ທີ່ຫ້ອງວ່າການເມືອງ ໂດຍການເປັນປະທານຂອງສະຫາຍ ນາງ ບົວວົງ ສີຕັນ ກຳມະການພັກເມືອງ ເລຂາຄະນະບໍລິຫານງານຊາວໜຸ່ມເມືອງ, ໃຫ້ກຽດເຂົ້າຮ່ວມຂອງສະຫາຍ ໜູໄຊ ນໍກີຢາ ກໍາມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງ; ສະຫາຍ ເສນ ພັນລັກ ເລຂາພັກເມືອງ ວ່າການເຈົ້າເມືອງໄຊຍະບູລີ, ມີແຂກຖືກເຊີນ ແລະ ພາກສ່ວນກ່ຽວຂ້ງພາຍໃນເມືອງເຂົ້າຮ່ວມຢ່າງພ້ອມພຽງ.
ໃນກອງປະຊຸມ, ສະຫາຍ ນາງ ບົວວົງ ສີຕັນ ໄດ້ຂຶ້ນກ່າວເປີດກອງປະຊຸມ ພ້ອມທັງຜ່ານບົດລາຍງານການເມືອງທັງ 2 ພາກ, ບາງຕອນສະຫາຍກ່າວວ່າ: ຄະນະຊາວໜຸ່ມ ປະຊາຊົນປະຕິວັດລາວເມືອງໄຊຍະບູລີ ເປັນອົງການຈັດຕັ້ງມະຫາຊົນໜຶ່ງ ໃນລະບົບການເມືອງຂອງລະບອບ ປະຊາທິປະໄຕປະຊາຊົນ ຢູ່ພາຍໃຕ້ການຊນຳພາ-ຊີ້ນໍາຂອງອົງຄະນະພັກເມືອງ, ທົ່ວເມືອງມີໄວໜຸ່ມທັງໝົດ 33,685 ສະຫາຍ ຍິງ 17.120 ສະຫາຍ. ໃນນັ້ນ ເປັນສະມາຊິກຊາວໜຸ່ມ ປະຊາຊົນ ປະຕິວັດລາວ 3,391 ສະຫາຍ ຍິງ 2.058 ສະຫາຍ, ທົ່ວເມືອງມີ 5 ຄະນະຊາວໜຸ່ມຮາກຖານ 133 ໜ່ວຍ, 1 ຈຸຮ່ວມຊີວິດ, ມີຄະນະບໍລິຫານງານ 21 ສະຫາຍ ຍິງ 6 ສະຫາຍ. ຕະຫຼອດໄລຍະຜ່ານມາຄະນະບໍລິຫານງານຊາວໜຸ່ມເມືອງໄດ້ຖືເອົາວຽກງານສຶກສາອົບຮົບການເມືອງ - ແນວຄິດເປັນກົກ ເພື່ອແນໃສ່ເຮັດໃຫ້ຄະນະຊາວໜຸ່ມ, ສະມາຊິກຊາວໜຸ່ມ - ໄວໜຸ່ມ, ເຍົາວະຊົນໄດ້ຮັບຮູ້ເຊື່ອມຊຶມແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ໂດຍສະເພາະ ແມ່ນມະຕິກອງປະຊຸມໃຫຍ່ຂອງຊາວໜຸ່ມຂັ້ນຕ່າງໆ ມູນເຊື້ອຂອງຊາດ, ຂອງພັກ, ຂອງກອງທັບ, ຕັ້ງໜ້າຝຶກຝົນຫຼໍ່ຫຼອມ ແລະ ຮຽນເອົາຄຸນສົມບັດສິນທໍາປະຕິວັດ, ແບບແຜນດໍາລົງຊີວິດຂອງທ່ານຜູ້ນຳ ໂດຍຕິດພັນກັບຂໍ້ແຂ່ງຂັນ 4 ບຸກຂອງ ຄຊປປລ, ຂໍ້ແຂ່ງຂັນ 3 ດີ 4 ຮູ້, ຄໍາສອນ 6 ຮັກ 3 ຊັງ ຂອງເຍົາວະຊົນທັນວາ; ໄດ້ເຂົ້າຮ່ວມຮັບຟັງການເລົ່າມູນເຊື້ອວັນສຳຄັນຂອງຊາດ, ຂອງພັກ ທີ່ແຂວງ ແລະ ເມືອງໄດ້ຈັດຂຶ້ນ 87 ຄັ້ງ, ມີ 12,495 ສະຫາຍ; ໄດ້ຊຸກຍູ້ນໍາພາບັນດາຄະນະຊາວໜຸ່ມຮາກຖານ ແລະ ໜ່ວຍຮາກຖານຊາວໜຸ່ມດໍາເນີນກອງປະຊຸມໃຫຍ່ຂອງຕົນສຳເລັດ 100%, ໄດ້ຊຸກຍູ້ຕິດຕາມກວດກາການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ໃນແຕ່ລະປີເປັນປົກກະຕິ ມີຜູ້ເຂົ້າຮ່ວມປະເມີນທັງໝົດ 3,391 ເທື່ອສະຫາຍ, ຍີງ 2,058 ເທື່ອສະຫາຍ. ໃນນີ້ໄດ້ປະເພດແຂງ 2,970 ສະຫາຍ ຍິງ 1,853 ສະຫາຍ, ປະເພດກາງ 335 ສະຫາຍ ຍິງ 139 ສະຫາຍ. ຈາກນັ້ນ, ໃນກອງປະຊຸມກໍໄດ້ຮັບຟັງການປະກອບຄຳຄິດເຫັນຈາກບັນດາໜ່ວຍຊາວໜຸ່ມອ້ອມຂ້າງເມືອງ, ຕົວແບບຂອງສະມາຊິກຊາວໜຸ່ມໃນການປູກຝັງລ້ຽງສັດ; ຈາກນັ້ນ ຜູ້ແທນກອງປະຊຸມກໍໄດ້ໃຊ້ສິດປະຊາທິປະໄຕຂອງຕົນໃນການປ່ອນບັດຄັດເລືອກເອົາຄະນະບໍລິຫານງານຊຸດໃໝ່ຈຳນວນ 21 ສະຫາຍ; ກອງປະຊຸມຄັ້ງປະຖົມມະລືກໄດ້ເຫັນດີເປັນເອກະພາບເລືອກເອົາສະຫາຍ ນາງ ບົວວົງ ສີຕັນ ເປັນເລຂາຄະນະບໍລິຫານງານຊາວໜຸ່ມເມືອງ, ສະຫາຍ ນາງ ເຂັມມະລາ ຈີນດາມະນີ ເປັນຮອງ ທັງເປັນປະທານກວດກາ, ສະຫາຍ ເກດສະໜາ ພົມສະຫວັດ ເປັນຮອງ.
(ຂ່າວ-ພາບ: ສົມພົງ ສີສະຫັວດ)
ຄໍາເຫັນ