 |
ທ່ານນາງ ບຸນຖິນ ແກ່ນພົມມາ ຮອງເລຂາພັກເມືອງ ປະທານຄະນະກຳມະການປົກຄອງເມືອງໄດ້ກ່າວວ່າ:ຕາແສງໂຈະ ຕັ້ງຢູ່ບ້ານປະຈູດອນ ຕາມເສັ້ນທາງເລກທີ15B ຫ່າງຈາກຕົວເມືອງຕະໂອ້ຍ27 ກິໂລແມັດ,ເປັນເຂດພູດອຍທີ່ມີຊັບພະຍາກອນອຸດົມສົມບູນ ແລະ ເປັດຈຸດເຊື່ອມຕໍ່ເສດຖະກິດທີ່ສຳຄັນ,ພື້ນທີ່ດັ່ງກ່າວມີທ່າແຮງໂດດເດັ່ນທາງດ້ານການບໍລິການຕະຫຼາດກະສິກຳ, ການຂົ່ນສົ່ງສິນຄ້າ,ຜະລິດກະສິກຳປູກເຂົ້າ,ປູກພືດ,ລ້ຽງສັດ ແລະ ມີຊາຍແດນລາວ-ຫວຽດນາມ,ມີສະຖານທີ່ແຫຼ່ງທ່ອງທ່ຽວທຳມະຊາດ,ວັດທະນະທຳແລະ ຮີດຄອງປະເພນີທີ່ເປັນເອກະລັກ.
ຕາແສງ ໂຈະ ມີເນື້ອທີ່ທັງ 23,514 ເຮັກຕາ,ປະຊາຊົນສ່ວນຫລາຍມີອາຊີບຜະລິດກະສິກຳໂດຍສະເພາະ ປູກເຂົ້າ,ປູກພືດ,ປູກມັນຕົ້ນ,ລ້ຽງສັດ,ມີ13 ບ້ານຂຶ້ນກັບ,ມີພົນລະເມືອງ; 9,485 ຄົນ,ຍິງ4,834 ຄົນ,ມີ 1,857 ຄອບຄົວ,ມີ 1,523 ຫລັງຄາເຮືອນ,ປະກອບມີ: ຜົ່າປະໂກະ,ເຜົ່າຕະໂອ້ຍ,ເຜົ່າກະຕ່າງ ແລະ ເຜົ່າລາວລຸ່ມ.
ພ້ອມນັ້ນ,ກໍໄດ້ຜ່ານຂໍ້ຕົກລົງ ແລະ ດຳລັດວ່າດ້ວຍ:ການສ້າງຕັ້ງຕາແສງໂຈະ ພ້ອມທັງປະກາດແຕ່ງຕັ້ງທ່ານ ບຸນຫນາ ກາລະສິນເປັນປະທານຕາແສງ,ທ່ານ ເອິນພົມມະວົງສາຍ ແລະ ທ່ານ ເອັດ ແສງດາລາ ເປັນຮອງປະທານ ຕາແສງ.
ການສ້າງຕັ້ງຕາແສງໂຈະຄັ້ງນີ້ບໍ່ພຽງແຕ່ເປັນການຈັດຕັ້ງປະຕິບັດຕາມລະບຽບການເທົ່ານັ້ນແຕ່ຍັງເປັນການຍົກລະດັບການບໍລິຫານລັດໃຫ້ໃກ້ຊິດກັບປະຊາຊົນ ເພີ່ມປະສິດທິພາບໃນການພັດທະນາເສດຖະກິດ-ສັງຄົມໃຫ້ກ້າວໄປສູ່ຄວາມທັນສະໄໝ ແລະຍືນຍົງ.
ທ່ານນາງ ບຸນທະວີ ດວງລາສີໄດ້ມີຄຳເຫັນໂອ້ລົມ ແລະ ເນັ້ນຫນັກໃຫ້ຄະນະບໍລິຫານງານຕາແສງ ໂຈະ ຈົ່ງເພີ້ມທະວີຄວາມຮັບຜິດຊອບ,ມີຄວາມສາມັກຄີເອກະພາບ ແລະ ສຸ່ມທຸກສະຕິປັນຍາເຂົ້າໃນການພັດທະນາທ້ອງຖິ່ນ,ໃກ້ຊິດຕິດແທດກັບປະຊາຊົນ ເພື່ອຮ່ວມກັນສ້າງຕາແສງ ໂຈະ ໃຫ້ມີຄວາມສະຫງົບ,ສີວິໄລແລະເຂັ້ມແຂງຂຶ້ນເລື້ອຍໆ.
ພາບ-ຂ່າວ:ອ່ອນໃຈ ໄຊຍະແຮດ
ຄໍາເຫັນ