດ ຄື: ບ້ານປາກມອງ, ສືບຕໍ່ຈັດສັນເຕົ້າໂຮມບ້ານກິ່ວຈະລິ ໜ່ວຍລາວວາໃຫ້ມາຕັ້ງຕາມແຜນຂອງເມືອງ, ປະກາດບ້ານນໍ້າຖ້ວມໃຕ້ເປັນຕົວເມືອງນ້ອຍໃນຊົນນະບົດ ແລະ ປະກາດເມືອງນໍ້າບາກເປັນເມືອງພົ້ນທຸກ. ຂ່າວ: ຕະວິນຍານ

ຄໍາເຫັນ

ຂ່າວເສດຖະກິດ

ເສດຖະກິດ ເມືອງຫີນເຫີບຂະຫຍາຍຕົວ 6.78% ຕໍ່ປີ.

ເສດຖະກິດ ເມືອງຫີນເຫີບຂະຫຍາຍຕົວ 6.78% ຕໍ່ປີ.

ສະຫາຍ ໂອລົດ ສີສູນທອນ ຮອງເລຂາພັກ ຮອງເຈົ້າເມືອງຫີນເຫີບ ແຂວງວຽງຈັນໄດ້ຜ່ານບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IV (2020-2024) ແລະ ທິດທາງແຜນການ 5 ປີ ຄັ້ງທີ V (2025-2029)
ຍ້ອນການນໍາພາຂອງອົງຄະນະພັກເມືອງປະທຸມພອນ ເຮັດໃຫ້ເສດຖະກິດ ຂະຫຍາຍຕົວ 7,26%ຕໍ່ປີ.

ຍ້ອນການນໍາພາຂອງອົງຄະນະພັກເມືອງປະທຸມພອນ ເຮັດໃຫ້ເສດຖະກິດ ຂະຫຍາຍຕົວ 7,26%ຕໍ່ປີ.

ສະຫາຍ ວຽງສະໄໝ ສີລິພອນພັນ ກໍາມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆປະທຸມພອນ ແຂວງຈໍາປາສັກ ໃຫ້ສໍາພາດຕໍ່ສື່ທ້ອງຖິ່ນໃນວັນທີ 12 ກຸມພາຜ່ານມາວ່າ: ການນໍາພາຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ
ຮອດປີ 2029 ເມືອງຊະນະຄາມ ຈະສູ້ຊົນໃຫ້ເສດຖະກິດຂະຫຍາຍຕົວ 6,2% ຕໍ່ປີ

ຮອດປີ 2029 ເມືອງຊະນະຄາມ ຈະສູ້ຊົນໃຫ້ເສດຖະກິດຂະຫຍາຍຕົວ 6,2% ຕໍ່ປີ

ອົງຄະນະພັກເມືອງຊະນະຄາມ ແຂວງວຽງຈັນ ໄດ້ວາງຄາດໝາຍໃຫ້ເສດຖະກິດຂະຫຍາຍຕົວ 6,2% ຕໍ່ປີ ລວມຍອດລາຍຮັບພາຍໃນໃຫ້ໄດ້ 2,049 ຕື້ກວ່າກີບ, ລາຍຮັບຕໍ່ຫົວຄົນໃຫ້ໄດ້ 44 ລ້ານກວ່າກີບຕໍ່ຄົນຕໍ່ປີ,
ເສດຖະກິດ-ສັງຄົມຜົ້ງສາລີຂະຫຍາຍຕົວຢ່າງຕໍ່ເນື່ອງ

ເສດຖະກິດ-ສັງຄົມຜົ້ງສາລີຂະຫຍາຍຕົວຢ່າງຕໍ່ເນື່ອງ

ໂດຍ: ພູວັນ ພາຍໃຕ້ການຊີ້ນຳ-ນຳພາຂອງທ່ານ ຄຳຜອຍ ວັນນະສານ ກຳມະການສູນກາງພັກເລຂາພັກແຂວງ-ເຈົ້າແຂວງຜົ້ງສາລີ ເຮັດໃຫ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5ປີຄັ້ງທີ9ຂອງແຂວງສາມາດບັນລຸຕາມຄາດໝາຍທີ່ວາງໄວ້
ຜົນສໍາເລັດການພັດທະນາເສດຖະກິດ-ສັງຄົມ ບໍລິຄໍາໄຊ ປີ 2024 ຜ່ານມາ

ຜົນສໍາເລັດການພັດທະນາເສດຖະກິດ-ສັງຄົມ ບໍລິຄໍາໄຊ ປີ 2024 ຜ່ານມາ

ໂດຍ:ວັນໄຊ ຕະວິນຍານ ໃນວາລະດໍາເນີນກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນແຂວງບໍລິຄໍາໄຊ ຊຸດທີ II ໃນ ທ້າຍເດືອນທັນວາ ປີ 2024 ຜ່ານມາ, ທ່ານ ສອນທະນູ ທໍາມະວົງ ກໍາມະການສູນກາງພັກເຈົ້າແຂວງບໍລິຄໍາໄຊ
ສ້າງເສດຖະກິດຄອບຄົວຈາກການເພາະພັນລູກໝູຂາຍ ນອກໂມງການ

ສ້າງເສດຖະກິດຄອບຄົວຈາກການເພາະພັນລູກໝູຂາຍ ນອກໂມງການ

ພາຍຫຼັງທີ່ ພັກ-ລັດ ໄດ້ມີນະໂຍບາຍເປີດກວ້າງ ໃນການພັດທະນາເສດຖະກິດ-ສັງຄົມ ໂດຍສະເພາະແມ່ນການປຸກລະດົມຊຸກຍູ້ໃຫ້ພະນັກງານ ແລະ ປະຊາຊົນ ຫັນມາປູກຝັງ-ລ້ຽງສັດ ໃຫ້ຫຼາຍກາຍເປັນສິນຄ້າ
ເຂດພັດທະນາກວມລວມໄຊເສດຖາດຶງດູດການລົງທຶນຈາກພາຍໃນ-ຕ່າງປະເທດໄດ້ທັງໝົດ 155 ບໍລິສັດ

ເຂດພັດທະນາກວມລວມໄຊເສດຖາດຶງດູດການລົງທຶນຈາກພາຍໃນ-ຕ່າງປະເທດໄດ້ທັງໝົດ 155 ບໍລິສັດ

ເຂດພັດທະນາກວມລວມໄຊເຊດຖາ ເປັນເຂດຮ່ວມມື ລະຫວ່າງ 2 ລັດຖະບານ ລາວ-ຈີນ, ສາມາດດຶງດູດການລົງທຶນຈາກພາຍໃນ ແລະ ຕ່າງປະເທດ ໄດ້ທັງໝົດ 155 ບໍລິສັດ (ຕ່າງປະທດ 128 ບໍລິສັດ,
ປີ 2024 ເສດຖະກິດມະຫາພາກ ຂອງແຂວງໄຊສົມບູນ ຂະຫຍາຍຕົວໃນລະດັບ 7.3%

ປີ 2024 ເສດຖະກິດມະຫາພາກ ຂອງແຂວງໄຊສົມບູນ ຂະຫຍາຍຕົວໃນລະດັບ 7.3%

ທ່ານ ພອຍຄຳ ຮຸ່ງບຸນຍວງ ເຈົ້າແຂວງໄຊສົມບູນ ລາຍງານຕໍ່ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນ ແຂວງ ຊຸດທີ 2 ໃນວັນທີ 22 ມັງກອນຜ່ານມາວ່າ: ຕະຫຼອດໄລຍະປີ 2024 ຜ່ານມາ,
ປີ 2024 ເສດຖະກິດຂອງແຂວງຄໍາມ່ວນສືບຕໍ່ຂະຫຍາຍຕົວໃນລະດັບ 6.05%

ປີ 2024 ເສດຖະກິດຂອງແຂວງຄໍາມ່ວນສືບຕໍ່ຂະຫຍາຍຕົວໃນລະດັບ 6.05%

ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ລາຍງານຕໍ່ກອງປະຊຸມສະໄໝສາມັນເທື່ອທີ 8 ສະພາປະຊາຊົນແຂວງຄໍາມ່ວນ ຊຸດທີ II ໃນວັນທີ 21 ມັງກອນ 2025 ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ
ເພີ່ມເຕີມ