ພິທີປະກາດແຕ່ງຕັ້ງ ແລະ ຍົກຍ້າຍພະນັກງານນໍາພາຄຸ້ມຄອງ ເມືອງວຽງພູຄາແຂວງຫຼວງນໍ້າທາ ໄດ້ຈັດຂຶ້ນວັນທີ 10 ມີຖຸນາຜ່ານມາ ທີສະໂມສອນຂອງເມືອງ ໂດຍເຂົ້າຮ່ວມເປັນປະທານ ຂອງທ່ານ ພົນຕີ ຈັນສະແຫວງ ທິບຄູນທອງ ຮອງເລຂາພັກແຂວງ ປະທານຄະນະກວດກາພັກ- ຫົວໜ້າອົງການກວດກາລັດແຂວງ.
ທ່ານ ບຸນຊົງ ວ່າໄຊຍີ ເລຂາພັກເຈົ້າເມືອງເຈົ້າເມືອງວຽງພູຄາ ຂຶ້ນຜ່ານບົດລາຍງານຫຍໍ້່ການຈັດຕັ້ງປະຕິບັດວຽກງານໃນໄລຍະຜ່ານມາ. ຈາກນັ້ນ, ຄະນະຮັບຜິດຊອບຂັ້ນແຂວງ, ຂັ້ນເມືອງ ໄດ້ຜ່ານຂໍ້ຕົກລົງຂອງທ່ານເຈົ້າແຂວງ ເລກທີ 445 ແລະ 497/ຈຂ ວ່າດ້ວຍການແຕ່ງຕັ້ງ ຮັກສາການເຈົ້າເມືອງ ແລະ ຮັກສາການຮອງເຈົ້າເມືອງໆວຽງພູຄາ.ໃນນັ້ນ, ໄດ້ແຕ່ງຕັ້ງທ່ານ ພູມອນ ຄຸນສີລິເຮືອງ ຮອງເລຂາພັກເມືອງ ເປັນຮັກສາການເຈົ້າເມືອງ, ທ່ານ ສຸນີ ຄູນປະເສີດ ກໍາມະການປະຈໍາພັກເມືອງ ເປັນຮັກສາການຮອງເຈົ້າເມືອງ ຊີ້ນໍາວຽກງານເສດຖະກິດ.ຈາກນັ້ນ,ກໍຜ່ານຂໍຕົກລົງຂອງທ່ານເຈົ້າເມືອງເລກທີ 150, 151, 152, 153, 154, 155,156, ແລະ 157/ຈມ ວ່າດ້ວຍການແຕ່ງຕັ້ງຫົວໜ້າຄະນະຈັດຕັ້ງເມືອງ, ຫົວໜ້າໂຄສະນາອົບຮົມເມືອງ, ຫົວໜ້າຫ້ອງການຍຸຕິທໍາເມືອງ ແລະ ຫົວໜ້າຫ້ອງການສາທາລະນະສຸກເມືອງ, ຫົວໜ້າຫ້ອງການ ໂຍທາທິການ ແລະ ຂົນເມືອງ, ຫົວໜ້າອົງການກາແດງເມືອງ, ຜູ້ຮັກສາການຫົວໜ້າຫ້ອງວ່າການເມືອງ ແລະ ຮອງຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ. ຈາກນັ້ນ, ກໍໄດ້ມອບ-ຮັບໜ້າທີ່ ລະຫວ່າງ ເຈົ້າເມືອງຜູ້ເກົ່າ ແລະ ຜູ້ຮັກສາການເຈົ້າເມືອງປູ້ໃໝ່ ຢ່າງເປັນທາງການ.
(ພາບ-ຂ່າວ: ຄໍາປິງ)
ຄໍາເຫັນ